RRB ನೇಮಕಾತಿ: 32,438 ಹುದ್ದೆಗಳ ನೇಮಕಾತಿಗೆ ನಾಳೆಯಿಂದ ಅರ್ಜಿ ಸಲ್ಲಿಕೆ ಆರಂಭ!

RRB ನೇಮಕಾತಿ- 32,438 ಲೆವೆಲ್ 1 ಹುದ್ದೆಗಳು: ರೈಲ್ವೆ ನೇಮಕಾತಿ ಮಂಡಳಿ (RRB) 32,438  ಲೆವೆಲ್-1 ಹುದ್ದೆಗಳ ನೇಮಕಾತಿಗೆ ಅಧಿಸೂಚನೆ ಬಿಡುಗಡೆ ಮಾಡಿದೆ. ಸಂಪೂರ್ಣ ವಿವರಗಳು ಇಲ್ಲಿವೆ.

RRB ನೇಮಕಾತಿ-32,438 ಲೆವೆಲ್ 1 ಹುದ್ದೆಗಳು: ಬೃಹತ್ ಸಂಖ್ಯೆಯಲ್ಲಿ ಸರ್ಕಾರಿ ಉದ್ಯೋಗಗಳ ನೇಮಕಾತಿಗೆ ಅಧಿಸೂಚನೆ ಬಿಡುಗಡೆಯಾಗಿದೆ. ರೈಲ್ವೆ ನೇಮಕಾತಿ ಮಂಡಳಿ ಬರೋಬ್ಬರಿ 32 ಸಾವಿರಕ್ಕೂ ಹೆಚ್ಚು ಉದ್ಯೋಗಗಳ ನೇಮಕಾತಿಗೆ ಮಂಗಳವಾರ ಅಧಿಸೂಚನೆ ಹೊರಡಿಸಿದೆ. RRBಯ ಅಧಿಕೃತ ವೆಬ್‌ಸೈಟ್ – rrbapply.gov.in ನಲ್ಲಿ ನೀಡಲಾಗಿರುವ ವಿವರಗಳ ಪ್ರಕಾರ.. ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ನಾಳೆಯಿಂದಲೇ (ಜನವರಿ23 ರಂದು ಬೆಳಿಗ್ಗೆ 12 ಗಂಟೆ) ಪ್ರಾರಂಭವಾಗುತ್ತದೆ.

rrbapply.gov.in ನಲ್ಲಿ ಉಲ್ಲೇಖಿಸಲಾದ ಅಧಿಕೃತ ಅಧಿಸೂಚನೆಯ ಪ್ರಕಾರ.. ಲೆವೆಲ್-1 ರಲ್ಲಿನ ವಿವಿಧ ಹುದ್ದೆಗಳಿಗೆ ನೇಮಕಾತಿಗಾಗಿ ಅಧಿಸೂಚನೆ (RRB CEN ಸಂಖ್ಯೆ. 08/2024) ಯನ್ನು RRB ಬಿಡುಗಡೆ ಮಾಡಿದೆ. ಈ ನೇಮಕಾತಿ ಅಭಿಯಾನದ ಮೂಲಕ 7ನೇ CPC ವೇತನ ಮ್ಯಾಟ್ರಿಕ್ಸ್ ಲೆವೆಲ್ -1ರಲ್ಲಿ ಒಟ್ಟು 32,438  ಹುದ್ದೆಗಳನ್ನು ಭರ್ತಿ ಮಾಡಲಾಗುವುದು.

ಅರ್ಜಿ ಸಲ್ಲಿಕೆ ಕೊನೆಯ ದಿನಾಂಕ:
ಈ ಬೃಹತ್ ಅಧಿಸೂಚನೆಗಾಗಿ RRB 2025ರ ಜನವರಿ 23ರಂದು ನೋಂದಣಿ ಪ್ರಕ್ರಿಯೆಯನ್ನು ಪ್ರಾರಂಭಿಸುತ್ತದೆ. ಫೆಬ್ರವರಿ 22ರವರೆಗೆ ಅರ್ಜಿ ಸಲ್ಲಿಸಬಹುದು. ಅರ್ಜಿಯಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲು ವಿಂಡೋ ಫೆಬ್ರವರಿ 25ರಿಂದ ಮಾರ್ಚ್ 6ರವರೆಗೆ ತೆರೆದಿರುತ್ತದೆ.

RRB ನೇಮಕಾತಿ 2025: ಆಯ್ಕೆ ಪ್ರಕ್ರಿಯೆ ಹೇಗಿರುತ್ತದೆ? 
ನೇಮಕಾತಿ ಪ್ರಕ್ರಿಯೆಯು 4 ಹಂತಗಳನ್ನು ಒಳಗೊಂಡಿರುತ್ತದೆ.
1. ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT)
2. ದೈಹಿಕ ಸಾಮರ್ಥ್ಯ ಪರೀಕ್ಷೆ (PET)
3. ದಾಖಲೆ ಪರಿಶೀಲನೆ
4. ವೈದ್ಯಕೀಯ ಪರೀಕ್ಷೆ.

CBTಯಲ್ಲಿ 100 ಪ್ರಶ್ನೆಗಳನ್ನು 90 ನಿಮಿಷಗಳಲ್ಲಿ ಪೂರ್ಣಗೊಳಿಸಬೇಕು. ತಪ್ಪು ಉತ್ತರಗಳಿಗೆ ಅಂಕ ಕಡಿತ ಮಾಡಲಾಗುತ್ತದೆ. ಪ್ರತಿ ತಪ್ಪು ಉತ್ತರಕ್ಕೆ 1/3 ರಷ್ಟು ಅಂಕ ಕಡಿತಗೊಳಿಸಲಾಗುತ್ತದೆ.

ಅರ್ಜಿ ಶುಲ್ಕ ಎಷ್ಟು? 
ಎಲ್ಲಾ ಅಭ್ಯರ್ಥಿಗಳಿಗೆ ಪರೀಕ್ಷಾ ಶುಲ್ಕ 500 ರೂಪಾಯಿಗಳು. ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT)ಗೆ ಹಾಜರಾದ ನಂತರ, ಅನ್ವಯವಾಗುವ ಬ್ಯಾಂಕ್ ಶುಲ್ಕಗಳನ್ನು ಕಡಿತಗೊಳಿಸಿ ಅಭ್ಯರ್ಥಿಗಳಿಗೆ ₹400 ಹಣ ವಾಪಸ್ ಹಿಂತಿರುಗಿಸಲಾಗುತ್ತದೆ. PwBD, ಮಹಿಳೆಯರು, ಲಿಂಗಪರಿವರ್ತಿತರು, ಮಾಜಿ ಸೈನಿಕರು, SC/ST, ಅಲ್ಪಸಂಖ್ಯಾತ ವರ್ಗಗಳು ಅಥವಾ ಆರ್ಥಿಕವಾಗಿ ಹಿಂದುಳಿದ ವರ್ಗಗಳ (EBC) ಅಭ್ಯರ್ಥಿಗಳಿಗೆ ಶುಲ್ಕ 250 ರೂ. ನಿಗದಿಪಡಿಸಲಾಗಿದೆ.

ಕಂಪ್ಯೂಟರ್ ಆಧಾರಿತ ಪರೀಕ್ಷೆಗೆ (CBT) ಹಾಜರಾದ ನಂತರ ಬ್ಯಾಂಕ್ ಶುಲ್ಕಗಳನ್ನು ಕಡಿತಗೊಳಿಸಿದ ನಂತರ ಈ ಮೊತ್ತವನ್ನು ಸಹ ಹಿಂತಿರುಗಿಸಲಾಗುತ್ತದೆ. ಇಂಟರ್ನೆಟ್ ಬ್ಯಾಂಕಿಂಗ್, ಡೆಬಿಟ್/ಕ್ರೆಡಿಟ್ ಕಾರ್ಡ್‌ಗಳು, UPI ಅಥವಾ ಲಭ್ಯವಿರುವ ಇತರ ಪಾವತಿ ವಿಧಾನಗಳನ್ನು ಬಳಸಿಕೊಂಡು ಶುಲ್ಕವನ್ನು ಆನ್‌ಲೈನ್‌ನಲ್ಲಿ ಪಾವತಿಸಬೇಕು.

RRB ನೇಮಕಾತಿ 2025: ಮುಖ್ಯ ದಿನಾಂಕಗಳು
1. ಅರ್ಜಿ ಸಲ್ಲಿಕೆ ಪ್ರಾರಂಭ ದಿನಾಂಕ: ಜನವರಿ 23, 2025
2. ಅರ್ಜಿ ಸಲ್ಲಿಕೆಯ ಕೊನೆಯ ದಿನಾಂಕ: ಫೆಬ್ರವರಿ 22, 2025
3. ಕೊನೆಯ ದಿನಾಂಕದ ನಂತರ ಅರ್ಜಿ ಶುಲ್ಕ ಪಾವತಿ ದಿನಾಂಕ: ಫೆಬ್ರವರಿ 23 ರಿಂದ ಫೆಬ್ರವರಿ 24, 2025 ರವರೆಗೆ
4. ಬದಲಾವಣೆಗಳಿಗೆ ದಿನಾಂಕ, ಸಮಯ: ಫೆಬ್ರವರಿ 25 ರಿಂದ ಮಾರ್ಚ್ 6, 2025 ರವರೆಗೆ
ಅರ್ಹತಾ ಮಾನದಂಡಗಳು
ಜನವರಿ 1, 2025 ರಂತೆ ವಯಸ್ಸು 18 ರಿಂದ 36 ವರ್ಷಗಳ ನಡುವೆ ಇರಬೇಕು.