ಪ್ರೀತಿ ಶಾಶ್ವತವಾಗಿರಲು ಪ್ರೇಮಿಗಳ ದಿನ ಸಂಗಾತಿಗೆ ವಾಸ್ತುಪ್ರಕಾರ ಈ ಉಡುಗೊರೆ ನೀಡಿ
ಪ್ರೇಮಿಗಳ ದಿನದಂದು ನಿಮ್ಮ ಸಂಗಾತಿಗೆ ನೀವು ಗಿಫ್ಟ್ ಕೋಡಬೇಕೆಂದು ಬಯಸಿದ್ರೆ ವಾಸ್ತು ಪ್ರಕಾರ ಸುಂದರವಾದ ಮತ್ತು ಮಂಗಳಕರವಾದ ಕೆಲವು ವಸ್ತುಗಳನ್ನು ಆರಿಸಿ. ವಾಸ್ತು ಶಾಸ್ತ್ರದಲ್ಲಿ ಅನೇಕ ವಿಷಯಗಳನ್ನು ಉಲ್ಲೇಖಿಸಲಾಗಿದೆ, ಅವುಗಳನ್ನು ಉಡುಗೊರೆಯಾಗಿ ನೀಡುವುದು ಒಳ್ಳೆಯದು ಎಂದು ಪರಿಗಣಿಸಲಾಗುತ್ತದೆ.
ಪ್ರೀತಿಸುವವರಿಗೆ ಫೆಬ್ರವರಿ ತಿಂಗಳು ತುಂಬಾನೇ ವಿಶೇಷವಾಗಿದೆ. ಯಾಕಂದ್ರೆ ಈ ತಿಂಗಳಲ್ಲಿ, 14 ರಂದು ಪ್ರೇಮಿಗಳ ದಿನವನ್ನು (valentines Day) ಆಚರಿಸಲಾಗುತ್ತದೆ. ಪ್ರೇಮಿಗಳು ಈ ದಿನವನ್ನು ಸ್ಮರಣೀಯವಾಗಿಸಲು ಮತ್ತು ತಮ್ಮ ಸಂಗಾತಿಗೆ ಬೇರೆ ಬೇರೆ ರೀತಿಯಲ್ಲಿ ಸರ್ ಪ್ರೈಸ್ ನೀಡಲು ಕಾಯುತ್ತಿರುತ್ತಾರೆ. ಈ ದಿನ ಪ್ರತಿಯೊಬ್ಬರೂ ತಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಲು ಅವಕಾಶ ಪಡೆಯುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಪ್ರೇಮಿಗಳು ಪ್ರೇಮಿಗಳ ದಿನದಂದು ತಮ್ಮ ಸಂಗಾತಿಗೆ ಕೆಲವು ವಿಶೇಷ ಉಡುಗೊರೆಗಳನ್ನು ನೀಡುವ ಬಗ್ಗೆ ಯೋಚಿಸುತ್ತಾರೆ.
ನೀವು ಸಹ ನಿಮ್ಮ ಸಂಗಾತಿಗೆ ಕೆಲವು ಉಡುಗೊರೆಗಳನ್ನು (Gifts) ನೀಡಲು ಬಯಸಿದರೆ, ಸುಂದರವಾದ ಮತ್ತು ಮಂಗಳಕರವಾದ ಕೆಲವು ವಸ್ತುಗಳನ್ನು ಆರಿಸಿ. ವಾಸ್ತು ಶಾಸ್ತ್ರದಲ್ಲಿ ಅನೇಕ ವಿಷಯಗಳನ್ನು ಉಲ್ಲೇಖಿಸಲಾಗಿದೆ, ಅವುಗಳನ್ನು ಉಡುಗೊರೆಯಾಗಿ ನೀಡುವುದು ಒಳ್ಳೆಯದು ಎಂದು ಪರಿಗಣಿಸಲಾಗುತ್ತದೆ. ಈ ಅದೃಷ್ಟದ ಉಡುಗೊರೆಗಳು ನಿಮ್ಮ ಸಂಬಂಧಕ್ಕೆ ಮಾಧುರ್ಯವನ್ನು ತರುತ್ತವೆ. ಇದರೊಂದಿಗೆ, ನಿಮ್ಮ ಜೀವನದಲ್ಲಿ ಸಂತೋಷ ಮತ್ತು ಸಮೃದ್ಧಿಯೂ ಹೆಚ್ಚಾಗುತ್ತದೆ. ಆ ವಿಷಯಗಳ ಬಗ್ಗೆ ತಿಳಿದುಕೊಳ್ಳೋಣ ...
ವಿಂಡ್ ಚೈಮ್ (Wind Chime): ವಿಂಡ್ ಚೈಮ್ ಗಳು ನಕಾರಾತ್ಮಕ ಶಕ್ತಿಯನ್ನು ಆಕರ್ಷಿಸಲು ಮತ್ತು ದುರಾದೃಷ್ಟವನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಅದರಿಂದ ಹೊರಹೊಮ್ಮುವ ಶಬ್ದವು ಸುತ್ತಲೂ ಸಕಾರಾತ್ಮಕತೆಯನ್ನು ಹರಡುತ್ತದೆ. ಹಾಗಾಗಿ ಪ್ರೇಮಿಗಳ ದಿನದಂದು ನಿಮ್ಮ ಸಂಗಾತಿಗೆ ವಿಂಡ್ ಚೈಮ್ ಅನ್ನು ಉಡುಗೊರೆಯಾಗಿ ನೀಡಬಹುದು.
ಆನೆಗಳ ಜೋಡಿ: ಪ್ರೇಮಿಗಳ ದಿನದಂದು, ನೀವು ನಿಮ್ಮ ಸಂಗಾತಿಗೆ ಆನೆ ಜೋಡಿಯನ್ನು ಉಡುಗೊರೆಯಾಗಿ ನೀಡಬಹುದು. ವಾಸ್ತು ಶಾಸ್ತ್ರದ ಪ್ರಕಾರ, ಆನೆ ಅಥವಾ ಆನೆ ಜೋಡಿಯನ್ನು ಉಡುಗೊರೆಯಾಗಿ ನೀಡುವುದು ಅಥವಾ ಪಡೆಯುವುದು ಶುಭವೆಂದು ಪರಿಗಣಿಸಲಾಗಿದೆ. ಈ ಆನೆಗಳನ್ನು ಬೆಳ್ಳಿ, ಹಿತ್ತಾಳೆ ಅಥವಾ ಮರದಿಂದ ತಯಾರಿಸಿದ್ದರೆ ಉತ್ತಮ.
ಲವ್ ಬರ್ಡ್ಸ್: ಪ್ರೇಮಿಗಳ ದಿನದಂದು, ನೀವು ನಿಮ್ಮ ಸಂಗಾತಿಗೆ ಲವ್ ಬರ್ಡ್ಸ್ ನ (love birds) ಉತ್ತಮ ಚಿತ್ರ ಅಥವಾ ಪ್ರತಿಮೆಯನ್ನು ಉಡುಗೊರೆಯಾಗಿ ನೀಡಬಹುದು. ಪ್ರೇಮಿಗಳಿಗೆ ಉಡುಗೊರೆ ನೀಡುವುದು ನಿಮ್ಮ ಸಂಬಂಧಗಳಿಗೆ ಮಾಧುರ್ಯವನ್ನು ಸೇರಿಸುತ್ತದೆ.
ಬಿದಿರು ಗಿಡ; ವಾಸ್ತು ಶಾಸ್ತ್ರದಲ್ಲಿ, ಬಿದಿರಿನ ಸಸ್ಯವನ್ನು (bamboo plant) ಶುಭವೆಂದು ಪರಿಗಣಿಸಲಾಗಿದೆ. ಇದನ್ನು ಸಂತೋಷ ಮತ್ತು ಸಮೃದ್ಧಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಹಾಗಾಗಿ ಪ್ರೇಮಿಗಳ ದಿನದಂದು ನಿಮ್ಮ ಸಂಗಾತಿಗೆ ಉಡುಗೊರೆಯಾಗಿ ಬಿದಿರಿನ ಸಸ್ಯವನ್ನು ನೀಡಬಹುದು. ಇದನ್ನು ಮಾಡುವುದರಿಂದ, ಅವರು ತಮ್ಮ ವೃತ್ತಿಜೀವನದಲ್ಲಿ ಪ್ರಗತಿಯನ್ನು ಪಡೆಯುತ್ತಾರೆ.
ಲಾಫಿಂಗ್ ಬುದ್ಧ (Laughing buddha): ಪ್ರೇಮಿಗಳ ದಿನದಂದು, ನೀವು ನಿಮ್ಮ ಸಂಗಾತಿಗೆ ಲಾಫಿಂಗ್ ಬುದ್ಧನ ಪ್ರತಿಮೆಯನ್ನು ಉಡುಗೊರೆಯಾಗಿ ನೀಡಬಹುದು. ಇದನ್ನು ಬಹಳ ಮಂಗಳಕರವೆಂದು ಪರಿಗಣಿಸಲಾಗಿದೆ. ಇದು ಮನೆಗೆ ಸಮೃದ್ಧಿ, ಶಾಂತಿ ಮತ್ತು ಸಕಾರಾತ್ಮಕತೆಯನ್ನು ತರುತ್ತದೆ.
