ಸಗಣಿಯಿಂದ ಮಾಡಿದ ಸೂಟ್‌ಕೇಸ್‌ ಹಿಡಿದು ಬಜೆಟ್ ಮಂಡಿಸಲು ಬಂದ ಸಿಎಂ ಭೂಪೇಶ್ ಬಘೇಲ್
* ಇಂದು ಛತ್ತೀಸ್‌ಗಢ ರಾಜ್ಯದ ಬಜೆಟ್ ಮಂಡನೆ
* ಸಗಣಿಯಿಂದ ಮಾಡಿದ ಸೂಟ್‌ಕೇಸ್‌ ಹಿಡಿದು ಬಜೆಟ್ ಮಂಡಿಸಲು ಬಂದ ಸಿಎಂ ಭೂಪೇಶ್ ಬಘೇಲ್
* ಮಹಿಳಾ ಸ್ವಸಹಾಯ ಸಂಘ ಸಿದ್ಧಪಡಿಸಿದ ವಿಧಶೇಷ ಸೂಟ್‌ಕೇಸ್‌
Followರಾಯ್ಪುರ(ಮಾ.09): ಛತ್ತೀಸ್‌ಗಢ ಮುಖ್ಯಮಂತ್ರಿ ಭೂಪೇಶ್ ಬಘೇಲ್ ಇಂದು, ಬುಧವಾರ ವಿಧಾನಸಭೆಯಲ್ಲಿ ರಾಜ್ಯ ಬಜೆಟ್ ಮಂಡಿಸಿದರು. ಸಿಎಂ ಬಘೇಲ್ ಅವರು ರಾಜ್ಯ ಹಣಕಾಸು ಸಚಿವಾಲಯದ ಉಸ್ತುವಾರಿಯೂ ಆಗಿದ್ದಾರೆ. ಇನ್ನು ಬಜೆಟ್ ಮಂಡನೆಗೆ ತೆರಳುತ್ತಿದ್ದಾಗ ಬಘೇಲ್ ವಿಶೇಷ ಬ್ರೀಫ್ ಕೇಸ್ ಒಂದನ್ನು ತಂದಿದ್ದು, ಸದ್ಯ ಈ ವಿಚಾರ ಭಾರೀ ಸದ್ದು ಮಾಡುತ್ತಿದೆ. ಹೌದು ವಾಸ್ತವವಾಗಿ ಅವರು ತಂದಿದ್ದ ಸೂಟ್‌ಕೇಸ್‌ ಹಸುವಿನ ಸಗಣಿಯಿಂದ ತಯಾರಿಸಲಾಗಿದೆ ಎಂಬುವುದು ಉಲ್ಲೇಖನೀಯ. ಮುಖ್ಯಮಂತ್ರಿ ಬಘೇಲ್ ಬಜೆಟ್‌ಗೆ ಬಳಸುತ್ತಿದ್ದ ಬ್ರೀಫ್ಕೇಸ್ ಅನ್ನು ಹಸುವಿನ ಪುಡಿಯಿಂದ ತಯಾರಿಸಲಾಗಿದ್ದು, ಇದನ್ನು ಮಹಿಳಾ ಸ್ವಸಹಾಯ ಸಂಘ ಸಿದ್ಧಪಡಿಸಿದೆ.
ಈ ಸೂಟ್‌ಕೇಸ್‌ ಮೇಲೆ 'ಗೋಮಯ್ ಬಸ್ತೆ ಲಕ್ಷ್ಮಿ' ಎಂದು ಹಿಂದಿ ಅಕ್ಷರಗಳಲ್ಲಿ ಬರೆಯಲಾಗಿದೆ. ಈ ಮೂಲಕ ಲಕ್ಷ್ಮಿ ದೇವಿಯ ಸಂಕೇತವಾಗಿ, ಹಸುವಿನ ಸಗಣಿಯಿಂದ ಮಾಡಿದ ಬ್ರೀಫ್ಕೇಸ್ ಅನ್ನು ಬಳಸಿದ ದೇಶದ ಮೊದಲ ರಾಜ್ಯ ಎಂಬ ಹೆಗ್ಗಳಿಕೆಗೆ ಛತ್ತೀಸ್‌ಗಢ ಪಾತ್ರವಾಗಿದೆ. ಕಳೆದ ಒಂದು ವರ್ಷದಲ್ಲಿ ಛತ್ತೀಸ್‌ಗಢದಲ್ಲಿ ಹಸುವಿನ ಸಗಣಿಯಿಂದ ಅನೇಕ ರೀತಿಯ ಉತ್ಪನ್ನಗಳನ್ನು ತಯಾರಿಸಿದೆ ಎಂಬುವುದು ಗಮನಿಸಲೇಬೇಕಾದ ವಿಚಾರ. ಈ ಮೂಲಕ ಛತ್ತೀಸ್‌ಗಢ ತನ್ನ ರಾಜ್ಯದ ಮಹಿಳೆಯರನ್ನು ಸ್ವಾವಲಂಬಿಗಳನ್ನಾಗಿಸುವ ದಿಸೆಯಲ್ಲಿ ಬಹುದೊಡ್ಡ ಹೆಜ್ಜೆ ಇಡುತ್ತಿದೆ. ಈಗ ಭಾರತ ಸರ್ಕಾರವೂ ಈ ಯೋಜನೆಯಲ್ಲಿ ಕಾರ್ಯನಿರ್ವಹಿಸುತ್ತಿದೆ.
ಬಜೆಟ್ ಮಂಡಿಸಿದ ಸಿಎಂ, ಸರ್ಕಾರಿ ನೌಕರರಿಗೆ ಹಳೆಯ ಪಿಂಚಣಿ ಯೋಜನೆ ಮರುಸ್ಥಾಪಿಸಲು ಪ್ರಸ್ತಾಪಿಸಿದರು. ಇದರೊಂದಿಗೆ ಕೌಶಲ್ಯಾಭಿವೃದ್ಧಿ ಕಾರ್ಯಕ್ರಮಗಳ ಸಮನ್ವಯದಲ್ಲಿ ಉದ್ಯೋಗ ಸೃಷ್ಟಿಯ ಸಾಧ್ಯತೆಗಳ ಕುರಿತು ಕೆಲಸ ಮಾಡಲು ಛತ್ತೀಸ್‌ಗಢ ಉದ್ಯೋಗ ಮಿಷನ್‌ನಲ್ಲಿ ಎರಡು ಕೋಟಿ ರೂಪಾಯಿಗಳನ್ನು ಪ್ರಸ್ತಾಪಿಸಲಾಗಿದೆ.
ಬ್ರೀಫ್ಕೇಸ್ನ ವೈಶಿಷ್ಟ್ಯಗಳು
* ಬ್ರೀಫ್ಕೇಸ್ ಅನ್ನು ಹಸುವಿನ ಪುಡಿ, ಸುಣ್ಣದ ಪುಡಿ, ಮೈದಾ ಮರ ಮತ್ತು ಗೌರ್ ಗಮ್ ಮಿಶ್ರಣದಿಂದ ತಯಾರಿಸಲಾಗುತ್ತದೆ.
* ಈ ಒಂದು ಬ್ರೀಫ್ಕೇಸ್ ಮಾಡಲು 10 ದಿನಗಳನ್ನು ತಗುಲಿದೆ. ಕುಶಲಕರ್ಮಿಗಳು ಕಷ್ಟಪಟ್ಟು ಕೆಲಸ ಮಾಡಬೇಕಾಗಿತ್ತು.
* ಈ ಬ್ರೀಫ್ಕೇಸ್ನ ಹ್ಯಾಂಡಲ್ ಅನ್ನು ಕಲಾ ಕುಶಲಕರ್ಮಿಗಳು ಮಾಡಿದ್ದಾರೆ.
ಇದರ ಮಹತ್ವವೇನು?
* ಛತ್ತೀಸ್‌ಗಢದಲ್ಲಿ, ಹಸುವಿನ ಸಗಣಿಯನ್ನು ಲಕ್ಷ್ಮಿ ದೇವಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ.
* ಹಬ್ಬ ಹರಿದಿನಗಳಂದು ಮನೆಗಳಿಗೆ ಸಗಣಿ ಹೊದಿಸುವುದು ಸಂಪ್ರದಾಯ.
* ಅದಕ್ಕಾಗಿಯೇ ಬಜೆಟ್ ರೂಪದಲ್ಲಿ ಲಕ್ಷ್ಮಿ ಪ್ರತಿ ಮನೆಯನ್ನು ಪ್ರವೇಶಿಸಬೇಕು ಎಂಬುದು ವಿಶೇಷ ಬ್ರೀಫ್ಕೇಸ್ನ ಹಿಂದಿನ ಉದ್ದೇಶವಾಗಿತ್ತು.
* ಛತ್ತೀಸ್‌ಗಢ ಸರ್ಕಾರವು ಗೌಧನ್ ನ್ಯಾಯ್ ಯೋಜನೆಯನ್ನು ಸಹ ನಡೆಸುತ್ತಿದೆ. ಇದರಲ್ಲಿ ಜನರಿಂದ ಹಸುವಿನ ಸಗಣಿ ಖರೀದಿಸಲಾಗುತ್ತದೆ.
* ಗೌಧನ್ ನ್ಯಾಯ ಯೋಜನೆಯಡಿ ಸರ್ಕಾರವು ಹಸುವಿನ ಸಗಣಿ 2 ರೂ.ಗೆ ಕೆಜಿಗೆ ಖರೀದಿಸುತ್ತದೆ.
* ಛತ್ತೀಸ್‌ಗಢದಲ್ಲಿ ಅತಿ ಶೀಘ್ರದಲ್ಲಿ ಗೋವಿನ ಸಗಣಿಯಿಂದ ವಿದ್ಯುತ್ ಉತ್ಪಾದನೆ ಆರಂಭಿಸಲು ಸಿದ್ಧತೆ ನಡೆಸಲಾಗಿದೆ.
* ಒಂದು ಯೂನಿಟ್ ಹಸುವಿನ ಸಗಣಿ 85 ಕ್ಯೂಬಿಕ್ ಮೀಟರ್ ಅನಿಲವನ್ನು ಉತ್ಪಾದಿಸುತ್ತದೆ.
* ಈ ರೀತಿಯಾಗಿ, ಒಂದು ಕ್ಯೂಬಿಕ್ ಮೀಟರ್ ಹಸುವಿನ ಸಗಣಿಯಿಂದ ಗಂಟೆಗೆ 1.8 ಕಿಲೋವ್ಯಾಟ್ ವಿದ್ಯುತ್ ಉತ್ಪಾದಿಸಲಾಗುತ್ತದೆ.
* ಒಂದು ಘಟಕವು ಗಂಟೆಗೆ 153 kWh ವಿದ್ಯುತ್ ಉತ್ಪಾದಿಸುತ್ತದೆ.
* ಮೂರು ಗೋಶಾಲೆಗಳಲ್ಲಿ ಅಳವಡಿಸಿರುವ ಘಟಕಗಳಿಂದ ಗಂಟೆಗೆ ಸುಮಾರು 460 ಕಿಲೋವ್ಯಾಟ್ ಯೂನಿಟ್ ವಿದ್ಯುತ್ ಉತ್ಪಾದನೆಯಾಗಲಿದೆ.
