ಉಪಗ್ರಹ ಚಿತ್ರದಲ್ಲಿ ಅಯೋಧ್ಯೆ ರಾಮಮಂದಿರ ನಿರ್ಮಾಣ ಸೆರೆ!
* ಶ್ರೀ ರಾಮ ಜನ್ಮಭೂಮಿಯಾದ ಅಯೋಧ್ಯೆಯಲ್ಲಿ ನಿರ್ಮಾಣವಾಗುತ್ತಿರುವ ರಾಮಮಂದಿರ
* ಉಪಗ್ರಹ ಚಿತ್ರದಲ್ಲಿ ಅಯೋಧ್ಯೆ ರಾಮಮಂದಿರ ನಿರ್ಮಾಣ ಸೆರೆ
* ಭೂಮಿಯನ್ನು ಅಗೆಯುವುದು ಮತ್ತು ಅವಶೇಷಗಳನ್ನು ಹೊರತೆಗೆಯುತ್ತಿರುವ ಚಿತ್ರಗಳು ಉಪಗ್ರಹಗಳಲ್ಲಿ ದಾಖಲು
ಅಯೋಧ್ಯೆ(ಜು.01): ಉತ್ತರ ಪ್ರದೇಶದ ಶ್ರೀ ರಾಮ ಜನ್ಮಭೂಮಿಯಾದ ಅಯೋಧ್ಯೆಯಲ್ಲಿ ನಿರ್ಮಾಣವಾಗುತ್ತಿರುವ ರಾಮಮಂದಿರದ ಕಾಮಗಾರಿಯು ಉಪಗ್ರಹ ಚಿತ್ರಗಳಲ್ಲಿ ಸೆರೆಯಾಗಿದೆ.
ಭವ್ಯ ರಾಮಮಂದಿರ ನಿರ್ಮಾಣಕ್ಕಾಗಿ ಅಯೋಧ್ಯೆಯಲ್ಲಿ ಭೂಮಿಯ ಅಗೆಯುವುದು, ಇಂಜಿನಿಯರ್‌ಗಳು ಮತ್ತು ಕಾರ್ಮಿಕರ ನೆರವಿನಿಂದ ಕಾಂಕ್ರೀಟ್‌ ಪದರಗಳ ರಚನೆ ಕಾರ್ಯವು ಭರದಿಂದ ಸಾಗಿದ್ದು, ಭೂಮಿಯನ್ನು ಅಗೆಯುವುದು ಮತ್ತು ಅವಶೇಷಗಳನ್ನು ಹೊರತೆಗೆಯುತ್ತಿರುವ ಚಿತ್ರಗಳು ಉಪಗ್ರಹಗಳಲ್ಲಿ ದಾಖಲಾಗಿವೆ.
ಒಟ್ಟಾರೆ 1.2 ಲಕ್ಷ ಚದರಡಿಯ ವ್ಯಾಪ್ತಿಯಲ್ಲಿ 40-45 ಕಾಂಕ್ರೀಟ್‌ ಲೇಯರ್‌ಗಳನ್ನು ನಿರ್ಮಿಸಲಾಗುತ್ತದೆ. ಈಗಾಗಲೇ 4 ಲೇಯರ್‌ಗಳು ಪೂರ್ಣವಾಗಿವೆ ಎಂದು ದೇಗುಲ ನಿರ್ಮಾಣ ಹೊಣೆ ಹೊತ್ತಿರುವ ಶ್ರೀ ರಾಮಜನ್ಮಭೂಮಿ ತೀರ್ಥಕ್ಷೇತ್ರ ಟ್ರಸ್ಟ್‌ ತಿಳಿಸಿದೆ.
