ಗೀತಾ ಭಾರತಿ ಭಟ್ ರಿಂದ ಚಂದನ್ ಕುಮಾರ್ ವರೆಗೆ : Fat to Fit ಆದ ಸೆಲೆಬ್ರಿಟಿಗಳು
ಸಿನಿಮಾದಲ್ಲಾಗಲಿ, ಕಿರುತೆರೆಯಲ್ಲಾಗಲಿ ನಟರಾಗೋದು ಅಂದ್ರೆ ಅಷ್ಟೊಂದು ಸುಲಭದ ಮಾತಲ್ಲ. ಸ್ಕ್ರಿಪ್ಟ್ ಸರಿಯಾಗಿ ಕಂಠಪಾಟ ಮಾಡಬೇಕು, ಫೈಟಿಂಗ್ ಚೆನ್ನಾಗಿ ಮಾಡಬೇಕು, ಡ್ಯಾನ್ಸ್ ಚೆನ್ನಾಗಿ ಮಾಡಬೇಕು. ಜೊತೆಗೆ ಫಿಟ್ನೆಸ್ ಕಾಯ್ದುಕೊಳ್ಳೋದು ಸಹ ತುಂಬಾನೆ ಮುಖ್ಯ. ಈಗ, ಫಿಟ್ ಆಗಿ ಉಳಿಯುವುದು ಈ ಮನರಂಜನಾ ಉದ್ಯಮದಲ್ಲಿ ನಟರು ಪೂರೈಸಬೇಕಾದ ದೊಡ್ಡ ಬೇಡಿಕೆಗಳಲ್ಲಿ ಒಂದಾಗಿದೆ. ಕಿರುತೆರೆಯ ಜನಪ್ರಿಯ ನಟರು ಯಾರ್ಯಾರು ಫ್ಯಾಟ್ ನಿಂದ ಫಿಟ್ ಆಗಿದ್ದಾರೆ ನೋಡೋಣ.
ವಿನಯ್ ಗೌಡ (Vinay Gowda)
ಪೌರಾಣಿಕ ಧಾರಾವಾಹಿ ಹರ ಹರ ಮಹಾದೇವ್ ಚಿತ್ರೀಕರಣ ಪ್ರಾರಂಭಿಸುವ ಮೊದಲು ನಟ ಸ್ವಲ್ಪ ತೂಕವನ್ನು ಕಳೆದುಕೊಂಡರು. "ಹರ ಹರ ಮಹಾದೇವ್ ಚಿತ್ರದ ನಿರ್ಮಾಪಕರು ತೂಕ ಇಳಿಸಲು ಹೇಳಿದ್ರಿಂದ ಇವರು ಕೇವಲ ಹತ್ತು ದಿನಗಳಲ್ಲಿ 8 ಕಿಲೋ ತೂಕವನ್ನು ಕಳೆದುಕೊಂಡಿದ್ರಂತೆ. ಅಲ್ಲದೇ ಇವರು ಶಿವನ ಪಾತ್ರವನ್ನು ನಿರ್ವಹಿಸುತ್ತಿದ್ದರಿಂದ ಹರ ಹರ ಮಹಾದೇವ್ ಚಿತ್ರದ ಸಂಪೂರ್ಣ ಚಿತ್ರೀಕರಣದ ಸಮಯದಲ್ಲಿ ಮಾಂಸಾಹಾರಿ ಆಹಾರ ಸೇವಿಸಿಯೇ ಇರಲಿಲ್ಲವಂತೆ.
ಜ್ಯೋತಿ ಕಿರಣ್ (Jyothi Kiran)
ಕನ್ನಡ ಕಿರುತೆರೆಯ ಆನ್-ಸ್ಕ್ರೀನ್ ತಾಯಂದಿರಲ್ಲಿ ಒಬ್ಬರೆಂದು ಕರೆಯಲ್ಪಡುವ ನಟಿ ಒಂದು ಕಾಲದಲ್ಲಿ ಫ್ಯಾಟ್ ಆಗಿ ಇದ್ದರು. ಕಳೆದ ಐದು ವರ್ಷಗಳಲ್ಲಿ ಜ್ಯೋತಿ ಸಾಕಷ್ಟು ತೂಕವನ್ನು ಕಳೆದುಕೊಂಡಿದ್ದಾರೆ. ಫಿಟ್ ಆಗಿರಲು ಐದು ವರ್ಷ ಕಷ್ಟಪಟ್ಟಿದ್ದೇನೆ, ಇನ್ನು ಮುಂದೆ ಅದನ್ನು ಕಾಯ್ದುಕೊಳ್ಳಲು ಬಯಸುತ್ತೇನೆ ಎಂದಿದ್ದಾರೆ. ಪ್ರಾಮಾಣಿಕವಾಗಿ, ನನ್ನ ಫಿಟ್ನೆಸ್ ದಿನಚರಿಯನ್ನು ಅನುಸರಿಸುವಲ್ಲಿ ನಾನು ತುಂಬಾ ಕಟ್ಟುನಿಟ್ಟಾಗಿದ್ದೇನೆ ಎನ್ನುತ್ತಾರೆ ಇವರು.
ಗೀತಾ ಭಾರತಿ ಭಟ್ (Geetha Bharathi Bhat)
ಬ್ರಹ್ಮ ಗಂಟು ಸೀರಿಯಲ್ ನ ಗುಂಡಮ್ಮ ಖ್ಯಾತಿಯ ನಟಿ ಗೀತಾ ಭಾರತಿ ಭಟ್ ಒಂದೂವರೆ ವರ್ಷದಿಂದ ಜಿಮ್ಮಿಂಗ್ ಮಾಡುತ್ತಿದ್ದು, ತೂಕ ಕಳೆದುಕೊಂಡಿದ್ದಾರೆ. "ಯಾರನ್ನಾದರೂ ಮೆಚ್ಚಿಸಲು ಅಥವಾ ಫಿಲ್ಮಿ ಅವಕಾಶಗಳನ್ನು ಪಡೆಯಲು ನಾನು ತೂಕ ಇಳಿಸಿಕೊಳ್ಳಲು ಬಯಸಲಿಲ್ಲ. ನಾನು ಇದ್ದ ರೀತಿಯನ್ನು ನಾನು ಇಷ್ಟಪಡುತ್ತಿದ್ದೆ. ಬಿಗ್ ಬಾಸ್ ನಂತರ, ನಾನು ನನ್ನದೇ ಆದ ಆರೋಗ್ಯ ಸಮಸ್ಯೆಗಳನ್ನು ಹೊಂದಿದ್ದೆ. ಜೊತೆಗೆ ನನಗೆ ಪಿಸಿಒಎಸ್ ಸಮಸ್ಯೆ ಇತ್ತು, ಅದು ಈಗ ಗುಣಮುಖವಾಗಿದೆ. ಮಾನಸಿಕವಾಗಿ ಮತ್ತು ದೈಹಿಕವಾಗಿ ಸದೃಢವಾಗಿರುವುದರ ಮಹತ್ವವನ್ನು ನಾನು ಅರಿತುಕೊಂಡೆ ಅಂತಾರೆ. ಇದೀಗ ಅವರು ಸುಮಾರು 28 ಕಿಲೋ ತೂಕ ಕಳೆದುಕೊಂಡಿದ್ದಾರೆ.
ಚಂದನ್ ಕುಮಾರ್ (Chandan Kumar)
ಚಂದನ್ ತನ್ನ ಆನ್-ಸ್ಕ್ರೀನ್ ಪಾತ್ರದ ಅಗತ್ಯಗಳನ್ನು ಪೂರೈಸಲು ತೀವ್ರವಾದ ದೇಹ ರೂಪಾಂತರಕ್ಕೆ ಒಳಗಾಗಿದ್ದರು. ಏಳು ದಿನಗಳಲ್ಲಿ ಟ್ರೆಡ್ ಮಿಲ್ ನಲ್ಲಿ 100 ಕಿ.ಮೀ ಓಡುವ ಮೂಲಕ ನಟ ಐದು ಕಿಲೋ ತೂಕವನ್ನು ಕಳೆದುಕೊಂಡರು. ಲಾಕ್ ಡೌನ್ ಬಳಿಕ ಅವರು ಫ್ಯಾಟ್ ನಿಂದ ಫಿಟ್ ಆಗಿರುವ ಬಗ್ಗೆ ಅವರೇ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು.
ಅನು ಜನಾರ್ಧನ್ (Anu Janardhan)
ಹೈ-ಫ್ಯಾಶನ್ ಸ್ಟೇಟ್ಮೆಂಟ್ ಮತ್ತು ಆಕರ್ಷಕ ಲುಕ್ ಗೆ ಹೆಸರುವಾಸಿಯಾದ ಅನು ಜನಾರ್ಧನ್ ಕಳೆದ ಕೆಲವು ವರ್ಷಗಳಲ್ಲಿ ಭಾರಿ ದೈಹಿಕ ರೂಪಾಂತರಕ್ಕೆ ಒಳಗಾಗಿದ್ದಾರೆ. ಈ ಬಗ್ಗೆ ಹೆಳೊ ಅನು"ಎರಡು ಡಿಗಳು ಅಂದರೆ, ನೃತ್ಯ (Dance) ಮತ್ತು ಆಹಾರವು (Diet) ನನ್ನ ಕನಸಿನ ದೇಹವನ್ನು ಪಡೆಯಲು ನನಗೆ ಸಾಕಷ್ಟು ಸಹಾಯ ಮಾಡಿತು ಎನ್ನುತ್ತಾರೆ.
ಅಕುಲ್ ಬಾಲಾಜಿ (Akul Balaji)
ಅಕುಲ್ ತನ್ನ ಇತ್ತೀಚಿನ ಫಿಟ್ ಮತ್ತು ಫ್ಯಾಬ್ ಲುಕ್ ನಿಂದ ಅಭಿಮಾನಿಗಳಿಗೆ ಶಾಕ್ ನೀಡಿದ್ದಾರೆ. ಹೆಚ್ಚು ತೂಕದಿಂದ ದೇಹದಲ್ಲಿ ಕೊಬ್ಬು ಹೆಚ್ಚಾಗುತ್ತೆ ಎಂದು ತಾಯಿ ಭಯ ಪಟ್ಟಿದ್ರಂತೆ, ಅದಕ್ಕಾಗಿಯೇ ಮಗನಿಗೆ ಎಕ್ಸರ್ ಸೈಜ್ ಮಾಡುವಂತೆ ತಾಯಿ ಹೇಳಿದ್ರಂತೆ. ತನ್ನ ಮಗ ಫಿಟ್ ಮತ್ತು ಫ್ಯಾಬ್ ಆಗಿ ಕಾಣಬೇಕೆಂದು ಅಮ್ಮ ಬಯಸಿದ್ದಾಕ್ಕಾಗಿ ತಾನು ಎರಡು ವರ್ಷಗಳಲ್ಲಿ ಫಿಟ್ನೆಸ್ ಕಾಯ್ದುಕೊಳ್ಳುತ್ತಿದ್ದೇನೆ ಎನ್ನುತ್ತಾರೆ ಅಕುಲ್ ಬಾಲಾಜಿ.