ಒಂದೆರಡು ದಿನದಲ್ಲೇ ಪಿರಿಯಡ್ಸ್ ಫ್ಲೋ ನಿಂತ್ರೆ, ಸಮಸ್ಯೇನಾ? ಏನು ಮಾಡ್ಬಹುದು?

ಪಿರಿಯಡ್ಸ್ ಅನ್ನೋದು ಪ್ರತಿಯೊಬ್ಬ ಮಹಿಳೆಯರಿಗೂ ವಿಭಿನ್ನ. ಆದರೆ ಕೆಲವು ವಿಷಯಗಳು ಅದರಲ್ಲಿ ಸಾಮಾನ್ಯ. ಉದಾಹರಣೆಗೆ ಹೆಚ್ಚಿನ ಎಲ್ಲ ಮಹಿಳೆಯರಿಗೆ ಒಂದು ನಿರ್ಧಿಷ್ಟ ಅವಧಿಯವರೆಗೆ ಋತುಸ್ರಾವ ಇರುತ್ತದೆ. ಆದರೆ ಇದಕ್ಕಿಂತ ಹೆಚ್ಚು ಅಥವಾ ಕಡಿಮೆ ದಿನ ಋತುಸ್ರಾವ ಆಗೋದು ಒಂದು ಸಮಸ್ಯೆ.  

ಮೊದಲ ಋತುಚಕ್ರದದಿಂದ ಹಿಡಿದು ಪ್ರೌಢಾವಸ್ಥೆಯಲ್ಲಿ ಋತುಬಂಧದವರೆಗೆ, ಋತುಚಕ್ರದ ಅವಧಿ ಮತ್ತು ಹರಿವು ಬದಲಾಗುತ್ತದೆ. ಗರ್ಭಧಾರಣೆಯ ಮೊದಲು ಮತ್ತು ಹೆರಿಗೆಯ ನಂತರವೂ ಬದಲಾವಣೆಗಳನ್ನು ಕಾಣಬಹುದು. ಆದರೆ ಕೆಲವು ಮಹಿಳೆಯರು ಈ ದಿನಗಳಲ್ಲಿ ತಮ್ಮ ಋತುಚಕ್ರವು ಕೇವಲ ಒಂದು ಅಥವಾ ಎರಡು ದಿನಗಳಲ್ಲಿ ಕೊನೆಗೊಳ್ಳುತ್ತದೆ ಎಂದು ದೂರುತ್ತಾರೆ. ಈ ಸ್ಥಿತಿ ಸಾಮಾನ್ಯವಾಗಿದೆಯೇ ಅಥವಾ ಇದು ಆರೋಗ್ಯ ಸಮಸ್ಯೆಯನ್ನು (health problem) ಸೂಚಿಸುತ್ತದೆಯೇ ಅನ್ನೋ ಪ್ರಶ್ನೆ ನಿಮ್ಮ ಮನಸಲ್ಲೂ ಇದ್ದರೆ, ಇಲ್ಲಿದೆ ಅದಕ್ಕೆ ಉತ್ತರ. 

ನ್ಯಾಚುರಲ್ ಪಿರಿಯಡ್ಸ್ ಎಂದರೇನು?
ತಜ್ಞರು ಹೇಳುವಂತೆ ಸಾಮಾನ್ಯ ಋತುಚಕ್ರವು (natural periods) ಪ್ರತಿ 28 ದಿನಗಳಿಗೊಮ್ಮೆ ಬರುತ್ತದೆ. ಇದು ಕೆಲವೊಮ್ಮೆ ಬದಲಾಗುತ್ತದೆ. ಕೆಲವು ಮಹಿಳೆಯರಿಗೆ ಪ್ರತಿ 21 ದಿನಗಳಿಗೊಮ್ಮೆ ಋತುಚಕ್ರವಿರುತ್ತದೆ, ಇನ್ನು ಕೆಲವರಿಗೆ 35 ದಿನಗಳ ಅಂತರದಲ್ಲಿ ಋತುಚಕ್ರ ಆಗುತ್ತದೆ. ಪ್ರತಿಯೊಬ್ಬ ಮಹಿಳೆಯೂ ಇದು ವಿಭಿನ್ನವಾಗಿದ್ದಾಳೆ. ಹೆಚ್ಚಿನ ಮಹಿಳೆಯರಿಗೆ ಪ್ರತಿ ತಿಂಗಳು ಸುಮಾರು ಮೂರರಿಂದ ಐದು ದಿನಗಳವರೆಗೆ ಋತುಚಕ್ರವಿರುತ್ತದೆ. ಕೇವಲ ಎರಡು ದಿನಗಳು ಅಥವಾ ಏಳು ದಿನಗಳವರೆಗೆ ಇರುವ ಪಿರಿಯಡ್ಸ್ ಸಹ ಸಾಮಾನ್ಯವೆಂದು ಪರಿಗಣಿಸಲಾಗುತ್ತದೆ. ಋತುಸ್ರಾವವು ಸಾಮಾನ್ಯವಾಗಿ ಹಲವಾರು ದಿನಗಳವರೆಗೆ ಇದ್ದರೆ ಮತ್ತು ಇದ್ದಕ್ಕಿದ್ದಂತೆ ತುಂಬಾ ಕಡಿಮೆಯಾದರೆ, ಅದು ಹಲವಾರು ಕಾರಣಗಳಿಂದಾಗಿರಬಹುದು.

ಋತುಚಕ್ರವು ಏಕೆ ಕಡಿಮೆಯಾಗುತ್ತದೆ?
'ಇದ್ದಕ್ಕಿದ್ದಂತೆ ಋತುಚಕ್ರ 1-2 ದಿನಗಳಲ್ಲಿ ಕೊನೆಗೊಳ್ಳಲು ಪ್ರಾರಂಭಿಸಬಹುದು. ಇದು ಸಂಭವಿಸಿದಾಗ, ಮೊದಲು ಗರ್ಭಧಾರಣೆ ಬಗ್ಗೆ ಯೋಚನೆ ಬರುತ್ತದೆ.  ಇದು ಅದರ ಆರಂಭಿಕ ಚಿಹ್ನೆಯಾಗಿರಬಹುದು. ಸಾಮಾನ್ಯಕ್ಕಿಂತ ಕಡಿಮೆ ಋತುಚಕ್ರವನ್ನು ಹೊಂದುವ ಬಗ್ಗೆ ಮಹಿಳೆ ಚಿಂತಿತಳಾಗಿರಬಹುದು. ಈ ಬಗ್ಗೆ ನೀವು ನಿಮ್ಮ ವೈದ್ಯರನ್ನು ಸಂಪರ್ಕಿಸೋದು ಉತ್ತಮ. ಬದಲಾವಣೆಯನ್ನು ಪ್ರಚೋದಿಸುತ್ತಿರುವುದು ಏನು ಎಂಬುದನ್ನು ಕಂಡುಹಿಡಿಯಲು ಅವರು ಸಹಾಯ ಮಾಡಬಹುದು. ಅಗತ್ಯವಿದ್ದರೆ ಚಿಕಿತ್ಸೆಯನ್ನು ಸಹ ಪ್ರಾರಂಭಿಸಬಹುದು. ಕೆಲವೊಮ್ಮೆ ಇತರ ಕೆಲವು ಕಾರಣಗಳಿಂದಾಗಿ, ಋತುಚಕ್ರವು 1-2 ದಿನಗಳಲ್ಲಿ ಕೊನೆಗೊಳ್ಳಬಹುದು. ಇವು ಜೀವನಶೈಲಿ, ಜನನ ನಿಯಂತ್ರಣ ಅಥವಾ ಇತರ ವೈದ್ಯಕೀಯ ಸ್ಥಿತಿಯನ್ನು ಒಳಗೊಂಡಿರಬಹುದು.

ಪಿರಿಯಡ್ಸ್ ಕಡಿಮೆಯಾಗೋದಕ್ಕೆ ಕಾರಣ ಏನು?
ಗರ್ಭಧಾರಣೆ (periods)
ಗರ್ಭಧಾರಣೆಯ ಕಾರಣದಿಂದಾಗಿ ಋತುಚಕ್ರವು ಆರಂಭದಲ್ಲಿ ಒಂದು ಅಥವಾ ಎರಡು ದಿನಗಳವರೆಗೆ ಮಾತ್ರ ಇರುತ್ತದೆ. ಫಲವತ್ತಾದ ಅಂಡಾಣು ಗರ್ಭಾಶಯದ ಒಳಪದರಕ್ಕೆ ಅಂಟಿಕೊಂಡಾಗ, ಇಂಪ್ಲಾಂಟೇಶನ್ ರಕ್ತಸ್ರಾವ ಸಂಭವಿಸಬಹುದು. ಇದು ಸಾಮಾನ್ಯ ಪಿರಿಯಡ್ಸ್ ಗಿಂತ ಹಗುರವಾಗಿರುತ್ತದೆ. ಇದು ಸಾಮಾನ್ಯವಾಗಿ ಸುಮಾರು 24 ರಿಂದ 48 ಗಂಟೆಗಳ ಕಾಲ ಇರುತ್ತದೆ. ಇದರ ಬಣ್ಣ ಗಾಢ ಕಂದು ಬಣ್ಣದ್ದಾಗಿರಬಹುದು. ಇದು ಎಲ್ಲಾ ಮಹಿಳೆಯರಲ್ಲಿ ಸಂಭವಿಸುವುದಿಲ್ಲ.

ಎಕ್ಟೋಪಿಕ್ ಗರ್ಭಧಾರಣೆ (Ectopic pregnancy)
ಫಲವತ್ತಾದ ಅಂಡಾಣು ಗರ್ಭಾಶಯದ ಬದಲು ಫೆಲೋಪಿಯನ್ ನಾಳಗಳು, ಅಂಡಾಶಯಗಳು ಅಥವಾ ಗರ್ಭಕಂಠಕ್ಕೆ ಅಂಟಿಕೊಂಡಿರೋದನ್ನು ಟ್ಯೂಬಲ್ ಗರ್ಭಧಾರಣೆ ಎಂದು ಕರೆಯಲಾಗುತ್ತದೆ. ಎಕ್ಟೋಪಿಕ್ ಗರ್ಭಧಾರಣೆಯು ಯೋನಿ ರಕ್ತಸ್ರಾವ ಮತ್ತು ಪೆಲ್ವಿಕ್ ನೋವಿಗೆ (Pelvic Pain) ಕಾರಣವಾಗುತ್ತದೆ. ಫೆಲೋಪಿಯನ್ ಟ್ಯೂಬ್ ನಲ್ಲಿ ಮೊಟ್ಟೆ ಬೆಳೆಯುವುದನ್ನು ಮುಂದುವರಿಸಿದರೆ, ಅದು ಟ್ಯೂಬ್ ಛಿದ್ರಗೊಳ್ಳಲು ಕಾರಣವಾಗಬಹುದು. ಇದು ಹೊಟ್ಟೆ ಒಳಗೆ ಭಾರಿ ರಕ್ತಸ್ರಾವಕ್ಕೆ ಕಾರಣವಾಗಬಹುದು. ಇದು ಗುದ ಒತ್ತಡ ಮತ್ತು ಗರ್ಭಪಾತಕ್ಕೆ ಕಾರಣವಾಗಬಹುದು.

ಸ್ತನ್ಯಪಾನ (Breast feed)
ತಾಯಿ ಮಗುವಿಗೆ ಹಾಲುಣಿಸುತ್ತಿದ್ದರೆ, ಅವಳ ಋತುಚಕ್ರದ ವಿಳಂಬವು ಹಗುರವಾಗಿರಬಹುದು ಅಥವಾ ಕಡಿಮೆ ಆಗಿರಬಹುದು. ಎದೆ ಹಾಲು ತಯಾರಿಸಲು ಸಹಾಯ ಮಾಡುವ ಪ್ರೊಲ್ಯಾಕ್ಟಿನ್ ಹಾರ್ಮೋನ್ ಕೂಡ ಋತುಚಕ್ರ ಸಂಭವಿಸದಂತೆ ತಡೆಯುತ್ತದೆ. ಹೆಚ್ಚಿನ ಸ್ತನ್ಯಪಾನ ಮಾಡುವ ಮಹಿಳೆಯರಲ್ಲಿ, ಮಗುವಿನ ಜನನದ ನಂತರ ಸುಮಾರು 9 ರಿಂದ 18 ತಿಂಗಳುಗಳ ನಂತರ ಋತುಚಕ್ರ ಪುನರಾರಂಭಗೊಳ್ಳುತ್ತದೆ.

ಗರ್ಭನಿರೋಧಕಗಳು 
ಹಾರ್ಮೋನುಗಳ ಜನನ ನಿಯಂತ್ರಣ ಮಾತ್ರೆಗಳು (Contraceptive pills) ಅಥವಾ ಚುಚ್ಚುಮದ್ದುಗಳು, ಹಾಗೆಯೇ ಗರ್ಭಾಶಯದ ಒಳಗೆ ಸೇರಿಸಲಾದ ಸಾಧನಗಳು (ಐಯುಡಿಗಳು) ಅಲ್ಪ ಮತ್ತು ಲಘು ಋತುಚಕ್ರಕ್ಕೆ ಕಾರಣವಾಗಬಹುದು. ಮಾತ್ರೆಗಳ ಹಾರ್ಮೋನುಗಳು ಗರ್ಭಾಶಯದ ಒಳಪದರವನ್ನು ತೆಳುವಾಗಿಸುತ್ತದೆ. ಇದು ಮುಟ್ಟಿನ ಫ್ಲೋ ಅನ್ನು ಹಗುರಗೊಳಿಸುತ್ತದೆ ಅಥವಾ ಕಡಿಮೆ ಮಾಡುತ್ತದೆ. ಪ್ರೊಜೆಸ್ಟಿನ್ ಮಾತ್ರೆಗಳನ್ನು ತೆಗೆದುಕೊಳ್ಳುವ ಮಹಿಳೆಯರಿಗೆ ರಕ್ತಸ್ರಾವವಾಗಬಹುದು. ರಕ್ತ ತೆಳುವಾಗಿಸುವ ಔಷಧಿಗಳು, ಖಿನ್ನತೆ (Depression)-ಶಮನಕಾರಿಗಳು, ಸ್ಟೀರಾಯ್ಡ್ಗಳು ಮತ್ತು ಜಿನ್ಸೆಂಗ್ನಂತಹ ಗಿಡಮೂಲಿಕೆಗಳು ಸಹ ಹರಿವನ್ನು ಕಡಿಮೆ ಮಾಡುತ್ತವೆ. 

ಒತ್ತಡ  (Stress)
ಹೆಚ್ಚಿನ ಮಟ್ಟದ ಒತ್ತಡ ಹಾರ್ಮೋನುಗಳ ಮೇಲೆ ಪರಿಣಾಮ ಬೀರುತ್ತದೆ. ಇದು ಪಿರಿಯಡ್ಸ್ ಮೇಲೂ ಪರಿಣಾಮ ಬೀರಬಹುದು. ತೀವ್ರ ಒತ್ತಡವನ್ನು ಅನುಭವಿಸುತ್ತಿದ್ದರೆ, ಕಡಿಮೆ ಅಥವಾ ಲಘು ಋತುಚಕ್ರ ಹೊಂದಿರಬಹುದು. ಒತ್ತಡದ ಮಟ್ಟ ಕಡಿಮೆಯಾದ ನಂತರ ಋತುಚಕ್ರ ಸಾಮಾನ್ಯ.

ಗಮನಾರ್ಹ ತೂಕ ನಷ್ಟ
ಅತಿಯಾದ ತೂಕ ಕಳೆದುಕೊಳ್ಳುವುದು (weight loss) ಅನಿಯಮಿತ ಋತುಚಕ್ರಕ್ಕೆ ಕಾರಣವಾಗಬಹುದು. ಅನೋರೆಕ್ಸಿಯಾ ನರ್ವೋಸಾ ಅಥವಾ ಬುಲಿಮಿಯಾ ನರ್ವೋಸಾದಂತಹ ತಿನ್ನುವ ಅಸ್ವಸ್ಥತೆಗಳು ಋತುಸ್ರಾವವನ್ನು ಸಂಪೂರ್ಣವಾಗಿ ನಿಲ್ಲಿಸಬಹುದು. ಅತಿಯಾದ ವ್ಯಾಯಾಮ ಅನಿಯಮಿತ ಋತುಸ್ರಾವಕ್ಕೆ ಕಾರಣವಾಗಬಹುದು.

ವೈದ್ಯಕೀಯ ಸ್ಥಿತಿ
ಕೆಲವು ರೀತಿಯ ವೈದ್ಯಕೀಯ ಪರಿಸ್ಥಿತಿಗಳು (medical condition) ಋತುಚಕ್ರದ ಮೇಲೆ ಪರಿಣಾಮ ಬೀರಬಹುದು, ಇದು ಸಾಮಾನ್ಯಕ್ಕಿಂತ ಕಡಿಮೆ ಋತುಸ್ರಾವಕ್ಕೆ ಕಾರಣವಾಗುತ್ತದೆ. ಥೈರಾಯ್ಡ್ ಕಾಯಿಲೆಯು ದೇಹವು ಹೆಚ್ಚು ಅಥವಾ ಕಡಿಮೆ ಥೈರಾಯ್ಡ್ ಹಾರ್ಮೋನ್ ಅನ್ನು ತಯಾರಿಸಲು ಕಾರಣವಾಗುತ್ತದೆ. ಈ ಹಾರ್ಮೋನ್ ಋತುಚಕ್ರದಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ದೇಹವು ಈ ಹಾರ್ಮೋನ್ ಅನ್ನು ಸರಿಯಾದ ಪ್ರಮಾಣದಲ್ಲಿ ತಯಾರಿಸದಿದ್ದಾಗ, ಕಡಿಮೆ ಋತುಸ್ರಾವ, ಕಡಿಮೆ ನಿದ್ರೆ ಮೊದಲಾದ ಸಮಸ್ಯೆಗಳು ಉಂಟಾಗಬಹುದು.