ಬ್ಯಾಕ್‌ಲೆಸ್ ಬ್ಲೌಸ್, ಬ್ಲಾಕ್ ಸೀರೆಯಲ್ಲಿ ಮಿಂಚಿದ ಸಾರ, ಚುಮುಚುಮು ಚಳಿಯಲ್ಲಿ ಕ್ಲೀನ್ ಬೋಲ್ಡ್!

ಸಾರಾ ತೆಂಡೂಲ್ಕರ್ ಇತ್ತೀಚೆಗೆ ಹೆಚ್ಚು ಸುದ್ದಿಯಾಗಿರುವುದು ಕ್ರಿಕೆಟಿಗ ಶುಭಮನ್ ಗಿಲ್ ಜೊತೆಗಿನ ಡೇಟಿಂಗ್ ಉಹಾಪೋಹದಲ್ಲಿ. ಇವರಿಬ್ಬರು ಡೇಟ್ ಮಾಡುತ್ತಿದ್ದಾರೆ ಅನ್ನೋ ಮಾತುಗಳು ಬಲವಾಗಿ ಕೇಳಿಬಂದಿತ್ತು. ಇದೀಗ ಸಾರಾ ಹೊಸ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಸಾರಾ ತಮ್ಮ ಅಪ್ರತಿಮ ಸೌಂದರ್ಯ, ಸ್ಟೈಲಿಶ್ ಲುಕ್, ಫ್ಯಾಶನ್ ಡ್ರೆಸ್ ಮೂಲಕವೂ ಭಾರಿ ಗಮನಸೆಳೆದಿದ್ದಾರೆ. ಈ ಬಾರಿ ಸಾರಾ ಕಪ್ಪು ಬಣ್ಣದ ಸೀರೆಯಲ್ಲಿ ಕಂಗೊಳಿಸಿದ್ದಾರೆ.

ಬ್ಯಾಕ್‌ಲೆಸ್ ಬ್ಲೌಸ್, ಬ್ಲಾಕ್ ಸೀರೆ ಸಾರಾ ತೆಂಡೂಲ್ಕರ್ ಸೌಂದರ್ಯವನ್ನು ಮತ್ತಷ್ಟು ಹೆಚ್ಚಿಸಿದೆ. ಇದರೊಂದಿಗೆ ಕುಡಿ ನೋಟ, ಎಂತವರನ್ನೂ ಕ್ಲೀನ್ ಬೋಲ್ಡ್ ಮಾಡುವಂತಿದೆ.

ಸಾರಾ ಬ್ಲಾಕ್ ಸೀರೆ ಫೋಟೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡುತ್ತಿದ್ದಂತೆ ಮೆಚ್ಚುಗೆಗಳ ಸುರಿಮಳೆ ಬಂದಿದೆ. ಸಾರಾ ಸೌಂದರ್ಯ ಹಾಗೂ ಸೀರೆಯ ಲುಕ್‌ಗೆ ಮಾರು ಹೋಗಿದ್ದಾರೆ.

ಇತ್ತೀಚೆಗೆ ಸಾರಾ ಆಪ್ತರೊಂದಿಗೆ ಕ್ರಿಸ್ಮಸ್ ಪಾರ್ಟಿ ಸವಿ ಅನುಭವಿಸಿದ್ದರು. ಈ ಕುರಿತ ಫೋಟೋಗಳು ವೈರಲ್ ಆಗಿತ್ತು. ಆದರೆ ಇದೀಗ ಬ್ಲಾಕ್ ಸೀರೆ ಭಾರಿ ವೈರಲ್ ಆಗಿದೆ.
 

ಸಾರಾ ತೆಂಡೂಲ್ಕರ್ ತಮ್ಮ ಫ್ಯಾಶನ್ ಲುಕ್ ಮೂಲಕವೇ ಗಮನಸೆಳೆದಿದ್ದಾರೆ. ಪ್ರತಿ ಬಾರಿ ಸ್ಟೈಲಿಶ್ ಡ್ರೆಸ್ ಮೂಲಕ ಮಿಂಚು ಹರಿಸಿರುವ ಸಾರಾಗೆ ಅತೀ ದೊಡ್ಡ ಅಭಿಮಾನಿ ಬಳಗವೇ ಇದೆ.

ಐಸಿಸಿ ವಿಶ್ವಕಪ್ ಟೂರ್ನಿ ವೇಳೆ ಕ್ರಿಕೆಟಿಗ ಶುಭಮನ್ ಗಿಲ್ ಹಾಗೂ ಸಾರಾ ಡೇಟಿಂಗ್ ನಡೆಸುತ್ತಿದ್ದಾರೆ ಅನ್ನೋ ಸುದ್ದಿಗಳು ಜೋರಾಗಿ ಹರಿದಾಡಿತ್ತು. ಇದಕ್ಕೆ ಪೂರಕವಾಗಿ ಇವರಿಬ್ಬರ ಭೇಟಿ ಭಾರಿ ಸಂಚಲನ ಸೃಷ್ಟಿಸಿತ್ತು.
 

ಟೀಂ ಇಂಡಿಯಾ ಪಂದ್ಯದ ವೇಳೆ ಖುದ್ದು ಮೈದಾನದಲ್ಲಿ ಹಾಜರಾಗುವ ಮೂಲಕ ಸಾರಾ ತೆಂಡೂಲ್ಕರ್ ಗಾಳಿ ಸುದ್ದಿಗೆ ಮತ್ತಷ್ಟು ವೇಗ ನೀಡಿದ್ದರು. ಇವರಿಬ್ಬರ ಡೇಟಿಂಗ್ ಕುರಿತು ಯಾವುದೇ ಅಧಿಕೃತ ಮಾಹಿತಿಗಳು ಲಭ್ಯವಿಲ್ಲ.