ರಾತ್ರಿ ನಿದ್ದೆ ಬರಬೇಕಂದ್ರೆ ನಟ ನಾಗಾರ್ಜುನ ಇದನ್ನೇ ತಿನ್ನಬೇಕಂತೆ: ಅಕ್ಕಿನೇನಿ ಫ್ಯಾಮಿಲಿಯ ಫೇವರೆಟ್ ಫುಡ್ ಇದೇನಾ?

ಟಾಲಿವುಡ್‌ನ ಸೀನಿಯರ್ ಹೀರೋಗಳಲ್ಲಿ ಕಿಂಗ್ ನಾಗಾರ್ಜುನ ಕೂಡ ಒಬ್ಬರು. ಒಂದು ಕಾಲದಲ್ಲಿ ತೆಲುಗು ಸಿನಿಮಾರಂಗಕ್ಕೆ ನಾಲ್ಕು ಸ್ತಂಭಗಳಂತೆ ನಿಂತವರಲ್ಲಿ ಚಿರಂಜೀವಿ, ಬಾಲಯ್ಯ, ವೆಂಕಟೇಶ್ ಜೊತೆಗೆ ನಾಗಾರ್ಜುನ್ ಕೂಡ ಒಬ್ಬರು. ಟಾಲಿವುಡ್‌ನಲ್ಲಿರುವ ದೊಡ್ಡ ಸಿನಿಮಾ ಕುಟುಂಬಗಳಲ್ಲಿ ಅಕ್ಕಿನೇನಿ ನಾಗಾರ್ಜುನ್ ಕುಟುಂಬ ಕೂಡ ಒಂದು. 

ಅಕ್ಕಿನೇನಿ ಪರಂಪರೆಯನ್ನು ಮುಂದುವರೆಸಿಕೊಂಡು ಚಿತ್ರರಂಗದಲ್ಲಿ ತಾರೆಯಾಗಿ ಮಿಂಚುತ್ತಾ, ನಾಗೇಶ್ವರ ರಾವ್ ಅವರ ಪರಂಪರೆಯನ್ನು ಉಳಿಸಿಕೊಂಡು ನಾಗಾರ್ಜುನ ಮುಂದುವರೆಸಿದರು. ಆದರೆ ನಾಗಾರ್ಜುನ್ ನಂತರ ಅವರ ಪರಂಪರೆಯನ್ನು ಮುಂದುವರೆಸಲು ಬಂದ ನಾಗಚೈತನ್ಯ ಹಾಗೂ ಅಖಿಲ್ತಾ ರೆಯರಾಗಲು ಸಾಧ್ಯವಾಗುತ್ತಿಲ್ಲ. ಎಷ್ಟೇ ಪ್ರಯತ್ನಿಸಿದರೂ ಈ ಇಬ್ಬರು ಮಕ್ಕಳು ಚಿತ್ರರಂಗದಲ್ಲಿ ಒಂದು ಹಂತದಲ್ಲಿ ನಿಲ್ಲಿಸಲು ನಾಗಾರ್ಜುನ್‌ಗೆ ಸಾಧ್ಯವಾಗಲಿಲ್ಲ. ನಾಗಚೈತನ್ಯ ಹೇಗೋ ಸ್ಟಾರ್ ಡಮ್ ಪಡೆದರು. ಆದರೆ ಅಖಿಲ್ ಮಾತ್ರ ನಾಯಕನಾಗಿ ಯಾವುದೇ ರೀತಿಯಲ್ಲೂ ನೆಲೆನಿಲ್ಲಲು ಸಾಧ್ಯವಾಗುತ್ತಿಲ್ಲ. ಇಲ್ಲಿಯವರೆಗೆ ಅವರು ನಟಿಸಿದ ಯಾವುದೇ ಚಿತ್ರಗಳು ಹಿಟ್ ಆಗಿಲ್ಲ.

ಇನ್ನು ಅಕ್ಕಿನೇನಿ ನಾಗಾರ್ಜುನ್ ಅವರ ಆಹಾರ ಪದ್ಧತಿಗೆ ಸಂಬಂಧಿಸಿದ ಒಂದು ಸುದ್ದಿ ಇದೀಗ ವೈರಲ್ ಆಗುತ್ತಿದೆ. ಅದರಲ್ಲಿ ನಾಗಾರ್ಜುನ್ ರಾತ್ರಿ ಎಂದಿಗೂ ಮಿಸ್ ಮಾಡದೆ ತಿನ್ನುವ ಒಂದು ಆಹಾರದ ಬಗ್ಗೆ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಅದೇನೆಂದರೆ. ನಾಗಾರ್ಜುನ್ ರಾತ್ರಿ ಮಿಸ್ ಮಾಡದೆ ಐಸ್ ಕ್ರೀಮ್ ತಿನ್ನುತ್ತಾರಂತೆ. ಅದನ್ನು ತಿನ್ನದೆ ಅವರು ನಿದ್ದೆಯೆ ಮಾಡುವುದಿಲ್ಲವಂತೆ. ಈ ವಿಷಯವನ್ನು ಅವರು ಸಂದರ್ಶನವೊಂದರಲ್ಲಿ ಸ್ವತಃ ಬಹಿರಂಗಪಡಿಸಿದ್ದಾರೆ.

ನಾನು ಪ್ರತಿದಿನ ರಾತ್ರಿ ಖಂಡಿತವಾಗಿಯೂ ಐಸ್ ಕ್ರೀಮ್ ತಿನ್ನುತ್ತೇನೆ. ಅದನ್ನು ತಿನ್ನದೆ ನಾನು ಮಲಗುವುದಿಲ್ಲ. ಅಷ್ಟೇ ಅಲ್ಲ ನಾಗಾರ್ಜುನ್ ಜೊತೆಗೆ ಅವರ ಮನೆಯಲ್ಲಿ ಅವರ ಕುಟುಂಬದವರಿಗೂ ಕೂಡ ಅಂತಹ ಫೇವರಿಟ್ ಫುಡ್ ಯಾವುದು ಎಂದರೆ ಐಸ್ ಕ್ರೀಮ್ ಎಂಬ ಉತ್ತರ ಬರುತ್ತದೆ. ಒಮ್ಮೆ ನಟ ಶರ್ವಾನಂದ್, ಅಖಿಲ್ ಜೊತೆಗೆ ಅಮಲ ಅವರನ್ನು ಸಂದರ್ಶಿಸಿದ್ದರು. ಈ ಸಂದರ್ಶನದಲ್ಲಿ ನಿಮಗೆ ಫೇವರಿಟ್ ಫುಡ್ ಯಾವುದು ಎಂದು ಕೇಳಿದಾಗ, ಅಖಿಲ್ ಜೊತೆಗೆ ಅಮಲ ಕೂಡ ಐಸ್ ಕ್ರೀಮ್ ಎಂದಿದ್ದರು. ಆಗ ಕುಟುಂಬ ಸಮೇತ ಎಲ್ಲರೂ ಐಸ್ ಕ್ರೀಮ್ ತಿಂದು ಬದುಕುತ್ತಿದ್ದಾರಾ ಎಂದು ಶರ್ವಾನಂದ್ ತಮಾಷೆ ಮಾಡಿದ್ದರು. ಈ ರೀತಿ ನಾಗಾರ್ಜುನ್ ಮನೆಯಲ್ಲಿ ಐಸ್ ಕ್ರೀಮ್‌ಗೆ ಅಷ್ಟೊಂದು ವಿಶೇಷತೆ ಇದೆ. 

ಸದ್ಯ ಅಕ್ಕಿನೇನಿ ನಾಗಾರ್ಜುನ್  65 ವರ್ಷ ವಯಸ್ಸಿನಲ್ಲೂ ಚುರುಕಾಗಿ ಮುಂದುವರೆದಿದ್ದಾರೆ. ಅದೇ ಫಿಟ್‌ನೆಸ್‌ನೊಂದಿಗೆ ಹ್ಯಾಂಡ್ಸಮ್ ಹೀರೋ ಆಗಿ ಸಿನಿಮಾರಂಗದಲ್ಲಿದ್ದಾರೆ. ಪ್ರಸ್ತುತ ಬಿಗ್ ಬಾಸ್ ತೆಲುಗು ಸೀಸನ್ 8 ಅನ್ನು ನಡೆಸಿಕೊಡುತ್ತಿರುವ ನಾಗಾರ್ಜುನ ಕಾಲಿವುಡ್‌ನ ನಟ ಧನುಷ್ ಹಾಗೂ ಸೂಪರ್ ಸ್ಟಾರ್ ರಜಿನಿಕಾಂತ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.