1980 ರಲ್ಲಿ ಆರಂಭವಾದ ಬಿಜೆಪಿ ರಾಷ್ಟ್ರಾಧ್ಯಕ್ಷರ ಪಯಣ: ವಾಜಪೇಯಿಯಿಂದ ಜೆಪಿ ನಡ್ಡಾವರೆಗೆ

ಭಾರತೀಯ ಜನತಾ ಪಕ್ಷದ ಮೊದಲ ಅಧ್ಯಕ್ಷರು ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ. 1980 ರಲ್ಲಿ ಸ್ಥಾಪನೆಯಾದ ಬಿಜೆಪಿಯ ಸಂಸ್ಥಾಪಕ ಅಧ್ಯಕ್ಷರಾಗಿದ್ದ ಅಟಲ್ ಬಿಹಾರಿ ವಾಜಪೇಯಿ ಆರು ವರ್ಷಗಳ ಕಾಲ ಪಕ್ಷದ ಅಧ್ಯಕ್ಷರಾಗಿದ್ದರು. ಮತ್ತು ಬಿಜೆಪಿ ಪಕ್ಷವನ್ನು ಮುನ್ನಡೆಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ವಾಜಪೇಯಿ ಮಧ್ಯಪ್ರದೇಶದ ಗ್ವಾಲಿಯರ್‌ ನಲ್ಲಿ ಜನಿಸಿದರು.

ಲಾಲ್ ಕೃಷ್ಣ ಅಡ್ವಾಣಿ ಭಾರತೀಯ ಜನತಾ ಪಕ್ಷದ ಎರಡನೇ ಅಧ್ಯಕ್ಷರಾಗಿದ್ದರು. ದೇಶದ ಉಪ ಪ್ರಧಾನ ಮಂತ್ರಿಯಾಗಿದ್ದ ಲಾಲ್ ಕೃಷ್ಣ ಅಡ್ವಾಣಿ ಮೊದಲ ಬಾರಿಗೆ 1986 ರಲ್ಲಿ ಬಿಜೆಪಿ ಅಧ್ಯಕ್ಷರಾದರು. 1990 ರವರೆಗೆ ಅವರು ಬಿಜೆಪಿ ಅಧ್ಯಕ್ಷರಾಗಿದ್ದರು. ಅವರು 1993 ರಿಂದ 1998 ರವರೆಗೆ ಮತ್ತು ಮೂರನೇ ಬಾರಿಗೆ 2004 ರಿಂದ 2005 ರವರೆಗೆ ರಾಷ್ಟ್ರೀಯ ಅಧ್ಯಕ್ಷರಾಗಿದ್ದರು. ಹೀಗಾಗಿ ದೀರ್ಘಕಾಲದವರೆಗೆ ಬಿಜೆಪಿ ಅಧ್ಯಕ್ಷರಾಗಿದ್ದರು. ಅಡ್ವಾಣಿ ಆಗ ಬ್ರಿಟೀಷ್ ಇಂಡಿಯಾ ಆಡಳಿತದಲ್ಲಿದ್ದ ಪಾಕಿಸ್ತಾನದ ಕರಾಚಿಯಲ್ಲಿ ಜನಿಸಿದರು.

ಅಟಲ್-ಅಡ್ವಾಣಿ ನಂತರ ಬಿಜೆಪಿ ಅಧ್ಯಕ್ಷರಾಗಿ ಡಾ.ಮುರಳಿ ಮನೋಹರ್ ಜೋಶಿ ಅಧಿಕಾರ ವಹಿಸಿಕೊಂಡರು. ಬಿಜೆಪಿಯ ಮೂರನೇ ಅಧ್ಯಕ್ಷರಾದ ಇವರು 1991 ರಲ್ಲಿ ರಾಷ್ಟ್ರೀಯ ಅಧ್ಯಕ್ಷ ಸ್ಥಾನವನ್ನು ವಹಿಸಿಕೊಂಡರು ಮತ್ತು 1993 ರವರೆಗೆ ಅಧ್ಯಕ್ಷರಾಗಿದ್ದರು. ನಂತರ ಮತ್ತೆ ಲಾಲ್ ಕೃಷ್ಣ ಅಡ್ವಾಣಿ ಅಧ್ಯಕ್ಷರಾದರು. ಜೋಶಿ ಉತ್ತರಾಖಂಡ ಮೂಲದವರು.

ಲಾಲ್ ಕೃಷ್ಣ ಅಡ್ವಾಣಿಯವರ ಎರಡನೇ ಅವಧಿ 1998 ರಲ್ಲಿ ಕೊನೆಗೊಂಡ ನಂತರ, ಕುಶಭಾವು ಠಾಕ್ರೆಯವರನ್ನು 1998 ರಲ್ಲಿ ಬಿಜೆಪಿಯ ಹೊಸ ಅಧ್ಯಕ್ಷರನ್ನಾಗಿ ನೇಮಿಸಲಾಯಿತು. ರಾಷ್ಟ್ರೀಯ ಅಧ್ಯಕ್ಷ ಸ್ಥಾನವನ್ನು ಪಡೆದ ಬಿಜೆಪಿಯ ನಾಲ್ಕನೇ ವ್ಯಕ್ತಿ ಇವರು.  ಕುಶಾಭೌ ಠಾಕ್ರೆ ಅವರು ಮಧ್ಯಪ್ರದೇಶದ ಧಾರ್‌ ನವರು.

ಕುಶಭಾವು ಠಾಕ್ರೆ ನಂತರ 2000 ರಲ್ಲಿ ಬಂಗಾರು ಲಕ್ಷ್ಮಣ್ ಬಿಜೆಪಿ ಅಧ್ಯಕ್ಷರಾದರು. ಆದರೆ ಒಂದು ವರ್ಷದ ನಂತರ ಅವರು ಹುದ್ದೆ ತೊರೆಯಬೇಕಾಯಿತು. ಸ್ಟಿಂಗ್ ಆಪರೇಷನ್‌ನಲ್ಲಿ ಸಿಕ್ಕಿಬಿದ್ದ ನಂತರ ಅವರು 2001 ರಲ್ಲಿ ರಾಜೀನಾಮೆ ನೀಡಿದರು.  ಬಂಗಾರು ಲಕ್ಷ್ಮಣ್   ಹೈದರಾಬಾದ್ ನವರು. 

ಬಂಗಾರು ಲಕ್ಷ್ಮಣ್ ಅವರು ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿದ ನಂತರ, ಕೆ.ಜನಾ ಕೃಷ್ಣಮೂರ್ತಿ ಅವರನ್ನು 2001 ರಲ್ಲಿ ಹೊಸ ಅಧ್ಯಕ್ಷರನ್ನಾಗಿ ನೇಮಿಸಲಾಯಿತು. ಅವರು ಒಂದು ವರ್ಷ ಅಧ್ಯಕ್ಷರಾಗಿದ್ದರು. ಇವರು ತಮಿಳುನಾಡಿನ ಮದುರೈನವರು. 

ಬಿಜೆಪಿ ಅಧ್ಯಕ್ಷರಾಗಿ 2002 ರಲ್ಲಿ ಮಾಜಿ ಉಪರಾಷ್ಟ್ರಪತಿ ಎಂ.ವೆಂಕಯ್ಯ ನಾಯ್ಡು ಅಧಿಕಾರ ವಹಿಸಿಕೊಂಡರು. ಅವರು ಎರಡು ವರ್ಷಗಳ ಕಾಲ ಅಧ್ಯಕ್ಷರಾಗಿದ್ದರು. ಇವರು ಆಂಧ್ರಪ್ರದೇಶದ ಚವಟಪಲೆಂನವರು.

ಎಂ.ವೆಂಕಯ್ಯ ನಾಯ್ಡು ನಂತರ ಬಿಜೆಪಿ ತನ್ನ ಹಿರಿಯ ನಾಯಕ ಲಾಲ್ ಕೃಷ್ಣ ಅಡ್ವಾಣಿಯವರನ್ನು ಮತ್ತೊಮ್ಮೆ ಅಧ್ಯಕ್ಷರನ್ನಾಗಿ ನೇಮಿಸಿತು. ಅವರು 2004-2005 ರವರೆಗೆ ರಾಷ್ಟ್ರೀಯ ಅಧ್ಯಕ್ಷರಾಗಿದ್ದರು.

ಯುಪಿಯ ಮಾಜಿ ಸಿಎಂ ರಾಜನಾಥ್ ಸಿಂಗ್ ಅವರಿಗೆ 2005 ರಲ್ಲಿ ಬಿಜೆಪಿ ಹೊಸ ಮುಖವಾಗಿ ರಾಷ್ಟ್ರೀಯ ಅಧ್ಯಕ್ಷ ಸ್ಥಾನವನ್ನು ನೀಡಿತು. ರಾಜನಾಥ್ ಸಿಂಗ್ 2009 ರವರೆಗೆ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷರಾಗಿದ್ದರು. ರಾಜನಾಥ್ ಸಿಂಗ್ ಎರಡು ಬಾರಿ ರಾಷ್ಟ್ರೀಯ ಅಧ್ಯಕ್ಷರಾಗಿದ್ದರು. ಅವರ ಎರಡನೇ ಅವಧಿ 2013 ರಿಂದ 2014 ರವರೆಗೆ ಇತ್ತು. ಇವರು ಉತ್ತರಪ್ರದೇಶದ ಚಾಕಿಯಾ ಎಂಬ ಊರಿನವರು.

ಕೇಂದ್ರ ಸರ್ಕಾರದಲ್ಲಿ ಸಚಿನ್ ಆಗಿರುವ ನಿತಿನ್ ಗಡ್ಕರಿ, ರಾಜನಾಥ್ ಸಿಂಗ್ ಅವರ ಮೊದಲ ಅವಧಿ ಮುಗಿದ ನಂತರ 2010 ರಲ್ಲಿ ರಾಷ್ಟ್ರೀಯ ರಾಜಕಾರಣಕ್ಕೆ ಪ್ರವೇಶಿಸಿ ಬಿಜೆಪಿ ಅಧ್ಯಕ್ಷರಾದರು. 2013 ರವರೆಗೆ ಅವರು ಅಧ್ಯಕ್ಷ ಸ್ಥಾನವನ್ನು ನಿರ್ವಹಿಸಿದರು. ಇವರು ಮಹಾರಾಷ್ಟ್ರದ ನಾಗಪುರ ಊರಿನವರು.

2013 ರಲ್ಲಿ ರಾಜನಾಥ್ ಸಿಂಗ್ ಅವರಿಗೆ ಮತ್ತೊಮ್ಮೆ ಬಿಜೆಪಿ ನೇತೃತ್ವವನ್ನು ವಹಿಸಲಾಯಿತು. ಅವರ ಅವಧಿಯಲ್ಲಿ ಮೋದಿ-ಶಾ ಜೋಡಿ ರಾಷ್ಟ್ರೀಯ ರಾಜಕಾರಣಕ್ಕೆ ಪ್ರವೇಶಿಸಿತು. 2014 ರ ಚುನಾವಣೆಗೆ ನರೇಂದ್ರ ಮೋದಿಯವರನ್ನು ಪ್ರಮುಖ ಮುಖವನ್ನಾಗಿ ರಾಷ್ಟ್ರೀಯ ಕಾರ್ಯಕಾರಿಣಿಯಲ್ಲಿ ಆಯ್ಕೆ ಮಾಡಲಾಯಿತು.

2014 ರಲ್ಲಿ ಅಮಿತ್ ಶಾ ಬಿಜೆಪಿ ಅಧ್ಯಕ್ಷರಾದರು. ಅವರ ಮೊದಲ ಅವಧಿ 2017 ರವರೆಗೆ ಇತ್ತು. ಇದರ ನಂತರ ಅವರು ಮತ್ತೆ ರಾಷ್ಟ್ರೀಯ ಅಧ್ಯಕ್ಷರಾಗಿ ಆಯ್ಕೆಯಾದರು. ಎರಡನೇ ಅವಧಿ 2020 ರವರೆಗೆ ಇತ್ತು. ಇವರು ಗುಜರಾತಿ ಮೂಲದವರು ಹುಟ್ಟಿದ್ದು ಮುಂಬೈನಲ್ಲಿ.

ಅಮಿತ್ ಶಾ ಅವರ ಎರಡು ಅವಧಿಗಳು ಪೂರ್ಣಗೊಂಡ ನಂತರ, ಜೆಪಿ ನಡ್ಡಾ ಅವರನ್ನು 2020 ರಲ್ಲಿ ಭಾರತೀಯ ಜನತಾ ಪಕ್ಷದ ಹೊಸ ಅಧ್ಯಕ್ಷರನ್ನಾಗಿ ನೇಮಿಸಲಾಯಿತು. 2024 ರಲ್ಲಿ ಬಿಜೆಪಿ ತನ್ನ ಸದಸ್ಯತ್ವ ಅಭಿಯಾನವನ್ನು ಪ್ರಾರಂಭಿಸಿದೆ. ಈ ಅಭಿಯಾನದ ನಂತರ ದೇಶದ ಅತಿದೊಡ್ಡ ರಾಜಕೀಯ ಪಕ್ಷಕ್ಕೆ ಹೊಸ ಅಧ್ಯಕ್ಷರು ಸಿಗಲಿದ್ದಾರೆ. ಜಗತ್ ಪ್ರಕಾಶ್ ನಡ್ಡಾ ಅವರು ಮೂಲ ಹಿಮಾಚಲ ಪ್ರದೇಶವಾದ್ರೂ  ಅವರು ಜನಿಸಿದ್ದು, ಬಿಹಾರದ ಪಾಟ್ನಾದಲ್ಲಿ