Asianet Suvarna News Asianet Suvarna News

Jio Hikes Prepaid Tariffs: ಏರ್ಟೆಲ್, ವೊಡಾಫೋನ್ ಬೆನ್ನಲ್ಲೇ ಜಿಯೋ ಗ್ರಾಹಕರಿಗೆ ಶಾಕ್: ರೀಚಾರ್ಜ್ ದರ ಹೆಚ್ಚಳ!

* ಏರ್‌ಟೆಲ್, ವೊಡಾಪೋನ್ ಪ್ರಿಪೇಯ್ಡ್ ರೀಚಾರ್ಜ್ ದರ ಹೆಚ್ಚಳ

* ಎರಡು ಟೆಲಿಕಾಂ ಕಂಪನಿಗಳ ಬೆನ್ನಲ್ಲೇ ದರ ಹೆಚ್ಚಳದ ಮೊರೆ ಹೋದ ಜಿಯೋ

* ಹೀಗಿದೆ ಜಿಯೋ ಹೊಸ ಪ್ಲಾನ್‌

Reliance Jio hikes prepaid tariffs by 20% effective December 1 pod
Author
Bangalore, First Published Nov 28, 2021, 9:19 PM IST
  • Facebook
  • Twitter
  • Whatsapp

ನವದೆಹಲಿ(ನ.11): ಏರ್‌ಟೆಲ್ ಮತ್ತು ವೊಡಾಫೋನ್ (Airtel And Vodafone) ತಮ್ಮ ಯೋಜನೆಗಳನ್ನು ದುಬಾರಿಗೊಳಿಸಿದ ನಂತರ, ಜಿಯೋ (Reliance Jio) ಕೂಡ ತಮ್ಮ ಪ್ರಸ್ತುತ ಯೋಜನೆಗಳನ್ನು (Prepaid Plans) ದುಬಾರಿಗೊಳಿಸಿದೆ. ಕಂಪನಿಯ ಹೊಸ ಯೋಜನೆಗಳು ಡಿಸೆಂಬರ್ 1, 2021 ರಿಂದ ಜಾರಿಗೆ ಬರಲಿದೆ. ಕಂಪನಿಯ ಅತ್ಯಂತ ಜನಪ್ರಿಯ ರೂ 555 ಪ್ಲಾನ್ ಈಗ ರೂ 666 ಆಗಿದ್ದರೆ, ರೂ 599 ಪ್ಲಾನ್ ಈಗ ರೂ 719 ಆಗಿದೆ. ಈ ಎರಡೂ ಯೋಜನೆಗಳ ಮಾನ್ಯತೆಯು 84 ದಿನಗಳವರೆಗೆ ಒಂದೇ ಆಗಿರುತ್ತದೆ. ಇದಲ್ಲದೆ, ಜಿಯೋ (Jio) ತನ್ನ ಎಲ್ಲಾ ಯೋಜನೆಗಳ ದರಗಳನ್ನು ಪರಿಷ್ಕರಿಸಿದೆ.

ಜಿಯೋ ಹೊಸ ಪ್ಲಾನ್ ಹೀಗಿದೆ

ಜಿಯೋದ 75 ರೂ ಪ್ಲಾನ್ ಈಗ ರೂ 91 ಆಗಿದೆ, ಇದರಲ್ಲಿ 29 ದಿನಗಳ ಮಾನ್ಯತೆ ಲಭ್ಯವಿದೆ. ಈ ಯೋಜನೆಯಲ್ಲಿ, ಪ್ರತಿ ತಿಂಗಳು 3GB ಡೇಟಾದೊಂದಿಗೆ ಅನಿಯಮಿತ ಕರೆ (Unlimited Calls) ಮತ್ತು 50 SMS ಸಹ ಲಭ್ಯವಿದೆ. ಈ ಹಿಂದೆ 129 ರೂಪಾಯಿ ಇದ್ದ ಪ್ಲಾನ್ ಖರೀದಿಸಲು 155 ರೂಪಾಯಿ ಪಾವತಿಸಬೇಕಾಗುತ್ತದೆ. ಇದರಲ್ಲಿ, 2GB ಡೇಟಾ, ಅನಿಯಮಿತ  ಕರೆಗಳು ಮತ್ತು 300 SMS ಪ್ರತಿ ತಿಂಗಳು ಲಭ್ಯವಿದೆ. ಅದೇ ರೀತಿ, ನೀವು ರೂ.149 ಪ್ಲಾನ್‌ಗೆ ರೂ.179 ಪಾವತಿಸಬೇಕಾಗುತ್ತದೆ, ಇದು ದಿನಕ್ಕೆ 1 ಜಿಬಿ ಡೇಟಾ, ಅನಿಯಮಿತ ಕರೆಗಳು ಮತ್ತು ದಿನಕ್ಕೆ 100 ಎಸ್‌ಎಂಎಸ್‌ಗಳನ್ನು 24 ದಿನಗಳ ಮಾನ್ಯತೆಯೊಂದಿಗೆ ನೀಡುತ್ತಿದೆ.

Airtel ಬೆನ್ನಲ್ಲೇ Vodafone ಕರೆ, ಇಂಟರ್ನೆಟ್‌ ದರ ಹೆಚ್ಚಳ!

ಇಲ್ಲಿಯವರೆಗೆ 199 ರೂಪಾಯಿಗೆ ಆಗುತ್ತಿದ್ದ ರೀಚಾರ್ಜ್‌ಗೆ ಈಗ ನೀವು 239 ರೂಪಾಯಿ ಪಾವತಿಸಬೇಕಾಗುತ್ತದೆ. ಇದರಲ್ಲಿ ದಿನಕ್ಕೆ 1.5 GB ಡೇಟಾ, ಅನಿಯಮಿತ ಕರೆ ಮತ್ತು ದಿನಕ್ಕೆ 100 SMS ಲಭ್ಯವಿದೆ. 249 ರೂ ರೀಚಾರ್ಜ್ ಈಗ ರೂ 299 ಗೆ ಲಭ್ಯವಿರುತ್ತವೆ. ಇದರಲ್ಲಿ ದಿನಕ್ಕೆ 2 GB ಡೇಟಾ, ಅನಿಯಮಿತ ಕರೆ ಮತ್ತು ದಿನಕ್ಕೆ 100 SMS ಲಭ್ಯವಿದೆ. ರೂ 399 ಗೆ 56 ದಿನಗಳ ವ್ಯಾಲಿಡಿಟಿಯ ಯೋಜನೆಯು ಈಗ 479 ರೂ ಗೆ ಲಭ್ಯವಿರುತ್ತದೆ. ಇದರಲ್ಲಿ ದಿನಕ್ಕೆ 1.5 GB ಡೇಟಾ, ಅನಿಯಮಿತ ಕರೆ ಮತ್ತು ದಿನಕ್ಕೆ 100 SMS ಲಭ್ಯವಿದೆ. 56 ದಿನಗಳ ವ್ಯಾಲಿಡಿಟಿಯ ಯೋಜನೆಯನ್ನು 444 ರೂಪಾಯಿಯಿಂದ 533 ರೂ.ಗೆ ಬದಲಾಯಿಸಲಾಗಿದೆ. ಇದರಲ್ಲಿ ದಿನಕ್ಕೆ 2 GB ಡೇಟಾ, ಅನಿಯಮಿತ ಕರೆ ಮತ್ತು ದಿನಕ್ಕೆ 100 SMS ಲಭ್ಯವಿದೆ.

84 ದಿನಗಳ ವ್ಯಾಲಿಡಿಟಿಯ 329 ರೂ ಯೋಜನೆಯನ್ನು 395 ರೂಪಾಯಿಗೇರಿಸಲಾಗಿದೆ. ಇದರಲ್ಲಿ ಒಟ್ಟು 6 GB ಡೇಟಾ, ಅನಿಯಮಿತ ಧ್ವನಿ ಮತ್ತು ಒಟ್ಟು 1000 SMS ಲಭ್ಯವಿದೆ. 84 ದಿನಗಳ ಮಾನ್ಯತೆಯೊಂದಿಗೆ ರೂ 555 ಯೋಜನೆಯು ಈಗ ರೂ 666 ಆಗಿದೆ, ಇದರಲ್ಲಿ ದಿನಕ್ಕೆ 1.5 ಜಿಬಿ ಡೇಟಾ, ಅನಿಯಮಿತ ಕರೆ ಮತ್ತು ದಿನಕ್ಕೆ 100 ಎಸ್‌ಎಂಎಸ್ ಲಭ್ಯವಿದೆ. 599 ರೂಗಳಿಗೆ 84 ದಿನಗಳ ವ್ಯಾಲಿಡಿಟಿಯ ಯೋಜನೆಯು ಈಗ ರೂ 719 ಆಗಿದೆ. ಇದರಲ್ಲಿ ದಿನಕ್ಕೆ 2 GB ಡೇಟಾ, ಅನಿಯಮಿತ ಕರೆ ಮತ್ತು ದಿನಕ್ಕೆ 100 SMS ಲಭ್ಯವಿದೆ.

Airtel ಗ್ರಾಹಕರಿಗೆ ಶಾಕ್: ನ.26 ರಿಂದ ಎಲ್ಲವೂ ಬದಲು!

ರೂ 1299 ಗೆ 336 ದಿನಗಳವರೆಗೆ ಸಿಗುತ್ತಿದ್ದ ಪ್ಲಾನ್ ಇನ್ಮುಂದೆ ಈಗ 1559 ರೂಪಾಯಿಗೆ ಲಭ್ಯವಿರುತ್ತದೆ. ಇದರಲ್ಲಿ ಒಟ್ಟು 24 ಜಿಬಿ ಡೇಟಾ, ಅನಿಯಮಿತ ಕರೆ ಮತ್ತು 3600 ಸಂದೇಶಗಳು ಲಭ್ಯವಿರುತ್ತವೆ. ರೂ 2399 ರ 365 ದಿನಗಳ ಯೋಜನೆಯು ಈಗ ರೂ 2879 ಕ್ಕೆ ಲಭ್ಯವಿರುತ್ತದೆ. ಇದರಲ್ಲಿ ದಿನಕ್ಕೆ 2 GB ಡೇಟಾ, ಅನಿಯಮಿತ ಧ್ವನಿ ಮತ್ತು ದಿನಕ್ಕೆ 100 SMS ಲಭ್ಯವಿದೆ.

Reliance Jio hikes prepaid tariffs by 20% effective December 1 pod

ಡೇಟಾ ಆಡ್-ಆನ್ ಯೋಜನೆ

ಇನ್ನು ಡೇಟಾ ಆಡ್-ಆನ್‌ಗಳ ಕುರಿತು ನೋಡುವುದಾದರೆ, 51 ರೂ ಆಡ್-ಆನ್ ರೂ 61 ಆಗಿ ಮಾರ್ಪಟ್ಟಿದೆ, ಇದರಲ್ಲಿ ಯಾವುದೇ ಮಾನ್ಯತೆ ಇಲ್ಲದೆ 6 ಜಿಬಿ ಡೇಟಾ ಲಭ್ಯವಿದೆ. ರೂ 101 ಪ್ಲಾನ್ ರೂ 121 ಆಗಿ ಮಾರ್ಪಟ್ಟಿದೆ. ಇದರಲ್ಲಿ ವ್ಯಾಲಿಡಿಟಿ ಇಲ್ಲದೇ 12 ಜಿಬಿ ಡೇಟಾ ದೊರೆಯುತ್ತದೆ. 30 ದಿನಗಳ ವ್ಯಾಲಿಡಿಟಿಯೊಂದಿಗೆ 251 ರೂಗಳಿಗೆ 50 ಜಿಬಿ ಡೇಟಾವನ್ನು ನೀಡುವ ಯೋಜನೆಯನ್ನು ಈಗ ರೂ 301 ಕ್ಕೆ ಇಳಿಸಲಾಗಿದೆ.

Follow Us:
Download App:
  • android
  • ios