ಮಾಲೀಕರ ಆಹಾರದಲ್ಲಿ ಮೂತ್ರ ಸೇರಸ್ತಿದ್ದು ಯಾಕೆ ಎಂಬುದರ ಸತ್ಯ ಬಿಚ್ಚಿಟ್ಟ ರೀನಾ? ಕಾರಣ ಕೇಳಿ ಎಲ್ಲರೂ ಶಾಕ್
ಎಂಟು ವರ್ಷಗಳಿಂದ ಮಾಲೀಕರ ಆಹಾರದಲ್ಲಿ ಮೂತ್ರ ಬೆರೆಸಿದ್ದಕ್ಕಾಗಿ ಮನೆಗೆಲಸದವಳನ್ನು ಬಂಧಿಸಲಾಗಿದೆ. ಮಾಲೀಕರ ಆರೋಗ್ಯ ಸಮಸ್ಯೆಗಳಿಂದಾಗಿ ಅನುಮಾನಗೊಂಡು ಅಡುಗೆಮನೆಯಲ್ಲಿ ಅಳವಡಿಸಿದ್ದ ಸಿಸಿಟಿವಿಯಲ್ಲಿ ಈ ಭಯಾನಕ ಸತ್ಯ ಬಯಲಾಗಿದೆ.
 )
Followಲಕ್ನೋ: ಎಂಟು ವರ್ಷದಿಂದ ಮಾಲೀಕರಿಗೆ ಮೂತ್ರ ಬೆರೆಸಿದ ಆಹಾರ ತಿನ್ನಿಸಿದ ಆರೋಪದಡಿ ರೀನಾ ಎಂಬಾಕೆಯನ್ನು ಪೊಲೀಸರು ಬಂಧಿಸಿದ್ದಾರೆ. ಮಾಲೀಕರು ಅಡುಗೆಮನೆಯ ಸಿಸಿಟಿವಿ ದೃಶ್ಯಾವಳಿ ಆಧರಿಸಿ ಮನೆಕೆಲಸದಾಕೆ ರೀನಾ ವಿರುದ್ಧ ದೂರು ದಾಖಲಿಸಿದ್ದರು. ದೂರಿನ ಅನ್ವಯ ಆರೋಪಿಯನ್ನು ಬಂಧಿಸಲಾಗಿದ್ದು, ತೀವ್ರ ವಿಚಾರಣೆಗೊಳಪಡಿಸಿದಾಗ ಪೊಲೀಸರ ಮುಂದೆ ಸತ್ಯವನ್ನು ಕಕ್ಕಿದ್ದಾಳೆ. ಉತ್ತರ ಪ್ರದೇಶದ ಗಾಜಿಯಾಬಾದ್‌ ನಗರದ ಕ್ರಾಸಿಂಗ್ ರಿಪಬ್ಲಿಕ್ ಪ್ರದೇಶದಲ್ಲಿರುವ ರಿಯಲ್ ಎಸ್ಟೇಟ್ ಉದ್ಯಮಿಯೊಬ್ಬರ ಮನೆಯಲ್ಲಿ ಎಂಟು ವರ್ಷಗಳಿಂದ ರೀನಾ ಅಡುಗೆಕೆಲಸ, ಸ್ವಚ್ಚತಾ ಸೇರಿದಂತೆ ಎಲ್ಲಾ ಕೆಲಸಗಳನ್ನು ಮಾಡಿಕೊಂಡಿದ್ದಳು. ರೀನಾ ಶಾಂತಿನಗರದ ನಿವಾಸಿ ಎಂದು ವರದಿಯಾಗಿದೆ. ಮೂತ್ರದಲ್ಲಿ ಹಿಟ್ಟನ್ನು ಕಲಿಸಿ ಅದರಿಂದ ಚಪಾತಿ ಮಾಡಿ ಉದ್ಯಮಿ ಮನೆಮಂದಿಗೆಲ್ಲಾ ತಿನ್ನಿಸುತ್ತಿದ್ದಳು.
ಕಳೆದ ಕೆಲವವು ತಿಂಗಳಿನಿಂದ ಉದ್ಯಮಿ ಹಾಗೂ ಆತನ ಕುಟುಂಬಸ್ಥರು ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆಗಳಿಂದ ಬಳಲುತ್ತಿದ್ದರು. ಕೆಲವರಿಗೆ ಲಿವರ್ ಸಮಸ್ಯೆ ಸಹ ಕಾಣಿಸಿಕೊಂಡಿತ್ತು ಎಂದು ವರದಿಯಾಗಿದೆ. ಹಲವು ವೈದ್ಯರನ್ನು ಸಂಪರ್ಕಿಸಿದರೂ ತಮ್ಮ ಕುಟುಂಬಸ್ಥರ ಅನಾರೋಗ್ಯಕ್ಕೆ ಕಾರಣ ಏನು ಎಂದು ತಿಳಿದು ಬಂದಿರಲಿಲ್ಲ. ವೈದ್ಯರೊಬ್ಬರು ನೀವು ಸೇವಿಸುವ ಆಹಾರದಲ್ಲಿಯೇ ವ್ಯತ್ಯಾಸ ಆಗುತ್ತಿರುವ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದರು. ಅನುಮಾನಗೊಂಡು ಅಡುಗೆಮನೆಯಲ್ಲಿ ಸಿಸಿಟಿವಿ ಕ್ಯಾಮೆರಾ ಅಳವಡಿಸಿದ್ದರು. ಈ ಕ್ಯಾಮೆರಾದಲ್ಲಿ ಮನೆಕೆಲಸದಾಕೆಯ ಹೊಲಸು ಕೆಲಸ ಬೆಳಕಿಗೆ ಬಂದಿತ್ತು.
ಸಿಸಿಟಿವಿ ಕ್ಯಾಮೆರಾದಲ್ಲಿ ರೀನಾ ಪಾತ್ರೆಯೊಂದರಲ್ಲಿ ಮೂತ್ರ ತಂದ ಅದರೊಳಗೆ ಹಿಟ್ಟು ಸೇರಿಸಿ ಕಲಿಸುತ್ತಿರುವ ದೃಶ್ಯಗಳು ಕಂಡು ಬಂದಿವೆ. ಈ ದೃಶ್ಯ ಕಂಡು ಆತಂಕಕ್ಕೊಳಗಾದ ಉದ್ಯಮಿ ಸ್ಥಳೀಯ ಪೊಲೀಸ್ ಠಾಣೆಗೆ ತೆರಳಿ ದೂರು ದಾಖಲಿಸಿದ್ದರು. ದೂರು ದಾಖಲಿಸಿಕೊಂಡ ಪೊಲೀಸರು ಅಕ್ಟೋಬರ್ 15ರಂದು ಶಾಂತಿನಗರದ ನಿವಾಸಿಯಾಗಿರೋ ರೀನಾಳನ್ನು ಬಂಧಿಸಿದ್ದಾರೆ.
ದೀರ್ಘಕಾಲದವರೆಗೆ ಮಹಿಳೆಯರು ಕನ್ಯೆಯಾಗಿ ಉಳಿದ್ರೆ ಈ ಸಮಸ್ಯೆಗೆ ಒಳಗಾಗುತ್ತಾರೆ!
ಮೂತ್ರ ಸೇರಿಸಿದ್ದು ಯಾಕೆ?
ಆರಂಭದಲ್ಲಿ ತನ್ನದೇನು ತಪ್ಪಿಲ್ಲ ಎಂದು ವಾದಿಸಿದ್ದಳು. ಸಿಸಿಟಿವಿ ದೃಶ್ಯ ತೋರಿಸಿದಾಗ ಸತ್ಯವನ್ನು ರೀನಾ ಒಪ್ಪಿಕೊಂಡಿದ್ದಾಳೆ. ಮನೆಯೊಡತಿ ರೀನಾ ಮೇಲೆ ಸದಾ ಕಣ್ಣಿಡುತ್ತಿದ್ದಳು. ಸಣ್ಣ ಸಣ್ಣ ತಪ್ಪಿಗೂ ಒಡತಿ ಬೈಯ್ಯುತ್ತಿದ್ದಳು. ಹಾಗಾಗಿ ಆಕೆ ಮೇಲಿನ ಕೋಪದಿಂದ ಆಹಾರದಲ್ಲಿ ಮೂತ್ರ ಬೆರೆಸುತ್ತಿದ್ದೆ ಎಂದು ರೀನಾ ಹೇಳಿದ್ದಾಳೆ. ಇಷ್ಟು ಸಣ್ಣ ವಿಷಯಕ್ಕೆ ಕುಟುಂಬ ಸದಸ್ಯರೆಲ್ಲಾ ಜೀವಕ್ಕೆ ಅಪಾಯ ತರುವ ಕೆಲಸವನ್ನು ಮಾಡಿದ ರೀನಾ ಇದೀಗ ಕಂಬಿ ಹಿಂದೆ ಸೇರಿದ್ದಾಳೆ.
ಮಹಿಳೆ ಆಹಾರದಲ್ಲಿ ಮೂತ್ರ ಬೆರೆಸುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಮಹಿಳೆಯ ಈ ನಡೆಗೆ ಸಾರ್ವಜನಿಕ ವಲಯದಲ್ಲಿ ಭಾರೀ ಆಕ್ರೋಶ ವ್ಯಕ್ತವಾಗಿದೆ. ಇದು ಜನರನ್ನು ಕೊಲ್ಲುವುದಾಗಿದ್ದು, ಆ ಮಹಿಳೆಗೆ ಸರಿಯಾದ ಶಿಕ್ಷೆ ಆಗಬೇಕು ಎಂದು ಆಗ್ರಹಿಸಿದ್ದಾರೆ. ಇಷ್ಟು ವರ್ಷ ಇಂತಹ ಆಹಾರ ಸೇವಿಸಿದ ಕುಟುಂಬದವರ ಸ್ಥಿತಿ ಏನಾಗಿರಬಹುದು ಅಂತ ಒಮ್ಮೆ ಯೋಚಿಸಿ. ಮನೆಯಲ್ಲಿ ಕೆಲಸಗಾರರನ್ನು ನೇಮಿಸಿಕೊಳ್ಳುವ ಮುನ್ನ ಮತ್ತು ನೇಮಕ ಮಾಡಿಕೊಂಡ ನಂತರ ಅವರ ಮೇಲೆ ನಿಗಾ ಇರಿಸಬೇಕು ಎಂದು ನೆಟ್ಟಿಗರು ಸಲಹೆ ನೀಡಿದ್ದಾರೆ. ಮಹಾನಗರಗಳಲ್ಲಿ ದುಡಿಯುವ ದಂಪತಿ ಇಡೀ ಮನೆಯನ್ನ ಮನೆಕೆಲಸದವರ ಮೇಲೆ ಬಿಟ್ಟು ಹೋಗುತ್ತಿರುತ್ತಾರೆ. ಇಂತಹ ಜನರು ತುಂಬಾನೇ ಎಚ್ಚರಿಕೆಯಿಂದಿರಬೇಕಾಗುತ್ತದೆ.
ವಧುವಿನ ಜೊತೆ ಕಾರ್‌ನಲ್ಲಿ ಶುರು ಹಚ್ಕೊಂಡು ವರ; ಮನೆ ತಲುಪೋವರೆಗಾದ್ರೂ ವೇಟ್ ಮಾಡು ಗುರು ಎಂದ ನೆಟ್ಟಿಗರು
घरेलू सहायिका पर आटे में पेशाब मिलाने आरोप
— Abhishek Tiwari (@abhishe_tiwary) October 16, 2024
गाजियाबाद के क्रॉसिंग रिपब्लिक की सोसायटी का मामला
घरेलू सहायिका पर दर्ज हुआ मुकदमा#Ghaziabad pic.twitter.com/eABAJPvRx7
