ಆನ್ಲೈನ್ ತರಗತಿಗಾಗಿ ಬೆಟ್ಟ ಹತ್ತಿದ್ದ ಬಾಲಕ ಉರುಳಿಬಿದ್ದು ಸಾವು
* ಆನ್ಲೈನ್ ತರಗತಿಯ ವೇಳೆ ಬೆಟ್ಟದ ಮೇಲಿಂದ ಬಿದ್ದು 13 ವರ್ಷದ ಆದಿವಾಸಿ ಬಾಲಕ ಮೃತ
* ಓಡಿಶಾ ರಾಜ್ಯದ ರಾಯಘಡ ಜಿಲ್ಲೆಯ ಪದ್ಮಾಪುರದಲ್ಲಿ ಘಟನೆ
* ಇಂಟರ್ನೆಟ್ಗಾಗಿ ಬಾಲಕ ಬೆಟ್ಟಹತ್ತಿದ್ದ ಸಮಯದಲ್ಲಿ ಈ ದುರ್ಘಟನೆ
ಭುವನೇಶ್ವರ(ಆ.19): ಆನ್ಲೈನ್ ತರಗತಿಯ ವೇಳೆ ಬೆಟ್ಟದ ಮೇಲಿಂದ ಬಿದ್ದು 13 ವರ್ಷದ ಆದಿವಾಸಿ ಬಾಲಕ ಮೃತ ಪಟ್ಟಿರುವ ದುರ್ಘಟನೆ ಓಡಿಶಾ ರಾಜ್ಯದ ರಾಯಘಡ ಜಿಲ್ಲೆಯ ಪದ್ಮಾಪುರದಲ್ಲಿ ನಡೆದಿದೆ.
ಅಂದ್ರಿಯಾ ಜಗರಂಗ ಮೃತ ದುರ್ದೈವಿ. ಆನ್ಲೈನ್ ತರಗತಿ ಕೇಳಲು ಇಂಟರ್ನೆಟ್ಗಾಗಿ ಬಾಲಕ ಬೆಟ್ಟಹತ್ತಿದ್ದ ಸಮಯದಲ್ಲಿ ಈ ದುರ್ಘಟನೆ ಸಂಭವಿಸಿದೆ. 8ನೇ ತರಗತಿ ಓದುತ್ತಿದ್ದ ವಿದ್ಯಾರ್ಥಿ ಇಂಟರ್ನೆಟ್ ಸಂಪರ್ಕಕ್ಕಾಗಿ ಬೆಟ್ಟದ ಮೇಲಿದ್ದ ಬಂಡೆಯ ಮೇಲೆ ಏರಿ ಕುಳಿತಿದ್ದ.
ಈ ಸಮಯದಲ್ಲಿ ಬಂಡೆ ಜಾರಿದ್ದರಿಂದ ಬಾಲಕ ಬೆಟ್ಟದಿಂದ ಉರುಳಿ ಬಿದ್ದಿದ್ದಾನೆ. ಆತನ ಎಡ ಕಾಲಿನ ಮೇಲೆ ಬಂಡೆ ಬಿದ್ದು ಗಾಯಗೊಂಡಿದ್ದ ಬಾಲಕನನ್ನು ಸ್ಥಳೀಯರು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ ಚಿಕಿತ್ಸೆಗೆ ಸ್ಪಂದಿಸದೇ ಆತ ಸಾವೀಗೀಡಾಗಿದ್ದಾನೆ.