ಮನೆಯ ಎಂಟ್ರೆನ್ಸ್‌ನಲ್ಲಿ ಈ ಕನ್ನಡಿ ಇಟ್ರೆ ಹಣೆ ಬರಹವೇ ಬದಲಾಗಬಹುದು!

ಮುಖ್ಯ ದ್ವಾರದ ಮುಂದೆ ಇರುವ ಅಡೆತಡೆಗಳಿಂದಾಗಿ (ಮರ, ಕಂಬ, ಇತ್ಯಾದಿ), ಮನೆಯ ನಿವಾಸಿಗಳ ಜೀವನದ ಮೇಲೆ ಹೆಚ್ಚಿನ ಪರಿಣಾಮ ಬೀರುತ್ತದೆ , ಅಂತಹ ಪರಿಸ್ಥಿತಿಯಲ್ಲಿ, ಫೆಂಗ್ ಶೂಯಿ (feng shui) ಕ್ರಮಗಳ ಸಹಾಯದಿಂದ, ಬರುವ ಅಡೆತಡೆಗಳನ್ನು ತೆಗೆದು ಹಾಕಬಹುದು. ಫೆಂಗ್ ಶೂಯಿಯಲ್ಲಿ, ಪಕುವಾ, ಬಗುವಾ ಕನ್ನಡಿಗಳನ್ನು ಬಳಸಿ ಸಮಸ್ಯೆಗಳನ್ನು ಸುಲಭವಾಗಿ ಪರಿಹರಿಸಬಹುದು. ಅದರ ಬಗ್ಗೆ ತಿಳಿಯೋಣ. 

ಇತ್ತೀಚಿನ ದಿನಗಳಲ್ಲಿ ಎಲ್ಲರೂ ಅದೃಷ್ಟವಂತರಾಗಲು 'ಫೆಂಗ್ ಶೂಯಿ' ಬಳಸುತ್ತಿದ್ದಾರೆ. ಆಗಾಗ್ಗೆ ಜನರು ಫೆಂಗ್ ಶೂಯಿ ಬಗ್ಗೆ, ಫೆಂಗ್ ಶೂಯಿ ಎಂದರೇನು ಮತ್ತು ಫೆಂಗ್ ಶೂಯಿಯಿಂದ ಅದೃಷ್ಟವನ್ನು ಶ್ರೀಮಂತಗೊಳಿಸಬಹುದೇ ಎಂದು ಪ್ರಶ್ನಿಸುತ್ತಾರೆ. ಚೀನಾ ದೇಶದಿಂದ ಬಂದ ಫೆಂಗ್ ಶೂಯಿ ಭೂಮಿಯ ಮೇಲೆ ಸಾಮರಸ್ಯದಿಂದ ಬದುಕುವ ಕಲೆ. ಫೆಂಗ್ ಶೂಯಿ ಆಧಾರದ ಮೇಲೆ ಮಾಡಿದ ಬದಲಾವಣೆಯು ಅದೃಷ್ಟವನ್ನು (luck change) ಸಮೃದ್ಧಗೊಳಿಸುತ್ತದೆ. 

ವಾಸ್ತು ಮತ್ತು ಫೆಂಗ್ ಶೂಯಿ ತಜ್ಞರು ಮಾನವನ ಹಣೆ ಬರಹದಲ್ಲಿ ಮೂರು ವಿಧಗಳಿವೆ, ಮೊದಲನೆಯದು ಸ್ವರ್ಗದಿಂದ ಪಡೆದ ಅದೃಷ್ಟ, ಎರಡನೆಯದು ಭೂಮಿಯಿಂದ ಪಡೆದ ಅದೃಷ್ಟ ಮತ್ತು ಮೂರನೆಯದು ಮನುಷ್ಯನು ಗಳಿಸಿದ ಅದೃಷ್ಟ. ಸ್ವರ್ಗದಿಂದ ಪಡೆದ ಮೊದಲ ರೀತಿಯ ಅದೃಷ್ಟವು ಅವನ ಹಿಂದಿನ ಜನ್ಮದ ಕರ್ಮದ ಆಧಾರದ ಮೇಲೆ ಸಿಗುತ್ತದೆ. ಎರಡನೆಯ ವಿಧದ ಹಣೆಬರಹವೆಂದರೆ ಮನುಷ್ಯ ತನ್ನ ಕಠಿಣ ಪರಿಶ್ರಮದ (hard work) ಮೂಲಕ ಗಳಿಸುವ ಮತ್ತು ಮಾರ್ಪಡಿಸುವ ಅದೃಷ್ಟ. ಮೂರನೆಯ ವಿಧದ ಸಂಪತ್ತು ಎಂದರೆ ಒಬ್ಬ ವ್ಯಕ್ತಿಯು ತಾನು ವಾಸಿಸುವ ಅಥವಾ ಕೆಲಸ ಮಾಡುವ ಸ್ಥಳಗಳಿಂದ ಪಡೆಯುವುದು. 

ಮೂರನೆಯ ವಿಧದ ಹಣೆಬರಹವನ್ನು ಬದಲಾಯಿಸುವುದು ಮತ್ತು ಮಾರ್ಪಡಿಸುವುದು ತುಂಬಾ ಸುಲಭ ಮತ್ತು ಕೆಲವು ಕ್ರಮಗಳು ಮತ್ತು ಸಕಾರಾತ್ಮಕ ಶಕ್ತಿಯ ಹರಿವಿನೊಂದಿಗೆ ನಿಮ್ಮ ಪರವಾಗಿ ಮಾಡಬಹುದು. ಫೆಂಗ್ ಶೂಯಿಯಲ್ಲಿ ಅಡೆತಡೆಗಳನ್ನು ನಿವಾರಿಸಿ ಸಕಾರಾತ್ಮಕತೆಯನ್ನು (possitivity) ನೀಡುವ ಹಲವು ಮಾರ್ಗಗಳಿವೆ. ಅವುಗಳ ಬಗ್ಗೆ ತಿಳಿಯೋಣ. 

ಮುಖ್ಯ ಬಾಗಿಲಿನ ತಡೆ ತೆಗೆದುಹಾಕಿ
ಮನೆಯ ಮುಖ್ಯ ಬಾಗಿಲು ಅತ್ಯಂತ ಮುಖ್ಯ ಏಕೆಂದರೆ ಶಕ್ತಿಯು ಮುಖ್ಯ ಬಾಗಿಲಿನಿಂದ ಮಾತ್ರ ಮನೆಯನ್ನು ಪ್ರವೇಶಿಸುತ್ತದೆ. ಮುಖ್ಯ ದ್ವಾರದ ಮುಂಭಾಗದ ಅಡಚಣೆಯಿಂದಾಗಿ, ಮನೆಯ ನಿವಾಸಿಗಳು ಆರೋಗ್ಯ ಮತ್ತು ಹಣದ ಸಮಸ್ಯೆಗಳನ್ನು (money problem) ಎದುರಿಸಬೇಕಾಗಬಹುದು. ಮುಖ್ಯ ದ್ವಾರದ ಮುಂದೆ ಗೋಡೆ ಇರುವುದರಿಂದ, ಮನೆಯ ನಿವಾಸಿಗಳ ಜೀವನ ಸಮಸ್ಯೆಯಿಂದ ಕೂಡಿರುತ್ತೆ. 

ಮುಖ್ಯ ದ್ವಾರದ ಮುಂದೆ ಕಂಬವನ್ನು ಹೊಂದಿರುವುದರಿಂದ ಅನೇಕ ಸಮಸ್ಯೆಗಳು ಉದ್ಭವಿಸುತ್ತವೆ. ಮುಖ್ಯ ದ್ವಾರದ ಮುಂದೆ ಮರ, ದೂರವಾಣಿ ಕಂಬ, ಎತ್ತರದ ಕಟ್ಟಡ, ಮತ್ತೊಂದು ಮನೆಯ ತೀಕ್ಷ್ಣ ಕೋನ, ಮೊಬೈಲ್ ಅಥವಾ ಕೇಬಲ್ ಟಿವಿಯ ಆಂಟೆನಾ ಇತ್ಯಾದಿಗಳನ್ನು ಹೊಂದಿರುವುದರಿಂದಲೂ ಸಮಸ್ಯೆಗಳು ಉದ್ಭವಿಸಬಹುದು.

ಈ ದೋಷಗಳನ್ನು ತೆಗೆದುಹಾಕಲು, ಮುಖ್ಯ ಬಾಗಿಲಿನ ಮೇಲೆ ಪಕುವಾ ಕನ್ನಡಿಯನ್ನು ಇರಿಸಬೇಕು. ಪಕುವಾ ಕನ್ನಡಿ (Pakwa mirror) ಒಂದು ಶಕ್ತಿಯುತ ಕನ್ನಡಿಯಾಗಿದ್ದು, ಅದು ನಕಾರಾತ್ಮಕ ಶಕ್ತಿಯನ್ನು (negative energy) ಮನೆಯೊಳಗೆ ಪ್ರವೇಶಿಸದಂತೆ ತಡೆಯುತ್ತದೆ ಮತ್ತು ಅದನ್ನು ಹಿಂದಕ್ಕೆ ಕಳುಹಿಸುತ್ತದೆ. ಕೆಲವೊಮ್ಮೆ ನಕಾರಾತ್ಮಕ ಶಕ್ತಿಯ ಹರಿವು ಸಾಕಷ್ಟು ವೇಗವಾಗಿರುತ್ತದೆ, ಇದರಿಂದ ಕನ್ನಡಿ ಮುರಿಯಬಹುದು, ಇದು ಸಂಭವಿಸಿದರೆ ತಕ್ಷಣ ಅದನ್ನು ಬದಲಿಸಿ. 
 

ಪಕುವಾ ಕನ್ನಡಿಗಳನ್ನು ಎಂದಿಗೂ ಒಳಾಂಗಣದಲ್ಲಿ, ಯಾವಾಗಲೂ ಹೊರಾಂಗಣದಲ್ಲಿ ಇಡಬಾರದು. ಪಕುವಾ ಬದಲಿಗೆ ಬಗುವಾವನ್ನು (Bagua mirror) ಒಳಾಂಗಣದಲ್ಲಿ ಇಡಬಹುದು. ನಾವು ಮುಖ್ಯ ಬಾಗಿಲಿನಿಂದ ಪ್ರವೇಶಿಸಿದ ಕೂಡಲೇ ನಮ್ಮ ಮುಂದೆ ಅಡುಗೆಮನೆಯ ಬಾಗಿಲನ್ನು ನೋಡಿದರೆ, ಈ ವಾಸ್ತುಶಿಲ್ಪದ ದೋಷ ತೆಗೆದುಹಾಕಲು, ಗಣಪತಿ ಬಾಗುವವನ್ನು ಅಡುಗೆ ಮನೆಯ ಬಾಗಿಲಿನ ಮೇಲೆ ಇರಿಸಲಾಗುತ್ತದೆ.