ಮರದಿಂದ ನೋಟುಗಳ ಮಳೆ, ಮುಗಿ ಬಿದ್ದ ಜನ: ಅಸಲಿಯತ್ತು ಕೇಳಿ ಶಾಕ್!

ಚೀಲದಲ್ಲಿದ್ದ ಹಣವನ್ನು ಚೆಲ್ಲಾಪಿಲ್ಲಿಯಾಗಿಸಿದ್ದಲ್ಲದೇ ಅದರಲ್ಲಿದ್ದ ಐವತ್ತು ಸಾವಿರ ರೂಪಾಯಿ ಕೊಂಡೊಯ್ದಿದೆ. ಇನ್ನು ಈ ಘಟನೆಯ ಪ್ರತ್ಯಕ್ಷದರ್ಶಿ ಗ್ರಾಮಸ್ಥ ರಾಜಕುಮಾರ್ ಮಾತನಾಡುತ್ತಾ, ಮಧ್ಯಾಹ್ದನ ಇದ್ದಕ್ಕಿದ್ದಂತೆಯೇ ಅಕೇಶಿಯಾ ಮರದಲ್ಲಿದ್ದ ಕೋತಿಯ ಕೈಯ್ಯಿಂದ ನೋಟುಗಳು ಸುರಿಯಲಾರಂಭಿಸಿವೆ. ಅಲ್ಲಿದ್ದ ಮಹಿಳೆಯರು ನೋಟುಗಳನ್ನು ಹೆಕ್ಕಲಾರಂಭಿಸಿದ್ದಾರೆ. ಜನರ ಗುಂಪೇ ಇಲ್ಲಿ ಸೇರಿದೆ. ಇದನ್ನು ಕಂಡ ಕೋತಿ ಕೂಡಾ ಹಣವನ್ನು ಮತ್ತೆ ಮತ್ತೆ ಎಸೆಯಲಾರಂಭಿಸಿದೆ.

ಹೆಚ್ಚು ಹೆಚ್ಚು ಜನರು ಸೇರುತ್ತಿರುವ ಮಾಹಿತಿ ಪಡೆದ ಪೊಲೀಸರು ಕೂಡಾ ಸ್ಥಳಕ್ಕೆ ಆಗಮಿಸಿದ್ದಾರೆ. ಆದರೆ ಅಷ್ಟರಲ್ಲಾಗಲೇ ಕೋತಿ ಕೈಯ್ಯಲ್ಲಿದ್ದ ನೋಟಿನ ಕಂತೆ ಮುಗಿದಿದೆ. ಈ ನಡುವೆ ಕಾರಿನತ್ತ ಮರಳಿ ಬಂದ ರಾಕೇಶ್‌ಗೆ ವಾಸ್ತವ ವಿಚಾರ ತಿಳಿದು ಶಾಕ್ ಆಗಿದೆ. ಎಣಿಸಿದಾಗ ತಾನು ತಂದಿದ್ದ ಹಣದಲ್ಲಿ ಒಂದು ಕಂತೆ ಮಾಯವಾಗಿರುವುದು ತಿಳಿದು ಬಂದಿದೆ.

ಇನ್ನು ಕೋತಿ ಕೇವಲ ಒಂದು ಕಂತೆ ಕೊಂಡೊಯ್ದಿರುವುದರಿಂದ ಹೆಚ್ಚೇನು ನಷ್ಟವಾಗಿಲ್ಲ, ಚೀಲದಲ್ಲಿದ್ದ ಎಲ್ಲಾ ಹಣ ಸಾಗಿಸಿದ್ದರೆ ತಾನು ಭಾರೀ ನಷ್ಟ ಅನುಭವಿಸಬೇಕಾಗಿತ್ತು ಎಂದು ರಾಕೇಶ್ ಹೇಳಿದ್ದಾರೆ.