ಜುಲೈನಲ್ಲಿ ಹೆಚ್ಚಾಗಲಿದೆ ಡಿಎ? ಕೇಂದ್ರ ಸರ್ಕಾರಿ ನೌಕರರ ಸಂಬಳ ಮತ್ತೆ ಏರಿಕೆ..!
ಜುಲೈನಲ್ಲಿ ತುಟ್ಟಿಭತ್ಯೆ ಇನ್ನೂ ನಾಲ್ಕು ಪ್ರತಿಶತದಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ, ಇದು ಡಿಎಯನ್ನು ಶೇಕಡಾ 38 ಕ್ಕೆ ಏರಿಸಲಿದೆ.
ನವದೆಹಲಿ (ಮೇ.10): ಸರ್ಕಾರಿ ನೌಕರರಿಗೆ ಶೀಘ್ರದಲ್ಲೇ ಸಂಬಳದ (Salary) ಬಗ್ಗೆ ಒಳ್ಳೆಯ ಸುದ್ದಿ ಸಿಗುವ ನಿರೀಕ್ಷೆಯಿದೆ. ವರದಿಗಳ ಪ್ರಕಾರ ಜುಲೈ (July) ಅಥವಾ ಆಗಸ್ಟ್‌ನಲ್ಲಿ (August) ಕೇಂದ್ರವು ತುಟ್ಟಿಭತ್ಯೆ (ಡಿಎ) ನಲ್ಲಿ ಮತ್ತೊಂದು ಹೆಚ್ಚಳವನ್ನು ಘೋಷಿಸಬಹುದು. ಚಿಲ್ಲರೆ ಹಣದುಬ್ಬರದ ದತ್ತಾಂಶದ ಆಧಾರದ ಮೇಲೆ ಜನವರಿ ಮತ್ತು ಜುಲೈನಲ್ಲಿ ವರ್ಷಕ್ಕೆ ಎರಡು ಬಾರಿ ಡಿಎ (DA) ಮತ್ತು ಡಿಆರ್ ಅನ್ನು (DR) ಪರಿಷ್ಕರಿಸಲಾಗುತ್ತದೆ.
ಏಪ್ರಿಲ್ ತಿಂಗಳ ಚಿಲ್ಲರೆ ಹಣದುಬ್ಬರ ( retail inflation ) ಈ ವಾರ ಬಿಡುಗಡೆಯಾಗಲಿದೆ. ಮಾರ್ಚ್‌ನಲ್ಲಿ ಹಣದುಬ್ಬರವು ಫೆಬ್ರವರಿಯಲ್ಲಿ 6.1 ಶೇಕಡಾದಿಂದ ಶೇ.7ಕ್ಕೆ ಏರಿದೆ. ಇದು ಮುಖ್ಯವಾಗಿ ಆಹಾರ ಪದಾರ್ಥಗಳ ಏರಿಕೆಯಿಂದಾಗಿ ಜಿಗಿದಿದೆ. ತಿಂಗಳಲ್ಲಿ ಆಹಾರದ ಹಣದುಬ್ಬರವು ಫೆಬ್ರವರಿಯಲ್ಲಿ 5.85 ಶೇಕಡಾಕ್ಕೆ ಹೋಲಿಸಿದರೆ ಶೇಕಡಾ 7.68 ರಷ್ಟಿದೆ.
ವರದಿಗಳ ಪ್ರಕಾರ ತುಟ್ಟಿಭತ್ಯೆಯು ಜುಲೈನಲ್ಲಿ ಇನ್ನೂ ನಾಲ್ಕು ಪ್ರತಿಶತದಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ, ಇದು ಡಿಎಯನ್ನು ಶೇಕಡಾ 38 ಕ್ಕೆ ಏರಿಕೆಯಾಗಲಿದೆ. ಮಾರ್ಚ್‌ನಲ್ಲಿ, ಕೇಂದ್ರ ಸಚಿವ ಸಂಪುಟವು 7ನೇ ವೇತನ ಆಯೋಗದ ಅಡಿಯಲ್ಲಿ ತುಟ್ಟಿಭತ್ಯೆ (ಡಿಎ) ಯಲ್ಲಿ ಶೇಕಡಾ 3 ರಷ್ಟು ಹೆಚ್ಚಿಸಲು ಅನುಮೋದಿಸಿತು, ಹೀಗಾಗಿ ಡಿಎಯನ್ನು ಮೂಲ ಆದಾಯದ ಶೇಕಡಾ 34 ಕ್ಕೆ ತೆಗೆದುಕೊಂಡಿತು. ಈ ಕ್ರಮದಿಂದ 50 ಲಕ್ಷಕ್ಕೂ ಹೆಚ್ಚು ಸರ್ಕಾರಿ ನೌಕರರು ಮತ್ತು 65 ಲಕ್ಷ ಪಿಂಚಣಿದಾರರು ಲಾಭ ಪಡೆಯುತ್ತಿದ್ದಾರೆ.
"ಪ್ರಧಾನಿ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಚಿವ ಸಂಪುಟವು ಕೇಂದ್ರ ಸರ್ಕಾರಿ ನೌಕರರಿಗೆ ಹೆಚ್ಚುವರಿ ಕಂತು ತುಟ್ಟಿ ಭತ್ಯೆ (ಡಿಎ) ಮತ್ತು ಪಿಂಚಣಿದಾರರಿಗೆ ಡಿಆರ್‌ನೆಸ್ ರಿಲೀಫ್ (ಡಿಆರ್) ಬಿಡುಗಡೆ ಮಾಡಲು ಅನುಮೋದನೆ ನೀಡಿದೆ. ಜನವರಿ 1, 2022 ರಂದು, ಬೆಲೆ ಏರಿಕೆಯನ್ನು ಸರಿದೂಗಿಸಲು ಮೂಲ ವೇತನ/ಪಿಂಚಣಿಯ ಅಸ್ತಿತ್ವದಲ್ಲಿರುವ 31 ಪ್ರತಿಶತದ ದರಕ್ಕಿಂತ 3 ಪ್ರತಿಶತದಷ್ಟು ಹೆಚ್ಚಳವನ್ನು ಪ್ರತಿನಿಧಿಸುತ್ತದೆ' ಎಂದು ಪ್ರಧಾನ ಮಂತ್ರಿ ಕಚೇರಿ ಹೇಳಿಕೆಯಲ್ಲಿ ತಿಳಿಸಿದೆ.
ಸರ್ಕಾರ ಇತ್ತೀಚೆಗೆ ಡಿಎ ಮತ್ತು ಡಿಆರ್ ಅನ್ನು ಹೆಚ್ಚಿಸಿತ್ತು. ಜುಲೈ 2021 ರಿಂದ ಫ್ರೀಜ್ ಅನ್ನು ತೆಗೆದುಹಾಕಿದಾಗ, DA ಮತ್ತು DR ಮೂರು ಏರಿಕೆಗಳನ್ನು ಕಂಡಿದ್ದು, ಬಹುತೇಕ ದ್ವಿಗುಣಗೊಂಡಿದೆ. ತುಟ್ಟಿಭತ್ಯೆ ಸರ್ಕಾರಿ ನೌಕರರಿಗೆ ನೀಡಿದರೆ, ತುಟ್ಟಿಭತ್ಯೆ ಪಿಂಚಣಿದಾರರಿಗೆ ನೀಡಲಾಗುತ್ತದೆ. ಕೇಂದ್ರ ಸರ್ಕಾರವು ಜನವರಿ 1, 2020, ಜುಲೈ 1, 2020; ಮತ್ತು ಜನವರಿ 1, 2021ರ ಮೂರು ಕಂತುಗಳ DA ಮತ್ತು DR ಅನ್ನು ತಡೆಹಿಡಿದಿತ್ತು. ಕೋವಿಡ್ 19 ಕಾರಣದಿಂದಾಗಿ ತಡೆಹಿಡಿದಿತ್ತು. ಕಳೆದ ವರ್ಷ ಆಗಸ್ಟ್‌ನಲ್ಲಿ ರಾಜ್ಯಸಭೆಯಲ್ಲಿ ಕೇಳಿದ ಪ್ರಶ್ನೆಗೆ ಲಿಖಿತ ಉತ್ತರದಲ್ಲಿ ಡಿಎ ಮತ್ತು ಡಿಆರ್ ಅನ್ನು ಹಿಡಿದಿಟ್ಟುಕೊಳ್ಳುವುದರಿಂದ ಸುಮಾರು 34,402 ಕೋಟಿ ರೂಪಾಯಿ ಉಳಿತಾಯವಾಗಿದೆ ಎಂದು ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಹೇಳಿದ್ದರು.
Fixed Deposits:ವಿವಿಧ ಬ್ಯಾಂಕುಗಳಲ್ಲಿ ಸ್ಥಿರ ಠೇವಣಿ ಬಡ್ಡಿದರ ಎಷ್ಟಿದೆ? ಯಾವ ಬ್ಯಾಂಕಿನಲ್ಲಿ FD ಖಾತೆ ತೆರೆಯೋದು ಬೆಸ್ಟ್?
ಕೇಂದ್ರ ಸರ್ಕಾರವು ಜುಲೈ 2021 ರಲ್ಲಿ ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರಿಗೆ ಕ್ರಮವಾಗಿ DA ಮತ್ತು DR ಅನ್ನು ದೀರ್ಘ ವಿರಾಮದ ನಂತರ 17% ರಿಂದ 28% ಕ್ಕೆ ಹೆಚ್ಚಿಸಿತ್ತು. ಮತ್ತೆ, ಅಕ್ಟೋಬರ್ 2021 ರಲ್ಲಿ, ಕೇಂದ್ರ ಸರ್ಕಾರಿ ನೌಕರರು ತುಟ್ಟಿ ಭತ್ಯೆಯಲ್ಲಿ ಶೇಕಡಾ 3 ರಷ್ಟು ಏರಿಕೆ ಪಡೆದುಕೊಂಡಿದ್ದರು.
ಕೇಂದ್ರ ಸರ್ಕಾರಿ ನೌಕರರಿಗೆ ಬಂಬರ್: ತುಟ್ಟಿ ಭತ್ಯೆ ಹೆಚ್ಚಳಕ್ಕೆ ಕ್ಯಾಬಿನೆಟ್ ಗ್ರೀನ್‌ ಸಿಗ್ನಲ್!
ಆ ಬಳಿಕ ಜುಲೈ 2021ರ ಅನ್ವಯ ಕೇಂದ್ರ ಸರ್ಕಾರಿ ನೌಕರರ ಡಿಎ ಶೇ. 31ಕ್ಕೆ ಏರಿತ್ತು. ಈಗ ಜನವರಿ 2022ರ ಅನ್ವಯ ಡಿಎ ಹಾಗೂ ಡಿಆರ್ ಅನ್ನು ಶೇ. 34ಕ್ಕೆ ಏರಿಸಲಾಗುತ್ತದೆ. ಇದು ಹಿಂದಿನ ಡಿಎ ಹಾಗೂ ಡಿಆರ್ ರೇಟ್ ಗಿಂದ ಶೇ. 31ರಷ್ಟು ಆಗಿದೆ.
