IPL 2020: SRH ಎದುರಿನ 2ನೇ ಕ್ವಾಲಿಫೈಯರ್ ಪಂದ್ಯಕ್ಕೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿ 2 ಬದಲಾವಣೆ..?
ಅಬುಧಾಬಿ: 13ನೇ ಆವೃತ್ತಿಯ ಐಪಿಎಲ್ ಟೂರ್ನಿಯ 2ನೇ ಕ್ವಾಲಿಫೈಯರ್ ಪಂದ್ಯಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಭಾನುವಾರ ನಡೆಯಲಿರುವ ಸನ್‌ರೈಸರ್ಸ್ ವಿರುದ್ಧದ ಹೈವೋಲ್ಟೇಜ್ ಪಂದ್ಯಕ್ಕೆ ಅಬುಧಾಬಿಯ ಶೇಕ್‌ ಜಾಯೆದ್ ಮೈದಾನ ಆತಿಥ್ಯ ವಹಿಸಿದೆ.
ಈಗಾಗಲೇ ಮೊದಲ ಕ್ವಾಲಿಫೈಯರ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಮುಗ್ಗರಿಸಿರುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಶತಾಯಗತಾಯ ಹೈದರಾಬಾದ್ ಎದುರು ಗೆದ್ದು ಚೊಚ್ಚಲ ಬಾರಿಗೆ ಐಪಿಎಲ್ ಫೈನಲ್ ಪ್ರವೇಶಿಸಲು ಎದುರು ನೋಡುತ್ತಿದೆ. ಹೀಗಾಗಿ ಹೈದರಾಬಾದ್ ಎದುರಿನ ಪಂದ್ಯಕ್ಕೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡ 2 ಬದಲಾವಣೆಯೊಂದಿಗೆ ಕಣಕ್ಕಿಳಿಯುವ ಸಾಧ್ಯತೆಯಿದೆ.
1. ಶಿಖರ್ ಧವನ್: ಎಡಗೈ ಅನುಭವಿ ಆರಂಭಿಕ ಬ್ಯಾಟ್ಸ್ಮನ್
2. ಅಜಿಂಕ್ಯ ರಹಾನೆ: ಮತ್ತೋರ್ವ ಅನುಭವಿ ಆರಂಭಿಕ ಬ್ಯಾಟ್ಸ್ಮನ್
3. ಶ್ರೇಯಸ್ ಅಯ್ಯರ್: ನಾಯಕ, ಅತ್ಯಂತ ನಂಬಿಕಸ್ಥ ಬ್ಯಾಟ್ಸ್ಮನ್
4. ರಿಷಭ್ ಪಂತ್: ವಿಕೆಟ್‌ ಕೀಪರ್ ಬ್ಯಾಟ್ಸ್ಮನ್, ಸ್ಫೋಟಕ ಬ್ಯಾಟಿಂಗ್ ನಡೆಸುವ ಸಾಮರ್ಥ್ಯವಿರುವ ಎಡಗೈ ಬ್ಯಾಟ್ಸ್ಮನ್
5. ಶಿಮ್ರೋನ್ ಹೆಟ್ಮೇಯರ್: ವಿಂಡೀಸ್ ಎಡಗೈ ಬ್ಯಾಟ್ಸ್ಮನ್, ಡೇನಿಯಲ್ ಸ್ಯಾಮ್ಸ್‌ ಬದಲಿಗೆ ಹೆಟ್ಮೇಯರ್ ಡೆಲ್ಲಿ ತಂಡ ಕೂಡಿಕೊಳ್ಳುವ ಸಾಧ್ಯತೆ
6. ಮಾರ್ಕಸ್ ಸ್ಟೋಯ್ನಿಸ್: ಸ್ಟಾರ್ ಆಲ್ರೌಂಡರ್, ಸ್ಫೋಟಕ ಬ್ಯಾಟಿಂಗ್ ಹಾಗೂ ಬೌಲಿಂಗ್‌ನಲ್ಲೂ ತಂಡಕ್ಕೆ ನೆರವಾಗಬಲ್ಲ ಆಟಗಾರ
7. ಅಕ್ಷರ್ ಪಟೇಲ್: ಎಡಗೈ ಸ್ಪಿನ್ನರ್, ಬ್ಯಾಟಿಂಗ್‌ನಲ್ಲೂ ಉಪಯುಕ್ತ ರನ್ ಕಾಣಿಕೆ ನೀಡಬಲ್ಲ ಉಪಯುಕ್ತ ಆಟಗಾರ
8. ರವಿಚಂದ್ರನ್ ಅಶ್ವಿನ್: ಅನುಭವಿ ಆಫ್‌ಸ್ಪಿನ್ನರ್, ಡೆಲ್ಲಿ ಗೆಲ್ಲಬೇಕಿದ್ದರೆ ಅಶ್ವಿನ್ ತಮ್ಮ ಕೈಚಳಕ ತೋರಿಸಬೇಕಿದೆ
9. ಹರ್ಷಲ್ ಪಟೇಲ್: ಮಧ್ಯಮ ವೇಗದ ಬೌಲರ್
10. ಕಗಿಸೋ ರಬಾಡ: ಡೆಲ್ಲಿ ತಂಡದ ವೇಗದ ಅಸ್ತ್ರ, ಪರ್ಪಲ್ ಕ್ಯಾಪ್‌ ಮೇಲೆ ಕಣ್ಣಿಟ್ಟಿರುವ ಆಫ್ರಿಕಾ ವೇಗಿ
11. ಆನ್ರಿಚ್ ನೊಕಿಯೆ: ಡೆಲ್ಲಿ ತಂಡದ ಮತ್ತೋರ್ವ ವೇಗಿ, 150 ಕಿಲೋ ಮೀಟರ್ ವೇಗದಲ್ಲಿ ಬೌಲಿಂಗ್ ಮಾಡುವ ಸಾಮರ್ಥ್ಯವಿರುವ ಆಟಗಾರ
