ಹಿಂದೂ ಹುಡುಗಿಯನ್ನು ಮದುವೆಯಾಗಿ ಪ್ರೀತಿಗಾಗಿ ಧರ್ಮವನ್ನೇ ಮೀರಿದ ಕ್ರಿಕೆಟಿಗ!

ಟೀಮ್‌ ಇಂಡಿಯಾದ ಆಟಗಾರರ ಲವ್‌ಸ್ಟೋರಿಗಳು ಸಹ ಸಾಕಷ್ಟು  ಚರ್ಚೆಯಾಗುತ್ತವೆ. ಆದರೆ ಮೊಹಮ್ಮದ್ ಕೈಫ್ ತಮ್ಮ ಫ್ರೀತಿಯನ್ನು ಬಹಳ ರಹಸ್ಯವಾಗಿರಿಸಿದ್ದರು.

4 ವರ್ಷಗಳ ಕಾಲ ಪೂಜಾ ಯಾದವ್ ಎಂಬ ಹುಡುಗಿಯ ಜೊತೆ ಡೇಟಿಂಗ್ ಮಾಡಿದರು. ಬೇರೆ ಧರ್ಮದ ಹೊರತಾಗಿಯೂ, ಕೈಫ್ 26 ಮಾರ್ಚ್ 2011ರಂದು ಪೂಜಾರನ್ನು ವಿವಾಹವಾದರು.  

ಇವರಿಬ್ಬರ ಪ್ರೇಮಕಥೆ  ಕೆಲವು ಕಾಮನ್‌ ಫ್ರೆಂಡ್ಸ್‌ ಮೂಲಕ   ಪ್ರಾರಂಭವಾಯಿತು ಎಂದು ಹೇಳಲಾಗುತ್ತದೆ.  

ಒಂದು ಪಾರ್ಟಿಯಲ್ಲಿ, ಸ್ನೇಹಿತನೊಬ್ಬ ಕೈಫ್‌ನ್ನು ಪೂಜಾಗೆ ಪರಿಚಯಿಸಿದರು ಮತ್ತು ಪೂಜಾಳ ಚೆಲುವಿಗೆ  ಕೈಫ್‌ ಸೋತರು.  ಇಬ್ಬರ ಸ್ನೇಹ ಪ್ರಾರಂಭವಾಯಿತು.

ಇದರ ನಂತರ, ಆಗಾಗ್ಗೆ ಈ ಇಬ್ಬರು ಭೇಟಿಯಾಗಬೇಕಾಯಿತು ಮತ್ತು ಶೀಘ್ರದಲ್ಲೇ ಇಬ್ಬರೂ ಪ್ರೀತಿಯಲ್ಲಿ  ಬಿದ್ದರು  4 ವರ್ಷಗಳ ನಂತರ, ಇಬ್ಬರು ಪರಸ್ಪರ ಮದುವೆಯಾಗಲು ನಿರ್ಧರಿಸಿದ ಈ ಜೋಡಿಗೆ ಈಗ  ಇಬ್ಬರು ಮಕ್ಕಳಿದ್ದಾರೆ.

ಮೊಹಮ್ಮದ್ ಕೈಫ್ 2002 ರಿಂದ 2006 ರವರೆಗೆ ಭಾರತೀಯ ತಂಡದ ಭಾಗವಾಗಿದ್ದರು.

2002ರಲ್ಲಿ ನಡೆದ ನೆಟ್‌ವರ್ಕ್ ಸರಣಿಯ ಅಂತಿಮ ಪಂದ್ಯದಲ್ಲಿ  ಅಜೇಯ 87 ರನ್ ಗಳಿಸಿ ಭಾರತಕ್ಕೆ ಐತಿಹಾಸಿಕ ಗೆಲುವು ತಂದು ಕೊಡುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.

ತಮ್ಮ ಕ್ರಿಕೆಟ್ ವೃತ್ತಿಜೀವನದಲ್ಲಿ ಕೈಫ್ ಭಾರತಕ್ಕಾಗಿ 125 ಏಕದಿನ ಪಂದ್ಯಗಳನ್ನು ಆಡಿದ್ದು, 2753 ರನ್ ಗಳಿಸಿದ್ದಾರೆ. ಕೈಫ್ ಭಾರತಕ್ಕಾಗಿ 13 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಇವರನ್ನು ಟೀಮ್‌ ಇಂಡಿಯಾದ ಬೆಸ್ಟ್  ಫೀಲ್ಡರ್‌ಗಳಲ್ಲಿ ಒಬ್ಬರೆಂದು ಪರಿಗಣಿಸಲಾಗಿದೆ. 

ಕೈಫ್ 2006 ರಲ್ಲಿ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ ತಮ್ಮ ಕೊನೆಯ ಅಂತಾರಾಷ್ಟ್ರೀಯ ಪಂದ್ಯವನ್ನು ಆಡಿದರು.