Zodiac Compatibility: ಈ ರಾಶಿಗಳೆರ್ಡು ಮದ್ವೆಯಾದ್ರೆ ಹೊಂದಾಣಿಕೆ ಸಾಧ್ಯವೇ ಇಲ್ಲ!

ಯಾವ ರಾಶಿಗೆ ಯಾವ ರಾಶಿಯೊಂದಿಗೆ ಹೊಂದಾಣಿಕೆ ಚೆನ್ನಾಗಿರುತ್ತದೆ, ಯಾವುದರೊಂದಿಗೆ ಹೊಂದುವುದಿಲ್ಲ ಮತ್ತು ಯಾಕೆ ಎಂಬ ಚಿತ್ರಣ ಇಲ್ಲಿದೆ. 

ವಿವಾಹದಲ್ಲಿರಲಿ, ಪ್ರೇಮಿಗಳಿರಲಿ, ಜೋಡಿಗಳ ಕೆಲ ರಾಶಿಗಳು ಹಾಲು ಜೇನಿನಂತೆ ಬೆರೆತು ಬಿಡುತ್ತವೆ. ಮತ್ತೆ ಕೆಲವು ಹಾವು ಮುಂಗುಸಿಯಂತೆ ಜಗಳವಾಡಿಸುತ್ತವೆ.. ಹೌದು, ಕೆಲವರೊಂದಿಗೆ ಕೆಲವರಿಗೆ ಹೊಂದಾಣಿಕೆ ಬರದ ಮಾತ್ರಕ್ಕೆ ಅವರು ಕೆಟ್ಟವರೆಂದೇನಲ್ಲ.. ಎಲ್ಲರಿಗೂ ಎಲ್ಲರೊಂದಿಗೂ ಹೊಂದಾಣಿಕೆ ಬರುವುದಿಲ್ಲ. ಯಾವ ರಾಶಿಗೆ ಯಾವ ರಾಶಿಚಕ್ರಗಳು ಉತ್ತಮ ಹೊಂದಾಣಿಕೆಯಾಗುವುದಿಲ್ಲ ಎಂದು ನೋಡೋಣ..

ಮೇಷ ರಾಶಿ(Aries)
ಮೇಷ ರಾಶಿಯ ಜನರು ಮೀನ ಅಥವಾ ಕರ್ಕ ರಾಶಿಗಳಿಂದ ದೂರವಿರಬೇಕು. ಮೀನ ರಾಶಿಯವರು ಹೆಚ್ಚು ಸೂಕ್ಷ್ಮವಾಗಿರುತ್ತಾರೆ ಮತ್ತು ಮೇಷ ರಾಶಿಯ ಹಠಾತ್ ಸ್ವಭಾವವು ಅವರಿಗೆ ಸವಾಲಾಗಿರಬಹುದು. ಮೇಷ ರಾಶಿಯ ನೇರಾನೇರ ಮಾತುಗಳು ಕಟಕದವರನ್ನು ಹೆಚ್ಚು ಮನ ನೋಯಿಸಬಹುದು. ಅವರು ಮೊದಲಿಗೆ ಪ್ರಾಮಾಣಿಕತೆಯನ್ನು ಮೆಚ್ಚಬಹುದು ಆದರೆ ನಂತರ ಅದರಿಂದಲೇ ಅಸಮಾಧಾನಗೊಳ್ಳಬಹುದು. ಕರ್ಕಾಟಕ ರಾಶಿಯವರು ಮತ್ತು ಮೀನ ರಾಶಿಯವರು ಕೂಡ ಮೇಷ ರಾಶಿಯ ನಿರ್ಣಾಯಕತೆಗೆ ಆಕರ್ಷಿತರಾಗಬಹುದು, ಆದರೆ ನಂತರದಲ್ಲಿ ಹತಾಶೆ ಅಥವಾ ಬೇಸರಗೊಳ್ಳುತ್ತಾರೆ.

ವೃಷಭ ರಾಶಿ(Taurus)
ವೃಷಭ ರಾಶಿ ಮತ್ತು ಸಿಂಹ ರಾಶಿಯವರು ಜೋಡಿಯಾದರೆ ಕಷ್ಟದ ಸಮಯವನ್ನು ಹೊಂದಿರಬಹುದು. ಸಿಂಹ ರಾಶಿಯವರಿಗೆ ಹೆಚ್ಚಿನ ಗಮನ ಅಗತ್ಯವಿದೆ. ವೃಷಭ ರಾಶಿಯವರು ಅವರು ಬಯಸುವ ಗಮನವನ್ನು ಅವರಿಗೆ ನೀಡುವುದಿಲ್ಲ, ಬದಲಿಗೆ ತಮ್ಮದೇ ಆದ ರೀತಿಯಲ್ಲಿ ಗಮನವನ್ನು ಸೆಳೆಯಲು ಟ್ರೈ ಮಾಡುತ್ತಾರೆ. ಸಿಂಹ ರಾಶಿಯವರು ಸ್ವಾತಂತ್ರ್ಯ ಇಷ್ಟಪಡುತ್ತಾರೆ, ಆದರೆ ವೃಷಭ ರಾಶಿಯವರು ಸಂಬಂಧವನ್ನು ನಿಯಂತ್ರಿಸಲು ಬಯಸುತ್ತಾರೆ. ಅಲ್ಲದೆ, ಸಿಂಹ ರಾಶಿಯವರು ಹೆಚ್ಚು ಬೆರೆಯುವವರೂ, ಹೊರಗಿರಲು ಇಷ್ಟಪಡುವವರೂ ಆಗಿದ್ದಾರೆ. ಆದರೆ ವೃಷಭ ರಾಶಿಯವರು ಹೆಚ್ಚು ಖಾಸಗಿಯಾಗಿರುತ್ತಾರೆ.

ಮಿಥುನ ರಾಶಿ(Gemini)
ವೃಶ್ಚಿಕವು ಬಹುಶಃ ಜೆಮಿನಿಗೆ ಅತ್ಯಂತ ಕೆಟ್ಟ ಜೋಡಿಗಳಲ್ಲಿ ಒಂದಾಗಿದೆ. ವೃಶ್ಚಿಕ ರಾಶಿಯವರು ಬೇಡಿಕೆಯುಳ್ಳವರು ಮತ್ತು ಸಂಬಂಧಗಳಲ್ಲಿ ಹೆಚ್ಚಿನ ನಿರೀಕ್ಷೆಗಳನ್ನು ಹೊಂದಿರುತ್ತಾರೆ. ಮಿಥುನವು ಶೀಘ್ರದಲ್ಲೇ ವೃಶ್ಚಿಕದ ಗುಟ್ಟಾದ ಸ್ವಭಾವದಿಂದ, ಸಾಮರ್ಥ್ಯವನ್ನು ಮೀರಿದ ಸಂಪರ್ಕದ ಅಗತ್ಯಗಳಿಂದ ಉಸಿರುಗಟ್ಟುತ್ತಾರೆ. ಮಿಥುಲನದವರು ಮಾತುಗಾರರಾದರೆ ವೃಶ್ಚಿಕವು ಒಳಗುಟ್ಟುಗಳನ್ನು ಬಿಟ್ಟುಕೊಡದೆ ಕೊಂಚವೇ ಮಾತಾಡುವವರು. 

ಕಟಕ ರಾಶಿ(Cancer)
ಕುಂಭ ರಾಶಿಯು ಕರ್ಕಾಟಕ ರಾಶಿಯವರಿಗೆ ಅತ್ಯಂತ ಕಠಿಣ ಜೋಡಿಯಾಗಿದೆ. ಅವರಿಬ್ಬರೂ ಇತರರನ್ನು ಕಾಳಜಿ ವಹಿಸುವುದು ಮತ್ತು ನ್ಯಾಯಸಮ್ಮತೆಯ ಬಗ್ಗೆ ಕಾಳಜಿ ವಹಿಸುತ್ತಾರೆ, ಆದರೆ ಸಂಬಂಧದ ವಿಷಯಕ್ಕೆ ಬಂದಾಗ ಹೊಂದಾಣಿಕೆ ಇರುವುದಿಲ್ಲ. ಕಟಕದವರಿಗೆ ಸಂಬಂಧಗಳಲ್ಲಿ ಭದ್ರತೆ ಮತ್ತು ಸ್ಥಿರತೆಯ ಅಗತ್ಯವಿರುತ್ತದೆ. ಕುಂಭ ರಾಶಿಯವರಿಗೆ ಸಾಕಷ್ಟು ಸ್ವಾತಂತ್ರ್ಯ ಬೇಕು ಮತ್ತು ಇದು ಕರ್ಕ ರಾಶಿಯವರಲ್ಲಿ ಅನುಮಾನವನ್ನು ಉಂಟುಮಾಡಬಹುದು.

ಸಿಂಹ ರಾಶಿ(Leo)
ಸಿಂಹ ರಾಶಿಯವರು ಮಕರದೊಂದಿಗಿನ ಸಂಬಂಧದಲ್ಲಿ ಹೋರಾಡುತ್ತಾರೆ. ಮಕರ ರಾಶಿ ಸಂಪ್ರದಾಯ ಮತ್ತು ದಿನಚರಿಯನ್ನು ಪ್ರೀತಿಸುತ್ತದೆ. ಅವರು ಕಷ್ಟಪಟ್ಟು ಕೆಲಸ ಮಾಡುತ್ತಾರೆ. ಸಿಂಹ ರಾಶಿಯವರು ದೊಡ್ಡ ಹೃದಯವಂತರು, ಆದರೆ ಯೋಜನೆಯಲ್ಲಿ ಹಿಂದೆ ಬೀಳುವವರು. ಮೃದುವಾದ ಭೂಮಿಯ ಚಿಹ್ನೆಯಾದ ಮಕರದೊಂದಿಗೆ ಸಿಂಹ ರಾಶಿಯು ಸರಿಯಾಗುವುದಿಲ್ಲ. 

ಕನ್ಯಾ ರಾಶಿ(Virgo)
ಧನು ರಾಶಿಯೊಂದಿಗೆ ಕನ್ಯಾ ರಾಶಿಯನ್ನು ಜೋಡಿಸಬೇಡಿ. ಅತ್ಯಂತ ಹೊಂದಿಕೊಳ್ಳುವ ಕನ್ಯಾರಾಶಿ ಕೂಡ ಧನು ರಾಶಿಯ ಅಚ್ಚುಕಟ್ಟಾಗಿರದ, ಸಮಯಪ್ರಜ್ಞೆ ಕೊರತೆಯ, ಯೋಜನೆಗಳಿಗೆ ಅಂಟಿಕೊಳ್ಳದ ಮತ್ತು ಕಾರ್ಯದಲ್ಲಿ ಉಳಿಯದ ಸ್ವಭಾವದಿಂದ ಬೇಗನೆ ನಿರಾಶೆಗೊಳ್ಳುತ್ತಾರೆ. ಇವೆರಡೂ ವಿರುದ್ಧ ಧ್ರುವಗಳು.

ತುಲಾ ರಾಶಿ(Libra)
ನೀವು ನಿರಾತಂಕ, ಚಮತ್ಕಾರಿ ಮತ್ತು ನಿಮ್ಮ ಬೆರೆಯುವ ಸೆಳವಿಗೆ ಹೆಸರುವಾಸಿಯಾಗಿದ್ದೀರಿ. ಆದರೆ, ನಿಮ್ಮ ಕೆಟ್ಟ ಹೊಂದಾಣಿಕೆಯು ಕನ್ಯಾ ರಾಶಿಯಾಗಿದೆ. ಏಕೆಂದರೆ ಅವರು ಕೆಲವೊಮ್ಮೆ ತುಂಬಾ ಬಿಗಿಯಾಗಿರುತ್ತಾರೆ, ಇದು ನಿಮಗೆ ಉಸಿರುಗಟ್ಟಿಸಿದಂತೆ ಮಾಡುತ್ತದೆ. ತುಲಾ ರಾಶಿಯವರು ಸಾಕಷ್ಟು ಸಮಯವನ್ನು ವ್ಯರ್ಥ ಮಾಡುತ್ತಾರೆ. ಮತ್ತು ಕನ್ಯಾರಾಶಿ ಪರ್ಫೆಕ್ಷನಿಸಂ ಹಿಂದೆ ಬೀಳುವವರು. 

ವೃಶ್ಚಿಕ ರಾಶಿ(Scorpio)
ತುಲಾ ರಾಶಿಯವರು ವೃಶ್ಚಿಕಕ್ಕೆ ಹೊಂದದ ರಾಶಿಯಾಗಿದೆ. ವೃಶ್ಚಿಕ ರಾಶಿಯವರು ಒಂದು ನಿಗೂಢ ರೀತಿಯಲ್ಲಿ ಫ್ಲರ್ಟ್ ಮಾಡಬಹುದು, ಅಬದ್ಧತೆ ಪ್ರದರ್ಶಿಸಬಹುದು. ಆದರೆ, ಇದನ್ನೇ ತುಲಾ ರಾಶಿ ಮಾಡಿದರೆ ಇವರು ಸಹಿಸಲಾರರು. ತುಲಾ ರಾಶಿಯವರು ಹೊರಗಿರಲು ಬಯಸುವವರು, ವೃಶ್ಚಿಕವು ಕೋಣೆಯೊಳಗಿರಲು ಬಯಸುವುದು. ಇವರಿಬ್ಬರ ಹೊಂದಾಣಿಕೆ ಚೆನ್ನಾಗಿರುವುದಿಲ್ಲ.

ಧನು ರಾಶಿ(Sagittarius)
ನೀವು ಲವಲವಿಕೆಯ ಮತ್ತು ಸಾಟಿಯಿಲ್ಲದ ಶಕ್ತಿಯುತ ವ್ಯಕ್ತಿತ್ವವನ್ನು ಹೊಂದಿದ್ದೀರಿ. ನೀವು ತುಂಬಾ ಸಕಾರಾತ್ಮಕ ವ್ಯಕ್ತಿಯಾಗಿ ಕಾಣುತ್ತೀರಿ. ಆದರೆ, ನಿಮ್ಮ ಕೆಟ್ಟ ಹೊಂದಾಣಿಕೆಯು ವೃಷಭ ರಾಶಿಯಾಗಿದೆ. ಏಕೆಂದರೆ ಅವರ ಕಾರ್ಯನಿರತ, ಪ್ರಾಯೋಗಿಕ ಜೀವನಶೈಲಿಯಿಂದಾಗಿ ಅವರು ಸ್ವಯಂಪ್ರೇರಿತರಾಗಿರಲು ಉತ್ತಮ ವ್ಯಕ್ತಿಗಳಲ್ಲ, ಹೆಚ್ಚು ಉತ್ಸಾಹವಿಲ್ಲದವರು ಎಂದು ನಿಮಗೆ ಅನಿಸುತ್ತದೆ.

ಮಕರ ರಾಶಿ(Capricorn)
ನೀವು ಪ್ರಾಮಾಣಿಕರು, ನಿಷ್ಠಾವಂತರು ಮತ್ತು ಮಹತ್ವಾಕಾಂಕ್ಷೆಯುಳ್ಳವರಾಗಿರುವುದರಿಂದ, ನಿಮ್ಮ ಕನಸನ್ನು ಬೆಂಬಲಿಸುವ ಮತ್ತು ನಿಮ್ಮ ಪ್ರಯತ್ನಗಳಿಗೆ ಪ್ರತಿಫಲ ನೀಡುವ ಸಂಗಾತಿಯನ್ನು ನೀವು ನಿರೀಕ್ಷಿಸುತ್ತೀರಿ. ಆದರೆ, ನಿಮ್ಮ ಕೆಟ್ಟ ಹೊಂದಾಣಿಕೆಯು ಮಿಥುನ ರಾಶಿಯಾಗಿದೆ. ಏಕೆಂದರೆ ಮಿಥುನ ರಾಶಿಯವರನ್ನು ಬದಲಾಯಿಸುವುದು ತುಂಬಾ ಕಷ್ಟ. ಅವರಿಗೆ ನೀವು ನೀರಸವೆನಿಸಬಹುದು. 

ಕುಂಭ ರಾಶಿ(Aquarius)
ಕುಂಭ ರಾಶಿಯವರು ವೃಶ್ಚಿಕ ರಾಶಿಯಿಂದ ಗೊಂದಲಕ್ಕೊಳಗಾಗುತ್ತಾರೆ ಮತ್ತು ಅವರು ತಮ್ಮ ರೀತಿಯಲ್ಲಿ ವಿಷಯಗಳನ್ನು ನೋಡುವುದಿಲ್ಲ ಎಂದು ಸಿಟ್ಟಾಗುತ್ತಾರೆ. ಈ ಇಬ್ಬರೂ ಯಾವುದೇ ರೀತಿಯ ಸಂಬಂಧಕ್ಕೆ ಕಾರಣವಾಗುವ ಸಂಭಾಷಣೆಯನ್ನು ಆರಂಭಿಸಿದರೆ, ಅದು ಕೋಪದಲ್ಲಿ ಮುಗಿಯುತ್ತದೆ. ಕುಂಭ ರಾಶಿಯವರು ತಮ್ಮ ಸ್ವಾತಂತ್ರ್ಯವನ್ನು ಬಯಸುತ್ತಾರೆ ಮತ್ತು ವೃಶ್ಚಿಕವು ಅವರನ್ನು ನೆಲೆಗೊಳಿಸಲು ಪ್ರಯತ್ನಿಸಿದಾಗ ಕುಂಭವು ನಿಷ್ಕ್ರಿಯ-ಆಕ್ರಮಣಕಾರಿಯಾಗಬಹುದು.

ಮೀನ ರಾಶಿ(Pisces)
ರೊಮ್ಯಾಂಟಿಕ್ ಆಗಿ ಜನಿಸಿದ ನೀವು ಭಾವನೆಗಳ ಬಗ್ಗೆ ಹೆಚ್ಚಿನ ಗೌರವವನ್ನು ಹೊಂದಿರುತ್ತೀರಿ. ಆದರೆ, ನಿಮ್ಮ ಕೆಟ್ಟ ಹೊಂದಾಣಿಕೆಯು ಕನ್ಯಾರಾಶಿಯಾಗಿದೆ. ಏಕೆಂದರೆ ಅವರು ನಿರ್ಣಾಯಕ ಮತ್ತು ತುಂಬಾ ಪ್ರಾಯೋಗಿಕ. ಆದರೆ ನೀವು ಸೂಕ್ಷ್ಮ ಮತ್ತು ಸ್ವಪ್ನಶೀಲರಾಗಿದ್ದೀರಿ. ಕಣ್ಣಿಗೆ ಕಣ್ಣಿಟ್ಟು ನೋಡುವುದು ನಿಮಗೆ ಕಷ್ಟವಾಗುತ್ತದೆ. ಅಪರೂಪಕ್ಕೆ ಈ ಎರಡು ರಾಶಿ ಉತ್ತಮ ಸಂಬಂಧವನ್ನು ರಚಿಸಬಹುದು.