ಮಹಿಳೆಯರಿಗೆ ಪಿಂಚಣಿ, 40 ಲಕ್ಷ ಉದ್ಯೋಗ ಸೃಷ್ಟಿ: ಎಲ್ಡಿಎಫ್ ಪ್ರಣಾಳಿಕೆ!
ಕೇರಳ ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಆಡಳಿತಾರೂಢ ಸಿಪಿಎಂ ನೇತೃತ್ವದ ಎಲ್ಡಿಎಫ್ ಪ್ರಣಾಳಿಕೆ ಬಿಡುಗಡೆ| ಮಹಿಳೆಯರಿಗೆ ಪಿಂಚಣಿ, 40 ಲಕ್ಷ ಉದ್ಯೋಗ ಸೃಷ್ಟಿ: ಎಲ್ಡಿಎಫ್ ಪ್ರಣಾಳಿಕೆ!
ತಿರುವನಂತಪುರ(ಮಾ.20): ಕೇರಳ ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಆಡಳಿತಾರೂಢ ಸಿಪಿಎಂ ನೇತೃತ್ವದ ಎಲ್ಡಿಎಫ್ ತನ್ನ ಪಕ್ಷದ ಚುನಾವಣಾ ಪ್ರಣಾಳಿಕೆ ಬಿಡುಗಡೆ ಮಾಡಿದೆ.
ಗುರುವಾರ ಸಿಪಿಎಂ ರಾಜ್ಯ ಕಾರ್ಯದರ್ಶಿ ಎ ವಿಜಯನ್‌, ಸಿಪಿಐ ಕಾರ್ಯದರ್ಶಿ ಕಣ್ಣನ್‌ ರಾಜೇಂದ್ರನ್‌ ಹಾಗೂ ಇತರ ಮುಖಂಡರ ಸಮ್ಮುಖದಲ್ಲಿ ಪ್ರಣಾಳಿಕೆಯನ್ನು ಬಿಡುಗಡೆ ಮಾಡಲಾಗಿದೆ. ಇದರಲ್ಲಿ ರಾಜ್ಯದ ಯುವಕರಿಗಾಗಿ 40 ಲಕ್ಷ ಹೊಸ ಉದ್ಯೋಗಗಳನ್ನು ಸೃಷ್ಟಿಸಲಾಗುತ್ತದೆ ಹಾಗೂ ಎಲ್ಲಾ ಕುಟುಂಬದ ಮಹಿಳೆಯರಿಗೆ ಪಿಂಚಣಿ ಯೋಜನೆ ನೀಡಲಾಗುತ್ತದೆ ಎಂದು ಉಲ್ಲೇಖಿಸಲಾಗಿದೆ.
- ಪ್ರತೀ ಕೇಜಿ ರಬ್ಬರ್‌ಗೆ 250 ರು. ಬೆಂಬಲ ಬೆಲೆ
- ಮೊಟ್ಟೆು, ಹಾಲು, ತರಕಾರಿಗೂ ಬೆಂಬಲ ಬೆಲೆ
- ಕರಾವಳಿಯ ಅಭಿವೃದ್ಧಿಗೆ 5000 ಕೋಟಿ ರು.
- ಸಾಮಾಜಿಕ ಭದ್ರತೆಯ ಪಿಂಚಣಿ 2500 ಕೋಟಿ ರು.
