700 ಗಾಡಿ, 20ಕ್ಕೂ ಅಧಿಕ ಮನೆಯ ಮಾಲೀಕ ರಷ್ಯಾ ಅಧ್ಯಕ್ಷ, ಸೀಕ್ರೆಟ್‌ ಹೌಸ್‌ನಲ್ಲಿದೆ ಈ ಎಲ್ಲಾ ಸೌಲಭ್ಯ!

ರಷ್ಯಾ ಮತ್ತು ಉಕ್ರೇನ್ ನಡುವಿನ ಉದ್ವಿಗ್ನತೆ ಕಡಿಮೆಯಾಗುವ ಲಕ್ಷಣ ಕಾಣುತ್ತಿಲ್ಲ. ಉಕ್ರೇನ್ ಮೇಲೆ ಯಾವಾಗ ಬೇಕಾದರೂ ದಾಳಿ ನಡೆಸಬಹುದು ಎಂದು ಅಮೆರಿಕ ಹೇಳಿಕೊಂಡಿದೆ. ಅದೇ ಸಮಯದಲ್ಲಿ, ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ ಭದ್ರತಾ ಮಂಡಳಿಯ ಎಮರ್ಜೆನ್ಸಿ ಸಭೆಯನ್ನು ಸಹ ಕರೆದರು. ರಷ್ಯಾ ಮತ್ತು ಉಕ್ರೇನ್ ನಡುವೆ ನಡೆಯುತ್ತಿರುವ ಈ ಗಂಭೀರ ಸಮಸ್ಯೆಯ ನಡುವೆ ರಷ್ಯಾದ ಅಧ್ಯಕ್ಷರ ರಹಸ್ಯ ಅರಮನೆ ಹಾಗೂ ಅವರ ಜೀವನಶೈಲಿಯ ಬಗ್ಗೆ ಒಂದಷ್ಟು ಮಾಹಿತಿ ಇಲ್ಲಿದೆ.

ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ 'ರಹಸ್ಯ ಅರಮನೆ' ಗೆಲೆನ್ಜಿಕ್ ನಗರದ ಕಪ್ಪು ಸಮುದ್ರದ ಬಳಿ ಇದೆ. ಈ ಅರಮನೆಯು 170 ಎಕರೆಗಳಷ್ಟು ವಿಸ್ತಾರವಾಗಿದೆ ಎಂದು ಹೇಳಲಾಗುತ್ತದೆ.

ಈ ಐಷಾರಾಮಿ ರಹಸ್ಯ ಮನೆಯ ಬೆಲೆ ಒಂದೂವರೆ ಶತಕೋಟಿ ಡಾಲರ್‌ಗಳಿಗಿಂತ ಹೆಚ್ಚು (ಸುಮಾರು 1000 ಕೋಟಿ ರೂಪಾಯಿಗಳು). ಕಳೆದ ವರ್ಷ ಈ ಮನೆಯ ವೀಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು, ಇದು ಐಷಾರಾಮಿ ಮಹಲು, ಎರಡು ಹೆಲಿಪ್ಯಾಡ್‌ಗಳು, ಶಿಲ್ಪಗಳಿಂದ ಅಲಂಕರಿಸಲ್ಪಟ್ಟ ಬೃಹತ್ ಉದ್ಯಾನ ಸೇರಿ ಹಲವಾರು ಸೌಲಭ್ಯಗಳಿವೆ.

ಮಾಧ್ಯಮ ವರದಿಗಳ ಪ್ರಕಾರ, ಪುಟಿನ್ ಅವರ ಈ ಅರಮನೆಯಲ್ಲಿ 11 ಮಲಗುವ ಕೋಣೆಗಳು, ಎರಡು ಹೆಲಿಪ್ಯಾಡ್‌ಗಳು, ಕ್ಯಾಸಿನೊ, ಖಾಸಗಿ ಬಾರ್, ಥಿಯೇಟರ್, ಪೋಲ್ ಡ್ಯಾನ್ಸ್ ಬಾರ್ ಸೇರಿದಂತೆ ಹಲವು ಐಷಾರಾಮಿ ಸೌಲಭ್ಯಗಳನ್ನು ಹೊಂದಿದೆ. 260 ಅಡಿ ಉದ್ದದ ಕಾಲು ಸೇತುವೆಯೂ ಇದೆ.   

ಆದಾಗ್ಯೂ, ಈ ರಹಸ್ಯ ಮನೆಯ ಬಗ್ಗೆ ಅನೇಕ ರೀತಿಯ ವಾದಗಳಿವೆ. ಇದಕ್ಕೂ ತಮಗೂ ಯಾವುದೇ ಸಂಬಂಧವಿಲ್ಲ ಎಂದು ಪುಟಿನ್ ಅಧಿಕಾರಿಗಳು ಹೇಳಿದ್ದಾರೆ. ಆದರೆ ಇದು ಯಾರ ಆಸ್ತಿ ಇಷ್ಟು ದೊಡ್ಡ ಆಸ್ತಿ ಎಂದು ಹೇಳಿಲ್ಲ.

ವರದಿಗಳ ಪ್ರಕಾರ, 2010 ರಲ್ಲಿ, ರಷ್ಯಾದ ಉದ್ಯಮಿ ಸೆರ್ಗೆಯ್ ಕೋಲೆಸ್ನಿಕೋವ್ ಆಗಿನ ಅಧ್ಯಕ್ಷ ಮೆಡ್ವೆಡೆವ್ ಅವರಿಗೆ ಪತ್ರ ಬರೆದರು ಮತ್ತು ಈ ಅರಮನೆಯು ಪುಟಿನ್ ಅವರಿಗೆ ಸೇರಿದ್ದು, ಇದನ್ನು ಅವರ ಸ್ನೇಹಿತ ನಿರ್ಮಿಸಿದ್ದಾರೆ ಎಂದು ಹೇಳಿದ್ದಾರೆ.

ದಕ್ಷಿಣ ರಷ್ಯಾದ ಕರಾವಳಿಯಲ್ಲಿ ನಿರ್ಮಿಸಲಾದ ಈ ಅರಮನೆಯು ನೋ-ಫ್ಲೈ ವಲಯದಲ್ಲಿ ಬರುತ್ತದೆ. ಅಷ್ಟೇ ಅಲ್ಲ, ಈ ಅರಮನೆಯನ್ನು ತಲುಪಲು ರಸ್ತೆ ಸಾರಿಗೆಯೂ ಇಲ್ಲ, ಸಮುದ್ರ ಮಾರ್ಗವೂ ಇಲ್ಲಿಗೆ ಬರುವಂತಿಲ್ಲ. ಅಂದರೆ, ಈ ಆಸ್ತಿಯನ್ನು ಹೊಂದಿರುವವರು ಮಾತ್ರ ಇಲ್ಲಿಗೆ ಬರಬಹುದು.

ಇಷ್ಟೇ ಅಲ್ಲ, ವ್ಲಾಡಿಮಿರ್ ಪುಟಿನ್ ಬಳಿ 58 ವಿಮಾನಗಳು, 4 ವಿಹಾರ ನೌಕೆಗಳು ಮತ್ತು ಅನೇಕ ಐಷಾರಾಮಿ ವಸ್ತುಗಳು ಇವೆ. ಪುಟಿನ್ ರಷ್ಯಾವನ್ನು ಹೊರತುಪಡಿಸಿ ಮಾಸ್ಕೋ, ಯುರೋಪ್, ಫಿನ್ಲ್ಯಾಂಡ್ನಲ್ಲಿ 20 ಕ್ಕೂ ಹೆಚ್ಚು ಐಷಾರಾಮಿ ಅರಮನೆಗಳನ್ನು ಹೊಂದಿದ್ದಾರೆ ಎಂದು ಹೇಳಲಾಗುತ್ತದೆ.

ಪುಟಿನ್ ಅವರನ್ನು ರಷ್ಯಾದ ಜೇಮ್ಸ್ ಬಾಂಡ್ ಎಂದು ಕರೆಯಲಾಗುತ್ತದೆ. ಇವರಿಗೆ ಐಷಾರಾಮಿ ವಾಹನಗಳೆಂದರೆ ತುಂಬಾ ಇಷ್ಟ. ಅವರು Mercedes Benz S-Class Stretch Lumogen, Mercedes E-Class, S-Class ಮಾಡೆಲ್‌ಗಳು, BMW 5-Series, Volkswagen ಸೇರಿದಂತೆ ಪ್ರಪಂಚದಾದ್ಯಂತ 700 ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ.

ವ್ಲಾಡಿಮಿರ್ ಪುಟಿನ್ ಅವರ ಐಷಾರಾಮಿ ಜೀವನಶೈಲಿ ಅವರ ಕೈಗಡಿಯಾರಗಳಲ್ಲಿಯೂ ಕಾಣಬಹುದು. ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯ ಪ್ರಕಾರ, ಅವರ ಬಳಿ 11 ಬೆಲೆಬಾಳುವ ವಾಚ್‌ಗಳ ಸಂಗ್ರಹವಿದೆ, ಇದರ ಬೆಲೆ ಸುಮಾರು 4.2 ಕೋಟಿ ರೂ. ಮೊಸಳೆ ಚರ್ಮದಿಂದ ಮಾಡಿದ ಪಟ್ಟಿಯ ಗಡಿಯಾರದ ಬೆಲೆ ಕೇವಲ $300,000.