Anupamaa ಸ್ಟಾರ್ ರೂಪಾಲಿ ಗಂಗೂಲಿ ನಿವ್ವಳ ಆಸ್ತಿ, ವಯಸ್ಸು, ಶಿಕ್ಷಣವಿಷ್ಟು!
ಟಿವಿ ಶೋ ಅನುಪಮಾ (Anupamaa) ಇದೀಗ ಹೆಚ್ಚು ಇಷ್ಟಪಡುವ ದೈನಂದಿನ ಧಾರವಾಹಿಗಳಲ್ಲಿ ಒಂದು. ಪ್ರತಿ ವಾರ ಇದರ TRP 4ಕ್ಕಿಂತ ಕಡಿಮೆಯಿಲ್ಲ. ಅನುಪಮಾ ಪ್ರಸ್ತುತ ದೂರದರ್ಶನವನ್ನು ಆಳುತ್ತಿದೆ ಮತ್ತು ಪ್ರತಿ ವಾರ BARC ರೇಟಿಂಗ್ಗಳಲ್ಲಿ ಅಗ್ರಸ್ಥಾನದಲ್ಲಿದೆ. ಅನುಪಮಾ ಟಿವಿ ಧಾರಾವಹಿ ಪ್ರೇಕ್ಷಕರನ್ನು ಹಿಡಿದಿಡುವ ಕಥಾ ಹಂದರ ಮತ್ತು ಮನಸ್ಸಿಗೆ ಮುದ ನೀಡುವ ತಿರುವುಗಳನ್ನು ಹೊಂದಿದೆ.ಅನುಪಮಾ ಪಾತ್ರವನ್ನು ನಿರ್ವಹಿಸುತ್ತಿರುವ ರೂಪಾಲಿ (Rupali Ganguly) ಗಂಗೂಲಿ ಅವರು ರಂಗಭೂಮಿಗೆ ಸೇರುವ ಮೊದಲು ಹೋಟೆಲ್ ಮ್ಯಾನೇಜ್ಮೆಂಟ್ ಪದವೀಧರರಾಗಿದ್ದರು. ರೂಪಾಲಿ ಗಂಗೂಲಿ ಅವರ ನಿವ್ವಳ ಮೌಲ್ಯ, ವಯಸ್ಸು, ಶಿಕ್ಷಣ, ಪತಿ ಮತ್ತು ನಟಿಯ ಬಗ್ಗೆ ಇನ್ನಷ್ಟು ತಿಳಿಯಿರಿ.
ಅಭಿಮಾನಿಗಳು ಮತ್ತು ವೀಕ್ಷಕರು ಅನುಪಮಾ ಧಾರವಾಹಿಯ ಜೊತೆ ಎಷ್ಟು ಗಾಢವಾಗಿ ಸಂಪರ್ಕ ಹೊಂದಿದ್ದಾರೆಂದರೆ, ಅವರು ಕಾರ್ಯಕ್ರಮದ ಒಂದು ಸಂಚಿಕೆಯನ್ನು ಸಹ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಅನುಪಮಾ ಪಾತ್ರವನ್ನು ಜನಪ್ರಿಯ ಟಿವಿ ನಟಿ ರೂಪಾಲಿ ಗಂಗೂಲಿ ನಿರ್ವಹಿಸಿದ್ದಾರೆ.
ರೂಪಾಲಿ ಗಂಗೂಲಿ ಅವರು 2003 ರ ಸ್ಟಾರ್ ಪ್ಲಸ್ ಶೋ ಸಂಜೀವನಿಯಿಂದ ಖ್ಯಾತಿ ಗಳಿಸಿದರು. ರೂಪಾಲಿ ಗಂಗೂಲಿ ಅವರು ಅಲ್ಲಿ ಡಾ. ಸಿಮ್ರಾನ್ ಪಾತ್ರವನ್ನು ನಿರ್ವಹಿಸಿದ್ದಾರೆ.
ಕಾರ್ಯಕ್ರಮದ ಯಶಸ್ಸಿನ ನಂತರ, ರೂಪಾಲಿ ಗಂಗೂಲಿ ಅವರು ಸಾರಾಭಾಯ್ ವರ್ಸಸ್ ಸಾರಾಭಾಯ್, ಕಹಾನಿ ಘರ್ ಘರ್ ಕಿ, ಬಿದಾಯಿ ಮುಂತಾದ ಅನೇಕ ಪ್ರದರ್ಶನಗಳಲ್ಲಿ ಕಾಣಿಸಿಕೊಂಡರು. ಸಾರಾಭಾಯ್ ವರ್ಸಸ್ ಸಾರಾಭಾಯ್ ಎಂಬ ಆರಾಧನಾ ಸಿಟ್ಕಾಮ್ನಲ್ಲಿ ಮೋನಿಶಾ ಸಾರಾಭಾಯ್ ಪಾತ್ರದಲ್ಲಿ ರೂಪಾಲಿ ಮತ್ತಷ್ಟು ಮನ್ನಣೆಯನ್ನು ಪಡೆದರು.
ರೂಪಾಲಿ ಗಂಗೂಲಿ ಅವರ ತಂದೆ ಕೋಲ್ಕತ್ತಾದ ಪ್ರಸಿದ್ಧ ಚಲನಚಿತ್ರ ನಿರ್ದೇಶಕ ಅನಿಲ್ ಗಂಗೂಲಿ. ಆಕೆ ತಮ್ಮ ಏಳನೇ ವಯಸ್ಸಿನಲ್ಲಿ ತನ್ನ ತಂದೆಯ ಚಿತ್ರ ಸಾಹೇಬ್ನೊಂದಿಗೆ ನಟನೆಗೆ ಪಾದಾರ್ಪಣೆ ಮಾಡಿದರು. ಫಿಯರ್ ಫ್ಯಾಕ್ಟರ್: ಖತ್ರೋನ್ ಕೆ ಖಿಲಾಡಿ 2 ಎಂಬ ರಿಯಾಲಿಟಿ ಗೇಮ್ ಶೋನಲ್ಲಿ ರೂಪಾಲಿ ಭಾಗವಹಿಸಿದ್ದರು.
ರೂಪಾಲಿ ಗಂಗೂಲಿ 43 ವರ್ಷ ವಯಸ್ಸಿನ ಉದ್ಯಮಿ ಅಶ್ವಿನ್ ಕೆ ವರ್ಮಾ ಅವರನ್ನು ವಿವಾಹವಾದರು. ಆವರಿಗೆ ಒಬ್ಬ ಮಗನಿದ್ದಾನೆ. ದೂರದರ್ಶನ ಕಾರ್ಯಕ್ರಮವೊಂದರಲ್ಲಿ ಪ್ರಮುಖ ಪಾತ್ರಕ್ಕೆ ಆಯ್ಕೆಯಾಗುವ ಮೊದಲು ರೂಪಾಲಿ ಹೋಟೆಲ್ ಮ್ಯಾನೇಜ್ಮೇಂಟ್ ಮತ್ತು ರಂಗಭೂಮಿಯನ್ನು ಅಧ್ಯಯನ ಮಾಡಿದರು.
ಮಾಧ್ಯಮ ವರದಿಗಳ ಪ್ರಕಾರ, ರೂಪಾಲಿ ಗಂಗೂಲಿ ಅವರ ನಿವ್ವಳ ಮೌಲ್ಯ ಸುಮಾರು 12 ಕೋಟಿ ರೂಗಳು. ಟಿವಿ ಉದ್ಯಮದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಟಿವಿ ನಟಿಯರಲ್ಲಿ ರೂಪಾಲಿ ಕೂಡ ಒಬ್ಬರು. ಸುದ್ದಿ ಪ್ರಕಾರ, ರೂಪಾಲಿ ಗಂಗೂಲಿ ಧಾರವಾಹಿ ಒಂದು ಸಂಚಿಕೆಗೆ 65 ರಿಂದ 70 ಸಾವಿರ ಚಾರ್ಜ್ ಮಾಡುತ್ತಾರೆ. ಅವರು ಮುಂಬೈನಲ್ಲಿ ಸುಂದರವಾದ ಐಷಾರಾಮಿ ಮನೆಯನ್ನು ಹೊಂದಿದ್ದಾರೆ.