ಇಂಧನ ದರ ಏರಿಕೆ ಖಂಡಿಸಲು ಮಮತಾ ಸ್ಕೂಟರ್‌ ರೈಡ್‌!
ವಿದ್ಯುತ್‌ ಚಾಲಿತ ದ್ವಿಚಕ್ರ ವಾಹನ ಚಲಾಯಿಸಿದ ಮಮತಾ ಬ್ಯಾನರ್ಜಿ| ಇಂಧನ ದರ ಏರಿಕೆ ಖಂಡಿಸಲು ಮಮತಾ ಸ್ಕೂಟರ್‌ ರೈಡ್‌!
ಕೋಲ್ಕತಾ(ಫೆ.26): ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ವಿದ್ಯುತ್‌ ಚಾಲಿತ ದ್ವಿಚಕ್ರ ವಾಹನವನ್ನು ಖುದ್ದಾಗಿ ತಾವೇ ಚಾಲನೆ ಮಾಡುವ ಮೂಲಕ ಇಂಧನ ದರ ಏರಿಕೆ ವಿರುದ್ಧ ವಿಶೇಷ ಪ್ರತಿಭಟನೆ ನಡೆಸಿದರು.
ಗುರುವಾರ ಬೆಳಗ್ಗೆ ಬ್ಯಾನರ್ಜಿ ಅವರು ತಮ್ಮ ನಿವಾಸದಿಂದ 7 ಕಿ. ಮೀ ದೂರದ ವಿಧಾನಸೌಧಕ್ಕೆ ವಿದ್ಯುತ್‌ ಚಾಲಿತ ಸ್ಕೂಟರ್‌ನಲ್ಲಿ ಹಿಂಬದಿ ಸವಾರರಾಗಿ ತೆರಳಿದರು. ಆದರೆ ವಿಧಾನಸೌಧದಿಂದ ಹಿಂದಿರುಗುವಾಗ ಎಲೆಕ್ಟ್ರಿಕ್‌ ಚಾಲಿತ ಸ್ಕೂಟರ್‌ ಅನ್ನು ಬ್ಯಾನರ್ಜಿ ಅವರು ತಾವೇ ಚಾಲನೆ ಮಾಡಿದರು.
ಈ ವೇಳೆ ‘ಪೆಟ್ರೋಲ್, ಡೀಸೆಲ್ ಮತ್ತು ಅಡುಗೆ ಅನಿಲ ದರವೂ ಭಾರೀ ಏರಿಕೆ ಕಂಡಿದೆ. ಆದರೆ ನಿಮ್ಮ ಬಾಯಲ್ಲಿ ಏನಿಟ್ಟುಕೊಂಡಿದ್ದೀರಿ’ ಎಂಬ ಸ್ಲೋಗನ್‌ ಇರುವ ಬ್ಯಾನರ್‌ ಅನ್ನು ತಮ್ಮ ಕುತ್ತಿಗೆಗೆ ನೇತು ಹಾಕಿಕೊಂಡಿದ್ದರು.
Last Updated Feb 26, 2021, 9:47 AM IST
