Covid Crisis: ರಾಷ್ಟ್ರಪತಿ ಕೋವಿಂದ್ VVIP ಡ್ಯೂಟಿ ಮಾಡುತ್ತಿದ್ದ 19 ಪೊಲೀಸರಿಗೆ ಕೊರೋನಾ, ಭಾರೀ ಆತಂಕ!
* ರಾಷ್ಟ್ರಪತಿ ಕೋವಿಂದ್ ಭದ್ರತಾ ಕರ್ತವ್ಯದಲ್ಲಿದ್ದ ಪೊಲೀಸರಿಗೆ ಕೊರೋನಾ
* ಪೊಲೀಸರನ್ನು ಐಸೋಲೇಟ್ ಮಾಡಿದ ಇಲಾಖೆ
* ಕರ್ತವ್ಯದ ವೇಳೆ ಅನೇಕರನ್ನು ಭೇಟಿಯಾಗಿರುವ ಪೊಲೀಸರು
ಉತ್ತರಾಖಂಡ(ನ.28): ಉತ್ತರಾಖಂಡಕ್ಕೆ (Uttarakhand) ಆಗಮಿಸಿದ ರಾಷ್ಟ್ರಪತಿ ರಾಮ್ ನಾಥ್ ಕೋವಿಂದ್ (President Ram Nath Kovind) ಅವರ ಭದ್ರತಾ ಕರ್ತವ್ಯದಲ್ಲಿ ನಿರತರಾಗಿದ್ದ 19 ಪೊಲೀಸರಿಗೆ ಕೊರೋನಾ (Covid 19) ಸೋಂಕು ಕಾಣಿಸಿದೆ. ತಕ್ಷಣದಿಂದ ಜಾರಿಗೆ ಬರುವಂತೆ ಈ ಪೊಲೀಸರನ್ನು ಐಸೋಲೇಟ್ (Isolation) ಮಾಡಲಾಗಿದೆ. ರಾಷ್ಟ್ರಪತಿಯವರು ಆಗಮಿಸುವ ಮೊದಲೇ, ಅವರನ್ನು ಕರ್ತವ್ಯ ತೆಗೆದು ಹಾಕಿ ಐಸೋಲೇಶನ್‌ಗೆ ಕಳುಹಿಸಲಾಗಿತ್ತು. ಆದರೆ ಅವರು ಕರ್ತವ್ಯದಲ್ಲಿರುವಾಗ, ಅವರನ್ನು ಅನೇಕ ಸ್ಥಳಗಳಲ್ಲಿ ಪೋಸ್ಟ್ ಮಾಡಲಾಗಿತ್ತು, ಹೀಗಿರುವಾಗ ಅವರು ಅನೇಕ ಜನರ ಸಂಪರ್ಕಕ್ಕೆ ಬಂದಿದ್ದಾರೆ. ವಿವಿಐಪಿ (VVIP) ಕರ್ತವ್ಯಕ್ಕೆ ನಿಯೋಜಿಸಲಾಗಿದ್ದ ಸುಮಾರು 400 ಪೊಲೀಸರಿಗೆ ಕೊರೋನಾ ಪರೀಕ್ಷೆ ನಡೆಸಲಾಗಿದೆ.
ಈ ಜಿಲ್ಲೆಗಳಲ್ಲಿ ಪೋಲಿಸರು ಕೋವಿಡ್-19 ಪಾಸಿಟಿವ್
ಭಾನುವಾರ ಬೆಳಗ್ಗೆ 19 ಪೊಲೀಸರಿಗೆ ಕೋವಿಡ್ ಸೋಂಕು (Coronavirus) ದೃಢಪಟ್ಟಿದೆ. ಪರೀಕ್ಷಾ ವರದಿ ಬಂದ ತಕ್ಷಣ ಪೊಲೀಸರು ಹಾಗೂ ಆಡಳಿತ ಮಂಡಳಿಯಲ್ಲಿ ಆತಂಕ ಉಂಟಾಗಿದೆ. ಭಾನುವಾರ ಪಾಸಿಟಿವ್ ಬಂದ ಯಾವುದೇ ಪೊಲೀಸರನ್ನು ವಿಐಪಿ ಕರ್ತವ್ಯಕ್ಕೆ ನಿಯೋಜಿಸದಿರುವುದು ಸಮಾಧಾನದ ಸಂಗತಿ. ಚಮೋಲಿ, ರುದ್ರಪ್ರಯಾಗ, ಡೆಹ್ರಾಡೂನ್ (Dehradun) ಮತ್ತು ಪೌರಿ ಜಿಲ್ಲೆಗಳ 19 ಪೊಲೀಸ್ ಸಿಬ್ಬಂದಿ ಕೊರೋನಾ ಸೋಂಕಿತರಲ್ಲಿ ಸೇರಿದ್ದಾರೆ ಎಂದು ಯಮಕೇಶ್ವರ ಬ್ಲಾಕ್‌ನ ಕೋವಿಡ್ ನೋಡಲ್ ಅಧಿಕಾರಿ ಡಾ.ರಾಜೀವ್ ಕುಮಾರ್ ತಿಳಿಸಿದ್ದಾರೆ. ಇಲಾಖೆಯು ಸೋಂಕಿತ ಸಿಬ್ಬಂದಿಯನ್ನು ಕರ್ತವ್ಯದಿಂದ ಹಿಂದಕ್ಕೆ ಕಳುಹಿಸಿದೆ. ಮುಂದಿನ 14 ದಿನಗಳ ಕಾಲ ಎಲ್ಲಾ ಯೋಧರು ಹೋಮ್ ಐಸೋಲೇಶನ್‌ನಲ್ಲಿರುತ್ತಾರೆ ಎಂದಿದ್ದಾರೆ.
ಈ ಪೊಲೀಸರು ನೂರಾರು ಜನರ ಸಂಪರ್ಕದಲ್ಲಿದ್ದರು
ವಿಐಪಿ ಕರ್ತವ್ಯಕ್ಕೆ ಬಂದಿದ್ದ ಈ ಪೊಲೀಸರು ಇತರ ಪೊಲೀಸರು, ಆಶ್ರಮದ ನೌಕರರು, ಸ್ವರ್ಗಾಶ್ರಮ ಮಾರುಕಟ್ಟೆಯ ಅಂಗಡಿಕಾರರು ಸೇರಿದಂತೆ ಇತರ ಜನರ ಸಂಪರ್ಕಕ್ಕೆ ಬಂದಿದ್ದರು. ಇವರ ಸಂಪರ್ಕಕ್ಕೆ ಬಂದವರ ಪಟ್ಟಿಯನ್ನು ಆರೋಗ್ಯ ಇಲಾಖೆ ಸಿದ್ಧಪಡಿಸುತ್ತಿದೆ. ಇವರೆಲ್ಲರ ಕೊರೊನಾ ಪರೀಕ್ಷೆ ನಡೆಸಲಾಗುವುದು ಎಂದಿದ್ದಾರೆ.
ಭಾನುವಾರ ರಾಷ್ಟ್ರಪತಿ ಕುಟುಂಬ ಸಮೇತ ಗಂಗಾ ಆರತಿಯಲ್ಲಿದ್ದರು
ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರು ಭಾನುವಾರ ಸಂಜೆ ಪತ್ನಿ ಸವಿತಾ ಕೋವಿಂದ್ ಮತ್ತು ಪುತ್ರಿ ಸ್ವಾತಿ ಅವರೊಂದಿಗೆ ಸಂಜೆ ಗಂಗಾ ಆರತಿಯಲ್ಲಿ ಪಾಲ್ಗೊಂಡಿದ್ದರು. ಮಧ್ಯಾಹ್ನ ಪರಮಾರ್ಥ ನಿಕೇತನ ತಲುಪಿದ್ದರು. ಇಲ್ಲಿ ಅವರನ್ನು ವೇದಘೋಷದೊಂದಿಗೆ ಸ್ವಾಗತಿಸಲಾಯಿತು. ರಾಷ್ಟ್ರಪತಿಯವರ ರಾತ್ರಿಯ ವಾಸ್ತವ್ಯವು ಪರಮಾರ್ಥ ನಿಕೇತನದಲ್ಲಿ ಉಳಿಯಿತು. ಭಾನುವಾರ ಮಧ್ಯಾಹ್ನ, 3.45 ರ ಸುಮಾರಿಗೆ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರು ಪತ್ನಿ ಮತ್ತು ಮಗಳು ಸ್ವಾತಿಯೊಂದಿಗೆ ಸ್ವರ್ಗಾಶ್ರಮದ ಪರಮಾರ್ಥ ನಿಕೇತನ ಘಾಟ್ ತಲುಪಿದರು. ಅಧ್ಯಕ್ಷರು ಗಂಗಾ ಆರತಿಯಲ್ಲಿ ಪಾಲ್ಗೊಂಡು ಭಾವುಕರಾದರು. ರಾಷ್ಟ್ರಪತಿಗಳ ಪತ್ನಿ ಸವಿತಾ ಕೋವಿಂದ್ ಮತ್ತು ಪುತ್ರಿ ಗಂಗಾನದಿಯಲ್ಲಿ ದೀಪ ದಾನ ಮಾಡಿದರು.
ಇವರೂ ಭಾಗಿಯಾಗಿದ್ದರು
ಪರಮಾರ್ಥ ನಿಕೇತನದ ಪರಮಾಧ್ಯಕ್ಷ ಸ್ವಾಮಿ ಚಿದಾನಂದ ಸರಸ್ವತಿ ಅವರು ಇತರ ಆಚಾರ್ಯರು ಮತ್ತು ವಿದ್ಯಾರ್ಥಿಗಳೊಂದಿಗೆ ತಿಲಕವಿಟ್ಟರು. ಈ ಸಂದರ್ಭದಲ್ಲಿ ಉತ್ತರಾಖಂಡ ರಾಜ್ಯಪಾಲ ಗುರ್ಮೀತ್ ಸಿಂಗ್, ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಾಮಿ, ಗರ್ವಾಲ್ ಸಂಸದ ಮತ್ತು ಮಾಜಿ ಮುಖ್ಯಮಂತ್ರಿ ತಿರತ್ ಸಿಂಗ್ ರಾವತ್ ಉಪಸ್ಥಿತರಿದ್ದರು. ಈ ವೇಳೆ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರು ಸ್ವಾಮಿ ಚಿದಾನಂದ ಸರಸ್ವತಿ ಮಹಾರಾಜರ ಗುಡಿಯಲ್ಲಿ ಸಂಸ್ಕೃತಿ ಮತ್ತು ಆಧ್ಯಾತ್ಮಿಕತೆ ಸೇರಿದಂತೆ ಸ್ವಾಮಿ ಚಿದಾನಂದ ಸರಸ್ವತಿ ಅವರ ಮಾರ್ಗದರ್ಶನದಲ್ಲಿ ನಡೆಯುತ್ತಿರುವ ವಿವಿಧ ಸೇವಾ ಕಾರ್ಯಗಳ ಕುರಿತು ಚರ್ಚಿಸಿದರು.
