ನಿನಗೆ ವಯಸ್ಸಾಗಿದೆ ಎಂದ ನೆಟ್ಟಿಗರಿಗೆ ಮಹಿಳೆ ಕೊಟ್ಟ ಗುದ್ದಿದು

ಲೊನ್ನಿ ಪೈಕ್ ಒಬ್ಬ ಸೋಷಿಯಲ್ ಮೀಡಿಯಾ ಇನ್‌ಫ್ಲುಯನ್ಸರ್. ವಯಸ್ಸಿನ್ನೂ 50. ಕೂದಲು ಬಿಳಿಯಾಗಿದೆ. ಆದರೆ, ಬಣ್ಣ ಹಚ್ಚಿಕೊಳ್ಳೋ ಮನಸ್ಸಿಲ್ಲ. ಮೈ ತುಂಬಾ ಟ್ಯಾಟೂ ಹಾಕಿಸಿಕೊಂಡಿದ್ದಾರೆ.

ಹದಿ ವಯಸ್ಸಿನ ಹೆಣ್ಣು ಮಕ್ಕಳಂತೆ ಡ್ರೆಸ್ ಹಾಕಿ ಕೊಳ್ಳುತ್ತಾರೆ. ತಮ್ಮ ಜೀವನದ ಅನುಭವವನ್ನು ಗ್ರೇ ಹೇರ್ ಆ್ಯಂಡ್ ಟ್ಯಾಟೂಸ್ ಎಂಬ ಬ್ಲಾಗಿನಲ್ಲಿ ಹಂಚಿಕೊಳ್ಳುತ್ತಾರೆ. 

ಇಂಥವರಿಗೆ ಜನರ ಕೆಟ್ಟ ಕಮೆಂಟ್ಸ್ ಬರೋದು ಸಹಜ ಬಿಡಿ. ಹುಡುಗಿಯರಂತೆ ಡ್ರೆಸ್ ಮಾಡಿ ಕೊಳ್ಳಲು ನಿಮಗೆ ತುಂಬಾ ವಯಸ್ಸಾಗಿದೆ ಎಂದಿದ್ದಾರೆ. ಇದಕ್ಕೆ ಟಿಕ್ ಟಾಕ್ ಮೂಲಕ ಲೊನ್ನಿ ಉತ್ತರಿಸಿರುವುದು ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಮತ್ತಷ್ಟು ಮಾಡರ್ನ್‌ ಡ್ರೆಸ್ ಹಾಕ್ಕೊಂಡು, ನಿಮ್ಮ ಕಮೆಂಟ್ಸ್‌ಗೆ ತಲೆ ಕೆಡಿಸಿಕೊಳ್ಳುವವಳು ನಾನಲ್ಲ ಎಂಬುದನ್ನು ಜಗಜ್ಜಾಹೀರಗೊಳಿಸಿದ್ದಾರೆ.

You are too old to dress like a girl ಅಂತ ಮಂದಿ ಲೊನ್ನಿಯನ್ನು ಟೀಕಿಸಿದ್ದಾರೆ. ಇಂಥ ಟೇಕೆಗಳಿಗೆ ಯಾವತ್ತೂ ತೆಲೆ ಕೆಡಿಸಿಕೊಂಡವರಲ್ಲಿ ಈ ಮಧ್ಯವಯಸ್ಸಿನ ಮಹಿಳೆ. ಆದರೆ, ಈ ಸಾರಿ ಕಟುವಾಗಿಯೇ  ಉತ್ತರಿಸಿದ್ದಾರೆ. ತಮ್ಮ ನಿಲುವನ್ನು ವಿಭಿನ್ನ ಕ್ಯಾಪ್ಷನ್‌ಗಳೊಂದಿಗೆ ಪರಿಣಾಮಕಾರಿಯಾಗಿ ಉತ್ತರಿಸಿದ್ದಾರೆ. 

ನಿಮ್ಮ ಬಗ್ಗೆ ಬೇರೆಯವರಿಗೆ ಇರುವ ಅಭಿಪ್ರಾಯವನ್ನು ನಿಮ್ಮ ಆತ್ಮವಿಶ್ವಾಸವನ್ನು ಕಸಿಯದಿರಲಿ.

ಕೆಟ್ಟನಾಗಿ ಕಮೆಂಟ್ ಮಾಡಿದವರನ್ನು ಅಡ್ರೆಸ್ ಮಾಡಿ, ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. 

ನಮ್ಮ ದೇಹ. ನಮ್ಮ ಡ್ರೆಸ್. ಅದನ್ನು ಹೇಳಲು ಬೇರೆ ಯಾರಿಗೂ ಹಕ್ಕಿಲ್ಲ .

'I might be older, but, don't call me old' ಅಂತಾನೇ ತಮ್ಮ ಜೀವಾನೋತ್ಸಾಹದ ಬಗ್ಗೆ ಬ್ಗಾಗಿನಲ್ಲಿ ಬರೆದು ಕೊಳ್ಳುತ್ತಾರೆ ಲೊನ್ನಿ. 

ನಾನು ಲೊನ್ನಿ. ಮಧ್ಯ ವಯಸ್ಸಿನ ಮಹಿಳೆ. ಕೂದಲು ಬಿಳಿಯಾಗಿದೆ. ಡೈ ಮಾಡಿ ಕೊಳ್ಳುವುದನ್ನು ನಿಲ್ಲಿಸಿದ್ದೇನೆ. ಆದರೆ, ಟ್ಯಾಟೂ ಹಾಕಿಸಿಕೊಳ್ಳುವುದನ್ನು ಹೆಚ್ಚಿಸಿದ್ದೇನೆ ಎಂದು ಬ್ಲಾಗಿನಲ್ಲಿ ತಮ್ಮ ಪರಿಚಯವನ್ನು ಮಾಡಿ ಕೊಂಡಿದ್ದಾರೆ. 

ನನ್ನ 20 ಹಾಗೂ 30ನೇ ವಯಸ್ಸಿನಲ್ಲಿ ನನ್ನನ್ನು ಜಗತ್ತಿಗೆ ಪರಿಚಯಿಸಿಕೊಳ್ಳುವಂಥ ಕೆಲಸವನ್ನೇನೂ ಮಾಡಿಲ್ಲ. ಹಾಗಂಥೆ ನನಗೀಗ ವಯಸ್ಸಾಗಿದೆ ಎಂಬುದನ್ನು ಒಪ್ಪಿಕೊಳ್ಳಲು ಸಿದ್ಧವಿಲ್ಲ ಎನ್ನುತ್ತಾರೆ ಇವರು. 

1998ರಿಂದಲೂ ಇಬ್ಬರು ಮಕ್ಕಳ ಸಿಂಗಲ್ ಪೇರೆಂಟ್ ಇವರು. ಪ್ರೀತಿಸಿದವರನ್ನ ಕಳೆದು ಕೊಂಡ ದುಃಖವಿದೆ. ಆದರೆ, ಅವೆಲ್ಲವೂ ನನ್ನ ಬದುಕಿನಲ್ಲಿ ಅದ್ಭುತ ಪಾಠ ಕಲಿಸಿದೆ ಎನ್ನುತ್ತಾರೆ.

ನಿಮ್ಮನ್ನು ನೀವು ಗೌರಿವಿಸಿಕೊಳ್ಳಲು ನಿಮಗಿಷ್ಟ ಬಂದ ಡ್ರೆಸ್ ಹಾಕ್ಕೊಳ್ಳಿ ಎನ್ನುವ ವಾದದೊಂದಿಗೆ ಈ ಮಹಿಳೆ ಎಲ್ಲರಲ್ಲಿಯೂ ಜೀವನೋತ್ಸಾಹ ತುಂಬುತ್ತಾರೆ. ಪಾಸಿಟಿವ್ ವೈಬ್ ಸೃಷ್ಟಿಸುತ್ತಾರೆ.