ಚಂದ್ರ ಗ್ರಹಣದ ನಂತರ ಈ ಕೆಲಸ ಮಾಡಿದ್ರೆ, ಸಮಸ್ಯೆಗೆ ಸಿಗುತ್ತೆ ಮುಕ್ತಿ!

ಈ ವರ್ಷದ ಕೊನೆಯ ಚಂದ್ರಗ್ರಹಣ (Lunar eclipse) ಅಕ್ಟೋಬರ್ 28 ರ ಶನಿವಾರ ಸಂಭವಿಸಲಿದೆ. ಚಂದ್ರ ಗ್ರಹಣದ ದಿನದಂದು ಕೆಲವು ಜ್ಯೋತಿಷ್ಯ ಪರಿಹಾರಗಳನ್ನು ಮಾಡಬೇಕು. ಅಂತಹ ಒಂದು ಪರಿಹಾರವನ್ನು ಗ್ರಹಣ ಮುಗಿದ ನಂತರ ನಾವು ಒಂದು ವಸ್ತುವನ್ನು ಸುರಕ್ಷಿತವಾಗಿಡಬೇಕು. ಈ ವಸ್ತುವನ್ನು ಸುರಕ್ಷಿತವಾಗಿ ಇಟ್ಟರೆ, ತಾಯಿ ಲಕ್ಷ್ಮಿ ಕೃಪೆ ನಿಮ್ಮ ಮೇಲೆ ಸದಾ ಇರುತ್ತೆ ಮತ್ತು ಆರ್ಥಿಕ ಪರಿಸ್ಥಿತಿಯೂ ಸುಧಾರಿಸಲು ಪ್ರಾರಂಭಿಸುತ್ತದೆ. 
 

ಜ್ಯೋತಿಷ್ಯದಲ್ಲಿ, ವರ್ಷದ ಎರಡನೇ ಮತ್ತು ಕೊನೆಯ ಚಂದ್ರ ಗ್ರಹಣ ದಿನದಂದು ತೆಗೆದುಕೊಳ್ಳಬೇಕಾದ ಕೆಲವು ಪರಿಹಾರಗಳನ್ನು ವಿವರಿಸಲಾಗಿದೆ, ಇದು ಕುಟುಂಬಕ್ಕೆ ಮಾತ್ರವಲ್ಲದೆ ವ್ಯಕ್ತಿಗೆ ಆರ್ಥಿಕವಾಗಿಯೂ ಸಂತೋಷವನ್ನು ನೀಡುತ್ತದೆ. ಅಂತಹ ಒಂದು ಪರಿಹಾರವೆಂದರೆ ಬೆಳ್ಳಿ ಮತ್ತು ಗಂಗಾಜಲ.
 

ವಾಸ್ತವವಾಗಿ, ಚಂದ್ರ ಗ್ರಹಣ ಮುಗಿದ ನಂತರ, ಬೆಳ್ಳಿಯನ್ನು (silver) ಗಂಗಾಜಲದಿಂದ ಶುದ್ಧೀಕರಿಸಲಾಗುತ್ತದೆ. ಇದಕ್ಕಾಗಿಯೇ ಬೆಳ್ಳಿಯು ಚಂದ್ರನಿಗೆ ಸಂಬಂಧಿಸಿದೆ ಮತ್ತು ಚಂದ್ರನಲ್ಲೂ ಗ್ರಹಣ ಸಂಭವಿಸುತ್ತದೆ. ಹಾಗಾಗಿ ಬೆಳ್ಳಿಯನ್ನು ಶುದ್ಧಿಕರಿಸಿದರೆ ಚಂದ್ರನಿಗೆ ಒಳ್ಳೆಯದಾಗುತ್ತೆ ಎನ್ನಲಾಗುತ್ತೆ. 
 

ಬೆಳ್ಳಿಯನ್ನು ಶುದ್ಧೀಕರಿಸಿದ ನಂತರ, ಅದನ್ನು ಮನೆಯಲ್ಲಿ ಸುರಕ್ಷಿತವಾಗಿಡಬೇಕು. ಹೀಗೆ ಮಾಡೊದರಿಂದ, ಹಣಕಾಸಿನ ಸಮಸ್ಯೆಗಳು, ಸಾಲ ಮತ್ತು ಮನೆಯ ಹಣದ ಖರ್ಚಿನ ಸಮಸ್ಯೆ ನಿವಾರಣೆಯಾಗುತ್ತೆ ಮತ್ತು ಮನೆಯಲ್ಲಿ ಎಂದಿಗೂ ಹಣದ ಕೊರತೆ (financial problem) ಇರುವುದಿಲ್ಲ. 

ಇದನ್ನು ಮಾಡಲು ಒಂದು ಸರಳ ವಿಧಾನವಿದೆ, ಅದನ್ನು ಅನುಸರಿಸುವುದು ಅವಶ್ಯಕ ಏಕೆಂದರೆ ಆಗ ಮಾತ್ರ ಈ ಕ್ರಮವು ಫಲ ನೀಡುತ್ತದೆ. ನೀವು ಮಾಡಬೇಕಾಗಿರುವುದು ಎಲ್ಲಾ ಬೆಳ್ಳಿ ಸಾಮಾನು ಅಥವಾ ಬೆಳ್ಳಿಯ ತುಂಡನ್ನು ತೆಗೆದುಕೊಳ್ಳುವುದು. ಬೆಳ್ಳಿಯ ನಾಣ್ಯವನ್ನು ಸಹ ತೆಗೆದುಕೊಳ್ಳಬಹುದು. 
 

ನಂತರ, ಬೆಳ್ಳಿ ಅಥವಾ ನಾಣ್ಯವನ್ನು ಹಾಲು ಮತ್ತು ಗಂಗಾ ನೀರಿನಲ್ಲಿ ನೆನೆಸಿ ಗ್ರಹಣಕ್ಕೆ ಮೊದಲು ಚಂದ್ರನ ಬೆಳಕಿನಲ್ಲಿ ಇರಿಸಿ. ಇದರ ನಂತರ, ಗ್ರಹಣ ಪ್ರಾರಂಭವಾದಾಗ, ಆ ಪಾತ್ರೆಯನ್ನು ದೇವರ ಮುಂದೆ ಇರಿಸಿ. ನಂತರ ಗ್ರಹಣದ ನಂತರ ಬೆಳ್ಳಿಯನ್ನು ಸುರಕ್ಷಿತವಾಗಿ ತೆಗೆದಿರಿಸಿ.  
 

ಹೀಗೆ ಮಾಡುವುದರಿಂದ, ತಾಯಿ ಲಕ್ಷ್ಮಿಯ (Goddess Lakshmi) ಆಶೀರ್ವಾದವು ಮನೆಯಲ್ಲಿ ಉಳಿಯುವುದಲ್ಲದೆ, ಜಾತಕದಲ್ಲಿ ಚಂದ್ರನು ಬಲಶಾಲಿಯಾಗುತ್ತಾನೆ ಮತ್ತು ಜೀವನದಲ್ಲಿ ಶುಭವನ್ನು ನೀಡುತ್ತಾನೆ. ಅಲ್ಲದೆ, ಗ್ರಹಣದ ಅಡ್ಡಪರಿಣಾಮಗಳು ಕುಟುಂಬದ ಮೇಲೆ ಪರಿಣಾಮ ಬೀರುವುದಿಲ್ಲ. ಇದಲ್ಲದೆ, ಹಣದ ದೋಷಗಳು ಸಹ ದೂರವಾಗುತ್ತವೆ.