ಮಕ್ಕಳೊಂದಿಗೆ ರೈಲಿನಲ್ಲಿ ಪ್ರಯಾಣಿಸುತ್ತೀರಾ? ಈ ನಿಯಮಗಳನ್ನು ಪಾಲಿಸಿ!

ಬಸ್ಸು, ಕಾರು ಹಾಗೂ ಬೈಕ್‌ಗಳಿಗಿಂತ ರೈಲು ಪ್ರಯಾಣ ತುಂಬಾ ಖುಷಿ ಕೊಡುತ್ತೆ. ಇದು ಬಸ್, ಕಾರ್ ಗಿಂತ ಹೆಚ್ಚು ಆರಾಮದಾಯಕ ಮತ್ತು ಸುರಕ್ಷಿತ. ಅದ್ದರಿಂದ ದೂರ ಪ್ರಯಾಣ ಅಥವಾ ದೇವಸ್ಥಾನಗಳಿಗೆ, ಪ್ರವಾಸಿ ತಾಣಗಳಿಗೆ ಹೋಗೋರು ಹೆಚ್ಚಾಗಿ ರೈಲನ್ನೇ ಆಯ್ಕೆ ಮಾಡಿಕೊಳ್ಳುತ್ತಾರೆ. ಆದರೆ, ಚಿಕ್ಕ ಮಕ್ಕಳು ರೈಲಿನಲ್ಲಿ ಹೋಗುವಾಗ ಜಾಸ್ತಿ ಅಳುತ್ತಾರೆ. ಇದು ನಿಮಗಷ್ಟೇ ಅಲ್ಲ, ನಿಮ್ಮ ಪಕ್ಕದವರಿಗೂ ತೊಂದರೆ ಕೊಡುತ್ತದೆ. ಹೀಗಾಗಿ ನಿಮ್ಮ ಮಕ್ಕಳು ಕಿರಿಕಿರಿ ಮಾಡಬಾರದು ಎಂದಾದರೆ ನೀವು ಏನು ಮಾಡಬೇಕು ಗೊತ್ತಾ? ಇಲ್ಲಿದೆ ನೋಡಿ ಈ ಸಿಂಪಲ್ ಟಿಪ್ಸ್ ಅನುಸರಿಸಿ..

ಸಾಮಾನ್ಯವಾಗಿ ಕೆಲವು ಮಕ್ಕಳು ಹೊಸದಕ್ಕೆ ಬೇಗ ಹೊಂದಿಕೊಳ್ಳಲ್ಲ. ಅದ್ದರಿಂದಲೇ ರೈಲಿನಲ್ಲಿ ಪ್ರಯಾಣ ಮಾಡುವಾಗ ಮಕ್ಕಳು ಅಳುತ್ತಾರೆ. ನೀವು ಕೂಡ ಮಕ್ಕಳ ಜೊತೆ ರೈಲಿನಲ್ಲಿ ಮಕ್ಕಳನ್ನು ಕರೆದುಕೊಂಡು ಹೋಗುತ್ತಿದ್ದರೆ ಈ ವಿಷಯಗಳನ್ನು ಗಮನದಲ್ಲಿ ಇಟ್ಟುಕೊಳ್ಳಬೇಕು..

ಮಕ್ಕಳ ಜೊತೆ ರೈಲಿನಲ್ಲಿ ಹೋಗುವಾಗ ನೆನಪಿಡಬೇಕಾದವು:

ಸರಿಯಾದ ಸಮಯ: ಯಾವಾಗಲೂ ಮಕ್ಕಳ ಜೊತೆ ರೈಲಿನಲ್ಲಿ ಪ್ರಯಾಣ ಪ್ಲಾನ್ ಮಾಡುವಾಗ ಮಕ್ಕಳ ಸೌಕರ್ಯದ ಬಗ್ಗೆ ಹೆಚ್ಚಿನ ಆದ್ಯತೆ ನೀಡಬೇಕು. ಮಕ್ಕಳಿಗೆ ಸರಿಯಾದ ಸಮಯಕ್ಕೆ ತಿಂಡಿ ಹಾಗೂ ನಿದ್ದೆಗೆ ವ್ಯವಸ್ಥೆ ಮಾಡಬೇಕು.

ಅಗತ್ಯ ವಸ್ತುಗಳು: ಮಕ್ಕಳಿಗೆ ಯಾವಾಗ ಏನು ಬೇಕಾಗುತ್ತೋ ಗೊತ್ತಿಲ್ಲ. ಆದರೆ ಅವರಿಗೆ ಏನು ಬೇಕು ಅಂತ ಅಪ್ಪ-ಅಮ್ಮನಿಗೆ ಗೊತ್ತಿರುತ್ತದೆ. ನೀರು, ತಿಂಡಿ, ಔಷಧಿ, ಆಟಿಕೆಗಳನ್ನ ತೆಗೆದುಕೊಂಡು ಹೋಗಬೇಕು. 

ಮಕ್ಕಳ ಸುರಕ್ಷತೆ: ರೈಲು ಸುರಕ್ಷಿತ ಸ್ಥಳವಾಗಿದ್ದರೂ ಮಕ್ಕಳನ್ನು ಗಮನಿಸದೆ ಬಿಡಬಾರದು. ಅದರಲ್ಲೂ ಮಕ್ಕಳನ್ನು ರೈಲಿನ ಕಿಟಕಿ ಅಥವಾ ಬಾಗಿಲುಗಳ ಬಳಿ ಒಂಟಿಯಾಗಿ ಬಿಡಬಾರದು.

ಮಕ್ಕಳನ್ನು ಸಂತೋಷವಾಗಿಡಿ: ನೀವು ರೈಲಿನಲ್ಲಿ ದೀರ್ಘ ಪ್ರಯಾಣವನ್ನು ಹೊಂದಿದ್ದರೆ ಅವರನ್ನು ಸಂತೋಷವಾಗಿಡಲು ಪ್ರಯತ್ನಿಸಿ. ಇದರರ್ಥ ಮಕ್ಕಳೊಂದಿಗೆ ದೀರ್ಘಕಾಲ ಮಾತನಾಡುವುದು, ಅವರಿಗೆ ನೆಚ್ಚಿನ ಆಟಿಕೆಗಳು ಅಥವಾ ಆವರೊಂದಿಗೆ ನೀವೇ ಸ್ವತಃ ಆಟವಾಡಬೇಕು.

ಆಹಾರ: ರೈಲಿನಲ್ಲಿ ಮಾರಾಟ ಮಾಡುವ ಕೆಲವು ಆಹಾರಗಳು ಮಕ್ಕಳಿಗೆ ಇಷ್ಟವಾಗದಿರಬಹುದು. ಇದರಿಂದ ಊಟ ಮಾಡದೇ ಇದ್ದರೆ ಆರೋಗ್ಯ ಕೆಡುತ್ತದೆ. ಆದ್ದರಿಂದ ಮನೆಯಲ್ಲಿ ಬೇಯಿಸಿದ ಆಹಾರವನ್ನು ನಿಮ್ಮೊಂದಿಗೆ ತೆಗೆದುಕೊಂಡು ಹೋಗಬೇಕು.

ಆರೋಗ್ಯ ರಕ್ಷಣೆ: ಚಳಿಗಾಲದಲ್ಲಿ ಮಕ್ಕಳೊಂದಿಗೆ ಪ್ರಯಾಣಿಸುವಾಗ ಬಹಳ ಜಾಗರೂಕರಾಗಿರಿ. ಏಕೆಂದರೆ ರೈಲಿನಲ್ಲಿ ಮಕ್ಕಳು ತಣ್ಣಗಾಗಬಹುದು. ಇದು ಅವರಿಗೆ ಶೀತ ಮತ್ತು ಜ್ವರ ಬರುವಂತೆ ಮಾಡುತ್ತದೆ. ಆದ್ದರಿಂದ ಅವರು ಶೀತವಾಗದೆ ಬೆಚ್ಚಗಿನ ಬಟ್ಟೆಗಳನ್ನು ಧರಿಸಬೇಕು.

ಸ್ನಾನಗೃಹದ ಬಳಕೆ: ರೈಲಿನಲ್ಲಿ aಸ್ನಾನಗೃಹವನ್ನು ಹೇಗೆ ಬಳಸಬೇಕೆಂದು ಮಕ್ಕಳಿಗೆ ತಿಳಿದಿಲ್ಲದಿರಬಹುದು. ಈ ಕಾರಣದಿಂದಾಗಿ, ನೀವು ಮತ್ತು ನಿಮ್ಮ ಮಕ್ಕಳು ತೊಂದರೆಗೊಳಗಾಗಬಹುದು. ಆದ್ದರಿಂದ ಮೊದಲು ಸ್ನಾನಗೃಹವನ್ನು ಹೇಗೆ ಬಳಸಬೇಕೆಂದು ಕಲಿಸಿ. ಮತ್ತು ನೀವು ಸಹ ಅವರೊಂದಿಗೆ ಹೋಗಿ.