ಉದಯಪುರ(ಡಿ.26): ಹಟ್ಟಿಯಲ್ಲೇ ಕುಳಿದು ಓದಿ ಬರಿಯುತ್ತಿದ್ದ ಹೈನುಗಾರನ ಮಗಳು ಮೊದಲ ಪ್ರಯತ್ನದಲ್ಲಿಯೇ ಯಶಸ್ಸು ಕಂಡು ಜಡ್ಜ್‌ನ ಸ್ಥಾನ ಅಲಂಕರಿಸೋಕೆ ಸಿದ್ಧಳಾಗಿದ್ದಾಳೆ. ಈಕೆಯ ಹೆಸರು ಸೋನಲ್ ಶರ್ಮಾ. 2018ರ ರಾಜಸ್ಥಾನ ಜುಡಿಷಿಯಲ್ ಸರ್ವಿಸ್ ಪರೀಕ್ಷೆಯನ್ನು ಮೊದಲ ಪ್ರಯತ್ನದಲ್ಲೇ ಪಾಸ್ ಮಾಡಿದ ಗಟ್ಟಿ ಹಳ್ಳಿ ಹುಡುಗಿ.

ಬಿಎ, ಎಲ್‌ಎಲ್‌ಬಿ, ಎಲ್‌ಎಲ್‌ಎಂನಲ್ಲಿ ಮೂರು ಗೋಲ್ಡ್ ಮೆಡಲ್ ಪಡೆದಿದ್ದಾಳೆ 26 ವರ್ಷದ ಯುವತಿ. ಒಂದು ವರ್ಷದ ಟ್ರೈನಿಂಗ್ ನಂತರ ಸೋನಲ್ ಶಮಾಧ ಇದೀಗ ರಾಜಸ್ಥಾನದ ಸೆಷನ್ಸ್ ಕೋರ್ಟ್‌ನಲ್ಲಿ ಫಸ್ಟ್ ಕ್ಲಾಸ್ ಮ್ಯಾಜಿಸ್ಟ್ರೇಟ್ ಆಗಿ ನೇಮಿಸಲ್ಪಟ್ಟಿದ್ದಾರೆ.

ವರ್ಕ್ ಫ್ರಮ್ ಹೋಮ್ ಮುಂದುವರಿಸಲು ರೆಡಿನಾ? ಅಧ್ಯಯನ ವರದಿಯ ಕುತೂಹಲ ಮಾಹಿತಿ ಪ್ರಕಟ!

ಹಸು ಸಾಕಿ ಜೀವನ ನಡೆಸೋ ಖ್ಯಾಲಿ ಲಾಲ್ ಶಾರ್ಮ ಅವರ ನಾಲ್ವರು ಮಕ್ಕಳಲ್ಲಿ ಎರಡನೇಯವಳು ಈಕೆ. ಬೆಳಗ್ಗೆ 4 ಗಂಟೆಗೆ ಈಕೆಯ ದಿನ ಶುರುವಾಗುತ್ತದೆ. ಹಾಲು ಕರೆದು, ಹಟ್ಟಿ ಗುಡಿಸಿ, ಸೆಗಣಿ ಒಟ್ಟು ಮಾಡಿ, ಹಾಲನ್ನು ಮಾರಾಟ ಮಾಡುತ್ತಾಳೆ. ಆರ್‌ಜೆಎಸ್ 2018ರ ಫಲಿತಾಂಶ ನವೆಂಬರ್ 2019ರಲ್ಲಿ ಬಂತು. ಸೋನಲ್ ವೈಟಿಂಗ್ ಲಿಸ್ಟ್‌ನಲ್ಲಿದ್ದಳು.

ಆಯ್ಕೆಯಾದ ಕೆಲವು ಅಭ್ಯರ್ಥಿಗಳು ಟ್ರೈನಿಂಗ್‌ಗೆ ಸೇರದಿದ್ದಾಗ, ವೈಟ್‌ ಲಿಸ್ಟ್‌ನಲ್ಲಿದ್ದ ಅಭ್ಯರ್ಥಿಗಳು ಬಂದು ಸೇರುವಂತೆ ರಾಜಸ್ಥಾನ ಸರ್ಕಾರ ಸೂಚನೆ ನೀಡಿತ್ತು. ಸೋನಾಲ್ ಆಯ್ಕೆಯ ಬಗ್ಗೆ ನಮಗೆ ವಿಶ್ವಾಸವಿತ್ತು. ಆದರೆ ಅವರು ಸಾಮಾನ್ಯ ಕಟಾಫ್ ಪಟ್ಟಿಯಲ್ಲಿ ಕೇವಲ ಒಂದು ಅಂಕ ಕಡಿಮೆಯಾಗಿತ್ತು ಮತ್ತು ವೈಟಿಂಗ್ ಪಟ್ಟಿಯಲ್ಲಿ ಸೇರಿಸಲಾಗಿತ್ತು ಎಂದಿದ್ದಾರೆ ಸೋನಾಲ್ ಅವರ ಮಾರ್ಗದರ್ಶಕ ಸತ್ಯೇಂದ್ರ ಸಿಂಗ್ ಸಂಖ್ಲಾ.

ನೀಟ್‌ ಪಾಸ್ ಮಾಡಿ 64ನೇ ವಯಸ್ಸಲ್ಲಿ MBBSಗೆ ಸೇರಿದ ವ್ಯಕ್ತಿ

ಆರ್‌ಜೆಎಸ್ 2018ಗೆ ಆಯ್ಕೆಯಾದ ಆದರೆ ಜಾಯಿನ್ ಆಗದಿದ್ದಾಗ ಸೋನಾಲ್ ಅವರಿಗೆ ತಿಳಿದು, ಆಕೆ ಸೆಪ್ಟೆಂಬರ್‌ನಲ್ಲಿ ರಾಜಸ್ಥಾನ ಹೈಕೋರ್ಟ್‌ಗೆ ರಿಟ್ ಸಲ್ಲಿಸಿದರು. ಖಾಲಿ ಇರುವ ಏಳು ಸ್ಥಾನಗಳಲ್ಲಿ ಒಂದನ್ನು ಸೇರಲು ಅವರು ಬುಧವಾರ ಹೈಕೋರ್ಟ್‌ನಿಂದ ಅಧಿಸೂಚನೆ ಪಡೆದರು.

ಸೋನಾಲ್ ಎಂದಿಗೂ ಕೋಚಿಂಗ್ ಅಥವಾ ಟ್ಯೂಷನ್ ತೆಗೆದುಕೊಳ್ಳಲಿಲ್ಲ. ಅವಳು ದುಬಾರಿ ಪುಸ್ತಕಗಳನ್ನು ಪಡೆಯಲು ಸಾಧ್ಯವಾಗದ ಕಾರಣ ಲೈಬ್ರರಿಯಲ್ಲಿ ಓದಲು ಬೇಗ ಕಾಲೇಜಿಗೆ ಹೋಗುತ್ತಿದ್ದಳು.

ವರ್ಕ್ ಫ್ರಮ್ ಹೋಮ್ ಮುಂದುವರಿಸಲು ರೆಡಿನಾ? ಅಧ್ಯಯನ ವರದಿಯ ಕುತೂಹಲ ಮಾಹಿತಿ ಪ್ರಕಟ!

ನಮಗೆ ಉತ್ತಮ ಶಿಕ್ಷಣ ನೀಡಲು ನನ್ನ ಪೋಷಕರು ಶ್ರಮಿಸಿದ್ದಾರೆ. ನಮ್ಮ ತಂದೆ ನಮಗೆ ಶಿಕ್ಷಣ ನೀಡುವ ವೆಚ್ಚವನ್ನು ಪೂರೈಸಲು ಹಲವಾರು ಸಾಲಗಳನ್ನು ತೆಗೆದುಕೊಂಡರು ಆದರೆ ಎಂದಿಗೂ ದೂರು ನೀಡಲಿಲ್ಲ. ಈಗ ನಾನು ಅವರಿಗೆ ಆರಾಮದಾಯಕ ಜೀವನವನ್ನು ನೀಡಬಲ್ಲೆ ”ಎಂದು ಸೋನಾಲ್ ಹೇಳಿದ್ದಾರೆ.

ಮೂಲೆಯಲ್ಲಿ ಇರಿಸಿದ ಖಾಲಿ ಎಣ್ಣೆ ಡಬ್ಬಗಳಿಂದ ಆಕೆಯ ಸ್ಟಡಿ ಟೇಬಲ್ ಮಾಡಲಾಗಿತ್ತು. "ಹೆಚ್ಚಿನ ಸಮಯ, ನನ್ನ ಚಪ್ಪಲಿಯಲ್ಲಿ ಹಸುವಿನ ಸಗಣಿ ಅಂಟಿರುತ್ತದೆ. ನಾನು ಶಾಲೆಯಲ್ಲಿದ್ದಾಗ, ನಾನು ಹಾಲುಕರೆಯುವ ಕುಟುಂಬದಿಂದ ಬಂದವಳೆಂದು ನನ್ನ ಸಹಪಾಠಿಗಳಿಗೆ ಹೇಳಲು ನನಗೆ ನಾಚಿಕೆಯಾಗುತ್ತಿತ್ತು. ಆದರೆ ಈಗ, ನನ್ನ ಹೆತ್ತವರ ಬಗ್ಗೆ ನನಗೆ ಹೆಮ್ಮೆ ಇದೆ ಎಂದಿದ್ದಾರೆ ಸೋನಲ್ .