ಶೀಘ್ರವೇ ಬಿಗ್ ಬಾಸ್ ತೆಲುಗು ಸೀಸನ್ 9 ಆರಂಭ, ನಾಗಾರ್ಜುನ ಔಟ್‌! ನಿರೂಪಣೆಗೆ ಲೇಡಿ ಎಂಟ್ರಿ?

ಬಿಗ್ ಬಾಸ್ ತೆಲುಗು ಸೀಸನ್ 9 ಕ್ಕೆ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಸೀಸನ್ 9 ಮೇ ತಿಂಗಳಲ್ಲಿ ಪ್ರಾರಂಭವಾಗುವ ಸಾಧ್ಯತೆ ಇದೆ. ಈ ಬಾರಿ ಹೊಸ ಸ್ಪರ್ಧಿಗಳು ಮತ್ತು ನಿರೂಪಕರನ್ನು ನಿರೀಕ್ಷಿಸಲಾಗಿದೆ.

ಬಿಗ್ ಬಾಸ್ ತೆಲುಗು ಸೀಸನ್ 9: ಬಿಗ್ ಬಾಸ್ ಜಗತ್ತಿನಲ್ಲೇ ಫೇಮಸ್ ರಿಯಾಲಿಟಿ ಶೋ. ಯಾವ ಭಾಷೆಯಲ್ಲಾದರೂ ಈ ಕಾರ್ಯಕ್ರಮಕ್ಕೆ ಕ್ರೇಜ್ ಇದ್ದೇ ಇರುತ್ತೆ. ಹಾಲಿವುಡ್‌ನಲ್ಲಿ ಬಿಗ್ ಬ್ರದರ್ ಆದ್ರೆ, ಇಂಡಿಯಾದಲ್ಲಿ ಬಿಗ್ ಬಾಸ್. ಇತ್ತೀಚೆಗಷ್ಟೇ ಬಿಗ್‌ಬಾಸ್‌ ತೆಲುಗು ಸೀಸನ್‌ 8 ಮುಗಿದಿದ್ದು, ಕನ್ನಡಿಗ ನಿಖಿಲ್‌ ವಿನ್ನರ್ ಆಗಿದ್ದರು.  ಈ ಕಾರ್ಯಕ್ರಮ ಭಾರತದಲ್ಲಿ ಸುಮಾರು 10 ಭಾಷೆಗಳಲ್ಲಿ ಪ್ರಸಾರವಾಗುತ್ತಿದೆ. ಇದು ಹಿಂದಿಯಲ್ಲಿ ಮೊದಲು ಪ್ರಾರಂಭವಾಯಿತು ಮತ್ತು ನಂತರ ತೆಲುಗು, ತಮಿಳು, ಕನ್ನಡ ಮತ್ತು ಮಲಯಾಳಂ ಭಾಷೆಗಳಲ್ಲಿ ಮುಂದುವರೆಯಿತು. ದಕ್ಷಿಣ ಭಾರತದಲ್ಲಿ ಮೊದಲು ಪ್ರಾರಂಭವಾಗಿದ್ದು ಕನ್ನಡದಲ್ಲಿ.  ಕನ್ನಡ ಬಿಗ್‌ಬಾಸ್‌ ಈಗಾಗಲೇ 11 ಸೀಸನ್‌ಗಳನ್ನು ಪೂರ್ಣಗೊಳಿಸಿದೆ. ದಕ್ಷಿಣದ ಇತರ ಭಾಷೆಗಳಲ್ಲಿ ಕೇವಲ 8 ಸೀಸನ್‌ಗಳು ಪೂರ್ಣಗೊಂಡಿವೆ. 

ಈ ನಡುವೆ ಸೀಸನ್ 5 ಮತ್ತು 6 ಆಡಿಯನ್ಸ್‌ಗೆ ಬೋರ್ ಹೊಡೆಸಿ ರೇಟಿಂಗ್ ಸಡನ್ ಆಗಿ ಕುಗ್ಗಿತ್ತು. ಅದಕ್ಕೆ ಸೀಸನ್ 7, 8ನ್ನು ತುಂಬಾ ಜಾಗರೂಕತೆಯಿಂದ ಟೀಮ್ ಪ್ಲಾನ್ ಮಾಡಿ, ಗೆಲುವು ಕಂಡಿತ್ತು. ಸೀಸನ್ 7 ಮತ್ತು 8ರಲ್ಲಿ ಹೊಸತನವನ್ನು ತೋರಿಸಿದರು ಮತ್ತು ಪ್ರೇಕ್ಷಕನ್ನು ಹಿಡಿದಿಟ್ಟುಕೊಂಡರು. ಕಳೆದ ಸೀಸನ್ 8 ಸಹ ಯಶಸ್ವಿಯಾಗಿ ಪೂರ್ಣಗೊಂಡಿತು. ಇದೀಗ ಬಿಗ್ ಬಾಸ್ ತೆಲುಗು ಸೀಸನ್ 9ಕ್ಕೆ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.  

 ತೆಲುಗಿನಲ್ಲಿ ಬಿಗ್ ಬಾಸ್ ತೆಲುಗು 8 ಸೀಸನ್‌ಗಳನ್ನು ಯಶಸ್ವಿಯಾಗಿ ಮುಗಿಸಿದೆ. ಇದರಲ್ಲಿ ಸೀಸನ್ 2 ಜೊತೆಗೆ ಸೀಸನ್ 5, 6 ಮಾತ್ರ ಆಡಿಯನ್ಸ್‌ಗೆ ನಿರಾಸೆ ತರಿಸಿದ್ವು. ಬಿಗ್ ಬಾಸ್ ತೆಲುಗು ಸೀಸನ್ 1 ಅನ್ನು ಎನ್‌ಟಿಆರ್ ನಿರೂಪಣೆ ಮಾಡಿದರು ಮತ್ತು ಅದು ಬ್ಲಾಕ್ಬಸ್ಟರ್ ಹಿಟ್ ಆಯಿತು. ನಾನಿ ನಿರೂಪಣೆ ಮಾಡಿದ ಸೀಸನ್ 2 ದುರಂತವಾಗಿತ್ತು. ಸೀಸನ್ 3 ರಿಂದ, ನಾಗಾರ್ಜುನ ಬಿಗ್ ಬಾಸ್ ತೆಲುಗಿನ ಖಾಯಂ ನಿರೂಪಕರಾಗಿದ್ದಾರೆ. ಅವರು ಬಹಳ ಸಮಯದಿಂದ ಆತಿಥ್ಯ ವಹಿಸುತ್ತಿದ್ದಾರೆ. 

ಇನ್ನು ಬಿಗ್ ಬಾಸ್ ತೆಲುಗು ಸೀಸನ್ 9ನ್ನು ಸ್ಟಾರ್ಟ್ ಮಾಡ್ತಾರಂತೆ. ಈಗಾಗಲೇ ಕಂಟೆಸ್ಟೆಂಟ್ಸ್ ಲಿಸ್ಟ್ ಕೂಡ ಫೈನಲ್ ಆಗೋಕೆ ಸ್ಟಾರ್ಟ್ ಆಗಿದೆ ಅಂತ ಸುದ್ದಿ ಇದೆ. ಈ ಬಾರಿ ಬಹಳ ಬೇಗನೆ ಬಿಗ್ ಬಾಸ್ ಆರಂಭಿಸಲು ತಂಡ ಯೋಜಿಸುತ್ತಿದೆ. ಸಾಧ್ಯವಾದರೆ ಬೇಸಿಗೆಯಲ್ಲಿ ಪ್ರಾರಂಭಿಸಲು ಯೋಜನೆ ನಡೆಯುತ್ತಿದೆ. ಮೇ ಮೊದಲ ವಾರದಲ್ಲಿ ಬಿಗ್ ಬಾಸ್ ತೆಲುಗು ಸೀಸನ್ 9 ಪ್ರಾರಂಭವಾದರೆ ಆಶ್ಚರ್ಯಪಡಬೇಕಾಗಿಲ್ಲ. ಈ ಯೋಜನೆ ಕಾರ್ಯರೂಪಕ್ಕೆ ಬರದಿದ್ದರೆ, ಸೆಪ್ಟೆಂಬರ್ 6 ರಂದು ಬಿಗ್ ಬಾಸ್ ತೆಲುಗು ಸೀಸನ್ 9 ಮತ್ತೆ ಪ್ರಾರಂಭವಾಗುವ ಸಾಧ್ಯತೆಯಿದೆ. ಈ ಬಾರಿ  ದೊಡ್ಡಮಟ್ಟದಲ್ಲಿ ಶೋ ಮಾಡುತ್ತಿದ್ದು,  ಹೆಚ್ಚು ಹೆಸರು ಮಾಡಿರುವ  ಸ್ಪರ್ಧಿಗಳನ್ನು ಕರೆತರಲು ಪ್ರಯತ್ನಿಸುತ್ತಿದ್ದಾರೆಂದು ತೋರುತ್ತದೆ. 

ಸೀಸನ್ 9 ರಲ್ಲಿ ವರ್ಷಿಣಿ ನಿರೂಪಕಿಯಾಗಿರುತ್ತಾರೆ ಎಂದು ವರದಿಯಾಗಿದೆ. ಉದಯಭಾನು ಕೂಡ ಅವರೊಂದಿಗೆ ಬರುವ ಸಾಧ್ಯತೆ ಇದೆ. ಪ್ರಸ್ತುತ ನಡೆಯುತ್ತಿರುವ ನೃತ್ಯ ಕಾರ್ಯಕ್ರಮಗಳ ಪ್ರಸಿದ್ಧ ವ್ಯಕ್ತಿಗಳನ್ನು ಬಿಗ್ ಬಾಸ್ ಮನೆಗೆ ಕರೆತರಲು ತಂಡ ಪ್ರಯತ್ನಿಸುತ್ತಿದೆ. ಅಷ್ಟೇ ಅಲ್ಲ, ಹಿಂದಿನ ಸೀಸನ್‌ಗಳ ಕೆಲವು  ಸ್ಪರ್ಧಿಗಳು ಕೂಡ ಇರಲಿದ್ದಾರಂತೆ.

ವಿಶೇಷವಾಗಿ 7 ಮತ್ತು 6 ನೇ ಸೀಸನ್‌ಗಳಿಂದ ಇಬ್ಬರು ಸ್ಪರ್ಧಿಗಳನ್ನು ತೆಗೆದುಕೊಳ್ಳಲಾಗುವುದು ಎಂದು ವರದಿಯಾಗಿದೆ. ಇದರಲ್ಲಿ ಎಷ್ಟು ಸತ್ಯವಿದೆಯೋ ಗೊತ್ತಿಲ್ಲ, ಆದರೆ ಬಿಗ್ ಬಾಸ್ ತೆಲುಗು ಸೀಸನ್ 9 ಅನ್ನು ಬಹಳ ಎಚ್ಚರಿಕೆಯಿಂದ ಯೋಜಿಸಲಾಗುತ್ತಿದೆ ಎಂಬುದು ನಿಜ. ಅವರು ಅದನ್ನು ಸ್ವಲ್ಪ ಹೊಸದಾಗಿ ಮಾಡಲು ಪ್ರಯತ್ನಿಸುತ್ತಿದ್ದಾರೆ.