'ಮಾತಿಲ್ಲ, ಕಥೆಯಿಲ್ಲ..' ನಿರ್ಮಾಪಕನ ಮದುವೆಯಲ್ಲಿ ಫೇಸ್‌ ಟು ಫೇಸ್‌ ಬಂದ ನಯನತಾರಾ-ಧನುಷ್‌!

ತಮಿಳು ಚಿತ್ರರಂಗದಲ್ಲಿ ಪ್ರಖ್ಯಾತ ನಟ ಮತ್ತು ನಿರ್ದೇಶಕರಾಗಿರುವ ಧನುಷ್. ಮತ್ತು ತಮಿಳು ಚಿತ್ರರಂಗದ ಲೇಡಿ ಸೂಪರ್ ಸ್ಟಾರ್ ಎಂಬ ಬಿರುದನ್ನು ಹೊಂದಿರುವವರು ನಟಿ ನಯನತಾರಾ. ಇವರಿಬ್ಬರ ನಡುವೆ ಇತ್ತೀಚೆಗೆ ವಾರ್‌ ನಡೆದಿದ್ದು ಗೊತ್ತೇ ಇದೆ. ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಿರುವ ನಯನತಾರಾ ಮತ್ತು ವಿಘ್ನೇಶ್ ಶಿವನ್ ಅವರ ಪ್ರೇಮಕಥೆಯ ಸರಣಿಗೆ ಸಂಬಂಧಿಸಿದ ಸಮಸ್ಯೆಯೇ ಕಳೆದ ಎರಡು ವಾರಗಳಿಂದ ಚಿತ್ರರಂಗದಲ್ಲಿ ಚರ್ಚೆಯಾಗುತ್ತಿದೆ. ನಯನತಾರಾ ತಪ್ಪು ಎಂದು ಒಂದು ಗುಂಪು, ಧನುಷ್ ತಪ್ಪು ಎಂದು ಇನ್ನೊಂದು ಗುಂಪು ವಾದ ಮಾಡುತ್ತಿದೆ.

ಮೊದಲಿಗೆ ನಯನತಾರಾ ಮತ್ತು ಅವರ ಪತಿ ವಿಘ್ನೇಶ್ ಶಿವನ್ ಅವರ ಪ್ರೇಮಕಥೆ ಶುರುವಾದದ್ದು ವಿಜಯ್ ಸೇತುಪತಿ ಅಭಿನಯದ 'ನಾನುಂ ರೌಡಿ ಧಾನ್‌' ಚಿತ್ರದ ಮೂಲಕ. ಈ ಚಿತ್ರದ ನಿರ್ಮಾಪಕರು ಧನುಷ್ ಎಂಬುದು ಗಮನಾರ್ಹ. ಈ ಚಿತ್ರದ ಮೂರು ಸೆಕೆಂಡುಗಳ ದೃಶ್ಯವನ್ನು ತಮ್ಮ ನೆಟ್‌ಫ್ಲಿಕ್ಸ್ ಸರಣಿಗೆ ಬಳಸಿದ್ದಕ್ಕಾಗಿ ನಯನತಾರಾ ಅವರಿಂದ 10 ಕೋಟಿ ರೂಪಾಯಿ ಪರಿಹಾರ ಕೇಳಿ ಧನುಷ್ ಕಡೆಯಿಂದ ನೋಟಿಸ್ ನೀಡಲಾಗಿದೆ. ಆದರೆ ಅದು ಮೂರು ಸೆಕೆಂಡುಗಳ ವಿಡಿಯೋ ಅಲ್ಲ, ಸುಮಾರು 40 ಸೆಕೆಂಡುಗಳ ವಿಡಿಯೋ, ಹಾಗಾಗಿ ನಯನತಾರಾ, ಧನುಷ್ ಕೇಳಿದ ಹಣವನ್ನು ಪರಿಹಾರವಾಗಿ ನೀಡಲೇಬೇಕು ಎಂದು ಒಂದು ಗುಂಪು ವಾದ ಮಾಡುತ್ತಿದೆ.

ಈ ಸಂದರ್ಭದಲ್ಲಿ, ಧನುಷ್ ಅಭಿನಯದ 'ಇಡ್ಲಿ ಕಡೈ' ಮತ್ತು ಶಿವಕಾರ್ತಿಕೇಯನ್‌ರ 25ನೇ ಚಿತ್ರ ಸೇರಿದಂತೆ ಹಲವು ಚಿತ್ರಗಳ ನಿರ್ಮಾಪಕರಾಗಿರುವ ಆಕಾಶ್ ಬಾಸ್ಕರನ್ ಅವರ ಮದುವೆ ಗುರುವಾರ ನಡೆದಿದೆ. ಇದರಲ್ಲಿ ಹಲವು ಗಣ್ಯರು ಭಾಗವಹಿಸಿದ್ದರು. ನಟ ಶಿವಕಾರ್ತಿಕೇಯನ್ ತಮ್ಮ ಪತ್ನಿಯೊಂದಿಗೆ ಭಾಗವಹಿಸಿದ್ದರು. ಅದೇ ರೀತಿ ಸಂಗೀತ ನಿರ್ದೇಶಕ ಅನಿರುದ್ಧ್ ಈ ಕಾರ್ಯಕ್ರಮಕ್ಕೆ ಬಂದು ನವದಂಪತಿಗಳನ್ನು ಆಶೀರ್ವದಿಸಿದರು.

ನಟಿ ರಕ್ಷಿತಾ ಪ್ರೇಮ್‌ ಸಹೋದರ ನಟ ರಾಣಾ ನಿಶ್ಚಿತಾರ್ಥ, ಜೋಗಿ ಪ್ರೇಮ್‌ ಮಿಸ್ಸಾಗಿದ್ದು ಯಾಕೆ?

ತಮ್ಮ ಚಿತ್ರದ ನಿರ್ಮಾಪಕ ಎಂಬ ಕಾರಣಕ್ಕೆ ನಟ ಧನುಷ್ ಈ ಮದುವೆಯಲ್ಲಿ ಭಾಗವಹಿಸಿದ್ದರು. ಅದೇ ರೀತಿ ನಟಿ ನಯನತಾರಾ ತಮ್ಮ ಪತಿ ವಿಘ್ನೇಶ್ ಶಿವನ್ ಅವರೊಂದಿಗೆ ಬಂದು ಭಾಗವಹಿಸಿದ್ದರು. ನಯನತಾರಾ ಮತ್ತು ಧನುಷ್ ಇಬ್ಬರೂ ಪಕ್ಕಪಕ್ಕದಲ್ಲಿ ಕುಳಿತಿದ್ದರೂ, ಈಗ ಇಬ್ಬರ ನಡುವೆ ಜಗಳ ನಡೆಯುತ್ತಿರುವುದರಿಂದ ಒಬ್ಬರನ್ನೊಬ್ಬರು ಮುಖ ನೋಡಿಕೊಳ್ಳದೆ ಅಲ್ಲಿಂದ ಹೊರಟುಹೋದರು.

ಸೀರೆಯುಟ್ಟು ಓಡಿ ಬಂದ ನಿವೇದಿತಾ ಗೌಡ, 'ಸಿಂಗಲ್ಸ್‌ಗಳ ಜನ್ಮ ಹಾಳ್‌ ಮಾಡ್ತಿದ್ದೀರಾ' ಅನ್ನೋದಾ?