ಕೊರೋನಾ ಸೋಂಕು ಆತಂಕಕಾರಿಯಾಗಿ ಏರಿಕೆ| ಕೇರಳದಿಂದ ವಿಮಾನದಲ್ಲಿ ನರ್ಸ್ಗಳ ಕರೆಸಿಕೊಂಡ ತೆಲಂಗಾಣ ಆಸ್ಪತ್ರೆಗಳು!| ತೆಲಂಗಾಣದಲ್ಲಿ ನಿತ್ಯ ಕನಿಷ್ಠ 1000 ಕೊರೋನಾ ಸೋಂಕು ಪ್ರಕರಣಗಳು ಪತ್ತೆ
ಹೈದರಾಬಾದ್: ಕೊರೋನಾ ಸೋಂಕು ಆತಂಕಕಾರಿಯಾಗಿ ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಹೈದರಾಬಾದ್ನ ಎರಡು ಖಾಸಗಿ ಆಸ್ಪತ್ರೆಗಳು ಕೇರಳದ ತಿರುವನಂತಪುರಂನಿಂದ 50 ನರ್ಸ್ಗಳನ್ನು ವಿಮಾನದ ಮೂಲಕ ಕರೆಸಿಕೊಂಡಿವೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ತೆಲಂಗಾಣದಲ್ಲಿ ನಿತ್ಯ ಕನಿಷ್ಠ 1000 ಕೊರೋನಾ ಸೋಂಕು ಪ್ರಕರಣಗಳು ಪತ್ತೆಯಾಗುತ್ತಿದ್ದು ಬಹುತೇಕ ಖಾಸಗಿ ಆಸ್ಪತ್ರೆಗಳು ರೋಗಿಗಳಿಂದ ಭರ್ತಿಯಾಗಿವೆ. ಈ ಹಿನ್ನೆಲೆಯಲ್ಲಿ ತರಬೇತಿ ಹೊಂದಿದ ನರ್ಸ್ಗಳ ಕೊರತೆ ಉಂಟಾಗಿದೆ. ಹೀಗಾಗಿ ನರ್ಸ್ಗಳಿಗೆ ದುಪ್ಪಟ್ಟು ವೇತನ ನೀಡಲೂ ಆಸ್ಪತ್ರೆಗಳು ಸಿದ್ಧವಾಗಿವೆ.
ಕಾಂಗ್ರೆಸ್ ಹಿರಿಯ ನಾಯಕನಿಗೂ ತಗುಲಿದ ಕೊರೋನಾ ಸೋಂಕು..!
‘ಕಾರ್ಪೋರೇಟ್ ಆಸ್ಪತ್ರೆಯೊಂದು ನರ್ಸ್ಗಳನ್ನು ಒದಗಿಸುವಂತೆ 10-15 ಬಾರಿ ಕರೆ ಮಾಡುತ್ತಿದೆ. ತಿಂಗಳಿಗೆ 45000-50000 ವೇತನ ನೀಡುವುದಾಗಿಯೂ ಹೇಳುತ್ತಿವೆ. ವಾಸ್ತವವಾಗಿ ಇದು ಮಾಮೂಲಿ ವೇತನಕ್ಕಿಂತ ಮೂರು ಪಟ್ಟು ಅಧಿಕ’ ಎಂದು ತೆಲಂಗಾಣದ ನರ್ಸಿಂಗ್ ಆಫೀಸರ್ಸ್ ಅಸೋಸಿಯೇಷನ್ ಸಾಮಾನ್ಯ ಕಾರ್ಯದರ್ಶಿ ಲಕ್ಷ್ಮಣ್ ರುದಾವತ್ ತಿಳಿಸಿದ್ದಾರೆ.
