ಪಿರಿಯಡ್ಸ್ ಡಿಲೇ ಮಾತ್ರೆ ತಗೋತಿದ್ದರೆ ಆರೋಗ್ಯಕ್ಕೆ ಕುತ್ತು ಬರೋದು ಗ್ಯಾರಂಟಿ!

ಪಿರಿಯಡ್ಸ್ ತಡವಾಗಿ ಆಗೋದಕ್ಕೆ ನಾವು  ಟ್ಯಾಬ್ಲೆಟ್ ತೀಂತೇವೆ ಅಲ್ವಾ? ಆದರೆ, ನೀವು ಅಥವಾ ಯಾವುದೇ ಮಹಿಳೆ ಇದನ್ನು ಮಾಡಬಾರದು. ಋತುಚಕ್ರ ನೈಸರ್ಗಿಕ ಪ್ರಕ್ರಿಯೆಯಾಗಿರುವುದರಿಂದ, ನೀವು ಅದನ್ನು ಪದೇ ಪದೇ ತೊಂದರೆಗೊಳಿಸುತ್ತಿದ್ದರೆ, ಅದು ನಿಮ್ಮ ಆರೋಗ್ಯದ ಮೇಲೆ ತುಂಬಾ ನಕಾರಾತ್ಮಕ ಪರಿಣಾಮ ಬೀರುತ್ತದೆ. 

ಇತ್ತೀಚಿನ ದಿನಗಳಲ್ಲಿ, ಋತುಚಕ್ರವನ್ನು ತಡವಾಗಿಸಲು (late periods) ಎಲ್ಲಾ ಔಷಧಿ ಅಂಗಡಿಗಳಲ್ಲಿ ಔಷಧಿಗಳು ಸುಲಭವಾಗಿ ಲಭ್ಯವಿದೆ. ಅಷ್ಟೆ ಯಾಕೆ ವಿವಿಧ ಫಾರ್ಮಸಿ ಬ್ರಾಂಡ್ಸ್ ಸಹ ಬರುತ್ತಿವೆ. ದಿನದಿಂದ ದಿನಕ್ಕೆ, ಅವರ ಬೇಡಿಕೆಯೂ ಹೆಚ್ಚುತ್ತಿದೆ, ಮಹಿಳೆಯರು ಸಣ್ಣ ಸಣ್ಣ ವಿಷಯಗಳಿಗೆ ಈ ಮಾತ್ರೆಗಳನ್ನು ಸೇವಿಸೋ ಮೂಲಕ ತಮ್ಮ ಋತುಚಕ್ರವನ್ನು ವಿಳಂಬಗೊಳಿಸಲು ಪ್ರಾರಂಭಿಸಿದ್ದಾರೆ. ಇದು ಸರಿಯಲ್ಲ, ಋತುಚಕ್ರ ನೈಸರ್ಗಿಕ ಪ್ರಕ್ರಿಯೆಯಾಗಿರುವುದರಿಂದ, ನೀವು ಅದನ್ನು ತೊಂದರೆಗೊಳಿಸುತ್ತಿದ್ದರೆ, ಅದು ನಿಮ್ಮ ಆರೋಗ್ಯದ ಮೇಲೆ ತುಂಬಾ ನಕಾರಾತ್ಮಕ ಪರಿಣಾಮ ಬೀರುತ್ತದೆ . 

ಪದೇ ಪದೇ ಪಿರಿಯಡ್ಸ್ ತಡವಾಗಿಸುವ ಮಾತ್ರೆ ಸೇವಿಸೋದರಿಂದ ಯಾವೆಲ್ಲಾ ಅಡ್ಡ ಪರಿಣಾಮಗಳಗುತ್ತವೆ ತಿಳಿಯಿರಿ. 

ಋತುಚಕ್ರದಲ್ಲಿ ಬದಲಾವಣೆಗಳು (Changes in Periods)
ಋತುಚಕ್ರವನ್ನು ಪದೇ ಪದೇ ವಿಳಂಬಗೊಳಿಸುವ ಮಾತ್ರೆಗಳನ್ನು ತೆಗೆದುಕೊಳ್ಳುವ ಮೂಲಕ, ನಿಮ್ಮ ಋತುಚಕ್ರದ ರಕ್ತಸ್ರಾವವು ಅನಿಯಮಿತವಾಗುತ್ತದೆ. ಕೆಲವೊಮ್ಮೆ ಕೇವಲ ಸ್ಪಾಟಿಂಗ್ ಮಾತ್ರ ಕಾಣಿಸುತ್ತದೆ. ಹೀಗಾಗಿ, ಇದು ನಿಮ್ಮ ಋತುಚಕ್ರವನ್ನು ತಾತ್ಕಾಲಿಕವಾಗಿ ಬದಲಾಯಿಸಬಹುದು, ಇದು ಇತರ ದೈಹಿಕ ರೋಗಲಕ್ಷಣಗಳಿಗೆ ಕಾರಣವಾಗಬಹುದು.

ಇದಲ್ಲದೆ, ಈ ಮಾತ್ರೆಗಳನ್ನು ತೆಗೆದುಕೊಂಡ ನಂತರ, ಹಾರ್ಮೋನುಗಳು ಅಸಮತೋಲನಗೊಳ್ಳುತ್ತವೆ (hormonal imbalance), ಇದರಿಂದಾಗಿ ಅನೇಕ ಬಾರಿ ಋತುಚಕ್ರವು ದೀರ್ಘಕಾಲದವರೆಗೆ ಆಗೋದೇ ಇಲ್ಲ ಅಥವಾ ಮುಟ್ಟಿನ ಸಮಯದಲ್ಲಿ ಅತಿಯಾದ ರಕ್ತಸ್ರಾವ ಸಂಭವಿಸಬಹುದು ಎರಡೂ ಸಹ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. 

ಕಾಮಾಸಕ್ತಿಯ ಕೊರತೆ 
ಋತುಚಕ್ರ ವಿಳಂಬ ಮಾತ್ರೆಗಳನ್ನು ಹೆಚ್ಚಾಗಿ ತೆಗೆದುಕೊಳ್ಳುವುದು ಸಂತಾನೋತ್ಪತ್ತಿ ಮತ್ತು ಲೈಂಗಿಕ ಹಾರ್ಮೋನುಗಳ (sex hormone) ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ಈ ಕಾರಣದಿಂದಾಗಿ ಮಹಿಳೆಯರು ಕಾಮಾಸಕ್ತಿಯ ಕೊರತೆಯನ್ನು ಅನುಭವಿಸುತ್ತಾರೆ. ಜೊತೆಗೆ ವಜೈನಾ ಡ್ರೈ ಆಗೋದರಿಂದ ಲೈಂಗಿಕತೆ ಸಮಸ್ಯೆ ಕಾಡುತ್ತೆ, ಜೊತೆಗೆ ಸಂತಾನೋತ್ಪತ್ತಿ ಮೇಲೆ ಅಡ್ಡಪರಿಣಾಮ ಬೀರುತ್ತದೆ. 

ಮೊಡವೆ 
ಋತುಚಕ್ರ ತಪ್ಪಿಸಲು ಮಾತ್ರೆಗಳನ್ನು ತೆಗೆದುಕೊಳ್ಳುವುದರಿಂದ ಹಾರ್ಮೋನುಗಳಲ್ಲಿ ಬದಲಾವಣೆಗಳು ಉಂಟಾಗುತ್ತವೆ. ನೀವು ಅವುಗಳನ್ನು ಹೆಚ್ಚಾಗಿ ತೆಗೆದುಕೊಂಡರೆ, ಹಾರ್ಮೋನುಗಳು ಸಮತೋಲನಗೊಳ್ಳಲು ಸಮಯ ಸಿಗುವುದಿಲ್ಲ, ಇದರಿಂದಾಗಿ ಮಹಿಳೆಯರಲ್ಲಿ ಹಾರ್ಮೋನುಗಳ ಅಸಮತೋಲದಿಂದಾಗಿ ಮೊಡವೆ ಕಂಡುಬರುತ್ತದೆ. ಮೊಡವೆಗಳು (pimple problem) ಸಾಮಾನ್ಯವಾಗಿ ಮುಖದ ಕೆಳಭಾಗದ ಮೇಲೆ ಪರಿಣಾಮ ಬೀರುತ್ತವೆ, ಹಾಗೆಯೇ ಇದು ಕುತ್ತಿಗೆ, ಭುಜಗಳು ಮತ್ತು ತೋಳುಗಳ ಮೇಲ್ಭಾಗದಲ್ಲಿ ಕಾಣಿಸಿಕೊಳ್ಳಬಹುದು.

ಸ್ತನದಲ್ಲಿ ಬಿಗಿತ
ನೀವು ಆಗಾಗ್ಗೆ ಪಿರಿಯಡ್ಸ್ ತಡವಾಗುವ ಮಾತ್ರೆ ಸೇವಿಸಿದರೆ,  ನಿಮ್ಮ ಸ್ತನಗಳು ಸಹ ಬದಲಾವಣೆಗಳನ್ನು ನೋಡಬಹುದು. ಮಹಿಳೆಯರು ಸ್ತನ ನೋವು (breast pain), ಬಿಗಿತ ಮತ್ತು ಊತವನ್ನು ಅನುಭವಿಸುತ್ತಾರೆ. ಇದಲ್ಲದೆ, ಅನೇಕ ಬಾರಿ ಸ್ತನದಲ್ಲಿ ಅಸ್ವಸ್ಥತೆಯ ಭಾವನೆ ಇರುತ್ತದೆ, ಇದರಿಂದಾಗಿ ಸಮಸ್ಯೆ ತುಂಬಾ ಹೆಚ್ಚಾಗುತ್ತದೆ.

ಮೂಡ್ ಸ್ವಿಂಗ್ (Mood swing)
ಮಹಿಳೆಯರು ಸಾಮಾನ್ಯವಾಗಿ ಮುಟ್ಟಿನ ಸಮಯದಲ್ಲಿ ಮೂಡ್ ಸ್ವಿಂಗ್ ಸಮಸ್ಯೆ ಹೊಂದಿರುತ್ತಾರೆ. ಪಿರಿಯಡ್ಸ್ ವಿಳಂಬಗೊಳಿಸುವ ಮಾತ್ರೆಗಳನ್ನು ತೆಗೆದುಕೊಳ್ಳುತ್ತಿದ್ದರೆ, ಮೂಡ್ ಸ್ವಿಂಗ್ ಸಮಸ್ಯೆ ಹೆಚ್ಚುತ್ತದೆ. ಹೀಗಾದಾಗ ಮಹಿಳೆಯರಿಗೆ ತಮ್ಮ ಭಾವನೆಗಳ ಮೇಲೆ ನಿಯಂತ್ರಣವಿರೋದಿಲ್ಲ ,ಅಳುವುದು, ದುಃಖಿತರಾಗೋದು, ಡಿಪ್ರೆಶನ್ ಗೆ ಒಳಗಾಗೋದು ಸಾಮಾನ್ಯವಾಗಿರುತ್ತದೆ. 

ರಕ್ತ ಹೆಪ್ಪುಗಟ್ಟುವಿಕೆ (Blood clot)
ಮುಟ್ಟಿನ ವಿಳಂಬ ಮಾತ್ರೆ ತೆಗೆದುಕೊಳ್ಳುವ ಮೂಲಕ ಮಹಿಳೆಯರು ಎದುರಿಸಬಹುದಾದ ಸವಾಲಿನ ಸಮಸ್ಯೆಯೆಂದರೆ ರಕ್ತ ಹೆಪ್ಪುಗಟ್ಟುವಿಕೆ. ಪಿರಿಯಡ್ಸ್ ಡಿಲೇ ಪಿಲ್ ಆಗಾಗ್ಗೆ ಬಳಸುವುದರಿಂದ ದೇಹದಲ್ಲಿ ರಕ್ತ ಹೆಪ್ಪುಗಟ್ಟುವಿಕೆಗೆ ಕಾರಣವಾಗುತ್ತದೆ, ಇದು ಅನೇಕ ಗಂಭೀರ ವೈದ್ಯಕೀಯ ಪರಿಸ್ಥಿತಿಗಳಿಗೆ ಕಾರಣವಾಗಬಹುದು.