ಟೀ ಬಿಟ್ಟರೆ ಆಗುವ ಪರಿಣಾಮಗಳೇನು? ಒಂದು ತಿಂಗಳು ಟೀ ಬಿಡೋದ್ರಿಂದ ಆಗೋ ಬದಲಾವಣೆಗಳಿವು

ಟೀ, ಕಾಫಿ ಅನೇಕರಿಗೆ ಅತ್ಯಗತ್ಯ. ಬೆಳಗ್ಗೆ ಎದ್ದ ತಕ್ಷಣ ಟೀ ಅಥವಾ ಕಾಫಿ ಕುಡಿಯಬೇಕು. ಇದು ನಮ್ಮನ್ನ ಉತ್ಸಾಹದಲ್ಲಿಡುತ್ತೆ. ಕೆಲವರಿಗೆ ಟೀ ಇಲ್ಲದೆ ಬದುಕೋಕೆ ಆಗಲ್ಲ. ಬೆಳಗ್ಗೆಯಿಂದ ಸಾಯಂಕಾಲದವರೆಗೆ ೫ ರಿಂದ ೬ ಟೀ ಕುಡಿಯೋರೂ ಇದ್ದಾರೆ. ಟೀ ಕುಡಿಯೋದು ಒಳ್ಳೆಯದಾ? ಕೆಟ್ಟದ್ದಾ? ಅನ್ನೋದಕ್ಕಿಂತ ಟೀ ಬಿಟ್ಟರೆ ದೇಹದಲ್ಲಿ ಏನೇನು ಬದಲಾವಣೆಗಳಾಗುತ್ತೆ ಅಂತ ಇಲ್ಲಿ ನೋಡೋಣ. 

ಟೀ ಬಿಟ್ಟರೆ ಏನಾಗುತ್ತೆ?: ಟೀ ಬಿಟ್ಟರೆ ದೇಹದಲ್ಲಿರೋ ಕೆಫೀನ್ ಪ್ರಮಾಣ ಕಡಿಮೆಯಾಗುತ್ತೆ. ಈ ಪ್ರಮಾಣ ಕಡಿಮೆಯಾದ್ರೆ ಟೆನ್ಷನ್ ಕಡಿಮೆಯಾಗುತ್ತೆ. ನಿದ್ರಾಹೀನತೆ ಕಡಿಮೆಯಾಗಿ ರಾತ್ರಿ ಚೆನ್ನಾಗಿ ನಿದ್ದೆ ಬರುತ್ತೆ. ಟೀ ಯಲ್ಲಿ ಡೈಯುರೆಟಿಕ್ ಅಂಶಗಳಿವೆ. ಒಬ್ಬರು ಹೆಚ್ಚು ಟೀ ಕುಡಿದ್ರೆ ದೇಹದಲ್ಲಿರೋ ನೀರಿನಂಶ ಕಡಿಮೆಯಾಗುತ್ತೆ. ನೀವು ಟೀ ಕುಡಿಯೋದನ್ನ ಬಿಟ್ಟರೆ ದೇಹದಲ್ಲಿ ನೀರಿನ ಕೊರತೆಯಿಂದ ಆಗೋ ಸಮಸ್ಯೆ ಕಡಿಮೆಯಾಗುತ್ತೆ. 

ಟೀ ಕುಡಿಯೋದನ್ನ ಬಿಟ್ಟರೆ ನಮ್ಮ ದೇಹದ ಜೀವಕೋಶಗಳಿಗೆ ಹಾನಿ ಮಾಡೋ ಫ್ರೀ ರಾಡಿಕಲ್ ಗಳು ಕ್ರಮೇಣ ಕಡಿಮೆಯಾಗುತ್ತೆ. ಈಗಲೇ ಜೀರ್ಣಕ್ರಿಯೆ ಸಮಸ್ಯೆಗಳಿದ್ರೆ ಅದೂ ಕೂಡ ನಿಧಾನವಾಗಿ ವಾಸಿಯಾಗುತ್ತೆ. ನಿಮಗೆ ಮುಂದೆ ಕ್ಯಾನ್ಸರ್ ಬರೋ ಸಾಧ್ಯತೆಗಳೂ ಕಡಿಮೆಯಾಗುತ್ತೆ. ಟೀ ಕುಡಿಯೋದನ್ನ ಬಿಟ್ಟರೆ ಸಕ್ಕರೆ ಸೇವನೆ ಕಡಿಮೆಯಾಗುತ್ತೆ. ಇದರಿಂದ ಮುಖದಲ್ಲಿ ಒಂದು ಹೊಳಪು ಬರುತ್ತೆ. ದೇಹದ ತೂಕ ಇಳಿಸಿಕೊಳ್ಳೋಕೆ ಬಯಸೋರಿಗೆ ದೊಡ್ಡ ಬದಲಾವಣೆ ತರುತ್ತೆ. 

ಒಮ್ಮೆಲೆ ಬಿಡೋದು ಸರಿನಾ?: ಯಾವುದೇ ಅಭ್ಯಾಸನ ಒಮ್ಮೆಲೆ ಬಿಡೋದು ಕಷ್ಟ. ಕೆಲವರಿಗೆ ಟೀನ ಒಮ್ಮೆಲೆ ಬಿಡೋದು ಮಾನಸಿಕ ಸಮಸ್ಯೆಗಳನ್ನೂ ತರಬಹುದು. ದೇಹದಲ್ಲಿ ಆಯಾಸ, ಸುಸ್ತು, ಗಮನವಿಲ್ಲದಿರುವುದು, ತಲೆನೋವು ತರಹದ ಸಮಸ್ಯೆಗಳು ಬರಬಹುದು. ಆದ್ರೆ ಇವು ತಾತ್ಕಾಲಿಕ ಲಕ್ಷಣಗಳು. ಕೆಲವು ದಿನ ಟೀ ಬಿಟ್ಟು ಅಭ್ಯಾಸ ಮಾಡಿಕೊಂಡ್ರೆ ಈ ಲಕ್ಷಣಗಳು ತಾನಾಗೇ ಮಾಯವಾಗುತ್ತೆ. 

ಟೀ ಕುಡಿಯೋ ಅಭ್ಯಾಸನ ಬಿಡೋಕೆ ಆಗಲ್ಲ ಅಂತ ಅಂದುಕೊಂಡ್ರೆ, ಅದಕ್ಕೆ ಬದಲಾಗಿ ಮೂಲಿಕಾ ಟೀ ಕುಡಿಯಬಹುದು. ದಾಸವಾಳ ಟೀ, ಆವಾರಂಪೂ ಟೀ ತರಹದ ಮೂಲಿಕಾ ಟೀ, ಹಾಲು, ಬಿಸಿ ನೀರು, ಹಣ್ಣಿನ ರಸಗಳನ್ನ ಕುಡಿಯಬಹುದು. ಕೆಫೀನ್ ಇಲ್ಲದ ಮೂಲಿಕಾ ಟೀ ಕುಡಿಯೋದ್ರಿಂದ ದೇಹದಲ್ಲಿ ಒಳ್ಳೆಯ ಬದಲಾವಣೆಗಳಾಗುತ್ತೆ. 

ಎಷ್ಟು ಕುಡಿಯಬಹುದು?: ನಿಮಗೆ ಟೀ ಕುಡಿಯೋದನ್ನ ಸಂಪೂರ್ಣ ಬಿಡೋಕೆ ಆಗದಿದ್ರೆ ಎಷ್ಟು ಕುಡಿಯಬಹುದು ಅನ್ನೋದಕ್ಕೆ ಒಂದು ಮಿತಿ ಇದೆ. ಗರ್ಭಿಣಿಯರು, ಮಕ್ಕಳಿಗೆ ಹಾಲುಣಿಸೋ ತಾಯಂದಿರು, ಹೊಟ್ಟೆ ಸಮಸ್ಯೆ ಇರೋರು ಟೀನ ಮಿತವಾಗಿ ಕುಡಿಯಬಹುದು. ಗರ್ಭಿಣಿಯರು ಹೆಚ್ಚು ಟೀ ಕುಡಿದ್ರೆ ಗರ್ಭದಲ್ಲಿರೋ ಮಗುವಿನ ಬೆಳವಣಿಗೆಗೆ ತೊಂದರೆಯಾಗಬಹುದು. ರಕ್ತಹೀನತೆ ತರಹದ ಸಮಸ್ಯೆಗಳು ಬರಬಹುದು ಅಂತ ಹೇಳಲಾಗುತ್ತೆ. ಟೀನ ಹೆಚ್ಚು ಕುಡಿದಾಗ ಅದರಲ್ಲಿರೋ ಟ್ಯಾನಿನ್ ಅನ್ನೋ ಅಂಶ ಕಬ್ಬಿಣದಂಶ ಹೀರಿಕೊಳ್ಳೋದನ್ನ ತಡೆಯುತ್ತೆ. ಇದರಿಂದ ಕಬ್ಬಿಣದಂಶದ ಕೊರತೆ ಉಂಟಾಗುತ್ತೆ.

ದಿನಕ್ಕೆ 2 ಸಲ ಟೀ ಕುಡಿಯೋದ್ರಿಂದ ದೇಹದಲ್ಲಿ ದೊಡ್ಡ ಬದಲಾವಣೆಗಳೇನೂ ಆಗಲ್ಲ. ಆದ್ರೆ ದಿನಾ ೨ ಸಲಕ್ಕಿಂತ ಹೆಚ್ಚು ಟೀ ಕುಡಿದ್ರೆ ದೇಹದಲ್ಲಿ ದೊಡ್ಡ ಬದಲಾವಣೆಗಳಾಗಬಹುದು. ಯಾಕಂದ್ರೆ ಟೀ ಗೆ ಹಾಕೋ ಸಕ್ಕರೆ ಅಷ್ಟು ಒಳ್ಳೆಯದಲ್ಲ. ದಿನಾ ಹೆಚ್ಚು ಟೀ ಕುಡಿಯೋದ್ರಿಂದ ದೇಹಕ್ಕೆ ಹಾನಿ. ಈ ಟೀ ಅಭ್ಯಾಸನ ಒಮ್ಮೆಲೆ ಬಿಟ್ಟರೆ ಒಳ್ಳೆಯದಾ? ಅದನ್ನ ಪ್ರಯತ್ನಿಸಿ ನೋಡೋಕೆ ಮೊದಲು ೧ ತಿಂಗಳು ಟೀ ಬಿಟ್ಟು ನೋಡಬಹುದು.