ವಿಮಾನ ನಿಲ್ದಾಣದಲ್ಲಿ ಲಾಂಜ್ ಬುಕಿಂಗ್ನಲ್ಲಿ ಮೋಸ, ವಂಚನೆಗೆಗೊಳಗಾದ ಹಲವು ಮಂದಿ!
ಕಳೆದ ವರ್ಷ ಜುಲೈ ನಿಂದ ಆಗಸ್ಟ್ ವರೆಗೆ ದೇಶದ ಹಲವು ನಗರಗಳ ವಿಮಾನ ನಿಲ್ದಾಣಗಳಲ್ಲಿ ಲಾಂಜ್ ಗಳನ್ನು ಬುಕ್ ಮಾಡಲು ಪ್ರಯತ್ನಿಸಿದ ಹಲವರು ಈ ವಂಚನೆಗೆ ಬಲಿಯಾಗಿದ್ದಾರೆ.
ಆಗಾಗ ವಿಮಾನ ಪ್ರಯಾಣ ಮಾಡುವವರು, ವಿಮಾನ ವಿಳಂಬವಾದಾಗ, ವಿಮಾನ ನಿಲ್ದಾಣದ ಲಾಂಜ್ ಗಳಲ್ಲಿ ಕಾಯುವುದು ಸಾಮಾನ್ಯ. ಕಳೆದ ಕೆಲವು ತಿಂಗಳುಗಳಲ್ಲಿ, ಈ ಲಾಂಜ್ ಗಳನ್ನು ಹುಡುಕುವ ಹಲವು ಪ್ರಯಾಣಿಕರು ವಂಚನೆಗೆ ಒಳಗಾಗಿದ್ದಾರೆ.
ಬೆಂಗಳೂರಿನ ಮಹಿಳೆಯೊಬ್ಬರು ತಮ್ಮ ಮೊಬೈಲ್ನಲ್ಲಿ ಲಾಂಜ್ ಬುಕ್ ಮಾಡಲು ಹೋಗಿ ವಂಚನೆಗೆ ಒಳಗಾದರು. ವಂಚಕರು ಆಕೆಯ ಬ್ಯಾಂಕ್ ಖಾತೆಯನ್ನು ಖಾಲಿ ಮಾಡಿದ್ದಾರೆ.
ಕಳೆದ ವರ್ಷ ಜುಲೈ ನಿಂದ ಆಗಸ್ಟ್ ವರೆಗೆ ದೇಶದ ಹಲವು ನಗರಗಳ ವಿಮಾನ ನಿಲ್ದಾಣಗಳಲ್ಲಿ ಲಾಂಜ್ ಗಳನ್ನು ಬುಕ್ ಮಾಡಲು ಪ್ರಯತ್ನಿಸಿದ ಹಲವರು ಈ ವಂಚನೆಗೆ ಬಲಿಯಾಗಿದ್ದಾರೆ.
'ಕ್ಲೌಡ್ಚೆಕ್' ಎಂಬ ಸೈಬರ್ ಸೆಕ್ಯುರಿಟಿ ಕಂಪನಿ 'ಲಾಂಜ್ ಪಾಸ್' ಎಂಬ ಬೋಗಸ್ ಆ್ಯಪ್ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ ಎಂದು ಹೇಳಿದೆ. ಈ ಆ್ಯಪ್ನ ಲಿಂಕ್ WhatsApp ಮತ್ತು ಇತರ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಲಾಗಿದೆ.
ವಿಮಾನ ನಿಲ್ದಾಣಕ್ಕೆ ಹೋಗುವ ಹೊತ್ತಲ್ಲಿ, ಹಲವರು ಈ ಆ್ಯಪ್ ಡೌನ್ಲೋಡ್ ಮಾಡಿ ಲಾಂಜ್ ಬುಕ್ ಮಾಡಲು ಹೋಗಿ ವಂಚಕರ ಬಲೆಗೆ ಬೀಳುತ್ತಾರೆ.
ಕ್ಲೌಡ್ಚೆಕ್ನ ಅಧ್ಯಯನದ ಪ್ರಕಾರ, ಜುಲೈ ನಿಂದ ಆಗಸ್ಟ್ ವರೆಗೆ ಸುಮಾರು 450 ಪ್ರಯಾಣಿಕರು ಈ ವಂಚನೆಗೆ ಒಳಗಾಗಿ ಲಕ್ಷಾಂತರ ರೂಪಾಯಿಗಳನ್ನು ಕಳೆದುಕೊಂಡಿದ್ದಾರೆ. ಆದರೆ, ಎಲ್ಲಾ ದೂರುಗಳು ದಾಖಲಾಗಿಲ್ಲ ಎಂದು ಕಂಪನಿ ನಂಬುತ್ತದೆ.
ವಿಮಾನ ನಿಲ್ದಾಣದಲ್ಲಿ ಸಹಾಯ ಮಾಡುವುದಾಗಿ ಹೇಳಿ, 'ಲಾಂಜ್ ಪಾಸ್' ಆ್ಯಪ್ ಡೌನ್ಲೋಡ್ ಮಾಡಲು ವಂಚಕರು ಹೇಳುತ್ತಾರೆ ಎಂದು ಕ್ಲೌಡ್ಚೆಕ್ ಹೇಳಿದೆ. WhatsApp ಲಿಂಕ್ಗಳನ್ನು ಕೂಡ ಕಳುಹಿಸುತ್ತಾರೆ. ನೀವು ಅದನ್ನು ಡೌನ್ಲೋಡ್ ಮಾಡಿದ ನಂತರ, ನಿಮ್ಮ ಬಯೋಮೆಟ್ರಿಕ್ ಮಾಹಿತಿಯನ್ನು ನೀಡಲು ಕೇಳುತ್ತಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ