ATM ಕಾರ್ಡ್‌ನಿಂದ ಈ ನಂಬರ್ ಮುಚ್ಚಿಡಿ, ಇಲ್ಲಂದ್ರೆ ಅಳಿಸಿಬಿಡಿ; ಆರ್‌ಬಿಐ ಕೊಟ್ಟ ಸೂಚನೆ ಏನು?

ಇವತ್ತಿನ ಕಾಲದಲ್ಲಿ, ಸೈಬರ್ ಕ್ರೈಮ್‌ ಹೆಚ್ಚಳವಾಗಿದೆ. ಎಷ್ಟೇ ಜಾಗೂರುಕತೆ, ಸೆಕ್ಯೂರಿಟಿ ಇದ್ದರೂ ಸ್ವಲ್ಪ ಯಾಮಾರಿದರೂ ದುಡಿದ ಹಣ ಕ್ಷಣಾರ್ಧದಲ್ಲಿ ಖಾಲಿ ಆಗಿಬಿಡುತ್ತೆ. ಹೀಗಾಗಿ ನೀವು ಮಾಡೋ ಸಣ್ಣ ತಪ್ಪು ಕೂಡ ನಿಮ್ಮ ಅಕೌಂಟ್ ಖಾಲಿ ಮಾಡಬಹುದು. ನಿಮ್ಮ ಬ್ಯಾಂಕ್ ಅಕೌಂಟ್ ಪೂರ್ತಿ ಖಾಲಿ ಆಗಬಹುದು. ನಿಮ್ಮ ಬ್ಯಾಂಕ್ ಅಕೌಂಟ್ ಬಗ್ಗೆ ಎಲ್ಲದ್ರಲ್ಲೂ ಜಾಗ್ರತೆ ಇರಬೇಕು. ATM ಕಾರ್ಡ್ ಅಥವಾ ಕ್ರೆಡಿಟ್ ಕಾರ್ಡ್ ಬಗ್ಗೆ ತುಂಬಾ ಎಚ್ಚರಿಕೆ ಇರಬೇಕು.

ಏಕೆಂದರೆ ಇವು ನೇರವಾಗಿ ನಿಮ್ಮ ಬ್ಯಾಂಕ್ ಅಕೌಂಟ್‌ಗೆ ಲಿಂಕ್ ಆಗಿರೋದ್ರಿಂದ, ಇದ್ರಲ್ಲಿ ತಪ್ಪು ಮಾಡಿದ್ರೆ ನಿಮಗೆ ತುಂಬಾ ಲಾಸ್ ಆಗಬಹುದು. ಆ ತಪ್ಪು ಏನು?  ಅದನ್ನ RBI ಕೂಡ ಕಾರ್ಡ್‌ನಿಂದ ಅಳಿಸೋಕೆ ಅಥವಾ ಮುಚ್ಚಿಡೋಕೆ ಏಕೆ ಹೇಳಿದೆ ಅನ್ನೋದು ಗೊತ್ತಾ?

ನಿಮ್ಮ ಹತ್ರ ಇರೋ ಎಲ್ಲಾ ATM ಕಾರ್ಡ್ ಅಥವಾ ಕ್ರೆಡಿಟ್ ಕಾರ್ಡ್‌ಗಳಲ್ಲಿ 3 ಅಂಕಿಯ CVV ನಂಬರ್ ಇರುತ್ತೆ. ಈ ನಂಬರ್‌ನ್ನ ಕಾರ್ಡ್ ವೆರಿಫಿಕೇಶನ್ ವ್ಯಾಲ್ಯೂ ಅಂತ ಕರೀತಾರೆ. ನೀವು ಎಲ್ಲಾದ್ರೂ ಪೇಮೆಂಟ್ ಮಾಡ್ಬೇಕಾದ್ರೆ ಈ ನಂಬರ್ ಬೇಕಾಗುತ್ತೆ, ಈ ನಂಬರ್ ಇಲ್ಲದೆ ನಿಮ್ಮ ಕಾರ್ಡ್ ವೆರಿಫೈ ಆಗಲ್ಲ. ಹೀಗಾಗಿ, ಕಾರ್ಡ್ ಡೀಟೇಲ್ಸ್ ಜೊತೆ ಈ ನಂಬರ್ ಕೂಡ ಫ್ರಾಡ್ ಮಾಡೋರ ಕೈಗೆ ಸಿಕ್ಕಿದ್ರೆ, ನಿಮ್ಮ ಬ್ಯಾಂಕ್ ಅಕೌಂಟ್ ಖಾಲಿ ಆಗುತ್ತೆ.

ನಿಮ್ಮ ಕಾರ್ಡ್‌ನಲ್ಲಿ ಇರೋ CVV ನಂಬರ್‌ನ್ನ ಯಾವಾಗ್ಲೂ ಮುಚ್ಚಿಡಬೇಕು ಅಥವಾ ಸಾಧ್ಯವಾದ್ರೆ ಎಲ್ಲಾದ್ರೂ ಬರೆದಿಟ್ಟು ಕಾರ್ಡ್‌ನಿಂದ ಅಳಿಸಿಬಿಡಬೇಕು ಅಂತ RBI ಹೇಳುತ್ತೆ. ಹೀಗೆ ಮಾಡಿದ್ರೆ, ನಿಮ್ಮ ಕಾರ್ಡ್ ಕಳೆದುಹೋದ್ರೆ ಅಥವಾ ತಪ್ಪು ಜನರ ಕೈಗೆ ಸಿಕ್ಕಿದ್ರೂ, ಯಾರೂ ಅದನ್ನ ಯೂಸ್ ಮಾಡಿ ನಿಮ್ಮ ಬ್ಯಾಂಕ್ ಅಕೌಂಟ್ ಖಾಲಿ ಮಾಡೋಕೆ ಆಗಲ್ಲ.

ಕಾರ್ಡ್ ಸೇವ್ ಮಾಡೋದನ್ನ ಅವಾಯ್ಡ್ ಮಾಡಿ

ಇದಲ್ಲದೆ, ಆನ್‌ಲೈನ್ ವಂಚನೆ ತಪ್ಪಿಸಬೇಕು ಅಂದ್ರೆ, ನಿಮ್ಮ ಕಾರ್ಡ್‌ನ್ನ ಆನ್‌ಲೈನ್‌ನಲ್ಲಿ ಸೇವ್ ಮಾಡೋದನ್ನ ಅವಾಯ್ಡ್ ಮಾಡಿ. ನೀವು ಎಲ್ಲಾದ್ರೂ ಆನ್‌ಲೈನ್‌ನಲ್ಲಿ ಪೇಮೆಂಟ್ ಮಾಡ್ಬೇಕಾದ್ರೆ, ನಿಮ್ಮ ಕಾರ್ಡ್‌ನ್ನ ಈ ಪ್ಲಾಟ್‌ಫಾರ್ಮ್‌ನಲ್ಲಿ ಸೇವ್ ಮಾಡ್ಬೇಕಾ ಅಂತ ಆ ಪ್ಲಾಟ್‌ಫಾರ್ಮ್ ಕೇಳುತ್ತೆ, ಇದ್ರಿಂದ ಮುಂದೆ ಪೇಮೆಂಟ್ ಮಾಡೋದು ಸುಲಭ ಆಗುತ್ತೆ. ಆಗ 'ಇಲ್ಲ' ಅಂತಾನೆ ಹೇಳಬೇಕು. ಏಕೆಂದರೆ, ಆ ಪ್ಲಾಟ್‌ಫಾರ್ಮ್ ಸೇಫ್ ಇಲ್ಲ ಅಂದ್ರೆ, ನಿಮ್ಮ ಕಾರ್ಡ್ ಡೀಟೇಲ್ಸ್ ಕೂಡ ಸೇಫ್ ಇರಲ್ಲ. ಅದಕ್ಕೇ ಆನ್‌ಲೈನ್‌ನಲ್ಲಿ ಶಾಪಿಂಗ್ ಮಾಡುವಾಗ, ನಿಮ್ಮ ಕಾರ್ಡ್‌ನ್ನ ಸೇಫ್ ಇಲ್ಲದ ವೆಬ್‌ಸೈಟ್‌ಗಳಲ್ಲಿ ಸೇವ್ ಮಾಡ್ಬೇಡಿ ಅಂತ ಎಕ್ಸ್‌ಪರ್ಟ್ಸ್ ಹೇಳ್ತಾರೆ.