ಈ ಆರೋಗ್ಯ ಸಮಸ್ಯೆ ಇರುವವರು ಬದನೆಕಾಯಿ ತಿನ್ನಬಾರದು ಯಾಕೆ?

ಬದನೆಕಾಯಿ ಪಲ್ಯನ ಹೇಗೆ ಮಾಡಿದ್ರೂ ಅದರ ರುಚಿ ಅದ್ಭುತ. ಅದರಲ್ಲೂ ನಾಟಿ ಬದನೆಕಾಯಿ ರುಚಿ ಅಂತೂ ಅಸಾಧಾರಣ. ಅದಕ್ಕೇನೇ ಬಹಳಷ್ಟು ಜನ ವಾರಕ್ಕೊಮ್ಮೆಯಾದ್ರೂ ಬದನೆಕಾಯಿ ಪಲ್ಯ ಮಾಡಿ ತಿಂತಾರೆ. ಆದ್ರೆ ಈ ತರಕಾರಿ ಆರೋಗ್ಯಕ್ಕೆ ಒಳ್ಳೆಯದಲ್ಲ ಅನ್ನೋದು ಬಹಳಷ್ಟು ಜನಕ್ಕೆ ಗೊತ್ತಿಲ್ಲ.

ಬದನೆಕಾಯಿ ಪಲ್ಯ ತಿಂದ್ರೆ ಜೀರ್ಣಕ್ರಿಯೆ ಸಮಸ್ಯೆ ಕಾಡುತ್ತೆ. ಅನಿಲ, ಆಮ್ಲೀಯತೆ ಸಮಸ್ಯೆಗಳನ್ನ ಬದನೆಕಾಯಿ ಇನ್ನಷ್ಟು ಹೆಚ್ಚಿಸುತ್ತೆ. ಈಗಾಗಲೇ ಮಳೆಗಾಲದಲ್ಲಿ ನಮ್ಮ ಜೀರ್ಣಾಂಗ ವ್ಯವಸ್ಥೆ ಸೂಕ್ಷ್ಮವಾಗಿರುತ್ತೆ.

ದೇಹದಲ್ಲಿ ರಕ್ತ ಕಡಿಮೆ ಇರುವವರು ಕೂಡ ಬದನೆಕಾಯಿಯನ್ನ ತಿನ್ನಲೇಬಾರದು. ಯಾಕಂದ್ರೆ ಬದನೆಕಾಯಿಯಲ್ಲಿರುವ ಕೆಲವು ಅಂಶಗಳು ನಮ್ಮ ದೇಹದಲ್ಲಿ ಕಬ್ಬಿಣಾಂಶ ಹೀರಿಕೊಳ್ಳುವುದನ್ನ ಕಡಿಮೆ ಮಾಡುತ್ತೆ.

ಕೆಲವರಿಗೆ ಬದನೆಕಾಯಿ ಅಲರ್ಜಿ ಇರುತ್ತೆ. ಬದನೆಕಾಯಿಯಲ್ಲಿರುವ 'ಸೋಲನೈನ್' ಎಂಬ ಅಂಶ ಅಲರ್ಜಿಗೆ ಕಾರಣವಾಗುತ್ತೆ. ಬದನೆಕಾಯಿ ತಿಂದ ಮೇಲೆ ಚರ್ಮದ ಮೇಲೆ ತುರಿಕೆ, ಮುಖ ಅಥವಾ ಗಂಟಲು ಊದಿಕೊಳ್ಳುವುದು, ಉಸಿರಾಟದ ತೊಂದರೆ ಅಥವಾ ಹೊಟ್ಟೆ ನೋವು ಕಾಣಿಸಿಕೊಳ್ಳುತ್ತೆ.

ಕಿಡ್ನಿ ಸಮಸ್ಯೆ ಇರುವವರು ಬದನೆಕಾಯಿಯನ್ನ ತಿನ್ನಲೇಬಾರದು. ಯಾಕಂದ್ರೆ ಬದನೆಕಾಯಿಯಲ್ಲಿ ಆಕ್ಸಲೇಟ್ ಎಂಬ ಅಂಶ ಹೆಚ್ಚಿನ ಪ್ರಮಾಣದಲ್ಲಿರುತ್ತೆ. ಇದು ಕಿಡ್ನಿಯಲ್ಲಿ ಕಲ್ಲುಗಳನ್ನ ಉಂಟುಮಾಡುತ್ತೆ.

ಮೊಣಕಾಲು ನೋವು, ಕಾಲು ನೋವು, ಕೀಲು ನೋವಿನಿಂದ ಬಳಲುತ್ತಿರುವವರು ಟೊಮೆಟೊ, ಆಲೂಗಡ್ಡೆ, ಮೆಣಸಿನಕಾಯಿ, ಬದನೆಕಾಯಿ ಈ ರೀತಿ ತರಕಾರಿಗಳಿಂದ ದೂರವಿರಬೇಕು. ಈ ತರಕಾರಿಗಳಲ್ಲಿ ಸೋಲನೈನ್ ಎಂಬ ಅಂಶ ಇರುತ್ತೆ.