ಮಹಾಕುಂಭದಲ್ಲಿ ಮುಕೇಶ್ ಅಂಬಾನಿ ಕುಟುಂಬ, ತ್ರಿವೇಣಿ ಸಂಗಮದಲ್ಲಿ ಪುಣ್ಯಸ್ನಾನ, ಎಲ್ಲೆಲ್ಲಿ ಭೇತಿ ನೀಡಿದ್ರೂ ಗೊತ್ತಾ?

ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಕೇಶ್ ಅಂಬಾನಿ ತಾಯಿ, ಮಕ್ಕಳು, ಸೊಸೆಯಂದಿರು ಮತ್ತು ಮೊಮ್ಮಕ್ಕಳೊಂದಿಗೆ ಪ್ರಯಾಗ್‌ರಾಜ್‌ಗೆ ಆಗಮಿಸಿದರು.

ತ್ರಿವೇಣಿ ಸಂಗಮದಲ್ಲಿ ಮುಕೇಶ್ ಅಂಬಾನಿ ಮತ್ತು ಅವರ ಕುಟುಂಬ ಗಂಗಾ, ಯಮುನಾ ಮತ್ತು ಸರಸ್ವತಿ ನದಿಗಳ ಸಂಗಮದಲ್ಲಿ ಪವಿತ್ರ ಸ್ನಾನ ಮಾಡಿದರು.

ನಿರಂಜನಿ ಅಖಾಡದ ಆಚಾರ್ಯ ಮಹಾಮಂಡಲೇಶ್ವರ ಸ್ವಾಮಿ ಕೈಲಾಶಾನಂದ ಗಿರಿಜಿ ಮಹಾರಾಜ್ ಅವರ ಸಮ್ಮುಖದಲ್ಲಿ ಅಂಬಾನಿ ಕುಟುಂಬ ಗಂಗಾ ಆರತಿ ಮಾಡಿತು.

ತ್ರಿವೇಣಿ ಸ್ನಾನದ ನಂತರ ಮುಕೇಶ್ ಅಂಬಾನಿ ತಮ್ಮ ಕುಟುಂಬದೊಂದಿಗೆ ಪರಮಾರ್ಥ ನಿಕೇತನ್ ಆಶ್ರಮಕ್ಕೆ ಭೇಟಿ ನೀಡಿ ಸಾಧು-ಸಂತರಿಂದ ಆಶೀರ್ವಾದ ಪಡೆದರು.

ಮಹಾಕುಂಭದಲ್ಲಿ ಅಂಬಾನಿ ಕುಟುಂಬ ಯಾತ್ರಿಕರು ಮತ್ತು ಸ್ವಚ್ಛತಾ ಕಾರ್ಮಿಕರಿಗೆ ಸಿಹಿ ಹಂಚಿ ಸೇವೆಯ ಸಂದೇಶ ಸಾರಿತು.

ಇದನ್ನೂ ಓದಿ: ಪ್ರಧಾನಿ ಮೋದಿ ನನ್ನ ಗುರು, ವಿದ್ಯಾರ್ಥಿಗಳಿಗೆ ಯಶಸ್ಸಿನ ಮಂತ್ರ ತಿಳಿಸಿದ ಅಂಬಾನಿ!

ಮುಕೇಶ್ ಅಂಬಾನಿ ಅವರ ಪುತ್ರರಾದ ಆಕಾಶ್ ಮತ್ತು ಅನಂತ್ ಅಂಬಾನಿ, ಆಕಾಶ್ ಅವರ ಪತ್ನಿ ಶ್ಲೋಕಾ ಮೆಹ್ತಾ ಮತ್ತು ಅವರ ಇಬ್ಬರು ಮಕ್ಕಳಾದ ಪೃಥ್ವಿ ಮತ್ತು ವೇದಾ ಬಿಗಿಭದ್ರತೆ ನಡುವೆ ಅರೈಲ್ ಘಾಟ್‌ನಲ್ಲಿ ದೋಣಿ ಹತ್ತುವುದು ಕಂಡುಬಂದಿತು. ಕೋಕಿಲಾಬೆನ್ ಅಂಬಾನಿ ತಮ್ಮ ಇಬ್ಬರು ಹೆಣ್ಣುಮಕ್ಕಳೊಂದಿಗೆ ಬಂದಿದ್ದರು.

ರಿಲಯನ್ಸ್ ಇಂಡಸ್ಟ್ರೀಸ್‌ನ 'ತೀರ್ಥ ಯಾತ್ರಿ ಸೇವೆ' ಉಪಕ್ರಮದಡಿಯಲ್ಲಿ ಯಾತ್ರಿಕರಿಗೆ ಅನ್ನದಾಸೋಹ ಏರ್ಪಡಿಸಲಾಗಿತ್ತು.

ಇದನ್ನೂ ಓದಿ: ಪ್ರೇಮಿಗಳ ದಿನಾಚರಣೆಗೆ ಅಂಬಾನಿ ಕೊಡುಗೆ, ಚಿನ್ನಾಭರಣ ಮೇಲೆ ಶೇ.30 ರಷ್ಟು ಡಿಸ್ಕೌಂಟ್

ರಿಲಯನ್ಸ್ ಮಹಾಕುಂಭದಲ್ಲಿ ಆರೋಗ್ಯ ಸೇವೆಯಿಂದ ಹಿಡಿದು ಸುರಕ್ಷಿತ ಸಾರಿಗೆ ಸೌಲಭ್ಯಗಳನ್ನು ಒದಗಿಸುತ್ತಿದೆ.

ಇದನ್ನೂ ಓದಿ:  ₹50 ಸಾವಿರ ಕೋಟಿ ರೂ ಹೂಡಿಕೆ, 1 ಲಕ್ಷ ಉದ್ಯೋಗ, ಈ ರಾಜ್ಯಕ್ಕೆ ಬಂಪರ್ ಕೊಡುಗೆ ಘೋಷಿಸಿದ ಅಂಬಾನಿ

ಮುಕೇಶ್ ಅಂಬಾನಿ ತಮ್ಮ ಕುಟುಂಬದೊಂದಿಗೆ ಚಿದಾನಂದ ಸರಸ್ವತಿ ಮತ್ತು ಸಾಧ್ವಿ ಭಗವತಿ ಸರಸ್ವತಿ ಅವರನ್ನು ಭೇಟಿಯಾದರು. ವಿಶ್ವ ಶಾಂತಿ ಯಜ್ಞದಲ್ಲಿ ಆಹುತಿ ನೀಡಿದ ನಂತರ ಗಂಗಾ ಸ್ನಾನ ಮಾಡಿದರು.

ಜನವರಿ 13 ರಿಂದ ಫೆಬ್ರವರಿ 26 ರವರೆಗೆ ನಡೆಯುವ ಈ ಕಾರ್ಯಕ್ರಮದಲ್ಲಿ ಲಕ್ಷಾಂತರ ಭಕ್ತರು ಪವಿತ್ರ ಸ್ನಾನ ಮಾಡಲು ಆಗಮಿಸುತ್ತಿದ್ದಾರೆ.