ಮಧ್ಯಾಹ್ನದ ಆಲಸ್ಯವೇ, ಹೀಗಿದ್ದರೆ ಆಹಾರ, ಎಲ್ಲವೂ ಸರಿಯಾಗುತ್ತೆ!
ಮಧ್ಯಾಹ್ನ ಅನ್ನ ಸೇವಿಸಿದ ನಂತರ ಏಕೆ ವೇಗದ ನಿದ್ದೆ ಮತ್ತು ಆಲಸ್ಯ ಬರುತ್ತದೆ ಅನ್ನೋದರ ಬಗ್ಗೆ ಯೋಚನೆ ಮಾಡಿದ್ದೀರಾ? ಅನ್ನ ತಿನ್ನುವುದರಿಂದ ಅನೇಕ ಪ್ರಯೋಜನಗಳಿವೆ, ಆದರೆ ಊಟದಲ್ಲಿ ಅನ್ನ ತಿಂದ ನಂತರ ಕೆಲವರಿಗೆ ಆಲಸ್ಯ ಮತ್ತು ನಿದ್ದೆ ಬರುತ್ತದೆ. ಯಾಕಪ್ಪಾ ಹೀಗೆ ಎಂದು ನೀವು ಅಂದುಕೊಂಡಿರಬಹುದು ಅದಕ್ಕೆ ಕಾರಣ ಏನು ಎಂದು ತಿಳಿಯೋಣ.
ಅಕ್ಕಿಯನ್ನು ಭಾರತದ ಮೂಲೆ ಮೂಲೆಯಲ್ಲಿ ಬಳಸುತ್ತಾರೆ. ನೀವು ದಿನದಲ್ಲಿ ಅನ್ನ ಸೇವಿಸಬೇಕು ಎಂದು ಅನೇಕ ತಜ್ಞರು ಹೇಳುತ್ತಾರೆ. ಏಕೆಂದರೆ, ಇದು ಕಾರ್ಬೋಹೈಡ್ರೇಟ್ಗಳು ಮತ್ತು ಶಕ್ತಿಯ ಉತ್ತಮ ಮೂಲ. ಆದರೆ ಸಮಸ್ಯೆಯೆಂದರೆ ಹಗಲಿನಲ್ಲಿ ಅನ್ನ ತಿಂದ ನಂತರ, ವೇಗವಾಗಿ ನಿದ್ರೆ ಮತ್ತು ಆಲಸ್ಯ ಬರಲು ಆರಂಭವಾಗುತ್ತದೆ. ಇದು ಸ್ವಲ್ಪ ಸಮಸ್ಯಾತ್ಮಕವಾಗಿರಬಹುದು. ಆದರೆ ಪೌಷ್ಟಿಕ ತಜ್ಞರು ಇದನ್ನು ತಪ್ಪಿಸಲು ಒಂದು ಮಾರ್ಗವನ್ನು ನೀಡಿದ್ದಾರೆ.
ಊಟದಲ್ಲಿ ಅನ್ನ ತಿಂದ ನಂತರ ನನಗೆ ಏಕೆ ಆಲಸ್ಯ ಅಥವಾ ನಿದ್ದೆ ಬರುತ್ತದೆ?
ರಜಾ ದಿನವನ್ನು ಹೊರತುಪಡಿಸಿ, ಹಗಲಿನಲ್ಲಿ ಮಲಗುವುದು ದೊಡ್ಡ ಸಮಸ್ಯೆಯಾಗಿರಬಹುದು. ಪೌಷ್ಟಿಕತಜ್ಞರ ಪ್ರಕಾರ, ಯಾವುದೇ ಕಾರ್ಬೋಹೈಡ್ರೇಟ್ಗಳು ದೇಹದ ಮೇಲೆ ಒಂದೇ ರೀತಿಯ ಪರಿಣಾಮವನ್ನು ಬೀರುತ್ತವೆ ಮತ್ತು ಅನ್ನವೂ ಅದೇ ಪರಿಣಾಮವನ್ನು ಬೀರುತ್ತದೆ. ಕಾರ್ಬೋಹೈಡ್ರೇಟ್ ಭರಿತ ಆಹಾರವು ನಮ್ಮ ದೇಹವನ್ನು ಪ್ರವೇಶಿಸಿದಾಗ, ಅದು ಗ್ಲೂಕೋಸ್ ಆಗಿ ಬದಲಾಗುತ್ತದೆ ಮತ್ತು ಗ್ಲೂಕೋಸ್ ಅನ್ನು ಬಳಸಲು ದೇಹವು ಇನ್ಸುಲಿನ್ ಅನ್ನು ಉತ್ಪಾದಿಸುತ್ತದೆ.
ದೇಹದಲ್ಲಿ ಇನ್ಸುಲಿನ್ ಮಟ್ಟ ಹೆಚ್ಚಾದಾಗ, ಇದು ಮೆದುಳಿಗೆ ಪ್ರವೇಶಿಸಲು ಅಗತ್ಯವಾದ ಕೊಬ್ಬಿನಾಮ್ಲ ಟ್ರಿಪ್ಟೊಫಾನ್ ಅನ್ನು ಉತ್ತೇಜಿಸುತ್ತದೆ. ಈ ಕಾರಣದಿಂದಾಗಿ ಮೆಲಟೋನಿನ್ ಮತ್ತು ಸಿರೊಟೋನಿನ್ ಮಟ್ಟ ಹೆಚ್ಚಾಗಲು ಆರಂಭವಾಗುತ್ತದೆ, ಇದು ಹಾರ್ಮೋನುಗಳನ್ನು ಸಡಿಲಗೊಳಿಸುತ್ತದೆ. ಈ ಕಾರಣದಿಂದಾಗಿ ದೇಹವು ಆಲಸ್ಯ ಮತ್ತು ನಿದ್ರೆಯನ್ನು ಅನುಭವಿಸಲು ಪ್ರಾರಂಭಿಸುತ್ತದೆ.
ಅನ್ನ ತಿಂದ ನಂತರ ಆಲಸ್ಯವನ್ನು ತಪ್ಪಿಸುವ ಮಾರ್ಗಗಳು
ಕಾರ್ಬೋಹೈಡ್ರೇಟ್ಗಳ ಕಡೆಗೆ ನರಮಂಡಲದ ಈ ಪ್ರಕ್ರಿಯೆಯು ಸಾಮಾನ್ಯವಾಗಿದೆ. ಇದರಲ್ಲಿ ದೇಹದ ಇತರ ಎಲ್ಲಾ ಕಾರ್ಯಗಳನ್ನು ನಿಧಾನಗೊಳಿಸುತ್ತದೆ ಮತ್ತು ಜೀರ್ಣಕ್ರಿಯೆಯ ಮೇಲೆ ಮಾತ್ರ ಕೇಂದ್ರೀಕರಿಸುತ್ತದೆ. ಆದರೆ, ಅಕ್ಕಿ ತಿಂದ ನಂತರ ಆಲಸ್ಯ ಮತ್ತು ನಿದ್ರೆಯನ್ನು ತಪ್ಪಿಸಲು ಕೆಲವು ಉತ್ತಮ ಮಾರ್ಗಗಳಿವೆ.-
ಊಟದಲ್ಲಿ ಹೆಚ್ಚು ಆಹಾರ ಸೇವಿಸಬೇಡಿ. ನೀವು ಹೆಚ್ಚು ತಿಂದರೆ, ದೇಹವು ಅದನ್ನು ಜೀರ್ಣಿಸಿಕೊಳ್ಳಲು ಕಷ್ಟವಾಗುತ್ತದೆ ಮತ್ತು ಹೆಚ್ಚು ಆಲಸ್ಯವನ್ನು ಅನುಭವಿಸುತ್ತೀರಿ. ಆದ್ದರಿಂದ, ಊಟದಲ್ಲಿ ಹೆಚ್ಚು ಆಹಾರ ಅಥವಾ ಅನ್ನ ಸೇವಿಸಬೇಡಿ. ಬದಲಾಗಿ ಕಡಿಮೆ ಸೇವಿಸಿ. ಹೊಟ್ಟೆ ಬಿರಿಯುವಷ್ಟು ಸೇವನೆ ಮಾಡಿದರೆ ಖಂಡಿತವಾಗಿಯೂ ನಿದ್ದೆ ಬಂದೆ ಬರುತ್ತದೆ.
ಇನ್ನೊಂದು ವಿಧಾನವೆಂದರೆ ಆಹಾರದಲ್ಲಿ 50 ಪ್ರತಿಶತ ತರಕಾರಿಗಳು, 25 ಪ್ರತಿಶತ ಪ್ರೋಟೀನ್ ಮತ್ತು 25 ಪ್ರತಿಶತ ಕಾರ್ಬೋಹೈಡ್ರೇಟ್ಗಳನ್ನು ಸೇರಿಸಬೇಕು. ಪ್ರೋಟೀನ್ ಸೇವನೆಯು ಕೂಡ ಟ್ರಿಪ್ಟೊಫಾನ್ ಮಟ್ಟವನ್ನು ಹೆಚ್ಚಿಸುತ್ತದೆ ಎಂಬುದನ್ನು ನೆನಪಿಡಿ, ಆದ್ದರಿಂದ ಅದನ್ನು ಹೆಚ್ಚು ಸೇವಿಸುವುದನ್ನು ತಪ್ಪಿಸಿ. ಪ್ರೊಟೀನ್ ಅಂಶಗಳು ಹೆಚ್ಚಾಗಿದ್ದರೆ ಅವಾಗ ನಿದ್ದೆ ಹೆಚ್ಚಾಗಿ ಬರೋದಿಲ್ಲ, ಬದಲಾಗಿ ನೀವು ಸಕ್ರಿಯವಾಗಿರಲು ಸಹಾಯವಾಗುತ್ತದೆ.