AI ಈ 3 ಉದ್ಯೋಗದ ಮೇಲೆ ಯಾವುದೇ ಪರಿಣಾಮ ಬೀರಲ್ಲ ಎಂದ ಬಿಲ್ ಗೇಟ್ಸ್! ಯಾವುವು ಈ ಕೆಲಸಗಳು?
ಕೃತಕ ಬುದ್ಧಿಮತ್ತೆ ಅನೇಕ ಉದ್ಯೋಗಗಳನ್ನು ಕಸಿದುಕೊಳ್ಳುತ್ತದೆ ಎಂಬ ವಾದದ ನಡುವೆ, ಬಿಲ್ ಗೇಟ್ಸ್ AIನಿಂದ ಯಾವುದೇ ಪರಿಣಾಮ ಬೀರದ 3 ಉದ್ಯೋಗಗಳ ಬಗ್ಗೆ ಮಾತನಾಡಿದ್ದಾರೆ. ಜಾಗತಿಕ ಮಟ್ಟದಲ್ಲಿ ಈ ಮೂರು ಮಾನವ ಉದ್ಯೋಗದ ಮೇಲೆ AI ಪರಿಣಾಮ ಬೀರುವುದಿಲ್ಲ ಎಂದುಹೇಳಿದ್ದಾರೆ.
ಜಾಗತಿಕ ಮಟ್ಟದಲ್ಲಿ ಕೃತಕ ಬುದ್ಧಿಮತ್ತೆ (AI) ಬಂದ ನಂತರ, ಅನೇಕ ಕ್ಷೇತ್ರಗಳಲ್ಲಿ ಮಾನವರ ಅಗತ್ಯವಿಲ್ಲ ಎಂಬ ಪ್ರಚಾರ ನಡೆಯುತ್ತಿದೆ. ಅನೇಕ ಉದ್ಯೋಗಗಳನ್ನು ಎಐ ಕಿತ್ತುಕೊಳ್ಳುತ್ತದೆ ಎಂದು ಹೇಳಲಾಗುತ್ತಿದ್ದು, ಮಾನವ ಉದ್ಯೋಗ ಕಣ್ಮರೆಯಾಗುವ ಅಪಾಯವಿದೆ ಎನ್ನುತ್ತುದ್ದಾರೆ. ಆದರೆ, ಇದೀಗ ಟೆಕ್ ದೈತ್ಯ ಬಿಲ್ ಗೇಟ್ಸ್ AIನಿಂದ ಯಾವುದೇ ಪರಿಣಾಮ ಬೀರದ 3 ಉದ್ಯೋಗಗಳ ಬಗ್ಗೆ ಮಾತನಾಡಿದ್ದಾರೆ. ಆ ಕೆಲಸಗಳು ಯಾವುವು? ನೀವೇ ನೋಡಿ..
1. ಸಾಫ್ಟ್ವೇರ್ ಉದ್ಯೋಗಗಳು: ಈ ಸಾಫ್ಟ್ವೇರ್ ಉದ್ಯಮವೇ ಕೃತಕ ಬುದ್ಧಿಮತ್ತೆಯನ್ನು ಸೃಷ್ಟಿಸಿದೆ. ಈ ಕ್ಷೇತ್ರದಲ್ಲಿನ ಉದ್ಯೋಗಗಳನ್ನು AI ನುಂಗುವ ಅಪಾಯವಿದೆ ಮತ್ತು ತಂತ್ರಜ್ಞರು ತೀವ್ರವಾಗಿ ಪರಿಣಾಮ ಬೀರುತ್ತದೆ ಎಂಬ ಪ್ರಚಾರ ನಡೆಯುತ್ತಿದೆ. ಆದರೆ ಬಿಟ್ ಗೇಟ್ಸ್ ಹೇಳುವಂತೆ AI ಸಾಫ್ಟ್ವೇರ್ ಕೆಲಸಗಾರರ ಮೇಲೆ ಹೆಚ್ಚಿನ ಪರಿಣಾಮ ಬೀರುವುದಿಲ್ಲ.
ಸರಳ ಪ್ರೋಗ್ರಾಮಿಂಗ್ ಕಾರ್ಯಗಳಿಗೆ AI ಉಪಯುಕ್ತವಾಗಬಹುದು. ಆದರೆ, ಕೋಡಿಂಗ್ನಂತಹ ಸಂಕೀರ್ಣ ಕಾರ್ಯಗಳಿಗೆ AI ಕೆಲಸ ಮಾಡುವುದಿಲ್ಲ. ಕೋಡಿಂಗ್ ಮಾಡುವಾಗ ಪರಿಗಣಿಸಬೇಕಾದ ಹಲವು ವಿಷಯಗಳಿವೆ. ನಿಖರತೆ ಬಹಳ ಮುಖ್ಯ. ಆದರೆ, ಎರಡೂ ಕೆಲಸ ಮಾಡುವುದು ಕಷ್ಟ. ಹಾಗಾಗಿ AI ಮನುಷ್ಯರಂತೆ ಪರಿಪೂರ್ಣವಾಗಿ ಕೋಡ್ ಮಾಡುವುದಿಲ್ಲ. ಯಾವುದೇ ಕೋಡಿಂಗ್ ಸಮಸ್ಯೆ ಉದ್ಭವಿಸಿದರೂ, AI ಅದನ್ನು ಪರಿಹರಿಸಲು ಸಾಧ್ಯವಿಲ್ಲ. ಆದ್ದರಿಂದ ಸಾಫ್ಟ್ವೇರ್ ಉದ್ಯೋಗಗಳಲ್ಲಿ ಮನುಷ್ಯರ ಅವಶ್ಯಕತೆ ಯಾವಾಗಲೂ ಇರುತ್ತದೆ. ಹಾಗಾಗಿ ಬಿಲ್ ಗೇಟ್ಸ್ ಸಾಫ್ಟ್ವೇರ್ ಉದ್ಯೋಗಿಗಳು ಸುರಕ್ಷಿತವಾಗಿದ್ದಾರೆ ಎಂದು ಹೇಳಿಕೆ ನೀಡಿದ್ದಾರೆ.
3. ಜೀವ ವಿಜ್ಞಾನಿಗಳು: ಈ ಕ್ಷೇತ್ರದಲ್ಲೂ AI ಅಗತ್ಯಗಳನ್ನು ಪೂರೈಸಲು ಸಾಧ್ಯವಿಲ್ಲ. ಬಿಲ್ ಗೇಟ್ಸ್ ಹೇಳುವಂತೆ AI ತಂತ್ರಜ್ಞಾನವು ದತ್ತಾಂಶ ವಿಶ್ಲೇಷಣೆ ಮತ್ತು ರೋಗ ರೋಗನಿರ್ಣಯದಂತಹ ಕಾರ್ಯಗಳಿಗೆ ಉಪಯುಕ್ತವಾಗಬಹುದು. ಆದರೆ ವೈದ್ಯಕೀಯ ಸಂಶೋಧನೆಯಲ್ಲಿ ಅದು ಅಷ್ಟೇನೂ ಉಪಯುಕ್ತವಲ್ಲ.
ವೈದ್ಯಕೀಯ ಸಂಶೋಧನೆಯಲ್ಲಿ ಹಲವು ವಿಷಯಗಳನ್ನು ಪರಿಗಣನೆಗೆ ತೆಗೆದುಕೊಳ್ಳಲಾಗುತ್ತದೆ. ಫಲಿತಾಂಶಗಳು ಸಂಶೋಧಕರ ಚಿಂತನೆ ಮತ್ತು ಕೌಶಲ್ಯಗಳನ್ನು ಅವಲಂಬಿಸಿರುತ್ತದೆ. AI ಸೃಜನಾತ್ಮಕವಾಗಿ ಯೋಚಿಸಲು ಸಾಧ್ಯವಿಲ್ಲ. ಅಥವಾ ಮಾನವ ಭಾವನೆಗಳಿಗೆ ಅನುಗುಣವಾಗಿ ವರ್ತಿಸುವಿದಿಲ್ಲ. ಆದ್ದರಿಂದ, ವೈದ್ಯಕೀಯ ಸಂಶೋಧನೆಯ ಮೇಲೆ AI ಹೆಚ್ಚಿನ ಪರಿಣಾಮ ಬೀರುವುದಿಲ್ಲ ಎಂದು ಬಿಲ್ ಗೇಟ್ಸ್ ನಂಬುತ್ತಾರೆ.
2. ಇಂಧನ ವಲಯ: ಇಂಧನ ಕ್ಷೇತ್ರವು ಪ್ರಸ್ತುತ ವೇಗವಾಗಿ ಅಭಿವೃದ್ಧಿ ಹೊಂದುತ್ತಿದೆ. ಸಾಂಪ್ರದಾಯಿಕ ಇಂಧನ ಮೂಲಗಳ ಜೊತೆಗೆ ಹೊಸ ಸೌಲಭ್ಯಗಳು ಲಭ್ಯವಾಗುತ್ತಿವೆ. ಪರಿಸರಕ್ಕೆ ಹಾನಿ ಮಾಡದ ನವೀಕರಿಸಬಹುದಾದ ಇಂಧನ ಮೂಲಗಳನ್ನು ಲಭ್ಯವಾಗುವಂತೆ ಮಾಡಲು ಪ್ರಯತ್ನಗಳು ನಡೆಯುತ್ತಿವೆ. ಈ ಕ್ರಮದಲ್ಲಿ, ಇಂಧನ ಕ್ಷೇತ್ರದಲ್ಲಿ ಬದಲಾಗುತ್ತಿರುವ ಪರಿಸ್ಥಿತಿಗಳಿಗೆ ಅನುಗುಣವಾಗಿ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಹಾಗಾಗಿ ಇಂಧನ ವಲಯದ ತಜ್ಞರಂತೆ AI ಕಾರ್ಯತಂತ್ರದ ನಿರ್ಧಾರಗಳನ್ನು ತೆಗೆದುಕೊಳ್ಳುವುದಿಲ್ಲ. ಅಂದರೆ ಈ ವಲಯದಲ್ಲಿನ ಉದ್ಯೋಗಗಳು ಮುಂದುವರಿಯಬೇಕಾಗುತ್ತದೆ.