Asianet Suvarna News Asianet Suvarna News

ಬ್ಲ್ಯಾಕ್‌ ಫಂಗ​ಸ್‌ ಭಾರೀ ಏರಿಕೆ: 3 ವಾರ​ದ​ಲ್ಲಿ 2,100 ಬಲಿ!

* ಕೊರೋನಾ ಬೆನ್ನಲ್ಲೇ ದೇಶವನ್ನು ಕಾಡುತ್ತಿದೆ ಬ್ಲ್ಯಾಕ್‌ ಪಂಗಸ್

* ದೇಶ​ದಲ್ಲಿ 20 ದಿನದಲ್ಲಿ 31,216 ಕೇಸ್‌ ಪತ್ತೆ

* ಸೋಂಕು ಪ್ರಮಾಣ ದಿಢೀರ್‌ ಶೇ.150 ಏರಿಕೆ

Black Fungus Cases Grow 150 pc In 3 Weeks To 31000 Deaths Over 2100 pod
Author
Bangalore, First Published Jun 12, 2021, 7:41 AM IST

ನವ​ದೆ​ಹ​ಲಿ(ಜೂ.12): ದೇಶ​ದಲ್ಲಿ ಕೊರೋನಾ 2ನೇ ಅಲೆ ತಗ್ಗುತ್ತಿರುವಾಗ ಮತ್ತೊಂದೆಡೆ ಸೋಂಕಿತರನ್ನು ಬಹುವಾಗಿ ಕಾಡುತ್ತಿರುವ ಬ್ಲ್ಯಾಕ್‌ ಫಂಗಸ್‌ ಪ್ರಕರಣಗಳಲ್ಲಿ ಭಾರೀ ಏರಿಕೆ ಕಂಡುಬರುತ್ತಿದ್ದು, ಆತಂಕಕ್ಕೆ ಕಾರಣವಾಗಿದೆ. ಕಪ್ಪು ಶಿಲೀಂಧ್ರ ಎಂದು ಕರೆ​ಯ​ಲ್ಪ​ಡುವ ಮ್ಯೂಕೋ​ರ್ಮೈಕೋ​ಸಿ​ಸ್‌​ನಿಂದಾಗಿ ಕಳೆದ 3 ವಾರ​ಗಳ​ಲ್ಲಿ ದೇಶ​ದೆ​ಲ್ಲೆ​ಡೆ 2,100ಕ್ಕೂ ಹೆಚ್ಚು ಮಂದಿ ಬಲಿ ಆಗಿದ್ದಾರೆ ಎಂಬ ಆಘಾ​ತ​ಕಾರಿ ಸಂಗತಿ ಹೊರ​ಬಿ​ದ್ದಿದೆ.

ಕಳೆದ 3 ವಾರದಲ್ಲಿ ದೇಶಾದ್ಯಂತ ವಿವಿಧ ರಾಜ್ಯಗಳಲ್ಲಿ 31,216 ಬ್ಲ್ಯಾಕ್‌ ಫಂಗಸ್‌ ಪ್ರಕ​ರ​ಣ​ಗಳು ಪತ್ತೆ ಆಗಿವೆ. ಸೋಂಕಿ​ತರ ಪೈಕಿ 2,109 ಮಂದಿ ಮೃತ​ಪ​ಟ್ಟಿ​ದ್ದಾ​ರೆ. ಈ ರೋಗದ ಚಿಕಿ​ತ್ಸೆಗೆ ಪ್ರಮು​ಖ​ವಾಗಿ ಬಳಕೆ ಆಗು​ತ್ತಿ​ರುವ ಆಂಪೊ​ಟೆರಿ​ಸಿನ್‌-ಬಿ ಔಷ​ಧದ ಕೊರ​ತೆ​ಯೇ ಸಾವಿನ ಸಂಖ್ಯೆ ಹೆಚ್ಚಳಕ್ಕೆ ಕಾರಣವಾಗುತ್ತಿದೆ ಎಂದ ತಜ್ಞರು ಕಳವಳ ವ್ಯಕ್ತಪಡಿಸಿದ್ದಾರೆ. 3 ವಾರಗಳ ಹಿಂದಿನ ಸಮಯಕ್ಕೂ ಕಳೆದ 3 ವಾರಕ್ಕೂ ಹೋಲಿಸಿ ನೋಡಿದರೆ ಸೋಂಕಿನ ಪ್ರಮಾಣದಲ್ಲಿ ಶೇ.150ರಷ್ಟುಮತ್ತು ಸಾವಿನ ಪ್ರಮಾಣದಲ್ಲಿ ಶೇ.50ರಷ್ಟುಹೆಚ್ಚಳವಾಗಿದೆ.

"

ದೇಶ​ದಲ್ಲೇ ಅತಿ ಹೆಚ್ಚು ಕೊರೋನಾ ಪ್ರಕ​ರ​ಣ​ಗಳು ಪತ್ತೆ ಆದ ಮಹಾ​ರಾ​ಷ್ಟ್ರ​ದಲ್ಲಿ ಇದು​ವ​ರೆಗೆ 7,057 ಬ್ಲ್ಯಾಕ್‌ ಫಂಗಸ್‌ ಪ್ರಕ​ರ​ಣಗಳು ದಾಖ​ಲಾ​ಗಿದ್ದು, 609 ಮಂದಿ ಮೃತ​ಪ​ಟ್ಟಿ​ದ್ದಾರೆ. ಉಳಿದಂತೆ ಗುಜರಾತ್‌ನಲ್ಲಿ 5418 ಕೇಸ್‌​, 323 ಸಾವು, ರಾಜ​ಸ್ಥಾ​ನ​ದಲ್ಲಿ 2976 ಕೇಸು, 128 ಸಾವು, ಕರ್ನಾಟಕದಲ್ಲಿ 2282 ಕೇಸು, 157 ಸಾವು, ಉತ್ತರ ಪ್ರದೇ​ಶ​ದಲ್ಲಿ 1744 ಕೇಸ್‌​, 142 ಸಾವು, ದೆಹ​ಲಿ​ಯಲ್ಲಿ 1200 ಕೇಸ್‌, 125 ಸಾವು ದಾಖಲಾಗಿದೆ.

Follow Us:
Download App:
  • android
  • ios