ಮೊಬೈಲ್ನ IMEI ನಂಬರ್ ಅಂದರೆ ಏನು? ಇದನ್ನು ಪತ್ತೆ ಹಚ್ಚುವುದು ಹೇಗೆ?
ನಿಮ್ಮ ಮೊಬೈಲ್ ಫೋನ್ನ IMEI ನಂಬರ್ ಅತ್ಯಂತ ಮುಖ್ಯ. ಈ IMEI ನಂಬರ್ ಅಂದರೇನು? ಮೊಬೈಲ್ನಲ್ಲಿ ಎಲ್ಲಿರುತ್ತೆ ಈ ನಂಬರ್?
IMEI ನಂಬರ್ ಅಂದ್ರೇನು?
ನಿಮ್ಮ ಮೊಬೈಲ್ ಫೋನ್ನ IMEI ನಂಬರ್ ಅಂದ್ರೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮೊಬೈಲ್ ಫೋನ್ಗಳಿಗೆ ಕೊಡೋ ಐಡೆಂಟಿಟಿ ನಂಬರ್. ಈ ಯೂನಿಕ್ ನಂಬರ್ ಕಳೆದುಹೋದ ಫೋನ್ಗಳನ್ನ ಹುಡುಕೋದಕ್ಕೆ ತುಂಬಾ ಉಪಯೋಗಕ್ಕೆ ಬರುತ್ತೆ.
IMEI ನಂಬರ್ ಕಂಡುಹಿಡಿಯುವುದು ಹೇಗೆ?
ದಿನನಿತ್ಯದ ಬಳಕೆಯಲ್ಲಿ IMEI ನಂಬರ್ ಬೇಕಾಗೋಲ್ಲ. ಆದ್ರೆ ಕೆಲವು ಸಂದರ್ಭಗಳಲ್ಲಿ IMEI ನಂಬರ್ ಗೊತ್ತಿರೋದು ಮುಖ್ಯ. ನಿಮ್ಮ ಸ್ಮಾರ್ಟ್ಫೋನ್ನ್ನ ಮಾರಾಟ ಮಾಡುವಾಗ, ಖರೀದಿದಾರರು ರಶೀದಿಯಲ್ಲಿರೋ IMEI ನಂಬರ್ನ ಜೊತೆಗೆ ಹೊಂದಾಣಿಕೆ ಮಾಡಿಕೊಳ್ಳಬಹುದು. ಮೊಬೈಲ್ ಕದ್ದಿದ್ದಲ್ಲ ಅಂತ ಖಚಿತಪಡಿಸಿಕೊಳ್ಳೋಕೆ ಇದು ಸಹಾಯ ಮಾಡುತ್ತೆ.
IMEI ನಂಬರ್ನ ಉಪಯೋಗಗಳು
IMEI ನಂಬರ್ ಕಳ್ಳತನದ ಪ್ರಕರಣಗಳಲ್ಲಿ ತುಂಬಾ ಉಪಯೋಗಕ್ಕೆ ಬರುತ್ತೆ. ಪೊಲೀಸರು ಒಂದು ನಿರ್ದಿಷ್ಟ ಫೋನ್ನ್ನ ಟ್ರ್ಯಾಕ್ ಮಾಡಬೇಕಾದಾಗ ಇದನ್ನ ಬಳಸುತ್ತಾರೆ. ನಿಮ್ಮ ಐಫೋನ್ ಅಥವಾ ಆಂಡ್ರಾಯ್ಡ್ ಸ್ಮಾರ್ಟ್ಫೋನ್ನಲ್ಲಿ IMEI ನಂಬರ್ ಕಂಡುಹಿಡಿಯೋದು ಹೇಗೆ? ಮೂರು ವಿಧಾನಗಳಿವೆ. ಈಗ ನೋಡೋಣ.
IMEI ನಂಬರ್
ಫೋನ್ ಬಳಸದೆ IMEI ನಂಬರ್ ತಿಳ್ಕೊಳ್ಳೋಕೆ, ಮೊಬೈಲ್ ಫೋನ್ ಖರೀದಿ ಮಾಡಿದಾಗ ಕೊಟ್ಟಿರೋ ಬಾಕ್ಸ್ ಮೇಲೆ ನೋಡಬಹುದು. ಇದು ಸುಲಭ ವಿಧಾನ. ಒರಿಜಿನಲ್ ಬಾಕ್ಸ್ ಇದ್ರೆ ಮಾತ್ರ ಇದು ಸಾಧ್ಯ.
IMEI ನಂಬರ್ 15 ಅಂಕಿಗಳ ನಂಬರ್. ಡ್ಯುಯಲ್ ಸಿಮ್ ಫೋನ್ ಇದ್ರೆ, ಎರಡು 15 ಅಂಕಿಗಳ IMEI ನಂಬರ್ಗಳಿರುತ್ತವೆ. ಇದು ಸಾಧನದ ಹಿಂಭಾಗದಲ್ಲಿ ಅಥವಾ ಮೂಲೆಯಲ್ಲಿ ಇರುತ್ತೆ.
ಐಫೋನ್ ಅಥವಾ ಆಂಡ್ರಾಯ್ಡ್ ಯಾವುದೇ ಫೋನ್ ಇದ್ರೂ ಈ ವಿಧಾನ ಬಳಸಬಹುದು. *#06# ಡಯಲ್ ಮಾಡಿದ್ರೆ, ಒಂದು ಇನ್ಫರ್ಮೇಷನ್ ಬಾಕ್ಸ್ ಓಪನ್ ಆಗುತ್ತೆ. ಅದ್ರಲ್ಲಿ IMEI ನಂಬರ್ ಇರುತ್ತೆ. ನಿಮ್ಮ ಫೋನ್ ಎಷ್ಟು ಸಿಮ್ಗಳನ್ನ ಸಪೋರ್ಟ್ ಮಾಡುತ್ತೋ ಅಷ್ಟು IMEI ನಂಬರ್ಗಳಿರುತ್ತವೆ.
ಆಂಡ್ರಾಯ್ಡ್ ಮೊಬೈಲ್ಗಳಲ್ಲಿ ಸೆಟ್ಟಿಂಗ್ಸ್ನಲ್ಲಿರೋ About phone ವಿಭಾಗದಲ್ಲಿ ನಿಮ್ಮ ಸ್ಮಾರ್ಟ್ಫೋನ್ ಬಗ್ಗೆ ಮಾಹಿತಿ ಇರುತ್ತೆ. ಇದ್ರಲ್ಲಿ IMEI ನಂಬರ್ ಕೂಡ ಇರುತ್ತೆ. ಐಫೋನ್ ಸೆಟ್ಟಿಂಗ್ಸ್ನಲ್ಲಿ About ವಿಭಾಗದಲ್ಲಿ IMEI ನಂಬರ್ ಸಿಗುತ್ತೆ.