'ನೆರೆ' ಮನೆಯಲ್ಲಿ ಬೆಳ್ಳಿ, ಚಿನ್ನದ ನಾಣ್ಯ ಪತ್ತೆ!
ಹಳೆ ಮನೆ ತೆರವುಗೊಳಿಸುವ ವೇಳೆ ಬೆಳ್ಳಿ, ಚಿನ್ನದ ನಾಣ್ಯ ಪತ್ತೆ| ನೆರೆಯಿಂದ ಇವರ ಮನೆ ಕುಸಿದಿತ್ತು. ಹೊಸ ಮನೆ ಕಟ್ಟಿಸಿಕೊಳ್ಳಲು ಸರ್ಕಾರದಿಂದ 5 ಲಕ್ಷ ಪರಿಹಾರ ಮಂಜೂರು
ಹಾವೇರಿ[ಫೆ.04]: ಹಾನಗಲ್ಲ ತಾಲೂಕಿನ ವರ್ದಿ ಗ್ರಾಮದಲ್ಲಿ ನೆರೆಯಿಂದ ಕುಸಿದಿದ್ದ ಮನೆಯೊಂದನ್ನು ತೆರವುಗೊಳಿಸುವ ಸಂದರ್ಭದಲ್ಲಿ 169 ಬೆಳ್ಳಿ ನಾಣ್ಯ, 2 ಚಿನ್ನದ ನಾಣ್ಯಗಳು ಪತ್ತೆಯಾಗಿವೆ.
ಗ್ರಾಮದ ಲಕ್ಷ್ಮವ್ವ ಫಕೀರಪ್ಪ ಕುರುಬರ ಎಂಬವರ ಮನೆಯಲ್ಲಿ ಹಳೆ ಕಾಲದ ಈ ನಾಣ್ಯಗಳು ಪತ್ತೆಯಾಗಿವೆ. ನೆರೆಯಿಂದ ಇವರ ಮನೆ ಕುಸಿದಿತ್ತು. ಹೊಸ ಮನೆ ಕಟ್ಟಿಸಿಕೊಳ್ಳಲು ಸರ್ಕಾರದಿಂದ ಇವರಿಗೆ 5 ಲಕ್ಷ ಪರಿಹಾರ ಮಂಜೂರಾಗಿದ್ದು, ಹೊಸ ಮನೆ ಕಟ್ಟಲು ಬಿದ್ದ ಮನೆಯ ಮಣ್ಣನ್ನು ತೆರವುಗೊಳಿಸುವ ಕಾರ್ಯ ನಡೆದಿತ್ತು.
ಮಂಗಳವಾರ ಕಾರ್ಮಿಕರು ಅಗೆಯುತ್ತಿದ್ದಾಗ ನಾಣ್ಯಗಳು ಸಿಕ್ಕಿವೆ. ಅಕ್ಕಪಕ್ಕದವರೆಲ್ಲ ಸೇರಿ ಪರಿಶೀಲಿಸಿ ಪೊಲೀಸರಿಗೆ ಮಾಹಿತಿ ತಲುಪಿಸಿದರು. ಹಾನಗಲ್ಲ ಠಾಣೆ ಪೊಲೀಸರಿಗೆ ಸಿಕ್ಕ ನಾಣ್ಯಗಳನ್ನು ನೀಡಲಾಗಿದೆ.
Last Updated Mar 4, 2020, 4:47 PM IST
