Ayodhya Ground Report: 'ವಿಐಪಿ ಆಗಿ ಬರಬೇಡಿ, ಎಲ್ಲರೂ ಭಕ್ತರಾಗಿ ಬನ್ನಿ..' ಆಹ್ವಾನ ಪತ್ರಿಕೆಯಲ್ಲಿದೆ ವಿಶೇಷ ಅಂಶ
ಏಷ್ಯಾನೆಟ್‌ ನ್ಯೂಸ್‌ ಟೀಮ್ ರಾಮಲಲ್ಲಾ ಪ್ರಾಣ ಪ್ರತಿಷ್ಠಾಪನೆ ಸಮಾರಂಭಕ್ಕೂ ಮುನ್ನ ಅಯೋಧ್ಯೆಗೆ ಆಗಮಿಸಿ ಅತಿಥಿಗಳನ್ನು ಸ್ವಾಗತಿಸಲು ಮಾಡಿರುವ ಸಿದ್ಧತೆಗಳನ್ನು ಪರಿಶೀಲಿಸಿದೆ. ಅಯೋಧ್ಯೆಗೆ ಬರಲು ನಿಮಗೂ ಆಮಂತ್ರಣ ಸಿಕ್ಕಿದ್ದಲ್ಲಿ, ಈ ಎಲ್ಲಾ ವಿಚಾರಗಳನ್ನು ಖಂಡಿತವಾಗಿ ನೆನಪಲ್ಲಿ ಇಟ್ಟುಕೊಳ್ಳಬೇಕು.
ಅಯೋಧ್ಯೆ (ಡಿ.16): ಶ್ರೀರಾಮ ಮಂದಿರದಲ್ಲಿ ರಾಮಲಲ್ಲಾನ ಪ್ರಾಣ ಪ್ರತಿಷ್ಠಾಪನೆ ಕಾರ್ಯಕ್ರಮಕ್ಕೆ ಸಿದ್ಧತೆಗಳು ಭರ್ಜರಿಯಾಗಿ ನಡೆಯುತ್ತಿವೆ. ಭಾರತ ಮತ್ತು ವಿದೇಶಗಳಿಂದ 4000 ಸಂತರು ಮತ್ತು 2500-3000 ಗಣ್ಯರಿಗೆ ಆಮಂತ್ರಣ ಪತ್ರಗಳನ್ನು ಈಗಾಗಲೇ ಕಳಿಸಲಾಗಿದೆ. ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ದೇಶದ ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ನ ಪ್ರಧಾನ ಕಾರ್ಯದರ್ಶಿ ಚಂಪತ್ ರೈ ಅವರು ಕಳುಹಿಸಿರುವ ಆಮಂತ್ರಣ ಪತ್ರದಲ್ಲಿ ಕೆಲವು ಪ್ರಮುಖ ಅಂಶಗಳನ್ನು ಒಳಗೊಂಡ ಮನವಿ ಪತ್ರವೂ ಇದೆ. ಅದನ್ನು ಅನುಸರಿಸಿದ ನಂತರವೇ ಅತಿಥಿಗಳು ಕಾರ್ಯಕ್ರಮಕ್ಕೆ ಪ್ರವೇಶ ಪಡೆದುಕೊಳ್ಳಲಿದ್ದಾರೆ.
ಪ್ರವೇಶ ಸುಲಭವಲ್ಲ: ಟ್ರಸ್ಟ್‌ನ ಪ್ರಧಾನ ಕಾರ್ಯದರ್ಶಿ ಚಂಪತ್ ರೈ ಮಾಡುವ ಮನವಿಯಂತೆ ಯಾವುದೇ ವಿಐಪಿ ಪ್ರೋಟೋಕಾಲ್‌ನಲ್ಲಿ ಬರಬಾರದು. ಇದರಿಂದ ಜನರಿಗೆ ಅನಾನುಕೂಲತೆ ಉಂಟಾಗಬಹುದು. ಎಲ್ಲರೂ ಭಕ್ತರಾಗಿ ಬಂದು ಇಲ್ಲಿಂದ ಸಂದೇಶ ತೆಗೆದುಕೊಂಡು ಹೋಗಬೇಕು. ಸಾಮಾನ್ಯ ಅಥವಾ ವಿವಿಐಪಿ ಯಾರೂ ಈ ಸಮಾರಂಭವನ್ನು ಸುಲಭವಾಗಿ ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ ಎನ್ನುವುದು ಇದರಿಂದ ಸ್ಪಷ್ಟವಾಗಿದೆ. ಚಂಪತ್ ರೈ ಅವರ ಸಂದೇಶವನ್ನು ವಿವರಿಸುತ್ತಾ, ವಿಎಚ್‌ಪಿಯ ಪ್ರಾಂತೀಯ ಮಾಧ್ಯಮ ಉಸ್ತುವಾರಿ ಶರದ್ ಶರ್ಮಾ ಅವರು 4000 ಸಂತರಿಗೆ ಆಮಂತ್ರಣಗಳನ್ನು ಕಳುಹಿಸಲಾಗಿದೆ ಎಂದು ಹೇಳಿದ್ದಾರೆ. 2500 ರಿಂದ 3000 ಪ್ರಮುಖ ಸಂದರ್ಶಕರು ಸಹ ಇದ್ದಾರೆ. ಅತಿಥಿಗಳು ಇಲ್ಲಿಗೆ ಬರಲೇಬೇಕು ಎಂಬುದು ಆಮಂತ್ರಣದಲ್ಲಿರುವ ವಿಶೇಷ. ಅವರ ವಸತಿ ಮತ್ತು ಊಟದ ವ್ಯವಸ್ಥೆ ಮಾಡಲಾಗಿದೆ. ಆದರೆ ರಾಮಲಲ್ಲಾನ ದರ್ಶನಕ್ಕೆ ಹೋದಾಗ ದೇವಸ್ಥಾನದ ಆವರಣದಲ್ಲಿ ಮೊಬೈಲ್, ಕ್ಯಾಮೆರಾ ಮುಂತಾದ ಯಾವುದೇ ವಸ್ತುಗಳನ್ನು ತೆಗೆದುಕೊಂಡು ಹೋಗಬೇಡಿ. ನಿಮ್ಮ ಕೈಗಳನ್ನು ಮುಕ್ತವಾಗಿರಿಸಿ ಮತ್ತು ದರ್ಶನ ಮಾಡಿ ಎಂದು ಮನವಿ ಮಾಡಲಾಗಿದೆ.
ಟ್ರಸ್ಟ್ ವತಿಯಿಂದ ಸಂದರ್ಶಕರು ಕಾರ್ಯಕ್ರಮದ ಸಮಯದಲ್ಲಿ ಯಾವ ವಸ್ತುಗಳನ್ನು ತಮ್ಮೊಂದಿಗೆ ಇಟ್ಟುಕೊಳ್ಳಬೇಕು ಮತ್ತು ಏನನ್ನು ಇಟ್ಟುಕೊಳ್ಳಬಾರದು ಎನ್ನುವ ಮಾಹಿತಿಯನ್ನೂ ನೀಡಲಾಗಿದೆ. ರಾಮಲಲ್ಲಾ ಭೇಟಿಯ ವೇಳೆ ನಿಮ್ಮ ಮಿತ್ರರು, ಆಪ್ತರು ಮತ್ತು ಪಿಎಗಳನ್ನು ಕರೆದುಕೊಂಡು ಬರದಂತೆ ದೊಡ್ಡ ಸಂತರಿಗೆ ಮನವಿ ಮಾಡಲಾಗಿದೆ. ಜನವರಿ 20ರ ಮಧ್ಯಾಹ್ನದೊಳಗೆ ಆಹ್ವಾನಿತರು ಅಯೋಧ್ಯೆಗೆ ಆಗಮಿಸಬೇಕು ಎಂದು ಸೂಚನೆ ನೀಡಲಾಗಿದೆ. ಜನವರಿ 22 ರಂದು ಬೆಳಿಗ್ಗೆ ಅಯೋಧ್ಯೆಗೆ ಬರುವ ಆಹ್ವಾನಿತ ಗಣ್ಯರಿಗೆ ರಾಮನಗರಿ ಪ್ರವೇಶಿಸುವುದು ಸೇರಿದಂತೆ ಯಾವುದೇ ವ್ಯವಸ್ಥೆ ಮಾಡುವುದು ಅಸಾಧ್ಯವಾಗಲಿದೆ. ಆಮಂತ್ರಣ ಪತ್ರಿಕೆಯಲ್ಲಿರುವ ಇಂತಹ ಕೆಲವು ಅಂಶಗಳ ಮೂಲಕ ಅತಿಥಿಗಳಿಗೆ ಏನು ಮಾಡಬೇಕು, ಏನು ಮಾಡಬಾರದು ಎಂದು ತಿಳಿಸಲಾಗಿದೆ.
ಮಂದಿರ ಪ್ರವೇಶಿಸುವಾಗ ಈ ವಿಷಯಗಳನ್ನು ನೆನಪಿನಲ್ಲಿಟ್ಟುಕೊಳ್ಳಬೇಕು: ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ನ ಪ್ರಧಾನ ಕಾರ್ಯದರ್ಶಿ ಚಂಪತ್ ರೈ ಕಳುಹಿಸಿರುವ ಆಮಂತ್ರಣ ಪತ್ರಿಕೆಯಲ್ಲಿ ಆಹ್ವಾನಿತರು ತಮ್ಮ ಆಧಾರ್ ಕಾರ್ಡ್ ಅನ್ನು ತಮ್ಮ ಬಳಿ ಇಟ್ಟುಕೊಳ್ಳಬೇಕು ಎಂದು ತಿಳಿಸಲಾಗಿದೆ. ಕಾರ್ಯಕ್ರಮ ನಡೆಯುವ ಸ್ಥಳಕ್ಕೆ ಮೊಬೈಲ್, ಪರ್ಸ್ ಕೊಂಡೊಯ್ಯಲು ಸಾಧ್ಯವಾಗುವುದಿಲ್ಲ. ಬೆಳಗ್ಗೆ 11 ಗಂಟೆಗೆ ಸ್ಥಳವನ್ನು ಪ್ರವೇಶಿಸಬೇಕು. ಪ್ರಾಣ ಪ್ರತಿಷ್ಠಾ ಸಮಾರಂಭವು 3 ಗಂಟೆಗಳಿಗೂ ಹೆಚ್ಚು ಕಾಲ ಇರುತ್ತದೆ. ಸ್ಥಳವನ್ನು ತಲುಪಲು ಮತ್ತು ಹಿಂತಿರುಗಲು ಒಬ್ಬರು ಕಿಲೋಮೀಟರ್ ವರೆಗೆ ನಡೆಯಬೇಕಾಗಬಹುದು. ಅನಾರೋಗ್ಯದಿಂದ ಬಳಲುತ್ತಿರುವ, ನಡೆಯಲು ಸಾಧ್ಯವಾಗದ ಅಥವಾ ವಯಸ್ಸಾದ ಜನರು ಈ ದಿನದಂದು ಬರದೇ ಇದ್ದರೆ ಒಳ್ಳೆಯದು ಎಂದು ತಿಳಿಸಲಾಗಿದೆ. ಅವರು ಫೆಬ್ರವರಿ ತಿಂಗಳಲ್ಲಿ ಯಾವಾಗ ಬೇಕಾದರೂ ದರ್ಶನ ಪಡೆಯಬಹುದು ಎಂದು ವಿನಂತಿಸಲಾಗಿದೆ.
Ayodhya Ground Report: ರಾಮಲಲ್ಲಾನ ಸಾರ್ವಜನಿಕ ದರ್ಶನ ಯಾವಾಗ ಆರಂಭ? ಇಲ್ಲಿದೆ ಡೀಟೇಲ್ಸ್‌
ಮಕ್ಕಳಿಗೆ ಪ್ರವೇಶವಿಲ್ಲ: ಆಮಂತ್ರಣ ಪತ್ರಿಕೆ ಪಡೆದವರು ಮಾತ್ರವೇ ದೇವಸ್ಥಾನಕ್ಕೆ ಪ್ರವೇಶಿಸಬಹುದು. ಅವರ ಜೊತೆ ಬಂದವರು ಹೊರಗಡೆಯೇ ಇರಬೇಕಾಗುತ್ತದೆ. ಗಣ್ಯರ ಭದ್ರತಾ ಸಿಬ್ಬಂದಿ ಸ್ಥಳಕ್ಕೆ ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ. ಪ್ರಾಣ ಪ್ರತಿಷ್ಠಾಪನೆಯ ದಿನ ಮಕ್ಕಳಿಗೆ ಪ್ರವೇಶ ಇರೋದಿಲ್ಲ. ಪ್ರಧಾನಿ ನರೇಂದ್ರ ಮೋದಿ ಅವರು ದೇವಾಲಯದ ಆವರಣದಿಂದ ನಿರ್ಗಮಿಸಿದ ನಂತರ, ಆಹ್ವಾನಿತರು ಒಬ್ಬೊಬ್ಬರಾಗಿ ರಾಮಲಲ್ಲಾ ದರ್ಶನವನ್ನು ಹೊಂದಲು ಸಾಧ್ಯವಾಗುತ್ತದೆ. ಈವೆಂಟ್‌ಗೆ ಮೊದಲು ಆಹ್ವಾನಿತರಿಗೆ ಲಿಂಕ್ ಅನ್ನು ಕಳುಹಿಸಲಾಗುತ್ತದೆ. ನೀವು ಆ ಲಿಂಕ್‌ನಿಂದ ಮೊಬೈಲ್ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬೇಕು ಮತ್ತು ನೋಂದಣಿ ಫಾರ್ಮ್ ಅನ್ನು ಭರ್ತಿ ಮಾಡಿ ಮತ್ತು ಅದನ್ನು ಸಲ್ಲಿಸಬೇಕು ಎಂದು ತಿಳಿಸಲಾಗಿದೆ.
Ayodhya Ground Report: 6 ಟೆಂಟ್‌ ಸಿಟಿಯಲ್ಲಿ 15 ಸಾವಿರ ಅತಿಥಿಗಳ ವಾಸ, ಫೈವ್‌ ಸ್ಟಾರ್‌ ಹೋಟೆಲ್‌ನಂತಿದೆ ಈ ಸಿಟಿ!
