ಎಷ್ಟು ತಿಂದ್ರೂ ಹಸಿವು ಕಡಿಮೆಯಾಗ್ತಿಲ್ವಾ? ಯಾವುದೋ ಕೆಟ್ಟ ದೃಷ್ಟಿ ನಿಮ್ಮ ಮೇಲೆ ಬಿದ್ದಿರಬಹುದು!

ವೈಜ್ಞಾನಿಕ ಆಧಾರವನ್ನು ಹೊಂದಿರದ ಆದರೆ ಸೃಷ್ಟಿಯಲ್ಲಿ ಇನ್ನೂ ಅಸ್ತಿತ್ವದಲ್ಲಿರುವ ಅನೇಕ ವಿಷಯಗಳಿವೆ. ಅಂತಹ ಒಂದು ವಿಷಯವೆಂದರೆ ಕೆಟ್ಟ ದೃಷ್ಟಿ (Evil Eye). ಹೆಚ್ಚಿನ ಜನರಲ್ಲಿ ಈ ನಂಬಿಕೆ ಇದ್ದೆ ಇರುತ್ತೆ, ಕೆಟ್ಟ ದೃಷ್ಟಿ ನಿವಾರಿಸಲು ಅವರು ಏನೇನೋ ಮಾಡುತ್ತಿರುತ್ತಾರೆ. ಆ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿಯೋಣ.   

ಹಿಂದೂ ಆಗಿರಲಿ, ಮುಸ್ಲಿಂ, ಕ್ರೈಸ್ತ ಯಾವುದೇ ಧರ್ಮದವರಾಗಿರಲಿ. ಎಲ್ಲರಿಗೂ ಈ ಕೆಟ್ಟ ಶಕ್ತಿ ಇದೆ , ಕೆಟ್ಟ ದೃಷ್ಟಿಯಾಗುತ್ತೆ ಎನ್ನುವ ನಂಬಿಕೆ ಅಂತೂ ಇದೆ. ವೈಜ್ಞಾನಿಕ ಆಧಾರವನ್ನು (Scientific Reason) ಹೊಂದಿರದ ಆದರೆ ಸೃಷ್ಟಿಯಲ್ಲಿ ಇನ್ನೂ ಅಸ್ತಿತ್ವದಲ್ಲಿರುವ ಅನೇಕ ವಿಷಯಗಳಿವೆ. ಅಂತಹ ಒಂದು ವಿಷಯವೆಂದರೆ ಕೆಟ್ಟ ದೃಷ್ಟಿ (evil eye). ಕೆಟ್ಟ ದೃಷ್ಟಿಗೆ ಜಾನಪದ ನಂಬಿಕೆಗಳಲ್ಲಿ ಹೆಚ್ಚಿನ ಮಹತ್ವವಿದೆ. ಜ್ಯೋತಿಷ್ಯದಲ್ಲಿ ಸಹ ಈ ಬಗ್ಗೆ ಮಾಹಿತಿ ನೀಡಲಾಗಿದೆ. 

ಕೆಟ್ಟ ದೃಷ್ಟಿ ಇದೆ ಮತ್ತು ಅದು ಸಂಭವಿಸಿದಾಗ, ವ್ಯಕ್ತಿಯ ನಡವಳಿಕೆ ಮತ್ತು ಅವನ ದೇಹದಲ್ಲಿ ಬದಲಾವಣೆಗಳಾಗುತ್ತವೆ ಎಂದು ಜಾನಪದ ನಂಬಿಕೆ (Folk Beilef) ಹೇಳುತ್ತದೆ.  ಅದೇ ಸಮಯದಲ್ಲಿ, ಕೆಟ್ಟ ದೃಷ್ಟಿಯ ಮೊದಲ ಪರಿಣಾಮವು ವ್ಯಕ್ತಿಯ ಮನಸ್ಸಿನ ಮೇಲೆ ಬೀಳಲು ಪ್ರಾರಂಭಿಸುತ್ತದೆ ಎಂದು ಜ್ಯೋತಿಷ್ಯದಲ್ಲಿ ನಂಬಲಾಗಿದೆ. 

ಕೆಟ್ಟ ದೃಷ್ಟಿ ಎಂದರೆ ವ್ಯಕ್ತಿ ಕೆಲವು ನಕಾರಾತ್ಮಕ ಶಕ್ತಿಗೆ (negative energy) ಒಡ್ಡಿಕೊಳ್ಳುವುದು. ನಿಮ್ಮ ಮೇಲೆಯೂ ಕೆಟ್ಟ ದೃಷ್ಟಿ ಬಿದ್ದಿದೆ ಅನ್ನೋದನ್ನು ಸೂಚಿಸುವ ಕೆಲವು ಬದಲಾವಣೆಗಳು, ನಿಮ್ಮ ನಡವಳಿಕೆಯಲ್ಲಿ ಉಂಟಾಗುತ್ತೆ. ಅವುಗಳ ಬಗ್ಗೆ ತಿಳಿಯೋಣ. 

ನೀವು ಕೆಟ್ಟ ದೃಷ್ಟಿಯನ್ನು ಹೊಂದಿದ್ದರೆ, ಅದು ಹಸಿವಿನ ಮೇಲೆ ಪರಿಣಾಮ ಬೀರುತ್ತದೆ.
ಜ್ಯೋತಿಷ್ಯದಲ್ಲಿ ತಿಳಿಸಿರುವಂತೆ ಕೆಟ್ಟ ದೃಷ್ಟಿ ಇದ್ದರೆ, ಹಸಿವಿನ ಮೇಲೆ ಪರಿಣಾಮ ಬೀರುತ್ತದೆ. ವ್ಯಕ್ತಿ ಅಗತ್ಯಕ್ಕಿಂತ ಹೆಚ್ಚು ತಿನ್ನುತ್ತಾನೆ ಅಥವಾ ಹಸಿವನ್ನು (not getting hungry) ಸಂಪೂರ್ಣವಾಗಿ ಕಳೆದುಕೊಳ್ಳುತ್ತಾನೆ. ಕೆಟ್ಟ ದೃಷ್ಟಿ ಹೊಂದಿರುವ ವ್ಯಕ್ತಿಯ ಹಸಿವು ನಿಯಂತ್ರಿಸಲ್ಪಡುತ್ತದೆ ಎಂದು ನಂಬಲಾಗಿದೆ. 

ಕೆಟ್ಟ ದೃಷ್ಟಿಯನ್ನು ಹೊಂದಿದ ವ್ಯಕ್ತಿಯ ಆಲೋಚನೆಯ ಮೇಲೆ ಪರಿಣಾಮ ಬೀರುತ್ತದೆ  
ಕೆಟ್ಟ ದೃಷ್ಟಿ ಇದ್ದರೆ, ವ್ಯಕ್ತಿಯ ಯೋಚಿಸುವ ಮತ್ತು ಅರ್ಥಮಾಡಿಕೊಳ್ಳುವ ಸಾಮರ್ಥ್ಯ ಕಡಿಮೆಯಾಗಲು ಪ್ರಾರಂಭಿಸುತ್ತದೆ. 
ಒಬ್ಬ ವ್ಯಕ್ತಿಯು ಸರಳವಾದ ವಿಷಯವನ್ನು ಸಹ ಬಹಳ ಕಷ್ಟಕರವಾಗಿ ಅರ್ಥಮಾಡಿಕೊಳ್ಳಬಹುದು.
ಏಕೆಂದರೆ ನಕಾರಾತ್ಮಕತೆಯು(negativity)  ವ್ಯಕ್ತಿಯ ಮನಸ್ಸಿನಲ್ಲಿ ಪ್ರಾಬಲ್ಯ ಸಾಧಿಸಲು ಪ್ರಾರಂಭಿಸುತ್ತದೆ. 

ಮನಸ್ಸಿನ ಮೇಲೆ ಪರಿಣಾಮ ಬೀರುತ್ತದೆ
ಕೆಟ್ಟ ದೃಷ್ಟಿ ಯಾರ ಮೇಲೆ ಬಿದ್ದಿದೆಯೋ ಆ ವ್ಯಕ್ತಿಯ ಮನಸ್ಸು ಯಾವಾಗಲೂ ತೊಂದರೆಗೊಳಗಾಗುತ್ತದೆ.
ವ್ಯಕ್ತಿಯ ಮನಸ್ಸು ಖಿನ್ನತೆಗೆ ಒಳಗಾಗುತ್ತದೆ ಮತ್ತು ಅವನು ವಿಚಿತ್ರ ಭಯ ಅಥವಾ ಒಂಟಿತನದಿಂದ ಸುತ್ತುವರೆದಿರುತ್ತಾನೆ. 
ಕೆಟ್ಟ ಕಣ್ಣು ಇದ್ದರೆ, ವ್ಯಕ್ತಿಯ ಮನಸ್ಸು ಯಾವಾಗಲೂ ಆಲೋಚನೆಗಳ ಕತ್ತಲೆಯಲ್ಲಿ ಉಳಿಯಲು ಬಯಸುತ್ತದೆ.