ಹೊಸ ಲುಕ್ಕಲ್ಲಿ 'ನನ್ನರಸಿ ರಾಧೆ' ಖ್ಯಾತಿಯ ಕೌಸ್ತುಭ ಮಣಿ: ಇದು ನೀವೇನಾ? ಎಂದ ನೆಟ್ಟಿಗರು

ನನ್ನರಸಿ ರಾಧೆ ಸೀರಿಯಲ್ ಮೂಲಕ ಜನಮನ ಗೆದ್ದ ನಟಿ ಕೌಸ್ತುಭ ಮಣಿ. ಸದಾ ಟ್ರೆಡಿಶನಲ್ ಡ್ರೆಸ್ ಗಳಲ್ಲೇ ಕಾಣಿಸುವ ಈ ಹುಡುಗಿ, ಇದೀಗ ಹೊಸದಾಗಿ ಫೋಟೋ ಶೂಟ್ ಮಾಡಿಸಿಕೊಂಡಿದ್ದು, ಅಭಿಮಾನಿಗಳು ಇವು ನೀವೇನಾ ಎಂದು ಕೇಳುವಂತೆ ಮಾಡಿದೆ.  

ಕನ್ನಡ ಚಲನಚಿತ್ರ (Kannada film industry) ಮತ್ತು ದೂರದರ್ಶನ ಉದ್ಯಮದಲ್ಲಿಯೂ ತೊಡಗಿಸಿಕೊಂಡಿರುವ ಕೌಸ್ತುಭ ಮಣಿ (Kaustubha Mani) ಡಿಸೆಂಬರ್ 25, 1999 ರಂದುಬೆಂಗಳೂರಿನಲ್ಲಿ ಜನಿಸಿದರು. ನಟನೆಯಲ್ಲಿ ಆಸಕ್ತಿಯೇ ಇಲ್ಲದ ನಟಿ, ಇದೀಗ ಸಿನಿಮಾ, ಕನ್ನಡ, ತೆಲುಗು ಕಿರುತೆರೆಗಳಲ್ಲಿ ಹೆಸರು ಮಾಡುತ್ತಿರೋದನ್ನು ನೀವೇ ಕಾಣಬಹುದು.

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ‘ನನ್ನರಸಿ ರಾಧೆ’ (Nannarasi Radhe)ಧಾರಾವಾಹಿಯಲ್ಲಿ ನಟಿಸಿದ ಇಂಚರ ಪಾತ್ರಧಾರಿ ನಟಿ ಕೌಸ್ತುಭ ಮಣಿ ಬಗ್ಗೆ ನಿಮಗೆ ಗೊತ್ತೇ ಇದೆ. ತನ್ನ ಮುಗ್ಧ ಮಾತುಗಳು, ಮುದ್ದು ಮುಖದಿಂದ ಈ ನಟಿ ಕಡಿಮೆ ಸಮಯದಲ್ಲೇ ಹೆಚ್ಚು ಜನಪ್ರಿಯತೆ ಪಡೆದಿದ್ದರು. 

ಯುವ ಪ್ರತಿಭೆ ತೇಜ್ ನಟಿಸಿ, ನಿರ್ದೇಶನ ಮಾಡುತ್ತಿರುವ  'ರಾಮಾಚಾರಿ 2.0' (Ramachari 2.0)ಚಿತ್ರದಲ್ಲೂ ಕೌಸ್ತುಭ ನಟಿಸಿದ್ದಾರೆ. ನಟಿಯಾಗಿ, ನಾನು ಹೊಸ ಉದ್ಯಮಗಳನ್ನು ಅನ್ವೇಷಿಸಲು ಮತ್ತು ಅನುಭವಿಸಲು ಉತ್ಸುಕಳಾಗಿದ್ದೇನೆ ಎಂದು ಅವರು ಹೇಳಿದ್ದಾರೆ. ಈ ಚಿತ್ರ ಮುಂದಿನ ತಿಂಗಳು ರಿಲೀಸ್ ಆಗಲಿದೆ. 

ಕೌಸ್ತುಭ ಕನ್ನಡ ಸೀರಿಯಲ್ (Kannada serial) ಅಲ್ಲದೇ, ತೆಲುಗು ಸೀರಿಯಲ್ 'ಕೋಡಲು ಮೀಕು ಜೋಹರ್ಲು' ನಲ್ಲೂ ನಟಿಸಿ, ತೆಲುಗು ಜನರ ಪ್ರೀತಿ ಗಳಿಸುವಲ್ಲೂ ಯಶಸ್ವಿಯಾಗಿದ್ದಾರೆ. ಈ ನಟಿ ಸಿರೀಯಲ್ ಗಳಲ್ಲಿ ಸದಾ ಟ್ರೆಡಿಶನಲ್ ಉಡುಗೆಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನೂ ಇವರ ಸೋಶಿಯಲ್ ಮೀಡಿಯಾ ಪೇಜ್ ನೋಡಿದ್ರೆ ಅಲ್ಲೂ ಸಹ ಟ್ರೆಡಿಶನಲ್ ಬಟ್ಟೆಯಲ್ಲಿಯೇ ನಟಿ ಕಾಣಿಸಿಕೊಂಡಿದ್ದಾರೆ. 

ಕೌಸ್ತುಭ ಇತ್ತೀಚೆಗೆ ಮಾಡಿಸಿಕೊಂಡಿರುವ ಫೋಟೋಶೂಟ್ (photoshoot) ಸದ್ಯ ವೈರಲ್ ಆಗುತ್ತಿದೆ. ಅದೇನೆಂದರೆ, ಯಾವಾಗಲೂ ಟ್ರೆಡಿಶನಲ್ ಆಗಿ ಕಾಣುವ ನಟಿ ಇದೀಗ ಮಾಡರ್ನ್ ಲುಕ್ ನಲ್ಲಿ ಫೋಟೋ ಶೂಟ್ ಮಾಡಿಸಿಕೊಂಡಿರೋದು, ಅಭಿಮಾನಿಗಳ ಹುಬ್ಬೇರಿಸುವಂತೆ ಮಾಡಿದೆ, ಅಲ್ಲದೇ ಜನ ಇದು ನೀವೇನಾ ಎಂದು ಸಹ ಕೇಳುತ್ತಿದ್ದಾರೆ. 

ನಟಿಯಾಗಬೇಕು ಎಂಬ ಕನಸೇ ಕಂಡಿರದ ಕೌಸ್ತುಭ, ನಟಿಯಾಗಿದ್ದು ಮಾತ್ರ ವಿಶೇಷ. ಖಾಸಗಿ ಕಂಪನಿಯೊಂದರಲ್ಲಿ ಟೆಕ್ಕಿಯಾಗಿ ಕೆಲಸ ಮಾಡುತ್ತಿದ್ದ ಕೌಸ್ತುಭ ಮಣಿ ಆಕಸ್ಮಿಕವಾಗಿ ಬಣ್ಣದ ಬದುಕಿಗೆ ಕಾಲಿಟ್ಟರು. ನಟಿ ಮಾನ್ವಿತಾ ಕಾಮತ್ ಅವರನ್ನು  ಫ್ಯಾಶನ್ ಶೋವೊಂದರಲ್ಲಿ  ಭೇಟಿ ಮಾಡಿದ ನಂತರ ಮಾನ್ವಿತಾ ಧಾರಾವಾಹಿಯ ತಂಡಕ್ಕೆ ಇವರನ್ನು ಪರಿಚಯಿಸಿದ್ದರಂತೆ . ನಂತರ. ‘ನನ್ನರಸಿ ರಾಧೆ’ ಧಾರಾವಾಹಿಯ ಲುಕ್ ಟೆಸ್ಟ್ ಮತ್ತು ಆಡಿಷನ್‌ನಲ್ಲಿ (look test audiiton) ಪಾಸ್ ಆದ ಕೌಸ್ತುಭ ಮಣಿ ಕಿರುತೆರೆ ಲೋಕಕ್ಕೆ ಕಾಲಿಟ್ಟರು.

‘ನನ್ನರಸಿ ರಾಧೆ’ ಧಾರಾವಾಹಿಯಲ್ಲಿ ಇಂಚರಾ ಪಾತ್ರಕ್ಕೆ ಜೀವ ತುಂಬಿ ಅಭಿನಯಿಸಿದ, ಕೌಸ್ತುಭ ಮಣಿ ‘ಬಿಗ್ ಬಾಸ್’ ಮನೆಗೂ ಕಾಲಿಟ್ಟಿದ್ದರು. ‘ಬಿಗ್ ಬಾಸ್ ಮಿನಿ ಸೀಸನ್’ ಕಾರ್ಯಕ್ರಮದಲ್ಲಿ ಕೌಸ್ತುಭ ಮಣಿ ಭಾಗವಹಿಸಿದ್ದರು. ಇದೀಗ ಫೋಟೋ ಶೂಟ್ ಮೂಲಕ ಸುದ್ದಿಯಾಗಿರುವ ಕೌಸ್ತುಭ, ಅವರ ಈ ಫೋಟೋ ಶೂಟ್ ನಿಮಗೆ ಹೇಗೆ ಅನಿಸಿತು ಹೇಳಿ…