ಭಾರತಕ್ಕೆ ಆಗಮಿಸುವ ಆಫ್ಘಾನಿಸ್ತಾನ ನಾಗರೀಕರಿಗೆ 6 ತಿಂಗಳ ವೀಸಾ; ಕೇಂದ್ರ ಸರ್ಕಾರ!
- ತಾಲಿಬಾನ್ IS-K ಉಗ್ರರ ಅಟ್ಟಹಾಸಕ್ಕೆ ನಲುಗಿದ ಆಫ್ಘಾನಿಸ್ತಾನ
- ದೇಶ ತೊರೆಯಲು ಕಾಬೂಲ್ ವಿಮಾನ ನಿಲ್ದಾಣ ಹೊರಗೆ ನೂಕು ನುಗ್ಗಲು
- ಭಾರತಕ್ಕೆ ಆಗಮಿಸುವವರಿಗೆ 6 ತಿಂಗಳ ವೀಸಾ ಘೋಷಿಸಿದ ಕೇಂದ್ರ
ನವದೆಹಲಿ(ಆ.27): ನರಕ ದೇಶ ಆಫ್ಘಾನಿಸ್ತಾನ ತೊರೆಯಲು ಅಮಾಯಕ ಜನ ಹಾತೊರೆಯುತ್ತಿದ್ದಾರೆ. ಕಾಬೂಲ್ ವಿಮಾನ ನಿಲ್ದಾಣದ ಚಿತ್ರಣ ಮನಕಲುಕುವಂತಿದೆ. ಇದರ ನಡುವೆ ಬಾಂಬ್ ದಾಳಿಗೆ ಪ್ರಾಣತೆತ್ತವರ ಸಂಖ್ಯೆ ಏರಿಕೆಯಾಗುತ್ತಲೆ ಇದೆ. ಈ ಸಂದಿಗ್ಧ ಪರಿಸ್ಥಿತಿಯಲ್ಲಿ ಭಾರತ ಇದುವರೆಗೆ 550 ಮಂದಿಯನ್ನು ಆಫ್ಘಾನಿಸ್ತಾನದಿಂದ ಭಾರತಕ್ಕೆ ಕರೆ ತಂದಿದೆ. ಇದೀಗ ಕೇಂದ್ರ ಸರ್ಕಾರ ಭಾರತಕ್ಕೆ ಆಗಮಿಸುವ ಆಫ್ಘಾನಿಸ್ತಾನ ನಾಗರೀಕರಿಗೆ 6 ತಿಂಗಳ ವೀಸಾ ನೀಡಲಾಗುವುದು ಎಂದಿದೆ.
ಕಾಶ್ಮೀರ ಕೈವಶ ಮಾಡಲು ತಾಲಿಬಾನ್ ನಾಯಕರ ಭೇಟಿಯಾದ ಜೈಶ್ ಇ ಮೊಹಮ್ಮದ್ ಮುಖ್ಯಸ್ಥ!
ಭಾರತಕ್ಕೆ ಆಗಮಿಸುವ ಆಫ್ಘಾನ್ ನಾಗರೀಕರಿಗೆ ಸದ್ಯ 6 ತಿಂಗಳ ವೀಸಾ ನೀಡಲಾಗುವುದು. ಸದ್ಯದ ಪರಿಸ್ಥಿತಿಯಲ್ಲಿ ದೀರ್ಘಾವದಿ ವೀಸಾ ನೀಡುವುದು ಒಳಿತಲ್ಲ ಎಂದು ವಿದೇಶಾಂಗ ವ್ಯವಹಾರ ಸಚಿವಾಲಯ ಹೇಳಿದೆ. ಭದ್ರತೆ ಹಾಗೂ ತಾಲಿಬಾನ್ ಉಗ್ರರ ಅಟ್ಟಹಾಸ ಕಾರಣದಿಂದ ಆಫ್ಘಾನಿಸ್ತಾನ ನಾಗರೀಕರು ಭಾರತ ಪ್ರಯಾಣಕ್ಕೆ ಇ ವೀಸಾ ಬಳಕೆ ಮಾಡಿ ಎಂದು ಕೇಂದ್ರ ಗೃಹ ಇಲಾಖೆ ಇತ್ತೀಚೆಗೆ ಹೇಳಿತ್ತು.
ಸದ್ಯದ ಪರಿಸ್ಥಿತಿಗೆ ಅನುಗುಣವಾಗಿ 6 ತಿಂಗಳ ವೀಸಾ ನೀಡಲಾಗುತ್ತಿದೆ. ಇ ಎಮರ್ಜೆನ್ಸಿ ವೀಸಾ ಮೂಲಕ ಭಾರತದಲ್ಲಿ 6 ತಿಂಗಳ ಕಾಲ ಉಳಿದುಕೊಳ್ಳುವ ಅವಕಾಶವಿದೆ ಎಂದು ವಿದೇಶಾಂಗ ಇಲಾಖೆ ವಕ್ತಾರ ಆರಿಂದಮ್ ಬಗ್ಚಿ ಹೇಳಿದ್ದಾರೆ.
ಪಾಕ್ ಶನಿ ಸಂತಾನ ಭಾರತಕ್ಕೂ ಬರುತ್ತಾ? ಮಕ್ಕಳ ಮೇಲೆ ಕ್ರೌರ್ಯ!
ಇದುವರೆಗೆ ಭಾರತ 6 ವಿಮಾನದ ಮೂಲಕ 550 ಮಂದಿಯನ್ನು ಆಫ್ಘಾನಿಸ್ತಾನದಿಂದ ಸ್ಥಳಾಂತರ ಮಾಡಿದೆ. ಈ 550 ಮಂದಿಯಲ್ಲಿ 260 ಮಂದಿ ಭಾರತೀಯರು.
