ಮದುವೆ ಕುರಿತು ತುಟಿ ಬಿಚ್ಚಿದ ತಮನ್ನಾ, ಬಾಯ್‌ಫ್ರೆಂಡ್ ವಿಜಯ್ ವರ್ಮಾಗೆ ನಿರಾಸೆ!

ನಟ ವಿಜಯ್ ವರ್ಮ ಜೊತೆ ಪ್ರೀತಿಯಲ್ಲಿ ಪ್ರಣಯ ಹಕ್ಕಿಗಳಂತೆ ಹಾರಾಡುತ್ತಿರುವ ನಟಿ ತಮನ್ನಾ, ಮದುವೆ ಬಗ್ಗೆ ಮಾತ್ರ ಬಾಯಿ ಬಿಡುತ್ತಿಲ್ಲ. ಇದೀಗ ತಮ್ಮ ಮದುವೆ ಬಗ್ಗೆ ಪ್ರಿಯಕರನಿಗೆ ಶಾಕ್ ನೀಡಿದ್ದಾರಂತೆ ಈ ಮಿಲ್ಕ್ ಬ್ಯೂಟಿ. ಏನದು ವಿಷಯ ಅಂತೀರಾ..?  

ಫಿಲ್ಮ್ ಇಂಡಸ್ಟ್ರೀಯಲ್ಲಿರುವ ಮೋಸ್ಟ್ ಎಲಿಜಿಬಲ್ ಹೀರೋಯಿನ್ ಗಳಲ್ಲಿ ತಮನ್ನಾ ಕೂಡ ಒಬ್ಬರು. 35 ವರ್ಷಕ್ಕೆ ಕಾಲಿಟ್ಟ ಈ ಚೆಲುವೆ ಇನ್ನೂ ಮದುವೆ ಆಗಿಲ್ಲ. ಆದರೆ ನಟ ವಿಜಯ್ ವರ್ಮಾ ಜೊತೆ ಪ್ರೀತಿಯಲ್ಲಿ ಬಿದ್ದಿದ್ದಾರೆ ಎನ್ನಲಾಗುತ್ತಿದೆ.  ವಿಜಯ್ ವರ್ಮಾ ಹಾಗೂ ತಮನ್ನಾ ಹಲವು ವೇದಿಕೆಗಳಲ್ಲಿ ಜೊತೆಯಾಗಿ ಕಾಣಿಸಿಕೊಂಡಿದ್ದಾರೆ. ಇವರ ಪ್ರೀತಿ ವಿಚಾರ ರಹಸ್ಯವಾಗಿ ಉಳದಿಲ್ಲ.

ಸಾಕಷ್ಟು ದಿನಗಳ ಕಾಲ ಸೀಕ್ರೆಟ್ ಆಗಿ ಲವ್ ಮಾಡ್ತಿದ್ದ ಈ ಜೋಡಿ, ಇತ್ತೀಚೆಗೆ ತಮ್ಮ ಸಂಬಂಧವನ್ನು ಬಹಿರಂಗ ಪಡಿಸಿದರು. ಇಬ್ಬರು ಒಟ್ಟಿಗೆ ಸುತ್ತಾಡಿ, ಖುಷಿಯಾಗಿ ರಿಲೇಷನ್ ಶಿಪ್ ಮುಂದುವರೆಸುತ್ತಿದ್ದಾರೆ. ಆದರೆ ಮದುವೆ ಬಗ್ಗೆ ಮಾತ್ರ ಇದುವರೆಗೂ ಯಾವುದೇ ಅಧಿಕೃತ ಹೇಳಿಕೆ ನೀಡಿಲ್ಲ. ಈ ವರ್ಷ ಮದುವೆ ಆಗಬಹುದು ಎಂಬ ಗಾಳಿ ಸುದ್ದಿ ಹಬ್ಬಿತ್ತು. ಆದರೆ ಅದು ಕೇವಲ ವದಂತಿಯಾಗಿತ್ತು. 

ಮದುವೆ ಬಗ್ಗೆ ಮಾಧ್ಯಮಗಳು ಹಲವು ಬಾರಿ ತಮನ್ನಾ ಮತ್ತು ವಿಜಯ್ ಅವರನ್ನು ಮದುವೆ ಕುರಿತು ಪ್ರಶ್ನಿಸಿದ್ದರು.. ಆದರೆ ಅವರಿಬ್ಬರು ಯಾವುದಕ್ಕೂ ಸ್ಪಷ್ಟ ಉತ್ತರ ನೀಡಲಿಲ್ಲ.  ಇದೀಗ ತಮನ್ನಾ ತಮ್ಮ ಪ್ರಿಯಕರ ವಿಜಯ್ ಗೆ ಶಾಕ್ ನೀಡಿದ್ದಾರೆ ಎನ್ನಲಾಗುತ್ತಿದೆ. ಮದುವೆ ಬಗ್ಗೆ ಅವರ ಉತ್ತರ ವಿಚಿತ್ರವಾಗಿದೆ ಎನ್ನಲಾಗುತ್ತಿದೆ. 

ಇತ್ತೀಚೆಗೆ ನಡೆದ ಕಾರ್ಯಕ್ರಮವೊಂದರಲ್ಲಿ ಮದುವೆ ಬಗ್ಗೆ ಪ್ರಶ್ನೆ ಎದುರಾದಾಗ ತಮನ್ನಾ ಆಸಕ್ತಿದಾಯಕ ಉತ್ತರ ನೀಡಿದ್ದಾರೆ. ಪ್ರಸ್ತುತ ತಮಗೆ ಮದುವೆ ಆಗುವ ಮೂಡ್ ಇಲ್ಲ ಎಂದು ಹೇಳಿದ್ದಾರೆ. ಸಮಯ ಬಂದಾಗ ನೋಡೋಣ ಎಂದಿದ್ದಾರೆ. ಇತ್ತ ಮದುವೆಗೆ ಸಜ್ಜಾಗುತ್ತಿರುವ ವಿಜಯ್ ವರ್ಮಾಗೆ  ತಮನ್ನಾ ನೀಡಿದ ಹೇಳಿಕೆ ತೀವ್ರ ನಿರಾಸೆ ಮೂಡಿಸಿದೆ ಎಂದು ಹೇಳಲಾಗುತ್ತಿದೆ. 

ಕಳೆದ ಎರಡೂವರೆ ವರ್ಷಗಳಿಂದ ವಿಜಯ್ ವರ್ಮ ಮತ್ತು ತಮನ್ನಾ ಪ್ರೀತಿಸುತ್ತಿದ್ದಾರೆ. ಇಬ್ಬರು ಪರಸ್ಪರ ಚೆನ್ನಾಗಿ ಅರ್ಥ ಮಾಡಿಕೊಂಡಿದ್ದಾರೆ. ಆದರೆ ಮದುವೆ ಬಗ್ಗೆ ಮಾತ್ರ ತಮನ್ನಾ ಏಕೆ ಹಿಂದೇಟು ಹಾಕುತ್ತಿದ್ದಾರೆ ಎಂಬುದು ಯಾರಿಗೂ ಅರ್ಥವಾಗುತ್ತಿಲ್ಲ.  ಇದೇ ವೇಳೆ ವಿಜಯ್ ವರ್ಮಾ ಮದುವೆಗೆ ತಯಾರಾಗಿದ್ದರೂ ತಮನ್ನಾ ಮಾತ್ರ ಸದ್ಯಕ್ಕಿಲ್ಲ ಎಂದೇ ಮುಂದೂಡುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. 

ಇನ್ನು ಕೆರಿಯರ್ ವಿಚಾರಕ್ಕೆ ಬಂದರೆ, ಹೊಸ ಹೀರೋಯಿನ್ ಗಳ ಎಂಟ್ರಿಯಿಂದಾಗಿ ಸ್ಟಾರ್ ಹೀರೋಗಳು ತಮನ್ನಾ ಅವರನ್ನು ಕಡೆಗಣಿಸುತ್ತಿದ್ದಾರೆ. ಹೀಗಾಗಿ ತಮನ್ನಾ ಸೀನಿಯರ್ ಹೀರೋಗಳ ಜೊತೆ ನಟಿಸುತ್ತಿದ್ದಾರೆ. ಸೌತ್ ಮತ್ತು ನಾರ್ತ್ ನಲ್ಲಿ ಸಿನಿಮಾ, ವೆಬ್ ಸೀರಿಸ್ ಗಳ ಜೊತೆಗೆ ಐಟಂ ಸಾಂಗ್ ಗಳನ್ನು ಸಹ ಮಾಡುತ್ತಿದ್ದಾರೆ. 

ತೆಲುಗಿನಲ್ಲಿ ಅಶೋಕ್ ತೇಜ ನಿರ್ದೇಶನದ ಸೂಪರ್ ನ್ಯಾಚುರಲ್ ಥ್ರಿಲ್ಲರ್ ಚಿತ್ರ 'ಓದೆಲ 2' ರಲ್ಲಿ ತಮನ್ನಾ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಮಧು ಕ್ರಿಯೇಷನ್ಸ್ ಮತ್ತು ಸಂಪತ್ ನಂದಿ ಟೀಮ್ ವರ್ಕ್ಸ್ ಬ್ಯಾನರ್ ನಡಿ ನಿರ್ಮಾಣವಾಗುತ್ತಿರುವ ಈ ಚಿತ್ರ ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ.