IPL 2021 - ಅದ್ಭುತ ಆಟದ ಮೂಲಕ ರೆಕಾರ್ಡ್ ಮಾಡಿದ ಆಟಗಾರರು ಇವರು!
ಭಾರತದಲ್ಲಿ ಹೆಚ್ಚಿದ ಕೊರೋನಾ ವೈರಸ್ ಸೋಂಕಿನ ಕೇಸ್ಗಳನ್ನು ಪರಿಗಣಿಸಿ, ಐಪಿಎಲ್ 2021 ಅನ್ನು ಮುಂದೂಡಲಾಗಿದೆ, ಆದರೆ ನೆಡೆದ ಪಂದ್ಯಗಳಷ್ಟು ಫ್ಯಾನ್ಸ್ಗೆ ಭಾರಿ ಮನರಂಜನೆಯನ್ನು ಒದಗಿಸಿದೆ. ಈ ಸಮಯದಲ್ಲಿ ಕೆಲವು ಆಟಗಾರರು ತಮ್ಮ ಅದ್ಭುತ ಪ್ರದರ್ಶನದ ಮೂಲಕ ಎಲ್ಲರಿಗೂ ಆಶ್ಚರ್ಯ ಉಂಟುಮಾಡಿದ್ದಾರೆ. ಈ ಬಾರಿಯ ಐಪಿಎಲ್ ಟೂರ್ನಿಮೆಂಟ್ನಲ್ಲಿ ಅಸಾಧಾರಣ ರೆಕಾರ್ಡ್ ಮಾಡಿದ ಕೆಲವು ಆಟಗಾರರು ಇವರು.
ಹರ್ಷಲ್ ಪಟೇಲ್:
ಆರ್ಸಿಬಿ ಟೀಮ್ನ ವೇಗದ ಬೌಲರ್ ಹರ್ಷಲ್ ಪಟೇಲ್ 9 ನೇ ಏಪ್ರಿಲ್ನಲ್ಲಿ ಆಡಿದ ಮೊದಲ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ನ ಅರ್ಧ ತಂಡವನ್ನು ಪೆವಿಲಿಯನ್ಗೆ ಕಳುಹಿಸಿದ್ದಾರೆ. ಅವರ ಅತ್ಯುತ್ತಮ ಬೌಲಿಂಗ್ ಕಾರಣ, ಬೆಂಗಳೂರು ತಂಡ ಕಳೆದ ವರ್ಷದ ಚಾಂಪಿಯನ್ ಮುಂಬೈ ಅನ್ನು ಮೊದಲ ಪಂದ್ಯದಲ್ಲಿ ಸೋಲಿಸಿತು. 4 ಓವರ್ಗಳಲ್ಲಿ ಹರ್ಷಲ್ 27 ರನ್ ನೀಡಿ 5 ವಿಕೆಟ್ಗಳನ್ನುಪಡೆದುಕೊಂಡರು.
ಸಂಜು ಸ್ಯಾಮ್ಸನ್:
ಏಪ್ರಿಲ್ 12 ರಂದು ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಕ್ಯಾಪ್ಟನ್ ಇನ್ನಿಂಗ್ಸ್ ಆಡಿ ಮೆಚ್ಚುಗೆ ಗಳಿಸಿದರು. ರಾಜಸ್ಥಾನ ರಾಯಲ್ಸ್ ಸಂಜು ಸ್ಯಾಮ್ಸನ್. ಓಪನ್ ಮಾಡಿ ಅಧಿಕ ರನ್ ಗಳಿಸಿದ ಕ್ಯಾಪ್ಟನ್ ಇವರು ಎನ್ನುವ ಕೀರ್ತಿಗೆ ಗುರಿಯಾದರು. ಈ ಇನ್ನಿಂಗ್ಸ್ನಲ್ಲಿ ಅವರು 119 ರನ್ಗಳನ್ನು ಗಳಿಸಿದರು. ದೆಹಲಿ ಕ್ಯಾಪ್ಟನ್ ಶ್ರೇಯಾಸ್ ಅಯ್ಯರ್ 2018 ರಲ್ಲಿ 93 ರನ್ ಗಳಿಸಿದರು.
ಕಿರೊನ್ ಪೊಲಾರ್ಡ್:
ಮುಂಬಯಿ ಇಂಡಿಯನ್ಸ್ನ ಕಿಯೋನ್ ಪೊಲಾರ್ಡ್ ಮೇ 1 ರಂದು ಸಿಎಸ್ಕೆ ವಿರುದ್ಧ ಅದ್ಭುತ ಇನ್ನಿಂಗ್ಸ್ ಆಡಿದರು. ಅವರು 34 ಎಸೆತಗಳಲ್ಲಿ ಅಜೇಯ 87 ರನ್ ಬಾರಿಸಿದರು. ಈ ಮ್ಯಾಚ್ನಲ್ಲಿ 6 ಬೌಂಡರಿ ಮತ್ತು 8 ಸಿಕ್ಸರ್ಗಳನ್ನು ಹೊಡೆದರು.
ಎಬಿ ಡಿ ವಿಲಿಯರ್ಸ್ :
ಆರ್ಸಿಬಿ ತಂಡದ ಎಬಿ ಡಿ ವಿಲಿಯರ್ಸ್ ಈ ಋತುವಿನಲ್ಲಿ 5 ನೇ ಸ್ಥಾನದಲ್ಲಿ ಬ್ಯಾಟ್ ಮಾಡಿದ್ದರು. ಅವರು ಏಪ್ರಿಲ್ 18 ರಂದು ಕೋಲ್ಕತಾ ನೈಟ್ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ 34 ಎಸೆತಗಳಲ್ಲಿ 76 ರನ್ಳನ್ನು ಗಳಿಸಿದರು. ಈ ಪಂದ್ಯದಲ್ಲಿ 9 ಬೌಂಡರಿ ಮತ್ತು 3 ಸಿಕ್ಸರ್ಗಳನ್ನು ಹೊಡೆದರು. ಡಿ ವಿಲ್ಲಿಯರ್ಸ್ 20 ನೇ ಓವರ್ನಲ್ಲಿ ಮೂರು ಬೌಂಡರಿ ಮತ್ತು ಒಂದು ಸಿಕ್ಸ್ ಮೂಲಕ 21 ರನ್ಗಳನ್ನು ಗಳಿಸಿದರು.
ರವೀಂದ್ರ ಜಡೇಜಾ:
ಏಪ್ರಿಲ್ 26 ರಂದು RCB ವಿರುದ್ಧ ಆಡಿದ ಪಂದ್ಯದಲ್ಲಿ CSK ತಂಡದ ರವೀಂದ್ರ ಜಡೇಜಾ ಒಂದು ಔವರ್ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ರೆಕಾರ್ಡ್ ಮಾಡಿದ್ದಾರೆ. ಆರ್ಸಿಬಿ ವಿರುದ್ಧದ ಮ್ಯಾಚ್ನ ಕೊನೆಯ ಓವರ್ನಲ್ಲಿ 37 ರನ್ಗಳನ್ನು ಗಳಿಸಿದರು. 20ನೇ ಔವರ್ನಲ್ಲಿ 6,6,6,2,6,6,4, ಬಾರಿಸಿದ್ದರು. ಈ ಮ್ಯಾಚ್ನಲ್ಲಿ ಅವರು ಗಳಿಸಿದ್ದು 28 ಎಸೆತಗಳಲ್ಲಿ 62 ರನ್.
ಪೃಥ್ವಿ ಷಾ:
ದೆಹಲಿ ಕ್ಯಾಪಿಟಿಲ್ಸ್ ತಂಡದ ಪೃಥ್ವಿ ಷಾ 6 ಬಾಲಿನಲ್ಲಿ 6 ಬೌಂಡರಿಗಳನ್ನು ಹೊಡೆದು ರೆಕಾರ್ಡ್ ಮಾಡಿದ್ದಾರೆ.
ಹರ್ಪ್ರೀತ್ ಬರಾರ್:
ಪಂಜಾಬ್ ಕಿಂಗ್ಸ್ನ ಸ್ಪಿನ್ನರ್ ಹರ್ಪ್ರೀತ್ ಬರಾರ್ ರಾಯಲ್ ಚಾಲೆಂಜರ್ಸ್ ವಿರುದ್ಧ 3 ನಿರ್ಣಾಯಕ ವಿಕೆಟ್ಗಳನ್ನು ತೆಗೆದುಕೊಂಡರು. ಕ್ಯಾಪ್ಟನ್ ವಿರಾಟ್ ಕೊಹ್ಲಿ, ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ಎಬಿ ಡಿ ವಿಲಿಯರ್ಸ್ ಅವರನ್ನು ಔಟ್ ಮಾಡಿದರು.