ರುಚಿಯಾದ ಮೆತ್ತನೆಯ ಪೂರಿ ಮಾಡೋದು ಹೇಗೆ?

ಎಷ್ಟೇ ಪ್ರಯತ್ನ ಮಾಡಿದ್ರು ಪೂರಿ ರಫ್ ಆಗುತ್ತೆ, ಗಟ್ಟಿಯಾಗಿ ಖಡಕ್ ರೊಟ್ಟಿಯಂತಾಗುತ್ತೆ ಎಂಬುದು ಗೃಹಿಣಿಯರ ಆರೋಪ ಹಾಗಿದ್ರೆ ಮೆತ್ತನೆಯ ಪೂರಿ ಮಾಡೋದು ಹೇಗೆ? ಈ ಟಿಪ್ಸ್ ಫಾಲೋ ಮಾಡುವ ಮೂಲಕ ನೀವು ಪೂರಿಯನ್ನು ಮೆತ್ತಗೆ, ಸಾಫ್ಟ್ ಆಗಿ ಮಾಡಬಹುದು. 

ಹಬ್ಬ ಹರಿದಿನಗಳಲ್ಲಿ ಮಾತ್ರವಲ್ಲ, ವಾರಕ್ಕೊಮ್ಮೆ ಪೂರಿ ಮಾಡಿ ತಿನ್ನುವುದಕ್ಕೆ ಅನೇಕರು ಇಷ್ಟಪಡುತ್ತಾರೆ.. ಪೂರಿ ತುಂಬಾ ರುಚಿ. ಅದಕ್ಕೆ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೂ ಎಲ್ಲರೂ ಇಷ್ಟ ಪಡ್ತಾರೆ. ಆದ್ರೆ ಪೂರಿ ಮೆತ್ತಗೆ ಬರಲ್ಲ. ಹೋಟೆಲ್ ಸ್ಟೈಲ್‌ನಲ್ಲಿ ಮೆತ್ತಗೆ, ಸಾಫ್ಟ್ ಆಗಿ ಬರಬೇಕು ಅಂತ ಏನೇನೋ ಪ್ರಯತ್ನ ಪಡ್ತಾರೆ. ಆದ್ರೂ ಪೂರಿ ಮೆತ್ತಗೆ ಬರಲ್ಲ. ಆದ್ರೆ ಈ ಟಿಪ್ಸ್ ಫಾಲೋ ಮಾಡಿದ್ರೆ ಪಕ್ಕಾ ಪೂರಿ ಮೆತ್ತಗೆ ಬರುತ್ತೆ. ಪೂರಿ ಮೆತ್ತಗೆ, ಸಾಫ್ಟ್ ಆಗಿ ಬರಬೇಕಂದ್ರೆ ಹಿಟ್ಟನ್ನು ಸರಿಯಾಗಿ ಕಲಸಬೇಕು. ಹಿಟ್ಟು ಗಟ್ಟಿಮುಟ್ಟಾಗಿರಬೇಕು. ಸರಿಯಾದ ಉಷ್ಣತೆಯಲ್ಲಿ ಪುರಿಯನ್ನು ಕರಿಯಬೇಕು. ಹೀಗೆ ಮಾಡಿದ್ರೆ ಪೂರಿ ಗಂಟೆಗಟ್ಟಲೆ ಮೆತ್ತಗೆ ಇರುತ್ತೆ. ಮೆತ್ತನೆಯ, ಸಾಫ್ಟ್ ಪೂರಿ ಮಾಡೋಕೆ ಹಿಟ್ಟಲ್ಲಿ ಎರಡು ಪದಾರ್ಥ ಹಾಕಲೇಬೇಕು. ಅದು ಏನೂ ಅಂತ ನೋಡೋಣ ಬನ್ನಿ.

ಮೊಸರು

ಪೂರಿ ಹಿಟ್ಟಲ್ಲಿ ಸ್ವಲ್ಪ ಮೊಸರು ಹಾಕಿ ಕಲಸಿದ್ರೆ ಹೋಟೆಲ್ ಸ್ಟೈಲ್ ಪೂರಿ ರೆಡಿಯಾಗುತ್ತೆ. ಮೊಸರು ಹಿಟ್ಟನ್ನು ಮೆತ್ತಗೆ ಮಾಡುತ್ತೆ. ರುಚಿ ಕೂಡ ಹೆಚ್ಚಿಸುತ್ತೆ. ಮೊಸರಿನಲ್ಲಿರುವ ಆಮ್ಲ, ತೇವಾಂಶ ಹಿಟ್ಟನ್ನು ಹೈಡ್ರೇಟ್ ಆಗಿ ಇಡುತ್ತೆ. ಹಿಟ್ಟಿನಲ್ಲಿರುವ ಗ್ಲುಟೆನ್ ಅನ್ನು ಬೇರ್ಪಡಿಸುತ್ತೆ. ಮೊಸರಿನ ಆಮ್ಲ ಹಿಟ್ಟಿನಲ್ಲಿರುವ ಪ್ರೋಟೀನ್‌ಗಳನ್ನು ಮೃದುವಾಗಿಸಿ ಪೂರಿ ಮೆತ್ತಗೆ ಬರಲು ಸಹಾಯ ಮಾಡುತ್ತೆ. ಹೀಗಾಗಿ ಪೂರಿ ಗಟ್ಟಿಯಾಗದೆ ಮೆತ್ತಗೆ ಇರುತ್ತೆ. ಪೂರಿ ಗಟ್ಟಿಯಾಗದಂತೆ ತಡೆಯಲು ಮೊಸರು ತುಂಬಾ ಎಫೆಕ್ಟಿವ್. ಇದು ಪೂರಿಯನ್ನು ತುಂಬಾ ಕ್ರಿಸ್ಪಿ ಮಾಡಲ್ಲ. ಆದ್ರೆ ರುಚಿ ಹೆಚ್ಚಿಸುತ್ತೆ.

ಮೊಸರನ್ನು ಹಿಟ್ಟಲ್ಲಿ ಹೇಗೆ ಹಾಕಬೇಕು?

ಒಂದು ಕಪ್ ಪೂರಿ ಹಿಟ್ಟಿಗೆ ಎರಡು ಟೇಬಲ್ ಚಮಚ ಮೊಸರು ಹಾಕಿ ಕಲಸಿ. ಸ್ವಲ್ಪ ಹೊತ್ತು ಬಿಡಿ. ಮೊಸರು ತನ್ನ ಕೆಲಸ ಮಾಡುತ್ತೆ. ಹಿಟ್ಟು ಫ್ಲೆಕ್ಸಿಬಲ್ ಆಗುತ್ತೆ.

ರವೆ

ಪೂರಿ ಹಿಟ್ಟಲ್ಲಿ ಸ್ವಲ್ಪ ರವೆ ಹಾಕಿದ್ರೂ ಪೂರಿ ಮೆತ್ತಗೆ ಬರುತ್ತೆ. ಒಳಗಡೆ ಮೆತ್ತಗೆ, ಚೆನ್ನಾಗಿ ಉಬ್ಬುತ್ತೆ. ರವೆ ಹಿಟ್ಟನ್ನು ತೇವವಾಗಿ ಇಡುತ್ತೆ. ಪೂರಿ ಎಣ್ಣೆ ಹೀರಿಕೊಳ್ಳದೆ ಮೆತ್ತಗೆ, ಸಾಫ್ಟ್ ಆಗಿ ಇರುತ್ತೆ. ರವೆ ಹೊರಗಡೆ ಸ್ವಲ್ಪ ಕ್ರಿಸ್ಪಿ ಮಾಡುತ್ತೆ. ಆದ್ರೆ ಒಳಗಡೆ ಮೆತ್ತಗೆ ಇಡುತ್ತೆ.

ರವೆಯನ್ನು ಹಿಟ್ಟಲ್ಲಿ ಹೇಗೆ ಕಲಸಬೇಕು?

ಒಂದು ಕಪ್ ಪೂರಿ ಹಿಟ್ಟಿಗೆ 1 ರಿಂದ 2 ಟೇಬಲ್ ಚಮಚ ನುಣ್ಣಗೆ ರವೆ ಹಾಕಿ. ಚೆನ್ನಾಗಿ ಕಲಸಿ. ರವೆ ಸಮವಾಗಿ ಮಿಕ್ಸ್ ಆಗುತ್ತೆ. ನೀರು ಹಾಕಿ ಕಲಸಿ. ಸ್ವಲ್ಪ ಹೊತ್ತು ಹಾಗೇ ಬಿಡಿ.

ಮೆತ್ತನೆಯ ಪೂರಿಗೆ ಕೆಲವು ಟಿಪ್ಸ್

ಹಿಟ್ಟು ಕಲಸಿ ಮುಚ್ಚಿ 10 ರಿಂದ 15 ನಿಮಿಷ ಬಿಡಿ. ಹಿಟ್ಟಿನಲ್ಲಿರುವ ಗ್ಲುಟೆನ್ ಚೆನ್ನಾಗಿ ಕೆಲಸ ಮಾಡುತ್ತೆ. ಹಿಟ್ಟು ಮೆತ್ತಗಾಗುತ್ತೆ. ರವೆ ತೇವಾಂಶ ಹೀರಿಕೊಳ್ಳುತ್ತೆ. ಹಿಟ್ಟಿನ ಗುಣಮಟ್ಟ ಹೆಚ್ಚುತ್ತೆ.

ಹಿಟ್ಟು ಕಲಸುವಾಗ ಸ್ವಲ್ಪ ಸ್ವಲ್ಪ ನೀರು ಹಾಕಿ. ತುಂಬಾ ಮೆತ್ತಗೆ ಅಥವಾ ಗಟ್ಟಿಯಾಗಿ ಕಲಸಬೇಡಿ. ತುಂಬಾ ಮೆತ್ತಗೆ ಕಲಸಿದ್ರೆ ಪೂರಿ ಎಣ್ಣೆ ಹೀರಿಕೊಳ್ಳುತ್ತೆ. ತಣ್ಣೀರಿನ ಬದಲು, ಬಿಸಿ ನೀರು ಹಾಕಿ ಕಲಸಿ. ಬಿಸಿ ನೀರು ಹಿಟ್ಟಿನಲ್ಲಿ ತೇವಾಂಶ ಹೆಚ್ಚು ಹೊತ್ತು ಇರಲು ಸಹಾಯ ಮಾಡುತ್ತೆ. ಹಿಟ್ಟು ಮೆತ್ತಗಾಗುತ್ತೆ. ಪೂರಿ ಚೆನ್ನಾಗಿ ಉಬ್ಬುತ್ತೆ.

ಎಣ್ಣೆ ತಣ್ಣಗಿದ್ದಾಗ ಪೂರಿ ಹಾಕಿದ್ರೆ ಎಣ್ಣೆ ಹೀರಿಕೊಳ್ಳುತ್ತೆ. ಎಣ್ಣೆ ಬಿಸಿಯಾದಾಗ ಹಾಕಿ. ಎಣ್ಣೆ ತುಂಬಾ ಬಿಸಿಯಾಗಿದ್ರೆ ಪೂರಿ ಬೇಗ ಕಂದು ಬಣ್ಣಕ್ಕೆ ತಿರುಗುತ್ತೆ, ಒಳಗೆ ಬೇಯಲ್ಲ. ಮಧ್ಯಮ ಉರಿಯಲ್ಲಿ ಪೂರಿ ಕರಿಯಿರಿ.

ಪೂರಿ ಗಂಟೆಗಟ್ಟಲೆ ಮೆತ್ತಗೆ ಇರಬೇಕಂದ್ರೆ ಏನು ಮಾಡಬೇಕು?

ಪೂರಿ ಕರಿದ ಮೇಲೆ ಎಣ್ಣೆ ಹೀರಿಕೊಳ್ಳಲು ಟಿಶ್ಯೂ ಪೇಪರ್ ಮೇಲೆ ಇಡಿ. ಕ್ಲೀನ್ ಬಟ್ಟೆಯಿಂದ ಮುಚ್ಚಿ. ಹಬೆ ಹೊರಗೆ ಹೋಗದಂತೆ ತಡೆಯುತ್ತೆ. ಜೊತೆಗೆ ಪೂರಿ ಬೇಗ ಗಟ್ಟಿಯಾಗಲ್ಲ. ಪೂರಿಯನ್ನು ಎಲ್ಲಾದ್ರೂ ತಗೊಂಡು ಹೋಗ್ತಿದ್ರೆ, ಹಾಟ್ ಬಾಕ್ಸ್‌ನಲ್ಲಿ ಇಡಿ. ಉಷ್ಣತೆ, ತೇವಾಂಶ ಉಳಿಯುತ್ತೆ. ಪೂರಿ ಮೆತ್ತಗೆ ಇರುತ್ತೆ. ಪೂರಿಯನ್ನು ಸ್ಟೋರ್ ಮಾಡುವಾಗ ಒಂದರ ಮೇಲೊಂದು ಜಾಸ್ತಿ ಪೂರಿ ಇಡಬೇಡಿ. ಪೂರಿ ತೇವ ಆಗುತ್ತೆ. ಎಣ್ಣೆ ಹೀರಿಕೊಳ್ಳುತ್ತೆ.