ಶ್ರೀನಗರ(ಜೂ.04): ದೇಶದ ಅತ್ಯಂತ ಪ್ರಸಿದ್ಧ ಧಾರ್ಮಿಕ ಸ್ಥಳಗಳಲ್ಲಿ ಅಮರನಾಥ ಗುಹೆಯೂ ಒಂದು. ಪ್ರತಿ ವರ್ಷ ಆಯೋಜಿಸಲಾಗುವ ಅಮರನಾಥ ಯಾತ್ರೆಯಲ್ಲಿ ಅನೇಕ ಮಂದಿ ಭಕ್ತರು ಪಾಲ್ಗೊಳ್ಳುತ್ತಾರೆ. ಆದರೆ ಕೊರೋನಾ ಮಹಾಮಾರಿಯಿಂದಾಗಿ ಈ ಬಾರಿ ಅಸಮಂಜಸ ಪರಿಸ್ಥಿತಿ ನಿರ್ಮಾಣವಾಗಿದೆ. ಹೀಗಿದ್ದರೂ ಅಮರನಾಥ ಗುಹರೆಯ ಶಿವಲಿಂಗದ ಮೊದಲ ಫೋಟೋ ಭಾರೀ ವೈರಲ್ ಆಗಿದೆ.

ಗುಹೆಯ ಸುತ್ತಲೂ ಹಿಮ ಆವರಿಸಿದ್ದು, ಶಿವ ಲಿಂಗವಿದೆ. ಸದ್ಯ ಈ ಫೋಟೋ ಸೋಶಿಯಲ್ ಮಿಡಿಯಾದಲ್ಲಿ ಭಾರೀ ವೈರಲ್ ಆಗಿದೆ. ಹೀಗಿದ್ದರೂ ಈ ಫೋಟೋ ಕ್ಲಿಕ್ಕಿಸಿದವರು ಯಾರು? ಹಾಗೂ ಶೇರ್ ಮಾಡಿದದ್ದು ಯಾರು ಎಂಬ ವಿಚಾರ ತಿಳಿದು ಬಂದಿಲ್ಲ.

ಜೂನ್ 23ರಿಂದ ಆರಂಭವಾಗಲಿದೆ ಅಮರನಾಥ ಯಾತ್ರೆ

ಪ್ರತಿ ವರ್ಷ ಅಮರನಾಥ ಯಾತ್ರೆ ಕೈಗೊಳ್ಳುವ ಭಕ್ತರಲ್ಲಿ ವಿಭಿನ್ನವಾದ ಹುಮ್ಮಸ್ಸು ಇರುತ್ತದೆ. ಈ ಯಾತ್ರೆಗೆ ಬೇಕಾದ ತಯಾರಿಯೂ ಹಲವಾರು ತಿಂಗಳ ಮೊದಲೇ ಆರಂಭಿಸುತ್ತಾರೆ. ಆದರೆ ಈ ಬಾರಿ ಕೊರೋನಾದಿಂದಾಗಿ ಎಲ್ಲಾ ವ್ಯವಸ್ಥೆಗಳು ಕೊಂಚ ಕಳೆಗುಂದಿವೆ. ಅಮರನಾಥ ಯಾತ್ರೆ ಇರುತ್ತಾ? ಇರುವುದಿಲ್ಲವಾ ಎಂಬುವುದೂ ಕೂಡಾ ಸ್ಪಷ್ಟವಿಲ್ಲ. ಏಪ್ರಿಲ್‌ 22ರಂದು ಅಮರನಾಥ ದೇಗುಲದ ಆಡಳಿತ ಮಂಡಳಿ ಈ ಯಾತ್ರೆ ರದ್ದುಗೊಳಿಸುವ ಬಗ್ಗೆ ಸುದ್ದಿಗೋಷ್ಠಿ ನಡೆಸಿತ್ತು. ಆದರೆ ಇದಕ್ಕೆ ವ್ಯಾಪಕ ವಿರೋಧ ವ್ಯಕ್ತವಾದ ಬೆನ್ನಲ್ಲೇ ತನ್ನ ನಿರ್ಧಾರವನ್ನು ಹಿಂಪಡೆದು, ಜೂನ್ 23 ರಿಂದ ಯಯಾತ್ರೆ ಆರಮಭಿಸುವುದಾಗಿ ತಿಳಿಸಿತ್ತು.