ಪೌಷ್ಟಿಕಾಂಶದ ಆಗರ ನುಗ್ಗೆ ಕಾಯಿ: ಕ್ಯಾನ್ಸರ್ ನಂತಹ ಗಂಭೀರ ಸಮಸ್ಯೆಯೂ ದೂರ

ಅಡುಗೆ ಮನೆಯಲ್ಲಿ ಸಾಕಷ್ಟು ಭಾರತೀಯ ಸೂಪರ್ ಫುಡ್ ಗಳು ಸಂಗ್ರಹವಾಗಿವೆ. ಇವುಗಳು ಆರೋಗ್ಯಕ್ಕೆ ಉತ್ತಮ ಪ್ರಯೋಜನವನ್ನು ಸಹ ನೀಡುತ್ತದೆ. ಅವುಗಳಲ್ಲಿ ಒಂದು ನುಗ್ಗೆ ಕಾಯಿ. ಇದು ಹೆಚ್ಚಿನ ಪೌಷ್ಟಿಕಾಂಶದ ಪ್ರಯೋಜನಗಳನ್ನು ಹೊಂದಿರುವುದಲ್ಲದೆ  ಆರೋಗ್ಯಕರವೂ ಆಗಿದೆ. ನುಗ್ಗೆ ಎಂದು ಕರೆಯಲ್ಪಡುವ ಡ್ರಮ್ ಸ್ಟಿಕ್ ಗಳು  ಆಹಾರಕ್ರಮದಲ್ಲಿ ನಿಜಕ್ಕೂ ಒಂದು ಉತ್ತಮ ಸೇರ್ಪಡೆಯಾಗಿದೆ. ಇವುಗಳನ್ನು ಸೇವಿಸುವುದರಿಂದ ಏನೆಲ್ಲಾ ಪ್ರಯೋಜನಗಳಿವೆ ತಿಳಿಯೋಣ..

ಪೌಷ್ಟಿಕಾಂಶದ ಆಗರ: ಪೌಷ್ಟಿಕಾಂಶದ ಮಾರ್ಗಸೂಚಿಗಳ ಪ್ರಕಾರ, 100 ಗ್ರಾಂ ನುಗ್ಗೆ ಎಲೆಗಳಲ್ಲಿ ಈ ಕೆಳಗಿನ ಉಪಯುಕ್ತ ವಿಟಮಿನ್ ಗಳು ಮತ್ತು ಖನಿಜಾಂಶಗಳು ಇವೆ. ವಿಟಮಿನ್ ಎ: 6.78 ಮಿ.ಗ್ರಾಂ, ಥಿಯಾಮಿನ್: 0.06 ಮಿಗ್ರಾಂ, ರೈಬೋಫೆಲಾವಿನ್: 0.05 ಮಿಗ್ರಾಂ, ವಿಟಮಿನ್ ಸಿ: 220 ಮಿ.ಗ್ರಾಂ, ಕ್ಯಾಲ್ಸಿಯಂ: 440 ಮಿ.ಗ್ರಾಂ, ಕ್ಯಾಲೋರಿಗಳು: 92, ಕಾರ್ಬೋಹೈಡ್ರೇಟ್: 12.5, ಕೊಬ್ಬು: 1.70 ಮಿ.ಗ್ರಾಂ, ಫೈಬರ್: 0.90 ಮಿ.ಗ್ರಾಂ, ಕಬ್ಬಿಣ: 0.85 ಮಿ.ಗ್ರಾಂ, ಪ್ರೋಟೀನ್: 6.70 ಗ್ರಾಂ.

ಇವುಗಳಲ್ಲದೆ, ನುಗ್ಗೆ  ಎಲೆಗಳು ಪೊಟ್ಯಾಶಿಯಂ, ಸತು, ಮೆಗ್ನೀಶಿಯಂ ಮತ್ತು ರಂಜಕಗಳಂತಹ ಉಪಯುಕ್ತ  ಖನಿಜಗಳನ್ನು ಸಹ ಒಳಗೊಂಡಿವೆ. ನುಗ್ಗೆಯನ್ನು ಒಣಗಿಸಿದ ಎಲೆಗಳ ರೂಪದಲ್ಲಿ ಅಥವಾ ಕ್ಯಾಪ್ಸೂಲ್ ರೂಪದಲ್ಲಿ ಸೇವಿಸಿದರೆ ಪೌಷ್ಟಿಕಾಂಶದ  ಸ್ವಲ್ಪ ವ್ಯತ್ಯಾಸವಾಗಬಹುದು . ಅದರ ಬದಲಾಗಿ ಹಾಗೆ ಪಲ್ಯ, ಅಡುಗೆ ಮಾಡಿ ಸೇವಿಸಿದರೆ ಉತ್ತಮ. 

ನುಗ್ಗೆ ಎಲೆಗಳನ್ನು ನಿಯಮಿತವಾಗಿ ಸೇವಿಸುತ್ತಾ ಇದ್ದರೆ ಆಗುವ ಪ್ರಯೋಜನಗಳೇನು?
ಸಾಂಪ್ರದಾಯಿಕ ಜ್ಞಾನಕ್ಕೆ ಅನುಗುಣವಾಗಿ ನುಗ್ಗೆ ಮರವನ್ನು 'ಪವಾಡ ವೃಕ್ಷ' ಎಂದು ಪರಿಗಣಿಸಲಾಗಿದೆ, ಏಕೆಂದರೆ ಮರದ ಎಲ್ಲಾ ಭಾಗಗಳು, ಎಲೆಗಳು, ಹಣ್ಣು, ತೊಗಟೆ,   ಅನೇಕ ಉಪಯೋಗಗಳನ್ನು ಹೊಂದಿದೆ. ನುಗ್ಗೆ ಸಮೃದ್ಧ ಔಷಧೀಯ ಗುಣಗಳನ್ನು ಸಹ ಹೊಂದಿದ್ದು, ಇದನ್ನು ಚಿಕಿತ್ಸಕವಾಗಿ ಬಳಸಲು ಮತ್ತು ಆಹಾರಕ್ರಮದಲ್ಲಿ ಸೇರಿಸಲು ಶಿಫಾರಸು ಮಾಡಬಹುದು. 

ನುಗ್ಗೆಯ  ಕೆಲವು ಆರೋಗ್ಯಕಾರಿ ಪ್ರಯೋಜನಗಳ ಬಗ್ಗೆ ತಿಳಿಯಿರಿ
ಪೌಷ್ಟಿಕಾಂಶ : ಸರ್ವಶಕ್ತಿಶಾಲಿ ಜೀವಸತ್ವಗಳು ಮತ್ತು ಖನಿಜಗಳ ಒಳ್ಳೆಯತನವನ್ನು ಹೊಂದಿರುವ ಒಂದು ಆಹಾರವನ್ನು  ಹುಡುಕುತ್ತಿದ್ದರೆ, ನುಗ್ಗೆಗಿಂತ ಬೇರೆ ಉತ್ತಮ ಆಹಾರವಿಲ್ಲ. ಮೇಲೆ ತಿಳಿಸಿದಂತೆ, ನುಗ್ಗೆ ಪೌಷ್ಟಿಕಾಂಶ ಹೊಂದಿದೆ. 

ಲಿವರ್ ಗೆ ಒಳ್ಳೆಯದು: ಅನೇಕ ಸಂಶೋಧಕರ ಪ್ರಕಾರ,ನುಗ್ಗೆ ಆಕ್ಸಿಡೀಕರಣ ಮತ್ತು ಹಾನಿಯಿಂದ ಯಕೃತ್ತನ್ನು ಸಕ್ರಿಯವಾಗಿ ರಕ್ಷಿಸಬಲ್ಲ ಒಂದು ಆಹಾರವಾಗಿರಬಹುದು. ನುಗ್ಗೆ ಸಾರವು ಪಿತ್ತಜನಕಾಂಗಕ್ಕೆ   ಉಂಟಾಗುವ ಹಾನಿಯಿಂದ ರಕ್ಷಿಸುತ್ತದೆ ಮತ್ತು ಚೇತರಿಕೆಗೆ ಸಹಾಯ ಮಾಡುತ್ತದೆ ಎಂದು ಅಧ್ಯಯನಗಳು ಹೇಳುತ್ತವೆ. 

ಹೊಟ್ಟೆಯ ಸಮಸ್ಯೆಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ
ಹಣ್ಣು ಮತ್ತು ತರಕಾರಿಗಳು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ, ಆದರೆ ನುಗ್ಗೆ ಎಲೆಗಳ ಔಷಧೀಯ ಗುಣವು ಮಲಬದ್ಧತೆ, ಕೊಲೈಟಿಸ್ ಸೇರಿದಂತೆ ಕೆಲವು ಹೊಟ್ಟೆಯ ತೊಂದರೆಗಳು ಮತ್ತು ಅಸ್ವಸ್ಥತೆಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ. ನುಗ್ಗೆಯಲ್ಲಿ ಕಂಡುಬರುವ ಅನೇಕ ಆಂಟಿ ಬ್ಯಾಕ್ಟೀರಿಯಲ್ ಮತ್ತು ಆಂಟಿಬಯೋಟಿಕ್ ಸಂಯುಕ್ತಗಳು ರೋಗಕಾರಕಗಳು ಮತ್ತು ಸೋಂಕು ಉಂಟುಮಾಡುವ ರೋಗಾಣುಗಳ ಬೆಳವಣಿಗೆಯನ್ನು ತಡೆಯಲು ಸಹಾಯ ಮಾಡುತ್ತವೆ.

ಕ್ಯಾನ್ಸರ್ ತಡೆಗಟ್ಟಬಹುದು ಮತ್ತು ಚಿಕಿತ್ಸೆ ನೀಡಬಹುದು
ಹಲವಾರು ವೈದ್ಯಕೀಯ ತಜ್ಞರ ಪ್ರಕಾರ, ಡ್ರಮ್ ಸ್ಟಿಕ್ ಗಳ ಔಷಧೀಯ ಗುಣಗಳೂ ಸಹ ಕೆಲವು ಕ್ಯಾನ್ಸರ್ ಗಳನ್ನು ಬರದಂತೆ ತಡೆಗಟ್ಟುತ್ತದೆ ಮತ್ತು ಅವುಗಳಿಗೆ ಚಿಕಿತ್ಸೆಯನ್ನು ಸಹ ನೀಡಬಹುದು. ನುಗ್ಗೆಯಲ್ಲಿ ನಿಝಿಮಿಸಿನ್ ಎಂಬ ಉಪಕಾರಿ ಸಂಯುಕ್ತವೂ ಇದ್ದು, ಇದು ದೇಹದಲ್ಲಿ ಕ್ಯಾನ್ಸರ್ ಕಾರಕ ಜೀವಕೋಶಗಳ ಬೆಳವಣಿಗೆಯನ್ನು ಸಹ ನಿಗ್ರಹಿಸುತ್ತದೆ.

ಮೂಳೆಯ ಬೆಳವಣಿಗೆಯನ್ನು ಬೆಂಬಲಿಸುತ್ತದೆ 
ನುಗ್ಗೆಯಲ್ಲಿ ಕ್ಯಾಲ್ಸಿಯಂ, ಫಾಸ್ಪರಸ್, ಸತು ಮೊದಲಾದ ಖನಿಜಾಂಶಗಳು ಅಧಿಕ ಪ್ರಮಾಣದಲ್ಲಿದ್ದು, ವಯಸ್ಸಾಗುತ್ತಿದ್ದಂತೆ ಮೂಳೆಗಳು ಮತ್ತು ಕೀಲುಗಳನ್ನು ಆರೋಗ್ಯವಾಗಿಡಬಹುದು. ವಾಸ್ತವವಾಗಿ, ನುಗ್ಗೆಯಲ್ಲಿ ಹಲವಾರು ಉರಿಯೂತ ನಿವಾರಕ ಗುಣಗಳಿವೆ, ಇದು ಸಂಧಿವಾತದಂತಹ ಪರಿಸ್ಥಿತಿಗಳನ್ನು ಗುಣಪಡಿಸಲು, ಹಾನಿಗೊಳಗಾದ ಮೂಳೆಗಳು ಮತ್ತು ಲಿಗಾಮೆಂಟ್ ಗಳ ಚಿಕಿತ್ಸೆಮತ್ತು ಆರೈಕೆಗೆ ಸಹಾಯ ಮಾಡುತ್ತದೆ.  

ಹೃದಯವನ್ನು ಆರೋಗ್ಯವಾಗಿಡುತ್ತದೆ: ನುಗ್ಗೆಯಲ್ಲಿ ಪ್ರಬಲ ಆಂಟಿ ಆಕ್ಸಿಡೆಂಟ್ ಗಳು ಮತ್ತು ಪೋಷಕಾಂಶಗಳು ಇದ್ದು, ಇದು ಹೃದಯ ಸಂಬಂಧಿ ತೊಂದರೆಗಳು, ಹೃದಯ ಸಂಬಂಧಿ ಕಾಯಿಲೆಗಳನ್ನು ತಡೆಗಟ್ಟುತ್ತದೆ ಮತ್ತು ನಿಯಮಿತವಾಗಿ ಸೇವಿಸಿದರೆ ಹೃದಯ ಸಂಬಂಧಿ ತೊಂದರೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ. ಆದ್ದರಿಂದ ಆರೋಗ್ಯಕರ ಹೃದಯವನ್ನು ಹೊಂದಿರಬೇಕು ಎಂದು ಬಯಸಿದರೆ, ಸರಿಯಾದ ವಯಸ್ಸಿನಿಂದ ಇತರ  ಆರೋಗ್ಯಕರ ಆಹಾರಗಳೊಂದಿಗೆ ನುಗ್ಗೆ ಎಲೆಗಳನ್ನು ಸೇವಿಸಲು ಪ್ರಾರಂಭಿಸಿ.

ಮಧುಮೇಹ ರೋಗಿಗಳಿಗೆ ಒಳ್ಳೆಯದು: ನುಗ್ಗೆ ಕೂಡ ಪ್ರಯೋಜನಕಾರಿಯಾಗಿದೆ ಏಕೆಂದರೆ ಇದು ದೇಹದಲ್ಲಿ ರಕ್ತದ ಗ್ಲೂಕೋಸ್ ಮಟ್ಟವನ್ನು ಸಮತೋಲನದಲ್ಲಿರಿಸುತ್ತದೆ, ಮಧುಮೇಹದಿಂದ ಬಳಲುತ್ತಿರುವವರಿಗೆ ಸಹಾಯ ಮಾಡುತ್ತದೆ.

ಅಸ್ತಮಾವನ್ನು ಗುಣಪಡಿಸಬಹುದು: ಕೆಲವು ಸಂಶೋಧನೆಗಳ ಪ್ರಕಾರ ನುಗ್ಗೆ ಸಾರವನ್ನು ನಿಯಮಿತವಾಗಿ ಸೇವಿಸುವುದರಿಂದ ಉಸಿರಾಟದ ತೊಂದರೆಯಿಂದ ಬಳಲುತ್ತಿರುವ ರೋಗಿಗಳಲ್ಲಿ ಅಸ್ತಮಾ ದ ತೀವ್ರತೆ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ರಕ್ತದೊತ್ತಡದ ಮಟ್ಟವನ್ನು ಕಾಯ್ದುಕೊಳ್ಳಲು, ಹಲವಾರು ಮೂತ್ರಪಿಂಡಗಳ ತೊಂದರೆಗಳಿಂದ ರಕ್ಷಿಸಲು, ಕಣ್ಣಿನ ಆರೋಗ್ಯವನ್ನು ಸುಧಾರಿಸಲು, ಆರೋಗ್ಯಕರ ಚರ್ಮಕ್ಕೆ ಬೆಂಬಲ ನೀಡುವುದು ಮತ್ತು ರಕ್ತಹೀನತೆ ಮತ್ತು ಸಿಕಲ್ ಸೆಲ್ ಕಾಯಿಲೆಯಂತಹ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು ನುಗ್ಗೆ ಎಲೆ ಸಹಾಯ ಮಾಡುತ್ತದೆ ಎಂದು ಸಂಶೋಧನೆಗಳು ಹೇಳುತ್ತವೆ.

ಇದನ್ನು ಸರ್ವನೈಸರ್ಗಿಕ ಸೂಪರ್ ಫುಡ್ ಎಂದು ಹೊಗಳಲಾಗಿದೆಯಾದರೂ, ಇದರ ಸೇವನೆಯನ್ನು ಮಿತಗೊಳಿಸದಿದ್ದರೆ ಕೆಲವು ವ್ಯತಿರಿಕ್ತ ಪ್ರಯೋಜನಗಳು ಇರಬಹುದು. 

ಮಾತ್ರೆಗಳು ಅಥವಾ ಪೌಡರ್ ನಂತಹ ನುಗ್ಗೆ ಸಪ್ಲಿಮೆಂಟ್ ಗಳನ್ನು ಸೇವಿಸುತ್ತಿದ್ದರೆ, ಮೊದಲು ಉತ್ಪನ್ನದ ಹಿಂಭಾಗದಲ್ಲಿ ರುವ ಲೇಬಲ್ ಅನ್ನು ಕ್ರಾಸ್ ಚೆಕ್ ಮಾಡಲು ಮರೆಯಬೇಡಿ, ಮತ್ತು ಉತ್ಪನ್ನದ ಮೇಲೆ ನಿರ್ದಿಷ್ಟಪಡಿಸಲಾದ ನಿಖರವಾದ ಡೋಸೇಜ್ ಸೂಚನೆಗಳನ್ನು ಅನುಸರಿಸಿ. ಅತಿಯಾಗಿ ಸೇವನೆ ಮಾಡುವುದರಿಂದ ನಿಮಗೆ ಯಾವುದೇ ಪ್ರಯೋಜನವಿಲ್ಲ.

ಇದನ್ನು ಹೊರತುಪಡಿಸಿ, ಕೆಲವು ಸಂಶೋಧಕರು ನುಗ್ಗೆ ಔಷಧೀಯ ಗುಣಗಳು ಥೈರಾಯ್ಡ್, ಯಕೃತ್ತಿನ ಕಾಯಿಲೆಗಳು, ಮಧುಮೇಹ ಮತ್ತು ಅಧಿಕ ರಕ್ತದೊತ್ತಡದ ಚಿಕಿತ್ಸೆಯಲ್ಲಿ ಬಳಸಲಾಗುವ ಕೆಲವು ಔಷಧಿಗಳಿಗೆ ಅಡ್ಡಿಯುಂಟು ಮಾಡಬಹುದು ಎಂದು ಹೇಳುತ್ತಾರೆ. ಆದ್ದರಿಂದ,  ನುಗ್ಗೆಯನ್ನು ಸೇವಿಸಲು ಪ್ರಾರಂಭಿಸುವ ಮೊದಲು ವೈದ್ಯರೊಂದಿಗೆ ಪರೀಕ್ಷಿಸಿ.